Mark 14
อู เคร เมเซอ เหย่ซู่
(มัทธิว ๒๖:๑-๕, ลูกา ๒๒:๑-๒, ยอห์น ๑๑:๔๕-๕๓)
1เบ๊อะ ป่วยเตจว๊า ตา ลว๊า เร๊อ ป่วยเอ่ ค๊อมูโชโดอากลุยอาโต แต่ล๋ายโต่อาหยว่าปา เนอเนอ เบ๊อะเนอ, เพรหลู่แต ทวาดุทวาเต เต๊เห่ เร๊อ เพรอิซว๊า เตซว๊าเตแส่ อาซ๊าร๊า เต๊เห่ แม๊ปู แกล๊ โตโบโบ เด๊อ อา เก่ ปื่อเมเซอ โห่แก เหย่ซู่. a 2เมเตเฮ๊เรอ เหย่ซี เฮ๊ เน๊อ, “เบ๊อะเป อาเมป่วย อาเคเออเนอ เป โต ปื่อหนิ อา โต่, ปาหม่า แกแย ตู๊หมู่ดุ เต๊เห่ ซิปล่อดุ เร๊อ อา เมตอปลอตือซือ ลอเห่.”โปล่ เหย่ซู่ กู่กล๊อ เด๊อ ดอเบธานี
(มัทธิว ๒๖:๖-๑๓, ยอห์น ๑๒:๑-๘)
3เบ๊อะแบ่เจ่ เหย่ซู่ โอ่ เด๊อ ดอเบธานี คูซีโมน เด๊อ จุมู๊แหม่ เนอเตเพร อาหี่ เร๊อ อา โอ่แน เอ่ดี เด๊อ ดีเหร่ อาช๊า เบ๊อะเนอ, เพรเหมาะ เตเพร พย๊าแฮหนิ แป เด๊อ อู เม อา เร๊อ หล่อบู เด๊อ อา โอ่บา เร๊อ นาดู๊ เทอโนมื๊อ งูดุงูชอ โชชื่อแร๊ เออเนอ แตแป. อา แฮด่อเพ๊ แป กู๊อู่ เออเร๊อ อา แล๊ตา เด๊อ แบ่เจ่ เหย่ซู่ กู่กล๊อลู. b 4เร๊อ เด๊อ เหย่ซีเกล เต๊เห่เห่เนอ อา ซิปล่อดุ เร๊อ อา เฮ๊ เกอเร๊อลู เน๊อ, “อา จว๊า เมแกเด ลอ เทอโนมื๊อ ฮู๊เนอหม่า เมเต? 5เทอโนมื๊อ เออแตแปเนอ อางู โอ่ เจ๊อ รือหย่า เดนาริอัน โซโจ่ย ▼▼รือหย่า เดนาริอัน เต๊เบ่ หม่า อา ครือแน เร๊อ เตอเนอ อาเตแร คว๊าเก่
เล๊อ เจ๊อ เนอ, อิเชแก อา เร๊อ จว๊าเด๊อ เร๊อ แกแย โซพ๊าโซแรฮู๊ เนอหมา อาแร๊เล๊อ,” เหย่ซี เฮ๊โท ฮู๊เนอ เร๊อ เหย่ซี แด่ แลแค เพรเหมาะ เนอเตเพร อา เตซื๊อ. 6เร๊อ เหย่ซู่ เฮ๊ เหย่ซี เน๊อ, “เมดู๊แด แต่ อา เหม่. ซี จว๊า เมดู๊แด ตาตือ อา เมเต๊? อา เมดื่อ กอกอ. อา เมตว่าเมแร๊ แหน่ เจ๊อ เฮ๊อ เตเด๊อ แวเง เฮ๊อ. 7แกแย โซพ๊าโซแรพู๊ เต๊เห่ โอ่เต่อเกอ เร๊อ ซี ปว๋า โตโพ๊ เจ๊อ. ซี เก่ ซิหยื่อ เมจว่า เหย่ ซี บ๊อเกเต๋ เนอหมา อาหนิ แพ๊, หม่าแน๊เรอ แวเออเนอ แว โอ่เต่อตี๊ตี๊ เกอ เร๊อ ซี โต่. d 8เพรเหมาะ เออเนอเตเพรเนอ บ๋า อา เมเบ๊ เนอ เร๊อ อา เม โทเฮ๊อ แว เฮ๊อ. อา แฮ โปล่ แวเหน่ เร๊อ เทอโนมื๊อ เออเนอหม่า เบ๊อะอู โล๊ แต่ล๋าย แว โต่ เออเนอ อา ตี๊หรี่แตแร หนื่ออื่อ เหร่อ เฮ๊อ เต เด๊อ แวเง เฮ๊อ. 9แว เฮ๊จ๋อ เจ๊อ ซี, ช๋า, อู เหล่ แด๊โฉ่โด่แน เฮ๊อ เตซิครือมีลา เออ เด๊อ เห่ขุ เออต๊าบ่า เบ๊อะเต๋ โต๊โผ่ เนอปา เบ่เบ่, อูเก่ เตเนแถ่ โต่เบ่หนิ อา ปา เร๊อ อู เก่ แด๊โฉ่โลหนิ เตเด๊อ อา เมโทเฮ๊อ เออเนอ ปา.” คูยูดาส ซิปล่อโต เด๊อ อา เก่ อิเชแก เหย่ซู่
