Mark 15
อู ซูจว๊า เหย่ซู่ เด๊อ คุ๊ยปีลาต อา เป๊เส่เง
(มัทธิว ๒๗:๑-๒, ๑๑-๑๔, ลูกา ๒๓:๑-๕, ยอห์น ๑๘:๒๘-๓๘)
1เบ๊อะเหมาะลี ต๊อเหมาะแถ่เฮ๊อ เบ๊อะเนอ, เพรหลู่แต ทวาดุทวาเต เต๊เห่, แกแยยิวพู๊ ทวาดุทวาเต เต๊เห่, เพรอิซว๊า เตซว๊าเตแส่ อาซ๊าร๊า เต๊เห่, เร๊อ แกแย ทวา ทวาดุทวาเต เต๊เห่, โอ่กู๊โอ่แก๊ ลู เร๊อ เหย่ซี ซิปล่อโนกูลู เฮ๊ปลื๊อแก ลอ ลู โหง่ เร๊อ เหย่ซู่ คยา. เหย่ซี จอกลอโท เหย่ซู่ เร๊อ อา จุ่ยจว๊าเด๊อะแก ลู เด๊อ คุ๊ยปีลาต อา อากู๊ยากู. 2คุ๊ยปีลาต แด๊เฮอ เหย่ซู่ เน๊อ, “เน หม่า แกแยยิวพู๊ อาคุ๊ย เตเพร หม่าแหน่ แอ?” เร๊อ อา เฮ๊ฉื่อ คุ๊ย เน๊อ, “อ่อ, อา หม่าเนอ ฮู๊ เน เฮ๊เนอ เฮ๊อ.” 3เร๊อ เพรหลู่แต ทวาดุทวาเต เต๊เห่ แฮแด่ เอ๊ลา เตซื๊อ เด๊อ เหย่ซู่ ลู. 4ฮู๊เนอเรอ คุ๊ยปีลาต แด๊เฮอ โป่ เหย่ซู่ เน๊อ, “เน เฮ๊ฉื่อ เกออู เตอเจ๋อ โต่ เมเต? เน แม๊มอ, เหย่ซี แฮ อิแช๊โลแถ่ อาเอ๊แหน่เจ๊อ เน เตซื๊อ.” 5หม่าแน๊เรอ เหย่ซู่ เฮ๊กาคยาฉื่อ ลู เตอเจ๋อ โต่ อาขว่าอาคยา, คุ๊ยปีลาต อาคย๊าอายื๊อ แหน่เจ๊อ.(มัทธิว ๒๗:๑๕-๒๖, ลูกา ๒๓:๑๓-๒๕, ยอห์น ๑๘:๓๙-๑๙:๑๖)
6คุ๊ยปีลาต อาเหล่โกล โอ่ เร๊อ ปว๊าหน่าหน๋า ป่วยเตจว๊าตาลว๊า ดา เบ่ เฮ๊อเฮ๊เนอ, อู เก่ กุย ลู เร๊อ อา เก่ ปลวาเถ่ เป แกแยมู๊แหม่ เด๊อ อู ด๊อตา เหย่ซี เด๊อ ทอกู เบ๊อะเต๋ เตเพร เบ่เบ่เนอ, อา ปลวาเถ่ เป อู แพ๊. 7เบ๊อะเบอ แกแย เด๊อ อาช๊าฉื่อ เมตอปล่อตือซือ แลแค เร๊อ อา เมเซอ แกแย เต๊เห่เนอ, อู ด๊อตาโอ่ แลแค เหย่ซี เด๊อ ทอกู. แกแย ตา เด๊อ ทอกู เออเต๊เห่ อาเกลเนอ เตเพรเนอ มุย เร๊อ คูบารับบัส เฮ๊เออเตเพรเนอ อา โอ่ป่าเต่อเกอ เบ๊อะเหย่ ซีเกล เนอ. 8เร๊อ แกแย โอ่โร๊ลู แฮ แลแค เด๊อ คุ๊ยปีลาต อา โอ่ เร๊อ แฮกุย ลู ฮู๊ อาเหล่โกล เม เป่ โทเฮ๊อ เหย่ซี เนอ. 9เร๊อ คุ๊ยปีลาต แด๊เฮอฉื่อ เหย่ซี เน๊อ, “แว ปลวาเถ่ เป ซี แกแยยิวพู๊ อาคุ๊ยดุ เออเตเพร หม่า ซี ซิปล่อ โอ่ แอ?” 10เมเตเฮ๊เรอ คุ๊ยปีลาต ซิเง เร๊อ เพรหลู่แต ทวาดุทวาเต เต๊เห่เนอ, อา ซิเคว๊ หนิเกอ เหย่ซู่ เร๊อ เหย่ซี แฮ เด๊อะตาแก เหย่ซู่ เด๊อ ลูโอ่ แพ๊. 