Mar 13 | EkySCThai | STEP | เบ๊อะเหย่ซู่ เถ่จว๊าแก เด๊อเตหลู่แตโฮกู วีกู เบ๊อะเนอ, อา โคเจ่ เตเพร เฮ๊ ลู เน๊อ, “ซ๊าร๋า เน แม๊มอ หล่อดุ เร๊อ หี่ดุหี่ทู เด๊อ เนอเต๊เห่ เล๊, อาตว่า แหน่เจ๊อ!”

Mark 13

เมตาพรอแก เตหลู่แตโฮ อาหรี่อาแก

(มัทธิว ๒๔:๑-๒, ลูกา ๒๑:๕-๖)

1 เบ๊อะเหย่ซู่ เถ่จว๊าแก เด๊อเตหลู่แตโฮกู วีกู เบ๊อะเนอ, อา โคเจ่ เตเพร เฮ๊ ลู เน๊อ, “ซ๊าร๋า เน แม๊มอ หล่อดุ เร๊อ หี่ดุหี่ทู เด๊อ เนอเต๊เห่ เล๊, อาตว่า แหน่เจ๊อ!”

2 เร๊อ เหย่ซู่ เฮ๊ฉื่อ ลู เน๊อ, “หี่ดุหี่ทูตว่า เด๊อเนอ เต๊เห่เนอ, ซี แม๊เถอะ แว เฮ๊? ล๋อ หล่อดุ เนอเต๊เห่เนอ อู เก่ แฮด่อ ตาพรอแก ลอ อา ปา. หล่อ เออเนอเต๊เห่เนอ อา โอ่จิจือ ปา เจ๊อ ลู เตเม๋ เจ๊อ โต่ ปา.”

เตแป่เตเช เร๊อ เตเมจาเมจือ

(มัทธิว ๒๔:๓-๑๔, ลูกา ๒๑:๗-๑๙)

3 เบ๊อะเหย่ซู่ โอ่แนโอ่ เด๊อ โต๊โฉ่โฉ่ขุ เร๊อ อา แม๊จว๊า ช๊าเน๊ เด๊อ เตหลู่แตโฮ โอ่ เบ๊อะเนอ, คูเปโตร, คูยากอบ, คูยอห์น, คูอันดรูว์, แฮ เด๊อ ลูโอ่ เร๊อ แด๊เฮอ ลู เนอ, 4 “เน เฮ๊ เออเนอเต๊เห่เนอ อา เก่ ทวาแถ่ เบ๊อะเกเตปา? เบ๊อะล๋อ เตเออเต๊เห่ เตเร ทวาแถ่ โทปลื๊อลอเฮ๊อ ปาเนอ อาทวาแถ่โค๊ตีกลี๊ อาม๊าอาแด เต๊อเจ่อเจ่อ เก่ โอ่โลแถ่ เหร่อ ปา แอ?”

5 เหย่ซู่ เฮ๊ เหย่ซี เน๊อ, “รอหนิ แลแค ซีเหน่ เร๊อ แกแย เด๊อ อา เก่ แฮ อี๊ลอแลโฮ ซี ปา เนอเต๊เห่ นี๋. 6 แกแย โอ่โร๊ลู เก่ อากลว่าแฮ อาเหน่ แซ่เน๊อ แว เนอ ปา. เร๊อ อา เก่ แด๊กว๊า แลโฮ ลอ เกอเร๊อ แลแค อาเหน่ เน๊อ, ‘แว หม่า ครี๊ เด๊อ อา เมแลเปล๊กา อู เนอเตเพร’ โทเรอ อา เก่ อิลอแลโฮหนิ อาเอ๊แหน่แหน่เจ๊อ อู ปา. 7 เบ๊อะซี หนิโฮ อู ช๊าปายเอ่ ลู เด๊อ อาผื่อ เบ่เบ่, ซี หนิโฮ อู แด๊ เป ซี เตช๊าเตปาลู อาหรี่อาแก เด๊อ อายา เต๊เห่เนอ เบ่เบ่, ซิอิเช แลแค แต่เหม่ นี๋. เมเตเฮ๊เรอ ฮู๊เออ เต๊เห่ เนอหมา อา เบ่ ทวาแถ่ แหน่ ปา, หม่าแน๊เรอ เออเนอหม่า เห่ขุ เตเร ตื๊อดื่อ เฮ๊อเนอ หม่าล๋ายโต่. 8 เมเตเฮ๊เรอ แกแยเมวเจอะ เร๊อ เมวเจอะ, เทอเก่ เต๊เก่ เร๊อ เต๊เก่ช่ายปายเอ่ ลู ปา. เตเน่วท๊อดี เต๊เห่ อา โอ่แถ่โท โอ่แถ่แล ลอปลี เด๊อ เห่ขุเออ โต๊โผ่ โท โต๊โผ่ ปา. โอ่วีโอ่กอ อา โอ่แถ่ ปา. เตทวาแถ่ เออเต๊เห่ เนอหมา หม่าปาแพ๊ เตจาเตจือ อา แกช๊าแกแร เด๊อ อาแซ่เน๊อ เพรเหมาะ เตเร พู๊โอ่ อาเชฮ๊อเนอ อาตื๊อเช ปาแพ๊.