(มัทธิว ๒๖:๑๔-๑๖, ลูกา ๒๒:๓-๖)
10เด๊อ แบ่เจ่ เหย่ซู่ อา โคเจ่ เช๊อซิเนอ อาเกลเตเพร อามุย เร๊อ คูยูดาส อิสคาริโอท เฮ๊เออเตเพรเนอ, แซ่ฮู๊ อา อิเชตาแก หนิ เหย่ซู่ เนอ เร๊อ อา เถ่จว๊า เด๊อ เพรหลู่แต ทวาดุทวาเต เต๊เห่ อา โอ่. 11เบ๊อะเพรหลู่แต ทวาดุทวาเต เต๊เห่ หนิโฮ เตหรี่เตแก เออ เบ๊อะเนอ, เหย่ซี ซิครือซิลอ อ๊อแลฉื่อ คูยูดาส เร๊อ อา เก่ เด๊อ ลู รือ ปา. เออเตอโพ๊เรอ อา แม๊ปูเฮ๊อ แกล๊ เด๊อ อา เก่ อิเชตาแกหนิ เหย่ซู่.เหย่ซู่ เร๊อ อา โคเจ่ เต๊เห่ เอ่ แลแค ป่วยเตจว๊าตาลว๊า
(มัทธิว ๒๖:๑๗-๒๕, ลูกา ๒๒:๗-๑๔,๒๑-๒๓, ยอห์น ๑๓:๒๑-๓๐)
12เบ๊อะ ป่วย เอ่ ค๊อมู โชโด อากลุย อาเหร่อเล๊อ เตอเนอเนอ, อู เมเซอซิหมิพู๊ ▼▼ไทยเฮ๊เร๊อ แกะ
เร๊อ อู หลู่แตแถ่ เบ๊อะเนอ, เหย่ซู่ อา โคเจ่ เต๊เห่ แด๊เฮอ ลู เน๊อ, “เบ๊อะป่วยเตจว๊า ตา ลว๊า เอ่โอบูโพ๊เหมาะเฮ๊ เออเนอ, เน ซิหยื่อ นอจว๊า ตี๊หรี่แตแร โต เป เบ๊อะโต๊โผ่เต?” 13ฮู๊เนอเรอ เหย่ซู่ นอ อา โคเจ่ ซิเนอ เร๊อ อา เฮ๊ เหย่ซี เน๊อ, “จว๊าโน เด๊อ วีกูเนอ เร๊อ ซี เก่ แม๊เถอะฉื่อ เร๊อ แกแยเพ แฮแด๊ จอกาเทอ เร๊อ โซแบ๊ เตเพร ปา. เร๊อ ครวากา เกออาคยา เนอ นี๋. 14เร๊อ ครวากา กาโน เกอ อา เด๊อ อา กา โกโน เกอเร๊ออา หี่ เนอเตเม อากู เร๊อ แด๊เฮอ หี่แบ่เจ่เนอ เด๊อ, ‘ซ๊าร๊า เฮ๊ เนอ, ซิเผระ หี่ด๊อกู อาเหล่โอ่ เด๊อ แว เร๊อ แว โคเจ่ เต๊เห่ เก่เอ่โอ ป่วยเตจว๊า ตา ลว๊า เหล่เอ่ อาเงเนอ อา โอ่โต เบ๊อะเต?’ แด๊เฮอ ลู ฮู๊เนอ. 15โทปาเรอ อา เก่ ยูโล ซี หี่ด๊อกู เหล่โอ่เนอ เด๊อ อาขุ เนอโต๊โต่ เด๊อ อา โอ่เล๊อโอ่บา เจ๊อ เร๊อ ตาหมื่อตาเต เด๊อ เป โหล่ เนอเต๊เห่ เจ๊อ ปา. เร๊อ โอ่แก แลแค เบ๊อะเนอ เร๊อ ตี๊หรี่แตแร เป่ แลแค เป เหล่เอ่เหล่โอ เบ๊อะเนอ นี๋.” 16อา โคเจ่ เออซิเนอ เถ่จว๊า เร๊อ อา จว๊าโน เด๊อวีกู เร๊อ เหย่ซี จว๊าแม๊เถอะ หม่าแหน่เจ๊อ ฮู๊ เหย่ซู่ เฮ๊โฉ่หนื่ออื่อ เหย่ซี เนอ เจ๊อ. เร๊อ เหย่ซี จว๊า ตี๊หรี่แตแรหนิ แลแค เตจว๊าตาลว๊าป่วย เตเอ่โอบูโพ๊ เหมาะเฮ๊ อาเง เบ๊อะเนอ. 