11หม่าแน๊เรอ เพรหลู่แต ทวาดุทวาเต เต๊เห่เนอ อา จว๊านอฉว่า แกแย ตู๊หมู่ดุ อา กุยแถ่ คุ๊ย เร๊อ อา เก่ ปลวาเถ่ เป เหย่ซี เด๊อ คูบารับบัส, ปลวาเถ่ เป่ เป เหย่ซู่ แต่หม่, อา จว๊าเฮ๊ ลออู ฮู๊เนอ. 12คุ๊ยปีลาต แด๊เฮอโป่ แกแย ตู๊หมู่ดุ เออเต๊เห่ เน๊อ, “เก่ เมฮู๊เนอเรอ แกแย เด๊อ ซี เอ๊ อา เร๊อ แกแยยิวพู๊ เต๊เห่ อาคุ๊ย เออเตเพร เนอเล๊ แว โตเบ่ เม เกอ เร๊อ ลู ฮู๊เต?” 13เร๊อ เหย่ซี เอ๊โทแถ่ โป่ แลแค เน๊อ, “มือเซอแถ่แก อา เด๊อ อี๊ถื่อดีเต่ลู เนอ!” 14เร๊อ คุ๊ยปีลาต แด๊เฮอ เหย่ซี เน๊อ, “จว๊า มือเซอแถ่แก อา เมเต? อา จว๊า เมซื๊อเมปล๊า แคร๋ อิเต?” อา แด๊เฮอ เหย่ ซี ฮู๊เนอ หม่าแน๊เรอ เหย่ซี ลื๋อ เอ๊โทแถ่ฉว่า เล๊อ โป่ เน๊อ, “มือเซอแถ่แก อา เด๊อ อี๊ถื่อดีเต่ลู เนอ!” 15เร๊อ คุ๊ยปีลาต ซิหยื่อ ครวาเมเกอ ฮู๊ แกแย ตู๊หมู่ดุ อา เตซิหยื่อ เนอ เร๊อ อา ปลวาเถ่แก เป เหย่ซี คูบารับบัส, เร๊อ คุ๊ยปีลาต นอ เกลอฮู๊ เต๊เห่ จ่าเพรอปลี๊ แลแค เหย่ซู่ เร๊อ สู่เปล่ออิปลี๊, โทเรอ อา เด๊อะตาแก เหย่ซู่ เด๊อ เกลอฮู๊ เต๊เห่ อา กู่ยากู เด๊อ เหย่ซี เก่ จว๊า มือเซอแถ่แก ลู เด๊อ อี๊ถื่อลู.เกลอฮู๊ เต๊เห่ เมล๊าเมเล งยาโคร เหย่ซู่
(มัทธิว ๒๗:๒๗-๓๐, ยอห์น ๑๙:๒-๓)
16เกลอฮู๊ เต๊เห่ เอ๊จว๊า เหย่ซู่ เด๊อ คุ๊ยปีลาต โฮกู เหล่โอ่ โต๊โผะ. (เหล่โอ่ เนอโต๊โผะ หม่า อู เอ๊ เร๊อ ปรีโทเรียม) โทเรอ เหย่ซี เอ๊แฮปล๊อ ลอ โป่ เกลอฮู๊ เด๊อ อาโร เต๊เห่. 17เหย่ซี เมล๊าเมเล งยาโคร แลแค เหย่ซู่ เร๊อ แซ๊แถ่ เป ลู จาแจจวา เต๊เผ่ล๊อซอ ตือปื่อ. โทเรอ เหย่ซี อี๊ขุ ตาวา ส่อแช๊เหมาะ แซ่เน๊อ กู๊โก่ เนอเรอ อา โก่แถ่ เป ลู. 