9 “ซี เบ่ รอหนิ แลแค ซีเหน่. เด๊อ แวขว่าแวคยา เร๊อ อู อา ปื่อ ซี ปา, เร๊อ อู เก่ ซูแถ่ ซี เด๊อ เพรเฮ๊เบ่เมโตเต เด๊อ ทวาดุทวาเต เต๊เห่ อา เป๊เส่เง ปา. อู เก่ มือปอ ซี เด๊อ เตจ๊อเบโฮกู ปา. ซี เบ่ ก๊อถ่อโอ่ เด๊อ เพรเป๊อเต เต๊เห่ เร๊อ จ๊อแผ่ เต๊เห่ อาเป๊เส่เง ปา. เร๊อ อา เก่ แด๊เฮอ เจแม๊ ซี ปา เร๊อ ซี เก่ ข่าเฮ๊โล หนิเป่ เหย่ซี เร๊อ เตซิครือมีลา อาหรี่อาแก ปา. ^a 10 หม่าแน๊เรอ เบ๊อะเห่ขุ ตื๊อดื่อ แต่ล๋ายโต่ เออ เบ๊อะเนอ, ซี โตเบ่ จว๊า แด๊โฉ่โล เป แกแยปว๊าเมว ปว๋า เต๊อเจ่อ เร๊อ เตซิครือมีลา อาหรี่อาแก. 11 อู ปื่อซูแถ่ ซี เด๊อ คุ๊ยหี่ บ๊อเกเต๋ เบ่เบ่, ซี โตเบ่ เฮ๊เบ่ ฮู๊เต ฮู๊เตเนอ เบ่ยอหนื่ออื่อ เหร่อ แต่ แลแค เหม่ นี๋. เมเตเฮ๊เรอ เบ๊อะแฮโต่ ปา เร๊อ ซี เก่ เฮ๊เบ่ ตื๊อดื่อ หม่าโต่, แหย่โยบูโพ๊ แบ่เจ่ อา แด๊โฉ่ เมจว่า ดื่อ ซี ปา.

12 – 13 “เบ๊อะเบอ ปาเนอ, โป่ เก่ นอเมเซอ หนิเร๊อดื่อ อาแหม่ เร๊อ อูโร ปา, เร๊อ แหม่ เก่ นอเมเซอ หนิเร๊อดื่อ อาโป่ เร๊อ อูโร ปา, เพ เก่ นอเมเซอ เร๊อดื่อ อาพู๊ เร๊อ อูโร ปา, พู๊ เต๊เห่ อา วื๊อ กาคยาฉื่อ เกอเร๊อดื่อ อาโหมะอาเพ เต๊เห่ ปา, เร๊อ อา เก่ นอเมเซอ เกอเร๊อดื่อ อู เร๊อ อาโหมะอาเพ เต๊เห่ปา. เด๊อ แวขว่าแวคยา เร๊อ แกแย ปว๋า เตเพร เก่ ซิเถ่ ลอ ซี ปา. หม่าแน๊เรอ แกแย เด๊อ อา ก๊อถ่อโอ่หม่า โอ่แตแนแร๊ เด๊อ อา เตหยื่อเตแหน่ อากู โต่เด๊อ อาตื๊อดื่อ เต๊เห่เนอ จอแปแหร่ เก่ เมแลเปล๊กา เหย่ซี ปา.” ^b

ต๊อหร่อเซ๊ ซิอิเช เด๊อ เหล่ซิรอซิเร เต๊เห่

(มัทธิว ๒๔:๑๕-๒๑, ลูกา ๒๑:๒๐-๒๔)