17เบ๊อะเหมาะคี๊โป๊โหล่เฮ๊อ เบ๊อะเนอ, แบ่เจ่ เร๊อ อา โคเจ่ เช๊อซิเนอ แฮโตเกอ เบ๊อะเนอ. 18เบ๊อะเหย่ซี โอ่แน เอ่ดี เบ๊อะเนอ, เหย่ซู่ เฮ๊ เน๊อ, “แว เฮ๊จ๊อจ๊อ ซี, เด๊อ ซีเกล เออเนอ, แกแย เด๊อ อา เอ่เต่อโอเต่อ เต เร๊อ แว เร๊อ อา เก่ อิเชตาแก แว ปาเนอ อา โอ่ เตเพร.” f 19เป๊อแถ่ เบ๊อะเนอ เร๊อ เหย่ซี ซิปล่อโม ปาโต่, เร๊อ เหย่ซี แด๊เฮอแฮ เหย่ซู่ เตเพร โท เตเพร เน๊อ, “เน เฮ๊เนอ เตเพรหม่า แว หม่าโต่ แวเฮ๊?” ฮู๊เนอ. 20เหย่ซู่ เฮ๊ฉื่อ เหย่ซี เน๊อ, “แกแย เออเตเพร เนอหม่า เด๊อ ซี เช๊อซิเนอเออ อาเกลเนอ แพ๊. อา หม่า แกแย เด๊อ อา บ๊อโนเอ่ ฉื่อเกอ เร๊อ แว เด๊อ เบหล่อกู เนอเตเพร เฮ๊อ. 21ฮู๊ ลีเทส่อพ๊ากู เฮ๊นื่ออื่อ เฮ๊อ แกแยพู๊คู หม่าดื่อ แวเออ อา เบ่ เซอ แหน่ปา หม่าแน๊เรอ แกแย เด๊อ อา เก่ อิเชตาแก แกแยพู๊คู เออเนอเตเพรเนอ, จอแปแหร่ เก่ เมจากาคยา ลู ปา. อา เก่ โอ่ เป๊เจ่แลเต๊เปล่เซโต่ เฮ๊เนอหม่า อาแร๊เล๊อ ปา เจ๊อ เด๊อ ลูเง เจ๊อ.” แบ่เจ่ เตเอ่โอบูโพ๊ เหมาะเฮ๊
(มัทธิว ๒๖:๒๖-๓๐, ลูกา ๒๒:๑๔-๒๓, โครินธ์ อาเหร่อเล๊อ ต๊าบ่า ๑๑:๒๓-๒๕)
22เบ๊อะเหย่ซี เอ่เฉ่ เบ๊อะเนอ, เหย่ซู่ พย๊า ค๊อมู เร๊อ เฮ๊บุ๊ยเฮ๊เตอเรอ แถ่ จอแปแหร่โทเร๊อ บิกยา ค๊อมู เร๊อ อา เด๊อะเอ่เร๊อ เป อา โคเจ่ เต๊เห่ เร๊อ อา เฮ๊ เน๊อ, “พย๊า เร๊อ เอ่ แลแค, เออ หม่า แว เหน่กล่อ.” 23โทเร๊อ อา พย๊า แท๊ทือเส่เทอเบ เร๊อ อา เฮ๊บุ๊ยเฮ๊เตอเรอ จอแปแหร่ โทเรอ อา เด๊อะโอเร๊อ เป เหย่ซี เร๊อ เหย่ซี โอ แลแค แท๊ทือเทอ เด๊อ เบกู เออเนอ ปว๋า เตเพร. 24เร๊อ เหย่ซู่ เฮ๊ เหย่ซี เน๊อ, “เออ หม่า แวสุ่ย เด๊อ อา ทุ๊ยแลตา เป เด๊อ แกแย โอ่โร๊ลู อาเง ปา. เออ หม่า เตม๊าเตแด เต๊อเจ่อ เด๊อ อา เก่ เมหม่าเมกล่อ เป เตอ๊อแลอาเซ อาเง เฮ๊อ. g 25แว เฮ๊จ๊อ เป เจ๊อ ซี, เป๊อแถ่ กู๊แหน่เออ ตาเป่แฮเงเนอ แว โอน๊อ ปา แท๊ทือเส่เทอเออ โต่เฮ๊อ. แว เก่ กาโอ เต่อโร๊ คยาแซ๊ แท๊ทือเส่เทอ อาเซ เร๊อ ซี เด๊อ จอแปแหร่ อาเทออาเก่กู ปา.” 26โทเรอ เหย่ซี อิโร ถู่เซ๊แถ่ จอแปแหร่ อาลีอิโร โต๊โต่ เร๊อ อา เถ่จว๊าแถ่แก เด๊อ โต๊โฉ่เหมาะโฉ่ขุ.เหย่ซู่ แด๊โฉ่โล หนื่ออื่อ เหร่อ คูเปโตร อา โชโม๊บิแก ลู
