Mark 1:21-28
เหย่ซู่ เหว่เถ่แก โลเน๊
(ลูกา ๔:๓๑-๓๗)
21โทเรอ เหย่ซู่ เร๊อ อาโคฮู๊เจ่ เต๊เห่ จว๊าโต่ เด๊อ วีคาเปอรนาอูม เร๊อ เบ๊อะแกแยยิวพู๊ อาม๊อเนอโด่ เนอเตอเนอ, เหย่ซู่ จว๊าโน เด๊อ เตจ๊อเบโฮกู เร๊อ อา จว๊าโน อิซว๊า เป่ อู เบ๊อะเนอ. 22เร๊อ แกแย เต๊เห่ อาคย๊าอายื๊อ ลอปลี เจ๊อ เหย่ซู่ อา เตอิซว๊าอี๊แส่ เออเนอเต๊เห่ เจ๊อ. อา อิซว๊า แซ่เจ๊อ เร๊อ แกแย เด๊อ อา โอ่ เร๊อ อา เตอเรอฉว่าชอ เนอเต๊เห่ อิซว๊า เนอ เจ๊อ. โท๊โต่ อา อิซว๊า โค๊ดื่อ เร๊อ เพร อิซว๊า เตซว๊าเตแส่ อาซ๊าร๊า เนอเต๊เห่ เจ๊อ. a 23เบ๊อะเนอเค แกแยเพ เด๊อ โลเน๊ เมเบ่ ลู เออเนอเตเพรเนอ, อา โอ่ เบ๊อะเตจ๊อเบโฮกูเนอ. 24เร๊อ อา เอ๊โทแถ่ เน๊อ, “เก๋อ แกแย วีนาซาเร็ธพู๊ เหย่ซู๋, เน ซิหยื่อ เม เป ฮู๊เต? เน เตเร แฮ เมปย๊าเมหลู่ เมเซอเมเหม่ แกลอเฮ๊อ เป ปาแอ? เน หม่า อูเป เนอ หม่า แว ซิเง แพ๊, เน หม่า จอแปแหร่ อาพู๊คู บูโพ๊ เตเพร.” 25หม่าแน๊เรอ เหย่ซู่ ซิพรวา ฉื่อ โลเน๊ เน๊อ, “โส่โส โอ่ แลแค, เถ่จว๊าแกมอ เด๊อ แกแยเพ เออเตเพร อาเหน่ลูเนอ” 26เร๊อ โลเน๊ โอ่ เด๊อ แกแยเพ เออเตเพร อาเหน่ลู เออโตโดเนอ, อา เอ๊โทเอ๊โม โต๊โปล่แตแนตากยา เร๊อ อา เถ่จว๊าแก เด๊อ แกแย เนอเตเพร อาเหน่ลูเนอ. 27ล๋อ แกแย โอ่เบ๊อะเตจ๊อเบโฮกู เนอเต๊เห่ อาคย๊าอายื๊อ ลอปลี เจ๊อ เร๊อ อา เฮ๊หนิเกอเร๊อ เป่ลู เน๊อ, “เออ หม่า อิเตเต? เออ หม่า เตอิซว๊าอี๊แส่ อาเซ แอ? อาแซ่เน๊อ อา โอ่ เจ๊อ เร๊อ อา เตอเรอฉว่าชอ เนอเจ๊อ. อา เฮ๊ตา แพ๊ อาโหง่ เร๊อ อา นอเถ่จว๊าแก โลเน๊ มู๊แหม่รีแจ่ เออเต๊เห่ แพ๊ เร๊อ อา หนิดา เจ๊อ ลูโหง่โหง่,” เหย่ซี เฮ๊ ฮู๊เนอ. 28เออโตโพ๊เรอ เหย่ซู่ อาหรี่อาแก โลจว๊าปีชี จว๊าแพร ลอปลี เจ๊อ เด๊อ กาลิลี เก่กู เออเนอ ปว๋า โต๊โผ่เจ๊อ.
Copyright information for
EkySCThai