14 เหย่ซู่ เฮ๊แฮเง โป่ เน๊อ, “ซี เก่ แม๊เถอะ เร๊อ เตซิรอซิเร โตเบ่ ก๊อถ่อโอ่ เด๊อ เตหลู่แตโฮกู โต่ หม่าแน๊เรอ อา ก๊อถ่อโอ่ เบ๊อะเนอ ปา. เด๊อ เออ อาคยา, อูเก่ แด่โอ่แหร่แก เตจ๊อเบโฮกู ปา (แกแย เด๊อ อา แด๊ ลี เออเต๊เห่ โตเบ่ ซิเงโปล แลแค.) เบ๊อะซี แม๊เถอะ อา ทวาแถ่ เฮ๊อ ฮู๊เออ เนอ ปาเนอ, แกแย โอ่ เด๊อ ยูดาห์เก่กู เนอเต๊เห่ เบ่ แกล่แถ่ แลเปล๊ แลแค อาเหน่ เด๊อ โฉ่ขุ. ^c 15 แกแย เด๊อ อา โอ่ เด๊อ หี่ขุ เต๊เห่เนอ, เบ๊อะอา แกล่ตา เนอ อา โตเบ่ โนพย๊าจว๊าหนิ อา ตาหมื่อตาเต เด๊อ อาหี่กูเตอเจ๋อ โต่. ^d 16 แกแย แรเต เด๊อ แหล่ขุ เต๊เห่เนอ อา เบ่ แกล่กา พย๊าหนิ ปาอาจา เด๊อะ อาหี่ โต่. 17 เบ๊อะเนอเตอเนอ ปาหม่า เพรเหมาะ เด๊อ อาโหมะดอ เร๊อ โหมะ เด๊อ อา โอ่เร๊อ อาพู๊ เด๊อ อา อินู๊ ปาแพ๊ ลู เนอเต๊เห่ อาเงหม่า เบ๊อะจาจือ แหน่เจ๊อ เด๊อ เหย่ซีเง ปา. 18 แซ่ฮู๊ เตจาเตจือ เออ เก่ ตาโต แต่ เด๊อ เก๊โหร่เค แต่เหม่ เนอ, ซี โต กุยจ๊อเบ แลแค จอแปแหร่ ปว๋า เตเพร. 19 เหย่ซี โตเบ่ กุยจ๊อเบ แลแค เมเตเฮ๊เรอ, เตจาเตจือ อาม๊อเนอ เออเต๊เห่ ปา เนอ, เป๊อแถ่ เด๊อ จอแปแหร่ แบ๊แลลู่ เต โต๊กู๊แหน่ เออเนอ อา เมน๊อ ฮู๊เนอ โตโพ๋ โต่. เบ๊อะเนอเคปา เตจาเตจือ เออเนอเต๊เห่เนอ อา เก่ จาเล๊ออาโค ปา เร๊อ เด๊อคยาปา เนอ อา เก่ ทวาแถ่น๊อ ปา ฮู๊เนอ โตโพ๋ โต่ ปา. ^e 20 แบ่เจ่ อา เมโผ่ เตจาเตจือ อาม๊อเนอม๊อเซ โต่ เฮ๊เนอหม่า อู ซีแลเปล๊ เนอ อา โอ่ เตเพร่ว โต่. หม่าแน๊เรอ แกแย เด๊อ จอแปแหร่ นว๊าเถ่ หนื่ออื่อ โทเฮ๊อ ลู เต๊เห่ อาเงเนอ แบ่เจ่ อา เมโผ่ เป เหย่ซี อาม๊อเนอม๊อเซ ปา. 21 อา ทวาแถ่ ฮู๊เนอ โทปาเร๊อ แกแย เตเพรเพร เก่ เฮ๊ ซี เน๊อ, ‘แม๊มอ แลแค, เออ หม่า ครี๊ เด๊อ อา เมแลเปล๊กา อู เนอ เตเพร เฮ๊อ,’ หม่าโต่เรอ อา เก่ เฮ๊ ซี เน๊อ, ‘จว๊า แม๊มอ แลแค, ครี๊ เด๊อ อา เมแลเปล๊กา อู เนอเตเพร อา โอ่ เด๊อ เนอ,’ อา เก่ เฮ๊ ซี ฮู๊เนอ ปา หม่าแน๊เรอ หยื่อเอ่ แต่ แลแค เหม่ นี๋. 22 เมเตเฮ๊เรอ แกแย เด๊อ กลว่า อาแลโฮ อาเหน่ ฮู๊ ครี๊ เด๊อ อา เมแลเปล๊ กา อู เออเตเพร เต๊เห่เนอ เร๊อ แกแย เด๊อ อากลว่า แลโฮ อาเหน่ ฮู๊ เพรโพร เต๊เห่เนอ, อา โอ่โลแถ่ ปา. แซ่ฮู๊ เหย่ซี เก่ อี๊ลอแลโฮ หนิโต่ เกอ ดื่อ แกแย เด๊อ จอแปแหร่ นว๊าเถ่ โทเฮ๊อ ลู เออเนอเต๊เห่เนอ, เหย่ซี เก่ เมแจ่ เฮ๊เรอ, อา เก่ เมโลแถ่ อาเตเม อาโค๊ตีกลี๊ เต๊เห่ เร๊อ อาเตเม เมตาปา อาคย๊าอายื๊อ อู เนอเต๊เห่ ปา. 23 รอหนิ แลแค ซีเหน่ นี๋ เบ๊อะเต่เออเต่เห่ ทวาแถ่ แต่ล๋ายโต่ เออเนอ, แว แด๊โฉ่ หนื่ออื่อ เหร่อ เป ลอ โทเฮ๊อ ซี ปว๋า เต๊อเจ่อ เฮ๊อ,” เหย่ซู่ เฮ๊แก ฮู๊เนอ.