18โทเรอ เหย่ซี เม ลู ฮู๊ อา เบ่หยื่อเบ่แหน่ค๊าโข่บย่าแพ๊ ลู เนอ เร๊ออา เฮ๊โตโมจู๊แก่ ลู เน๊อ, “เก๋อ, ยูดาห์ อาคุ๊ยดุ, โอ่เซอ เพร ม๊อเนอ ทูดื่อ นี๋!” 19เหย่ซี มือ ลูกู่กล๊อ เร๊อ อิแท๊, ถู่ปล๊า ลู, แฮ แด๊งือแล เด๊อ ลูเป๊เส่เง เตเพร โท เตเพร, เร๊อ อา เมโตโมจูแก่ ลู ฮู๊ อา เบ่หยื่อเบ่แหน่ ลู เนอ เร๊อ อา แฮจ๊อเบ โก๊นีโก๊โหนะ ลู เตเพร โท เตเพร. 20เบ๊อะเหย่ซี เมล๊าเมเล งยาโครโทเฮ๊อ ลู เนอ เหย่ซี โปล๊ตาแก คยาแซ๊ จาแจจวา เต๊เผ่ล๊อซอ เนอตือปือ เร๊อ อา แซ๊แถ่ เต๊เปล่ เป คยาแซ๊ ลู เร๊อ อาจา เร๊อดื่อ เนอตือปือ. เหย่ซี เอ๊เถ่จว๊าแก ลู เร๊อ อา เก่ จว๊า มือเซอ แถ่แก ลู เด๊อ อี๊ถื่อดีเต่ลู.อู มือเซอแถ่ เหย่ซู่ เด๊อ อี๊ถื่อดีเต่ลู
(มัทธิว ๒๗:๓๑-๔๔, ลูกา ๒๓:๒๗-๔๓, ยอห์น ๑๙:๑๗-๒๗)
21แกแยเมอไซรีน เด๊อ อามุย เร๊อ คูซีโมน เนอ อา โอ่ เตเพร, เร๊อ คูซีโมน เออเนอ, อา พู๊โอ่ ซิเนอ, เตเพร เร๊อ อามุย เร๊อ คูอเล็กซานเดอร์, เตเพรปา เร๊อ อามุย เร๊อ คูรูฟัส. เบ๊อะเนออาเค อา โอ่ เด๊อ อาดอ อาโฉ่ เร๊อ อา เตเร แฮโน เด๊อ วีกู เค, อา แฮ ตาฉื่อ เร๊อ เกลอฮู๊ เต๊เห่ เร๊อ เหย่ซี นอแย๊ตื๊อดื่อ ลู เร๊อ เหย่ซู่ อี๊ถื่อดีเต่ลู. a 22เหย่ซี เอ๊จว๊า เหย่ซู่ เด๊อ อู เฮ๊ เร๊อ กลโกธา เฮ๊ เออเนอโต๊โผะ. ▼▼กลโกธา อาโหง่แลช๊า หม่า กู่กล๊อครุ๊ย เหล่โอ่
23เบ๊อะเนอ, เหย่ซี เด๊อะโอ เหย่ซู่ เทอแย เด๊อ อา โกลซีแล๊ เต่อเร๊อ เตขุ เมโอ่เหม่ เตเชเหน่เชแบ่ ▼▼เตขุ เมโอ่เหม่ เตเช เออเนอหมา อู เฮ๊ เร๊อ มู๊หร่า
เออเนอ หม่าแน๊เรอ เหย่ซู่ โอ โต่. 24เร๊อ เหย่ซี อามือปอแถ่ เหย่ซู่ เด๊อ อี๊ถื่อดีเต่ลู เร๊อ เหย่ซี พย๊า เหย่ซู่ อาจา เต๊เห่ เร๊อ อา จู๊ แลแค เตแบบุ๊ย ▼▼ไทย เฮ๊เร๊อ จับฉลาก
