Mark 3
เหย่ซู่ เมโอเหม่ แกแยเพ กู๊ขุเซอ ตากยา เบ๊อะม๊อนอโด่
(มัทธิว ๑๒:๙-๑๔, ลูกา ๖:๖-๑๑)
1เหย่ซู่ กาโน คยาแซ๊ เด๊อ เตจ๊อเบโฮกู เร๊อ เบ๊อะเนอ โตโพ๊เนอ, แกแยเพ กู๊ขุเซอ ตากยาโอ่ เตเพร. 2อา ย๋อ โต เร๊อ ม๊อเนอโด่ อาคยา, ฟาริสี เต๊เห่เห่เนอ อา ซิหยื่อ แม๊ปู ปื่อ แบ่เจ่ เหย่ซู่ อาเตซื๊อ เร๊อ อา โอ่ป่อ แม๊ ลู เร๊อ ม๊อเนอโด่ เออเนอหม่า อา เมโอ่เหม่ แกแยเพ กู๊ขุเซอ ตา กยา เออเตเพร ปา แอ? หม่า โต่ แอ? ฮู๊เนอ. 3เร๊อ เหย่ซู่ เฮ๊ แกแยเพ กู๊ขุเซอ ตากยา โอ่ เออเตเพร เน๊อ, “แฮ เด๊อ เงเออ.” 4โทเรอ อา แด๊เฮอ เหย่ ซี เน๊อ, “เป เตซว๊าเตแส่ เฮ๊ เป่ เร๊อ เบ๊อะแกแยยิวพู๊ อา ม๊อเนอโด่ อาคยาเนอหม่า, เป โตเบ่ เมจว่า อู แอ? หม่าโต่หม่า เป โตเบ่ เมจาเมจือ อู แอ? เป โตเบ่ เมแลเปล๊กา แกแย เตเพรเพร อาซิปล่อ เซอเพร แอ? หม่าโต่เรอ เป โตเบ่ เมเซอ อู แอ?” หม่าแน๊เรอ เหย่ซี แด๊ต๊ากลว่า ลอปลี แพ๊. 5อา เมหน่าจา เหย่ซู่ อาซิปล่อ, เมเตเฮ๊เรอ เหย่ซีชอ ลอปลี เจ๊อ ปว๋า เตเพร. เตซิยอ เกอเร๊อ อูเนอ อา โอ่ เจ๊อ เตกี๋ โต่ อาคยา, เหย่ซู่ แม๊ เหย่ ซี เร๊อ อา ซิปล่อดุ ตาลว๊าซิลือเร๊อ อา เฮ๊ แกแย กู๊ขุเซอ ตากยา เออเตเพร เน๊อ, “บ๊อเถ่ เน กู๊ขุเนอ,” เร๊อ อา บ๊อเถ่ อากู๊ขุ, เร๊อ อากู๊ขุ แร๊กาคยา ตว่าลอ คยาแซ๊. 6ฟาริสีพู๊ เต๊เห่ เถ่จว๊า ตาพาแก เร๊อ โตโพ๊โต เหย่ซี จว๊าโอ่ปล๊อ เต่อเร๊อ แกแย เด๊อ อา ครอ ครวา คุ๊ยเฮโรด คยา เนอเต๊เห่ เร๊อ เหย่ซี จว๊า โอ่ปล๊อ เฮ๊เบ่ ส่อพ๊อเบ่ลู เร๊อ โตเม เมเซอ เหย่ซู่ ฮู๊เต อาคยา.แกแย ครวาโหร่ครวาเอ๊ เกอ เหย่ซู่ อาคยา.