(มัทธิว ๒๖:๓๑-๓๕, ลูกา ๒๒:๓๑-๓๔, ยอห์น ๑๓:๓๖-๓๘)
27เหย่ซู่ เฮ๊ เหย่ซี เน๊อ, “จอแปแหร่ เฮ๊แก มู๋ หนู่เค เนอ,‘แว เก่ มือเซอ เพรเกซิหมิ ปา, เร๊อ ซิหมิ เต๊เห่ อา แกล่โพร๊ แกล่แพร ลอ ปา,’ h ลีเทส่อพ๊ากู เฮ๊ ฮู๊เนอ. ล๋อ ซี เออเต๊เห่ เนอหมา อาแซ่เน๊อ ซิหมิ เออเต๊เห่ เนอเฮ๊อ, ซี เก่ เถ่แกล่ จว๊าโค๊แกลอ แว เหล่ปา. 28หม่าแน๊เรอ ช๊า แว อาเซอ ก๊อถ่อกาคยา โทปาเนอ, แว เก่ จว๊า เหร่อ ซี เด๊อ กาลิลี เก่กู เนอ ปา.” i 29คูเปโตร เฮ๊ฉื่อ ลู เน๊อ, “อูโร อา เถ่แกล่ จว๊าโค๊แกลอ เจ๊อ เร๊อ เน หม่าแน๊เรอ แว แกล๊ เถ่แกล่ จว๊าโค๊ เร๊อ เร๊อ เน โต่.” 30เร๊อ เหย่ซู่ เฮ๊ฉื่อ ลู เน๊อ, “แว เฮ๊ หม่าแหน่ เจ๊อ เน, เออเตเซ ปา เบ๊อะชาเพ อี๊อู่แถ่ แต่ล๋าย เนอโพ๊ โต่ เนอ, เน เก่โชโม๊บิแก อู เร๊อ เน ซิเงน๊อ แว โต่เนอ, โซโพ๊ ปา.” 31คูเปโตร เฮ๊ฉื่อคยา เหย่ซู่ เน๊อ, “แว โตเบ่ อาเซอ เต่อเกอ เจ๊อ เร๊อ เน เบ่เบ่, แว ซิเงน๊อ ลู โต่ เนอ แว โชโม๊บิแก เจ๊อแหน่ ตีกี๋โต่ เฮ๊อ,” อา เฮ๊ฉื่อ เซอเกอเด๊อ เจ๊อ อาโหง่ เร๊อ เหย่ซู่. เร๊อ อา โคเจ่ เด๊อ อาโร เต๊เห่เนอ, อา ครวาเฮ๊ แซ่เกอลู ฮู๊เนอ ปว๋า เตเพร.
เหย่ซู่ จว๊า กุยจ๊อเบ เด๊อ เฮ๊เร๊อเกทเสมนี
(มัทธิว ๒๖:๓๖-๔๖, ลูกา ๒๒:๓๙-๔๖)
32เหย่ซี จว๊า เด๊อ เหล่โอ่ โต๊โผ่ เด๊อ อู เฮ๊ เร๊อ เกทเสมนี เร๊อ อา เฮ๊ อา โคเจ่ เต๊เห่ เน๊อ, “เบ๊อะแว จว๊ากูยจ๊อเบ เบ๊อะเนอ, โอ่แนโอ่แก แลแค เบ๊อะเออ นี๋.” 33เร๊อ อา เอ๊ครวาหนิ คูเปโตร, คูยากอบ เร๊อ คูยอห์น เด๊อ อา เก่ จว๊า เต่อเกอ เร๊อ ลู. เร๊อ เหย่ซู่ เป๊อแถ่ เบ่ยอเบ่สี่ เบ่กู่เบ่แก แหน่เจ๊อ. 34เร๊อ อา เฮ๊ อา โคเจ่ เนอ ซิโซ เน๊อ, “อา จา แหน่เจ๊อ แว ซิปล่อ เฮ๊อ อา โต่ เจ๊อ เด๊อ แว เตเร อาเซอ เจ๊อเฮ๊อเนอ, โอ่แก แลแค เบ๊อะเออ เร๊อ โอ่ส่าเซ แลแค นี๋.” 35– 36อา จว๊า เป่แฮโป่ เด๊อ เง ตี๊กิฮู๊ เร๊อ อา โอ่เมอ โตโกลแล เด๊อ เห่ขุ เร๊อ อา กุยจ๊อเบ เร๊อ อา เฮ๊ เน๊อ, “เตจาเตจือ เด๊อ แว เบ่ ข่าเบ่ กู๊แหน่ เออเนอ, เน เก่ ปลวาตาลว๊า จว๊าแกเบ๊ เป่ แว เก่ อาหนิ เฮ๊เรอ ปลวาตาลว๊า จว๊าแก เป่ แว,” อา เฮ๊ ฮู๊เนอ เร๊อ อา กุยจ๊อเบ เน๊อ, “อับบา, เพ๋, เน เมแจ่ เตล๋อ ปลี, พย๊า ตาพาแก เป่ แว อาเบหล่อ หม่าเฮ๊อ เตจาเตจือ เออ. หม่าแน๊เรอ แว ซิหยื่อ เม จู๋ ดื่อ แว ซิปล่อ โต่. จู๊ ดื่อแพ๊ เน ซิปล่อ นี๋.” 