แบ่เจ่เหย่ซู่ อาเฮ๊โคเจเต๊เห่เร๊อ เก่ แฮคยาเด๊อเห่ขุ ปา

(มัทธิว ๒๔:๑๙-๓๑, ลูกา ๒๑:๒๕-๒๘)

24 เร๊อ เหย่ซู่ เฮ๊ เป่แฮ โป่ เร๊อเด๊อเง, “เบ๊อะเตจาเตจือ อาม๊อเนอม๊อเซ เต๊เห่ จว๊า ตาลว๊าโทเฮ๊อ ปา เนอ, ‘จอแปแหร่ เก่ เม คี๊แก ต๊อเหมาะ ปา. ^f เลเก่ ลี ปาโต่เฮ๊อ. ^g 25 เฉ่ เด๊อ ม๊อเล เต๊เห่ อา ตาเพรอแก ลอปา. ^h จอแปแหร่ เก่ โรโกโย ล๊อ, ม๊อเล อา เตโพร๊เตเตอ เรอ เนอเต๊เห่ ปา.’ ⁱ

26 “โทเรอ เหย่ซี อา แม๊เถอะ แลแค แกแยพู๊คู หม่าเฮ๊อ แวเออ อา ตาแล เด๊อ อ๊อโหล่เกล เนอปา, เร๊อ อา เก่ โอ่เล๊อบา เจ๊อ เร๊อ อา โพรอาฉว่าอาชอ เร๊อ อา เตอเรอดุ เตอเรอทู เด๊อ อาฉว่าอาชอ เออเนอเต๊เห่ ปา. ^j 27 โทเรอ แกแยเห่ขุ อาพู๊คู หม่าเฮ๊อ แวเออ อา เก่ นอกาแล เตเน่ว เต๊เห่ ปา เร๊อ แว เก่ นอจว๊า เหย่ซี เด๊อ เห่ขุ ลุยเหนาะ เนอปา, เหย่ซี เก่ เป๊อแถ่ จว๊า เด๊อ ม๊อด๊า แก่ช๊า โต่เด๊อ ม๊อด๊า ทือตื๊อดื่อ เนอปา เร๊อ เหย่ซี อา จว๊าเอ๊ปล๊อ แกแย เด๊อ จอแปแหร่ นว๊าเถ่ โทเฮ๊อ เหย่ซี เนอเต๊เห่ ปา. เต เฮ๊เบ่ โหง่ค๊าโข่ ก่อดุ๊ยเหมาะ

(มัทธิว ๒๔:๓๒-๓๕, ลูกา ๒๑:๒๙-๓๓)