เต๊อเจ่อ เด๊อ จู๋ ดื่อ อา ตาโต เบ๊อะเตเพร โตพย๊า เบ๊อะตากยา ฮู๊เนอแพ๊. e 25เบ๊อะเหมาะแปลแถ่ ลุยซว๊าตือมือ เบ๊อะเนอ, เหย่ซี มือเซอแถ่ เหย่ซู่ เด๊อ อี๊ถื่อดีเต่ลู. 26เร๊อ อู ราแถ่ โอ่ ลีแด่เตซื๊อ เหย่ซู่ เน๊อ, “แกแยยิวพู๊ เต๊เห่ อาคุ๊ย” ฮู๊เนอ, 27เร๊อ เหย่ซี มือเซอแถ่ เต่อเกอ เร๊อ เพรมู๊แหม่ รีแจ่ อู ซิเนอ เหย่ซี มือเซอแถ่ ลู เด๊อ เหย่ซู่ จ๊อทว๊า ตากยา เตเพร เด๊อ จ๊อจิ ตากยา เตเพร. f 28(ฮู๊ ลีเทส่อพ๊ากู เฮ๊ เน๊อ, “อู แด่แซ่ อา ฮู๊ เพรเมซื๊อพู๊ฮู๊เนอแพ๊,” เตเฮ๊เบ่ เออเนอ อา เล๊อแถ่บาแถ่ เฮ๊อ.) ▼▼อู รา ลีพ๊า มู๋ หนู่เค เต๊เห่เห่เนอ, อู แม๊เถอะ ลีเทส่อพ๊า เออตามา โอ่ป่าเต่อเกอ โต่
29แกแย เด๊อ อา จว๊ากาผื่อ แลแค เบ๊อะอาช๊า เนอเต๊เห่, นอตา แลแค อากู่กล๊อ, h เร๊อเป๊อเจ่ออิแช๊ ▼▼อิสราเอลพู๊ เต๊เห่ แด่รีเซ๊ เฮ๊อ อา ซิเถ่ อู เตเพรเพร เบ๊อะเนอ, เหย่ซี นอตา แลแค กู่กล๊อ
เร๊อ อา เฮ๊ แลแค ลู เน๊อ, “อ๋อ เน เฮ๊ เร๊อ เน เก่ เมแลโพร๊แก เตหลู่แตโฮกู เร๊อ โซเนอ อากู เน ช๊อแถ่ เต๊เปล่ คยาแพ๊ เน เฮ๊เนอเฮ๊. j 30ฮู๊เนอเรอ โอ่ เด๊อ อี๊ถื่อดีเต่ลู เออเนอเรอ ก๊าตา มอ แต่ เร๊อ เมจว่าแลเปล๊ หนิเกอเร๊อมอ เนเหน่ แต.” 31เพรหลู่แต ทวาดุทวาเต เต๊เห่ เร๊อ เพรอิซว๊า เตซว๊าเตแส่ อาซ๊าร๊า เต๊เห่ เป๊อเจ่อ แซ่เกอ เหย่ซู่ ฮู๊เนอ เร๊อ เหย่ซี เฮ๊ แลแค เน๊อ, “อา เมแลเปล๊กา แจ่ อู ซิปล่อเซอเพร หม่าแน๊เรอ อา เมจว่าแลเปล๊กา แจ่ เกอเร๊อ อาเหน่โต่ ว๋า. 32เน เฮ๊ เกอเร๊อ เนเหน่ เร๊อ เน หม่า ยูดาห์ อาคุ๊ย เด๊อ อา เมแลเปล๊ อู เนอเตเพร แวเฮ๊. เป เก่ แม๊เถอะ เน ก๊าตา แจ่ เด๊อ อี๊ถื่อดีเต่ลู กู๊แหน่ เก่เฮ๊เรอ เป หยื่อเอ่ เน,” อา เฮ๊โท ฮู๊เนอเรอ, แกแย เด๊อ อู มือเซอแถ่ เต่อเกอ เร๊อ เหย่ซู่ เออซิเนอเนอ อา เป๊อเจ่ออิแช๊ เกอดื่อ เหย่ซู่ ฮู๊เนอเนอเฮ๊อ. เหย่ซู่ เซอ
(มัทธิว ๒๗:๔๕-๕๖, ลูกา ๒๓:๔๔-๔๙, ยอห์น ๑๙:๒๘-๓๐)