37อา จ๊อเบ โทเรอ อา กาคยา คยาแซ๊ เร๊อ อา กาแม๊เถอะ เร๊อ อา โคฮู๊เจ่เนอ ซิโซ โอ่เมอหนิ โซตาปา ลอ เร๊อ อา แด๊เฮอ คูเปโตร เน๊อ, “คูซีโมน หม่า เน โอ่เมอ ตาปา เฮ๊อ แอ? เน ส่าเซ แพ๊ เบ๊อะตือมือ เบ๊อะเนอ แพ๊เนอ หม่า อา เบ๊ ปา เจ๊อ แหน่ โต่ แอ?” 38อา เฮ๊ แลแค เหย่ซี เน๊อ, “แซ่ฮู๊ ซี เก่ จว๊าโน เต่อเกอ แต่ เด๊อ เตอิลออี๊โหล่ อากู แต่เหม่เนอ, ส่าเซ เร๊อ กุยจ๊อเบ แลแค นี๋. ซี ซิปล่อฉว่าชอ แหน่เจ๊อ เตเด๊อ อาโต หม่าแน๊เรอ ซี เหน่กล่อ เออเนอ อา อ๊าอาเหร่ เจ่ แหน่เจ๊อ.” 39เหย่ซู่ จว๊าคยาแซ๊ โตโพ๊ เร๊อ อา จว๊ากูยจ๊อเบ คยาแซ๊ จอแปแหร่ แซ่เน๊อ อา จ๊อเบ เหร่อ เนอ แพ๊. 40อา กา คยาแซ๊ เด๊อ อา โคเจ่ เนอซิโซ อา โอ่ เร๊อ อา กาแม๊เถอะ เร๊อ เหย่ซี โอ่เมอตาปา ลอปลี เหย่ซี ซิโอ่เมอจา ตาลว๊า ซิลือ เร๊อ อา แม๊เถ่เบ๊ ปา เจ๊อ โต่. อา โต เฮ๊เบ่ฉื่อ แลแค เหย่ซู่ ฮู๊เตเนอ, อา ซิเเง ปา แลแค เจ๊อ โต่. 41เบ๊อะอา กาคยา แม๊ เหย่ซี บาเฮ๊อ โซโพ๊เฮ๊อ เบ๊อะเนอ, อา เฮ๊ เหย่ซี เน๊อ, “ซี โอ๋ เมอ ตื๊อดื่อปา แลแค, ซี โอ่โก๊ เตเบ๊ซิพร๊า ตื๊อดื่อ ปา เจ๊อ แลแค ฮู๊เต? บ๊าเนอหม่า, โป่ เฮ๊อ. หนิดา แม๊มอ แลแค, เบ๊อะเด๊อ อู เก่ อิเชตาแก แกแยพู๊คูเออ เด๊อ เพรเมซื๊อ เต๊เห่ อา เด๊ออากู๊ยากูเนอ, อา แฮโต่เฮ๊อ. 42ก๊อถ่อ เมอ! เป เบ่ จว๊าเฮ๊อ! แม๊มอเด๊อเนอ, แกแย เด๊อ อา อิเช แว เนอเตเพร แฮโต่เฮ๊อ!”อู ปื่อ เหย่ซู่
(มัทธิว ๒๖:๔๗-๕๖, ลูกา ๒๒:๔๗-๕๓, ยอห์น ๑๘:๓-๑๒)
43เบ๊อะแบ่เจ่ เหย่ซู่ เฮ๊เบ่ ปาแพ๊ เบ๊อะเนอ, คูยูดาส เด๊อ อา โอ่เต่อเกอ เร๊อ ลู โคเจ่ เช๊อซิเนอ. อาเกล เออเนอเตเพรเนอ, อา แฮโต่ เบ๊อะเนอ. เร๊อ แกแย กอครวา แฮโหร่แฮเอ๊ เกอ แหน่เจ๊อ เร๊อ ลู. แกแย เออเนอเต๊เห่เนอ อา พย๊าแฮหนิ แลแค เน๊เต๊เห่, อิมือเต๊เห่. เหย่ซี เออเต๊เห่ เนอหมา หม่าแพ๊ แกแย ทวาดุทวาเต เนอเต๊เห่ เร๊อ เพรอิซว๊า เตซว๊าเตแส่ อาซ๊าร๊า เนอเต๊เห่ เนอ ยู๊ดาสพู๊ ทวาดุทวาเต เนอเต๊เห่ นอแฮ ลู เนอเต๊เห่ แพ๊. 