28 “พย๊าหนิ แลแค เตอิซว๊า เด๊อ ก่อดุ๊ยเหมาะ โอ่เนอ. เบ๊อะอาแพ เต๊เห่ แด๊เจ่แถ่ เฮ๊อ เร๊อ อาเหล่ เต๊เห่ แด๊เจ่เถ่ เฮ๊อ เบ๊อะเนอ, เก๊กู่เค ผื่อแฮโต่เฮ๊อ, ซี ซิเง แลแค ฮู๊เนอ. 29 ฮู๊เนอเฮ๊อ เบ๊อะซี แม๊เถอะเฮ๊อ เต๊เออ เต๊เห่ ทวาแถ่เฮ๊อ อาเคเบ๊อะเนอ, ซิเง แลแค เด๊อ แกแยพู๊คู หม่าเฮ๊อ แวเออ อา ^{▼▼เพรซีเง ลีเทส่อพ๊า เด๊อ อาโร เต๊เห่ อาเตเน แลแค เร๊อ เตเฮ๊เบ่เออ อาโหง่แลช๊า หม่า เห่ขุ ตื๊อดื่อ ผื่อแถ่ เฮ๊อ ฮู๊เนอ} แฮผื่อโต่เฮ๊อ เด๊อ กู่ดากูทือ เฮ๊อ นี๋. 30 แว เฮ๊โฉ่จ๊อจ๋อ เจ๊อ ซี, ล๋อ, แกแย เด๊อ อา โอ่เซอเพร กู๊แหน่เออตือทือ เต๊เห่ เซอลอ แต่ล๋ายโต่ เนอ, เตเออเต๊เห่ อา ทวาแถ่ ลอ ปา. 31 ม๊อขุ เร๊อ เห่ขุ อา เก่โอ่เหม่แก ปา หม่าแน๊เรอ แวลาแวโหง่ เออเนอเต๊เห่เนอ อาโอ่เหม่แก เป่ แตแค๋ โต่. ม๊อเนอเร๊อ ม๊อเซกู เด๊อ อูซิเงโต่

(มัทธิว ๒๔:๓๖-๔๔)

32 “หม่าแน๊เรอ เตเออเต๊เห่ เก่ ทวาแถ่ ม๊อเนอม๊อเซ, หม่าโต่เรอ ม๊อนอม๊อเซ เบ๊อะเคเต ปาเนอ อู ซิเง เตเพร๊ โต่. เตเน่ว โอ่ เด๊อ ม๊อขุ เนอเต๊เห่ เจ๊อ เบ่เบ่ อา ซิเง โต่. อาพู๊คู เร๊อ อาเหน่หมาเฮ๊อแวเออ เจ๋อ เบ่เบ่, อา ซิเง โต่โต่. อา ซิเง แพ๊ดื่อ แวเพ เตเพรเพร่ว แพ๊. ^l 33 โอ่เต๊หรี่แตแร แลแค ซีเหน่, รอหนิ แลแค ซีเหน่ นี๋, เมเตเฮ๊เรอ อา เก่ ทวาแถ่ เนอปา บ๊อเกเต๊ เนอ ซี ซิเง โต่. 34 เออ หม่า อาแซ่เน๊อ แกแย เตเพร เด๊อ อา เตเร เถ่จว๊า แกล๊ เด๊อ เทอเก่ อาโร เต๊เก่ เร๊อ อา นอแม๊นอตู่แก อาหี่ เร๊อ อา หลู่ เต๊เห่ เร๊อ อา เถ่จว๊า. อา นอแก โค๊ดื่อ เหย่ซี เตเพร เร๊อ เตเพร อาเตเม เร๊อ อา เฮ๊แก เพรโอ่ป่อ กู่ดา เนอเตเพร เร๊อ อา เก่ โอ่ป่อ แม๊ส่าเซฉื่อ ฮู๊เนอ. ^m

35 “หี่แบ่เจ่ อา กาคยา บ๊อเกเต ปา เนอ ซี ซิเง โต่. หม่า อา กาคยา ช๋า เหมาะเฮ๊ ปา แอ? หม่าโต่เรอ หม่า อา กาคยาช๋า เหมาะเนเค ปา แอ? หม่าโต่เรอ หม่า อา กาคยา ช๋า ชา อี๊อู่ ปา แฮ? หม่าโต่เรอ ช๋า เหมาะลี ปา แอ? เนอ, ซี ซิเง โต่ อาคยา ส่าเซฉื่อ แลแค นี๋. 36 เมเตเฮ๊เรอ หี่แบ่เจ่ เก่ กาโต่คยา ปา เร๊อ แซ่ฮู๊ อา เก่ แม๊เถอะ แต่ ซี โอ่เมอหนิ โซตาปา แต่เหม่ เนอ, โอ่ ส่าเซฉื่อ แลแค นี๋. 37 เต เด๊อ แว เฮ๊ เป ซีเออ เต๊เห่ เนอหมา, แว เฮ๊โฉ่เป่ เกอลอ อู ปว๋า เพร, ฮู๊เนอเรอ ‘โอ่ป่อ ส่าเซแม๊ฉื่อ แลแค นี๋.’”