7เหย่ซู่ เร๊อ อา โคเจ่ เต๊เห่ เถ่จว๊า ตาพาแก เด๊อ กาลิลี เทอ อ่อดุ เร๊อ แกแย เด๊อ กาลิลี เก่กู เนอเต๊เห่ ครวาโหร่ครวาเอ๋ เกอ แหน่เจ๊อ. เหย่ซีคยาเจ๊อ เต๊เห่เห่ เนอหม่า เด๊อ ยูดาห์เก่กู, 8เต๊เห่เห่ เนอหม่า เด๊อ วีเยรูซาเล็ม, เต๊เห่เห่ เนอหม่า เด๊อ วีเอโดม เร๊อ เด๊อ เทอ แลโหมะจอร์แดน เบ๊เถ่เนอ ตากยา, เต๊เห่เห่ เนอหม่า อา โอ่ ตีวี๊ตาวา แลแค เบ๊อะวีไทระ เร๊อ วีไซดอน เออเนอเต๊เห่ ล๋อ ปลี ครอครวา ลอ เหย่ซี อาคยา. ล๋อ แกแย เออเต๊เห่ เนอหม่า แกแย เด๊อ อา หนิโฮ ลอปลี เหย่ซู่ เม โค๊ตีกลี๊เจ๊อ เออเต๊เห่ เร๊อ อา ครวาจว๊าเกอ เหย่ซีคยา แพ๊. 9แกแย โอ่โร๊ตู๊หมู่ดุ เออเต๊เห่ เก่ ดุ๊ยแฮ ยาแฮ แต่ เหย่ซู่ แต่เหม่ เนอ, อา เฮ๊ อา โคเจ่ เต๊เห่ เร๊อ อา นอ เซเร หนื่ออื่อ เหย่ซี ส่อเกลอ เต๊เบ่. a 10เหย่ซู่ จว๊า เฮ๊โต่ อา โคเจ่ ฮู๊เออ เมเตเฮ๊เรอ อา ย๋อ เมโอ่เหม่ เอ๊แหน่เจ๊อ เฮ๊อ แกแยชุ๊ยแกแยเช เต๊เห่ เฮ๊อ. เร๊อ แกแย เด๊อ อาชุ๊ยอาเช ปา เต๊เห่เนอ, อา ย๋อ ดุ๊ยแฮโต ลู เร๊อ เซเร จว๊า โต่เบ่ ลอ ลู อาคยา, เร๊อ อา นอเม อาโคฮู๊เจ่เต๊เห่ ฮู๊เนอ แพ๊. 11โลเน๊ เมเบ่ แกแย เออเนอเต๊เห่เนอ, อา แม๊เถอะ เหย่ซู่ บ๊อเกเต๋ เบ่เบ่, อา แลคื๊อตา เด๊อ เหย่ซู่ อา เป๊เส่เง เร๊อ อา เอ๊โท แลแค เน๊อ, “เน หม่า จอแปแหร่ อาพู๊คู เตเพร,” อา เฮ๊ แลแค ฮู๊เนอ. 12เร๊อ เหย่ซู่ ซิพรวา โลเน๊ เนอเต๊เห่ เน๊อ, “แว หม่า อูเปเนอ แด๊โฉ่โล เป่ แต่ อู เตเพร่ว แต่เหม่ นี๋.”เหย่ซู่ นว๊าแถ่ อา โคเจ่ เช๊อซิเนอ
(มัทธิว ๑๐:๑-๔, ลูกา ๖:๑๒-๑๖)
13โทเรอ เหย่ซู่ แถ่ เด๊อ โฉ่ขุ เร๊อ อา เอ๊แฮ แกแย เด๊อ อาโต ลูซิปล่อ เนอเต๊เห่ เด๊อ อา โอ่. เร๊อ เหย่ซี จว๊า แลแค เด๊อ ลูโอ่. 14เหย่ซู่ นว๊าแถ่ อา โคเจ่ เช๊อซิเนอ เร๊อ อา เฮ๊ เหย่ซี เน๊อ, “แว นว๊าเถ่ ซี เนอ ซี โตเบ่ จว๊าโอ่เต่อเกอ เร๊อ แว. โท๊โต่ แว เก่ นอเถ่จว๊า ซี ปา, เร๊อ ซี เก่ จว๊าแด๊โฉ่โด่แน เป่ อู เร๊อ จอแปแหร่ อาลาอาโหง่ ปา. เออ เช๊อซิเนอ เนอ, อาโป๊หนิเร๊อ อามุย เร๊อ เพรโด่แนพู๊ เต๊เห่. ▼▼ลีพ๊า มู๋หนู่เค เต๊เห่เห่เนอ, อาโป๊ หนิโป่ เหย่ซี เออ เช๊อซิเนอ อามุย เร๊อ เพรโด่แนพู๊ เต๊เห่, ลีเออ โตโกล เนอ อู ราเต่อโต่.