33เป๊อแถ่ เบ๊อะเหมาะโถ่ จ๊อราเน๊ เนอ เร๊อ อา โต่แฮ เด๊อ เหมาะกุ่ยตาแล โซมือ อากูเนอ เก่ คี๊ตื๊อรื๊อ ตาลอ เจ๊อ เต๊เก่เล เจ๊อ. 34เบ๊อะเหมาะกุ่ยตาแล โซมือ เบ่เฮ๊อ เบ๊อะเนอ, เหย่ซู่ จ่าเพรอ เอ๊โทแถ่ เน๊อ, “เอโลอี, เอโลอี, ลามา สะบัก ธานี,” อาโหง่แลช๊า หม่า “แว จอแปแหร่, แว จอแปแหร่, เน วีแก แว เมเต?” k 35แกแย ก๊อถ่อโอ่ เบ๊อะเนอ เต๊เห่ หนิโฮ แลแค เหย่ซู่ เอ๊โทแถ่ ฮู๊เออ เร๊อ เหย่ซี เฮ๊ แลแค เน๊อ, “หนิดา แลแค, อา เอ๊โทแถ่เฮ๊อ เพรโพร เอลียาห์เฮ๊อ.” 36เร๊อ เด๊อ เหย่ซีเกลเนอ แกแย โอ่ เตเพร เร๊อ อา แกล่จว๊าพย๊า เตเต๊อเจ่อ เด๊อ อาแซ่เน๊อ แตแพ๊ปย๊า เร๊อ อา จว๊าเจโน เด๊อ เทอแยฉ่า โซกู เร๊อ อา จอกลอ หม่า เด๊อ เหว่เคอ เร๊อ อา โต๊โหล่แถ่ นอจุ๊ยโอ เร๊อ แบ่เจ่ เหย่ซู่ เร๊อ อา เฮ๊ แลแค เน๊อ, “เป โอ่ป่อแม๊แม๊ โก๊หลื่อ เตอเปลอฮู๊ โป๊, หม่า เป แม๊เถอะ ช๊าเหล่ เพรโพร เอลียาห์ เก่ แฮพย๊าตาแก อา เด๊อ อี๊ถื่อดีเต่ลู เนอปา แอ.” l 37เร๊อ เหย่ซู่ เอ๊โท พราฉว่า โทเรอ อาเซ๊ปลื๊อ ซิปล่อ เซอ เพร เถ่จว๊าแก. 38เร๊อ อิเกบ่าดุ เด๊อ อู จ่อตาตือบี๊ เด๊อ เตหลู่แตโฮกู เนอต๊าบ่า แลยา เด๊ออาขุตาแล ปลื๊อแก เนอกยา. m 39เบ๊อะโรมัน เกลอฮู๊เตเย กู่กล๊อ เออเตเพร ก๊อถ่อโอ่ เบ๊อะอี๊ถื่อดีเต่ลู เบ๊เง เบ๊อะเนอ, อา แม๊เถอะ เหย่ซู่ อาเซอ เมฮู๊เนอ เร๊อ อา เฮ๊ เน๊อ, “แกแย เออเตเพร หม่า จอแปแหร่ อาพู๊คู หม่าแหน่ แหน่เฮ๊อ!” อา เฮ๊ ฮู๊เนอ. 40เพรเหมาะ เด๊อ อา ก๊อถ่อโอ่ แม๊จว๊าจู เด๊อ อายา เออเต๊เห่ อาเกลเนอ, มักดาลา ดอกูโหมะ เหมาะมารีย์, เร๊อ คูยากอบ เด๊อ อา พู๊เจ่เล๊อ เร๊อ คูโยเสส อาโหมะ โหมะมารีย์, เร๊อ เหมาะสะโลเม โอ่เตอเกอ เบ๊อะเนอ. n 41เพรเหมาะ เออเต๊เห่ หม่า เบ๊อะเหย่ซู่ โอ่ เด๊อ กาลิลีเก่ เบ๊อะเนอ, อา กอครวา เหย่ซู่ เด๊อคยา เร๊อ อา เมจว่าเกอ เป เตเด๊อ เหย่ซู่ โหล่ เต๊เห่. เพรเหมาะ อาโร เต๊เห่ เด๊อ อา โอ่ แลแค เด๊อ วีเยรูซาเล็ม เร๊อ อา ครวาแฮ เต่อเกอ เร๊อ แบ่เจ่ เต๊เห่เนอ อา โอ่เต่อ เกอโร๊ลู เบ๊อะเนอ.อู โล๊ เหย่ซู่
