Mark 1:1-8
เจเทอ คูยอห์น เซเร เหร่อ แกล๊
(มัทธิว ๓:๑-๑๒, ลูกา ๓:๑-๑๘, ยอห์น ๑:๑๙-๒๘)
1เออ หม่า เตซิครือมีลา อา แกช๊า เด๊อ อา แด๊โฉ่โล จอแปแหร่ อาพู๊คู เหย่ซู่ครี๊ อาหรี่อาแก. 2เด๊อ หนู่เค เพรโพร อิสยาห์ อา รา เตซิครือมีลา เออเนอ เด๊อ อา ลีกู จอแปแหร่ เฮ๊ เน๊อ, “แม๊มอ, อา หม่า เพรซู เป่ แว เตหรี่เตแก เตเพรเฮ๊อ. แซ่ฮู๊ อา เก่ เมโม หนื่ออื่อเหร่อ เป่ เนแกล๊ เหล่แฮ อาเงเนอ, แว นอแฮเหร่อเฮ๊อ อา เด๊อะ เนเบ๊เงเฮ๊อ. a 3แกแย เนอเตเพร เอ๊โทแถ่ เด๊อ เก่เช เทอแก หล่อ ตาม๊าขุ เนอ อา เฮ๊ เน๊อ, ‘ตี๊หรี่แตแร หนื่ออื่อ แลแค แกล๊ เด๊อ แบ่เจ่ อาเง. เมจ๊อเมเป แลแค แบ่เจ่ แกล๊เหล่แฮ อาเง โตโบ นี๋.’” b 4เพร เจเทอ คูยอห์น หม่า เพรแด๊โฉ่ โด่แน เตเพร เร๊อ อา แฮ โทเฮ๊อ. อา เถ่จว๊า เด๊อ เก่เชเทอแก หล่อตาม๊าขุ เร๊อ อา แด๊โฉ่โด่แน เป่ อู เร๊อ ถู่แหล่แต๊แกละ แลแค ซี ซิปล่อ. เร๊อ เจ แลแค ซีเหน่ เร๊อ เทอ ตื๊อเรอ จอแปแหร่ ปลวาแก ซี เตซื๊อ เนอเต๊เห่ แพ๊. 5แกแย โอ่ เด๊อ ยูดาห์เก่กู เนอเต๊เห่ เร๊อ วีเยรูซาเล็ม อากู เนอเต๊เห่ แฮโอ่โร๊ลู เด๊อ คูยอห์น อา โอ่. เร๊อ เหย่ซี แฮ กุยซิยอ แลแค อาเตซื๊อ เร๊อ คูยอห์น เจ เป่ เหย่ซีเหน่ เด๊อ เทอแลโหมะ จอร์แดน กูเนอ. 6คูยอห์น อากือแซ๊หนิ เห่อจา เด๊อ อู บ๊อ เร๊อ ตีซิโบดุ อาฉื่อ, เร๊อ อา แรแถ่หนิเร๊อ ฮ๊อท๊อพ๊า เร๊อ อา เอ่แพ๊ ตีกี เร๊อ แว๊เทอ. c 7เร๊อ อา แด๊โฉ่โด่แน เป่ อู เน๊อ, “แกแย อา แฮ เด๊อ แวคยา ปา เตเพร เนอหมา, อาโพร เตอเรอดุ ฉว่าชอ เล๊อลอ เจ๊อ เร๊อ แว ปา. แว แด๊งือ งอตา ฉิโล๊ เป่ แพ๊ อา แข่แด๊พ๊าเปลอฮู๊ แพ๊ เนอ แว ต่า เร๊อ อา โต่. 8แว เจ ซีเหน่ เร๊อ เทอ หม่าแน๊เรอ อา เก่ เจ ซี เร๊อ แหย่โยบูโพ๊ แบ่เจ่ ปา,” คูยอห์น เฮ๊ ฮู๊เนอ.
Copyright information for
EkySCThai