44เพรอิเชตาแก แบ่เจ่ เออเนอเตเพรเนอ อา เด๊อซิเง หนื่ออื่อ เหร่อ โทเฮ๊อ เหย่ซี เน๊อ, “แกแย เด๊อ แว โนมื๊อ อา เตเพร เนอหมา หม่าเฮ๊อ เหย่ซู่ เด๊อ เป ซิหยื่อปื่อ อา เนอเตเพร เฮ๊อ เร๊อ แฮปื่อ แลแค ลู เร๊อ โอ่ป่อหม่า หนิแร๊เร๊อดื่อ อา นี๋.” 45คูยูดาส แฮโต่โต่ เร๊อ อา จว๊าโต เด๊อ เหย่ซู่ โอ่ เร๊อ อา เฮ๊ ลู เน๊อ, “ซ๊าร๋า” โทเรอ อา โนมื๊อ ลู. 46อา เมฮู๊เนอ โทเรอ แกแย เต๊เห่ แฮปื่อ จอกลอหม่าแก เหย่ซู่. 47เบ๊อะเนอ โตโพ๊ แกแย ก๊อถ่อโอ่ เบ๊อะเนอ เตเพร บ๊าเถ่ อาเน๊ เร๊อ อา ปาตือแก เพรหลู่แต กู่กล๊อดุเล๊อ อา หลู่เล๊ เตเพร อากู๊หลิโก่ โตโค๊. 48เหย่ซู่ เฮ๊ เหย่ซี เน๊อ, “ซี เหล่ แฮปื่อ แว เร๊อ ซี พย๊าแฮหนิ ลอปลี เจ๊อ อิโท๊เน๊โก๊, อิมืออิปอ อา แซ่เจ๊อเร๊อ ซี เหล่ แฮปื่อ เพรเอ่โห่เอ่ฮี๊ เนอ เจ๊อ วา? แว หม่า แกแยมู๊แหม่รีแจ่ เด๊อ อา จว๊าปื่อเผ่พย๊าเผ่ เอ่ อูเต่ เตเพร แหน่ แอ? 49ปวาเนอเน๋อ แว โอ่เตอเกอ เด๊อ ซีเกล เร๊อ แว อิซว๊าอี๊แส่ ซี เด๊อ เตหลู่แตโฮกู เร๊อ ซี ปื่อ แว โต่โต่. หม่าแน๊เรอ ซี จว๊าแฮปื่อ โต่ แว ฮู๊เออ เมเตเฮ๊เนอหม่า อา เบ่ ทวาแถ่ ฮู๊ ลีเทส่อพ๊ากู เฮ๊เนอ แพ๊เนอ.” j 50เบ๊อะเนอเค อา โคเจ่ เต๊เห่ เถ่แกล่ จว๊าโค๊แก ลอปลี ลูเหล่. 51เพรคู โตโล๊ เตเพร ครอครวา เหย่ซู่ เด๊อคยา เร๊อ อา กือแซ๊ ตื๊อแพ๊ อิเกบู เร๊อ แกแย โอ่ เบ๊อะเนอ เต๊เห่ ปื่อ ลู. 52หม่าแน๊เรอ อา โปล๊ตาแก อา อิเกบูเออ เร๊อ อา เถ่แกล่ กาโกลแก.อูทื๊ออูเจแด๊เฮอ เหย่ซู่
(มัทธิว ๒๖:๕๗-๖๘, ลูกา ๒๒:๕๔-๕๕, ๒๒:๖๓-๗๑, ยอห์น ๑๘:๑๓-๑๔, ๑๘:๑๙-๒๔)
53เร๊อ เหย่ซี เอ๊จว๊า เหย่ซู่ เด๊อ เพรหลู่แต กู่กล๊อดุเล๊อ เตเพร อา โอ่ เร๊อ เพรหลู่แต ทวาดุทวาเต เต๊เห่, เร๊อ แกแยยิวพู๊ อา ทวาดุทวาเต เต๊เห่ เร๊อ เพร อิซว๊า เตซว๊าเตแส่ อาซ๊าร๊า เต๊เห่ แฮโอ่ปล๊อโอ่ปลู ลอปลี ลู เบ๊อะเนอ. 54คูเปโตร ครวาจว๊า เกอ แพ๊ เหย่ซู่ เด๊อ คยา เร๊อ อา จว๊าโน โต่เกอ เด๊อ เพรหลู่แต กู่กล๊อดุเล๊อ เออเตเพร อาหี่ เกเร๊รากู เร๊อ อา จว๊า โอ่แน อิชุ๊ย เต่อเกอ หมิ เร๊อ เพรโอ่ป่อ เตเกบี๊เตหลู่แตโฮ เบ๊อะเนอ เต๊เห่. 