15โท๊โต่ แว เก่ เด๊อ ซี เตเตอเรอฉว่าชอ เด๊อ ซี เก่ เหว่เถ่แกเบ๊ โลเน๊ เนอเต๊เห่ ปา.” 16เหย่ซู่ นว๊าแถ่ อา โคเจ่ เช๊อซิเนอ เออเต๊เห่ เนอหม่า แคร๋ อูเป เฮ๊ เนอ, คูซีโมน (เด๊อ เหย่ซู่ โป๊เต๊เปล่เซ ลูมุย เร๊อ คูเปโตร) 17เพเศเบดี อาพู๊เพรคู คูยากอบ เร๊อ อาโป่ คูยอห์น, เร๊อ เหย่ซู่ โป๊เต๊เปล่เซ เหย่ซีมุย เร๊อ คูโบอาเนอเย. อาโหง่แลช๊า หม่า ฉ่าแล อา พู๊เพรคู เต๊เห่. ▼▼เพรลีแมลีเพ๊ เต๊เห่เห่ เฮ๊ เนอ, ฉ่าแล อา พู๊เพรคู อาโหง่แลช๊า หม่า, เหย่ซี ย๋อ ซิปล่อแถ่แพร ดื่อเง. เพรลีแมลีเพ๊ เด๊ออาโร เต๊เห่เห่เกอติ เรอ อา เฮ๊ เนอ, เหย่ซี เก่ โด่แน เป่ อู เฮ๊เนอ, อา โอ่ เจ๊อ เร๊อ อา เตอเรอฉว่าชอ เจ๊อ, อา เฮ๊ ฮู๊เนอ
18คูอันดรูว์, เร๊อ คูฟีลิป, คูบารโธโลมิว, คูมัทธิว, คูโธมัส, เพอัลเฟอัส อาพู๊ คูยา กอบ, คูธัดเดอัส, คูซีโมน เด๊อ อา โม เกอเร๊อ อาเทออาเก่ เออเนอ เตเพร, 19เร๊อ คูยูดาส อิสคาริโอท เด๊อ อา อิเชตาแก เหย่ซู่ เนอเตเพร. เหย่ซู่ เร๊อ โลเน๊ เบเอลเซบูล
(มัทธิว ๑๒:๒๒-๓๒, ลูกา ๑๑:๑๔-๒๓, ๑๒:๑๐)
20เออโต๊โพ๊เรอ เหย่ซู่ กา โน เด๊อ หี่ กู. เร๊อ แกแย แฮโน โอ่ปล๊อโอปลู่ เกอลู คยาแซ๊ลู เร๊อ เหย่ซี เอ่เล๊ โอเล๊ ปา เจ๊อเฉ่โต่. 21เบ๊อะอา โป่แหว่โหมะเพ หนิโฮ เฮ๊อ เตเมอาเหน่ ฮู๊เออ เบ๊อะเนอ, เหย่ซี เถ่จว๊า เร๊อ อา เก่ จว๊า จุ่ยกา ลู เมเตเฮ๊เรอ เหย่ซี เฮ๊ ลูแหย่โหย่ เน๊อ, “อา แซ่ เร๊อ อา ตีมุย,” เหย่ซี เฮ๊ ลู ฮู๊เนอ. 22โทเรอ แกแย ซิเง เตซว๊าเตแส่ โอ่ เด๊อ วีเยรูซาเล็ม เต๊เห่ แกแล เร๊อ เหย่ซี เฮ๊ แลแค ลูเนอ, “โลเน๊เบเอลเซบูล โอ่ เด๊อ เหย่ซู่ อาเหน่กูแพ๊. เร๊อ อา ย๋อ พย๊าหนิ โลเน๊ กู่กล๊อดุ เนอเต๊เห่ อา เตอเรอดุฉว่าชอ อาคยา ตื๊อเร๊อ อา เหว่เถ่แก แจ๊ แพ๊ โลเน๊ เนอเต๊เห่ แพ๊.” d 23เร๊อ เหย่ซู่ เอ๊แฮ เหย่ ซี เด๊อ อา โอ่ เร๊อ อา เฮ๊ เหย่ซี เร๊อ โหง่ค๊าโข่ ฮู๊เออ, “โลเน๊ กู่กล๊อ จว๊า เหว่เถ่ แจ่ คยาแซ๊ โลเน๊ กู่กล๊อ ฮู๊เต? 24เทอเก่พู๊ เร๊อ เทอเก่พู๊ เก่ ช่าย เกอเร๊อ คยาดื่อ ลู เฮ๊เรอ อาเทออาเก่ โอ่หม่าโอ่กลอ แฮเง โต๊แจ่ ปา ลู โต่. 