(มัทธิว ๒๗:๕๗-๖๑, ลูกา ๒๓:๕๐-๕๖, ยอห์น ๑๙:๓๘-๔๒)
42อา ทวาแถ่ เนอเตอเนอ หม่า ม๊อแงเนอ. เร๊อม๊อเนอแงเนอเออเนอ หม่า แกแยยิวพู๊ เต๊เห่ เตหรี่แตแร เหล่เอ่เหล่โอ เบ๊อะเหย่ซี อาม๊อเนอโด่ เบ่ แต่ล๋ายโต่ เนอเตอเนอ. 43เบ๊อะเหมาะเฮ๊แลเฮ๊อ เบ๊อะเนอ, คูโยเซฟ เด๊อวี อาริมาเธีย เออเตเพร อา แด่คือ อาซิ ปล่อ เร๊อ อา จว๊ากูย เหย่ซู่ โล เออ เด๊อ คุ๊ยปีลาต อา โอ่. อา หม่า อา โอ่เตอเกอ เด๊อ แกแย ทวาดุ ตู๊หมู่ตอกล๊อ เด๊อ อู เบ่หยื่อเบ่แหน่ หนิเกอ เออเนอตู๊หมู่ อาเกล เตเพร. อา หม่า แกแย เด๊อ อา โอ่ป่อแม๊ชือ เกอ จอแปแหร่ อาเทออาเก่ เตเพร เฮ๊อ. 44เหย่ซู่ เซอเฮ๊อ, คุ๊ยปีลาต หนิโฮ ฮู๊เนอ เร๊อ อา อาคย๊าอายื๊อ เร๊อ อา เอ๊แฮ เกลอฮู๊เตเย อากู่กล๊อ เตเพร เด๊อ อา โอ่ เน๊อ “หม่า เหย่ซู่ อาเซอ อางยาลาเฮ๊อ แอ?” อา แด๊เฮอ ลู ฮู๊เนอ. 45เกลอฮู๊เตเย อากู่กล๊อ เออเตเพร แด๊โฉ่โล คุ๊ยปีลาต เร๊อ เหย่ซู่ เซอโทเฮ๊อ เร๊อ คุ๊ยปีลาต อาเด๊อะ คูโยเซฟ เด๊อ อา เก่ จว๊าพย๊าตา เหย่ซู่โล เด๊อ อี๊ถื่อดีเต่ลู. 46คูโยเซฟ จว๊า พรีหนิ อิเก แบ๊ปลีงูดุ ตือปือ เร๊อ อา จว๊าพย๊าตา เหย่ซู่ เด๊อ อี๊ถื่อดีเต่ลู. อา โบ่บี๊ ลู เร๊อ อิเกแบ๊ปลี งูดุ เออตือปือ เร๊อ อา จว๊า ฉู่โน ลู เด๊อ อู ขื่อโน หนื่ออื่อ โทเฮ๊อ โลกู ตูกู อากู. โลกู เออเนอหม่า หล่อกู เด๊อ อา โอ่ เด๊อ หล่าโล เร๊อ อา ถู่ลอ บี๊แก โลกู เออเนอ เร๊อ หล่อดุ เตเม. 47มักดาลา ดอกูโหมะ เหมาะมารีย์ เร๊อ โยเสส อาโหมะ โหมะมารีย์ แม๊โตม๊า หนิแก อู เหล่ฉู่โน เหย่ซู่ อาเหล่โอ่ เออโต๊โผ่.
Copyright information for
EkySCThai