55เพรหลู่แต ทวาดุทวาเต เต๊เห่ เร๊อ ล๋อ แกแย เด๊อ อา ทวาดุทวาทู เต๊เห่, แซ่ฮู๊ เหย่ ซี เก่ เด๊อะตา เตจา เด๊อเก่เมเซอ แก หนิ เหย่ซู่ อาเงเนอเนอ, อา แม๊ปู แลแค เหล่เกแลโฮ เหล่แน๊แลแห่ เหย่ซู่ อาเตซื๊อ เต๊เห่. หม่าแน๊เรอ เหย่ซี แม๊เถอะ ลูเตซื๊อ เตอเจ๋อ โต่. 56เหย่ซี แกแย โอ่โร๊ลู แฮแด่บู แด่บย่า แลแค เหย่ซู่ เตซื๊อ หม่าแน๊เรอ แกแย เด๊อ อา แฮ แม๊ปูแด่ แลแค เหย่ซู่ อาเตซื๊อ เออเต๊เห่ อา เตเฮ๊เบ่ เต๊เห่เนอ อา แซ่เกอลู เตเพร่ว โต่. 57แกแย เต๊เห่เห่ ก๊อถ่อ เร๊อ เฮ๊บูเฮ๊บย่า ลอ ลูเตซื๊อ เร๊อ อา เฮ๊ แลแค เนอ, 58“เป หนิโฮ อา เฮ๊ เน๊อ, ‘แว เม แลโพร๊แก เตหลู่แตโฮกู เด๊อ แกแย เมแถ่ เออเนอเตเม เร๊อ โซเนอ อากูเนอ แว เก่ ช๊อแถ่ เมเต๊เปล่ เด๊อ อาโร เตเม, เด๊อ แกแย ช๊อแถ่ เร๊อ อากู๊ขุ หม่าโต่ เออเนอ เตเม ปา,’ อา เฮ๊ ฮู๊เนอ.” k 59หม่าแน๊เรอ เหย่ซี แด่ ลูเตซื๊อ เออเนอเต๊เห่เนอ อา แซ่เกอลู ตือมื๋อ โต่. 60เพรหลู่แต กู่กล๊อดุเล๊อ เออเตเพร ก๊อถ่อ เด๊อ อู ล๋อ, ปลี อา เป๊เส่เง เร๊อ อา แด๊เฮอ เหย่ซู่ เน๊อ, “เน เฮ๊ กาคยาฉื่อ อู แฮแด่ เน เตซื๊อ เออเต๊เห่ ตือมื๋อ, โต่ เมเต? อู แฮเก ลอ เน เตซื๊อ เออเนอหมา เน หนิโฮ โต่ แอ?” 61หม่าแน๊เรอ เหย่ซู่ โอ่แด๊ต๊ากลว่า เป อู แพ๊, อา เฮ๊เบ่ กาคยาฉื่อ อู ตือมื๋อ โต่. เร๊อ เพรหลู่แต กู่กล๊อดุเล๊อ เออเตเพร แด๊เฮอ โป่ คยาแซ๊ ลู เน๊อ, “เน หม่า จอแปแหร่ เด๊อ อู ถู่เซ๊แถ่หนิ ลู เออเตเพร อาพู๊เพรคู ครี๊ เด๊อ อา เมแลเปล๊ อู เนอ เตเพร แอ?” 62เร๊อ เหย่ซู่ เฮ๊ฉื่อ ลู เน๊อ, “อ่อ, แว เฮ๊อ. เร๊อ ซี เก่ แม๊เถอะ แกแยพู๊คู หม่าเฮ๊อ แวเออ เก่ โอ่แนโอ่ เด๊อ จอแปแหร่ เด๊อ อาฉว่าอาชอ เออเตเพร อากู๊ขุ จ๊อทว๊า เนอตากยา ปา, เร๊อ ซี เก่ แม๊เถอะ แว แด๊แลแฮหนิ ม๊อขุ อา อ๊อโหล่ขุ ปา.” l 63เพรหลู่แต กู่กล๊อดุเล๊อ เนอเตเพร ท๊อเยแก อาจา ▼▼เพรหลู่แต กู่กล๊อดุเล๊อ เตเพร ท๊อเย อาจา ฮู๊เออเนอหม่า, เหย่ซู่ เฮ๊มู๊แหม่ซื๊อ เฮ๊อ จอแปแหร่ เฮ๊อ อา อาเตเน เร๊อ อา เด๊อะโล เป อู ฮู๊เนอ