25หี่พู๊แพพู๊ ตี๊หี่ เก่ กย๊าเก่งา เกอ คยา แซ๊ เร๊อดื่อ ลู เฮ๊เรอ หี่พู๊แพพู๊ ตี๊หี่ โอ่ โต๊แจ่ ปา ลู โต่. 26ฮู๊เนอเรอ โลเน๊ กู่กล๊อเออ อา เก่ ช่าย กาคยา แซ๊ อาเหน่ เฮ๊เรอ อา เตอเรอฉว่าชอ เต๊เห่ โอ่หม่าโอ่กลอ แจ่โต่. อา เตอเรอฉว่าชอ เต๊เห่ อา โอ่เหม่แก ปา. 27หม่าแน๊เรอ เบ๊อะแกแย เตเพร จว๊าโน เด๊อ โลเน๊มู๊แหม่ กู่กล๊อ เด๊อ อาแซ่ เร๊อ แกแยฉว่าแกแยชอ เตเพร อาหี่กู เบ๊อะเนอ, อา เก่ โน จอกลอหม่า เหร่อ ลู โต่ เก่เฮ๊เนอ, อา โน พย๊าเผ่หนิ แจ่ ลูตาเต แตแค๋ โต่. อา จอกลอหม่า โท ลู ตื๊อหม่า อา พย๊าเผ่ หนิ แจ่ ลู ตาเต แพ๊. 28แว เฮ๊จ๊อจ๋อ ซี, ล๋อ แกแยเห่ขุพู๊ อา เตซื๊อ เต๊เห่ เร๊อ ล๋อ อา เฮ๊เบ่ มู๊แหม่รีแจ่ จอแปแหร่ เต๊เห่เนอ จอแปแหร่ เก่ ปลวาแก ลอ เหย่ซี เตซื๊อ ปาแพ๊. 29หม่าแน๊เรอ แกแย เด๊อ อา เป๊อเจ่ออิแช๊ แหย่โยบูโพ๊ แบ่เจ่ เนอ จอแปแหร่ ปลวาแกเบ๊ ปา เจ๊อ ลูเตซื๊อ เตกี๋ โต่. อาเตซื๊อ เออเนอ อา เก่ โอ่หม่าแจ่ ลา ตูจูเพร แตแลเคร๊ เฮ๊อ.” e 30เหย่ซู่ จว๊าเฮ๊โต่ ฮู๊เออ เมเตเฮ๊เรอ, “โลเน๊ โอ่ เด๊อ ลูกู,” เหย่ซี ย๋อ เฮ๊ ฮู๊เนอ.เหย่ซู่ อาโหมะ เร๊อ อาโป่แหม่ เต๊เห่
(มัทธิว ๑๒:๔๖-๕๐, ลูกา ๘:๑๙-๒๑)
31เหย่ซู่ อาโหมะ เร๊อ อา โป่เพรคู เต๊เห่ แฮโอ่ ก๊อถ่อ เด๊อ หี่กลอ เร๊อ อา นอจว๊าเอ๊ อู เร๊อ เหย่ซู่. 32เร๊อ แกแย โอ่โร๊ลู โอ่แน ตาวา ปลูเผ่ ลอ เร๊อ เหย่ซู่. อู เฮ๊ เหย่ซู่ เน๊อ, “แม๊มอ เด๊อ เนอ, เนโหมะ เร๊อ เน โป่เพรคู เน โป่เพรเหมาะ ▼▼ลีเทส่อพ๊า มู๋ หนู่เค เต๊เห่เห่เนอ, “เนโป่เพรเหมาะ” โหง่เออ ตือ มือ เนอ อา ราโน ปา โต่.
เต๊เห่ โอ่ลอ เด๊อ หี่กลอเนอ เร๊อ อา แด๊เฮอซื๊อ แลแค เน.” 33เร๊อ อา เฮ๊ฉื่อ เหย่ซี เน๊อ, “แวโหมะ เร๊อ แว โป่เพรคู เต๊เห่ หม่า อูเป?” 34อา แม๊ ตาวา แกแย โอ่แนปลู ตาวา ลู เนอเต๊เห่ เร๊อ อา เฮ๊ เน๊อ, “เออเล๊, แกแย เด๊อ อา โอ่ เบ๊อะเออ เต๊เห่ เนอหม่า หม่าเฮ๊อ แวโหมะ เร๊อ แว โป่เพร คู เต๊เห่เฮ๊อ. 35แกแย เด๊อ อา เมโต ฮู๊ จอแปแหร่ อา เตซิหยื่อ เนอเต๊เห่หม่า หม่าเฮ๊อ แวโป่ แว แหว่ เร๊อ แวโหมะ เฮ๊อ,” อา เฮ๊ ฮู๊เนอ.
Copyright information for
EkySCThai