เร๊อ อา เฮ๊ เน๊อ, “เป โหล่ปา แกแย เด๊อ อา เก่ ข่าเฮ๊โล ลูเตซื๊อ เตเพร่ว โต่. 64อา เฮ๊เบ่ แด่รือดือ เกอเร๊อ เจ๊อ อาเหน่ ฮู๊ จอแปแหร่ เตเพร เนอหมา ซี หนิโฮ ลอดื่อเฮ๊อ เร๊อ หม่า ซี เตเน แลแค ฮู๊เต?” อา เฮ๊โท ฮู๊เนอ เร๊อ เหย่ซี ปว๋าเตเพร เฮ๊ฉื่อ ลู เร๊อ อาเตซื๊อ โอ่ เร๊อ โตเบ่ เมเซอแก อา แพ๊. n 65แกแย เด๊อ อาโร เต๊เห่เป๊อแถ่ ถู่ปล๊า ลู, โทเรอ จอบี๊ ลูเป๊เส่ เร๊อ ปลู๊ ลู. เหย่ซี เฮ๊ แลแค เหย่ซู่ เน๊อ, “โป๊แม๊แม๊, อูเป ปลู๊ เน เป?” โทเรอ เกลอฮู๊ เด๊อ อา โอ่ป่อ อู เต๊เห่ ปื่อจว๊า ลู เร๊อ แปล่ โป่ ลู. คูเปโตร โชโม๊บิแก เหย่ซู่
(มัทธิว ๒๖:๖๙-๗๕, ลูกา ๒๒:๕๖-๖๒, ยอห์น ๑๘:๑๕-๑๘, ๑๘:๒๕-๒๗)
66เบ๊อะคูเปโตร โอ่ปาแพ๊ เด๊อ หี่เบ๊คยา เกเร๊รากู เบ๊อะเนอ, เพรเหมาะฮู๊เด๊อ อา แรเต เป่ เพรหลู่แต กู่กล๊อดุเล๊อ เนอเตเพร อาเตเม เออเนอ เตเพรเนอ อา โอ่เกอ เบ๊อะเนอ, เร๊อ อา แฮโต เด๊อ ลูโอ่. 67เบ๊อะอา แม๊เถอะ คูเปโตร อิชุ๊ยหมิ เบ๊อะเนอ, อา แม๊ตาเต๊า ลู เร๊อ อา เฮ๊ ลู เน๊อ, “เน หม่า ตู๊หมู่ แพ๊ อา เร๊อ นาซาเร็ธพู๊ เหย่ซู่ เนอเตเพร แพ๊ วา.” 68เร๊อ คูเปโตร โชโม๊บิแก เร๊อ อา เฮ๊ เน๊อ, “เน เฮ๊ อิเตเนอ แว ซิเงโปล เนเต โต่,” อา เฮ๊โทเร๊อ อา เถ่จว๊า โอ่ตาพาแก เด๊อ เกเร๊กู่ดาทือ เร๊อ เบ๊อะเนอ ชาเพ เต๊เบ่ อี๊อู่แถ่. 69หลู่เล๊ เพรเหมาะ ปื๊อหนื่อ เนอเตเพร แม๊เถอะ คยาแซ๊ คูเปโตร จว๊าโอ่ เบ๊อะเนอ เร๊อ อา จว๊าแด๊โฉ่ เป คยาแซ๊ แกแย ก๊อถ่อโอ่ ตีวี๊ตาวา ผื่อ เบ๊อะเนอ เต๊เห่ เน๊อ, “แกแย เออเตเพร หม่า ตู๊หมู่ โต แพ๊ เร๊อ เด๊อ เนอเต๊เห่ แพ๊ เม.” 70หม่าแน๊เรอ คูเปโตร เท๊บี๊ฉื่อ คยาแซ๊. โอ่คยาแซ๊ เด๊อคยา เตอเปลอฮู๊ เร๊อ แกแย ก๊อถ่อโอ่ ตีวี๊ตาวา ผื่อ เบ๊อะเนอ เต๊เห่ เฮ๊ คยาแซ๊ คูเปโตร เน๊อ, “เน โอ่เตอเกอ เด๊อ แกแย เนอตู๊หมู่ อาเกล หม่าแหน่ เจ๊อ, เมเตเฮ๊เรอ เน หม่า แกแยกาลิลีพู๊ แพ๊.” 71หม่าแน๊เรอ คูเปโตร อาอ๊าอาแบเร๊อ อาเหน่ เด๊อ จอแปแหร่ เบ๊เส่เง เน๊อ, “แกแย เด๊อ ซี เฮ๊ อาหรี่อาแก กู๊เแหน่เออ เตเพรเนอ แว ซิเง อา โต่,” อา แบหนิ อาโหง่ ฮู๊เนอ. 72อา เฮ๊ โทโท เร๊อ ชาเพ อี๊อู่ โป่คยาแซ๊ เนอโพ๊โตโพ๊เนอ. เบ๊อะเนอเค คูเปโตร เตเนแถ่ โต่เบ่ แบ่เจ่ เหย่ซู่ เฮ๊หนื่ออื่อแก ลู โหง่ เน๊อ, “เบ๊อะชาเพ อี๊อู่ แต่ล๋าย เนอโพ๊เนอโตโพ๊ โต่เนอ, เน เก่โชโม๊บิแก แว โซโพ๊ เนอปา” อา เฮ๊ ลู โหง่ ฮู๊เนอ อาขว่าอาคยา, จี๋ อาเชแถ่ เจ๊อ ลูซิปล่อ เร๊อ อา โหง่เซอโหง่โอ่ เจ๊อ.
Copyright information for
EkySCThai