Mark 1:29-34
เหย่ซู่ เมโอ่เหม่ แกแย เตชุ๊ย โอ่โร๊ลู.
(มัทธิว ๘:๑๔-๑๗, ลูกา ๔:๓๘-๔๑)
29เหย่ซู่ เร๊อ อา โคเจ่ เต๊เห่ เถ่จว๊าแก เด๊อ เตจ๊อเบโฮกู เออ. เร๊อ เหย่ซี เถ่จว๊า แลแค เด๊อ คูซีโมน เร๊อ คูอันดรูว์ อาหี่. คูยากอบ เร๊อ คูยอห์น จว๊า เต่อเกอ เร๊อ เหย่ซี. 30เบ๊อะเนอ อาเค คูซีโมน อา เผร่เพรเหมาะ อาชุ๊ยเหน่กู่ เร๊อ โอ่เมอโอ่แต่ แพ๊ เด๊อ อาเหล่เมอ แพ๊. เร๊อโตโพ๊โต เหย่ซี แด๊โฉ่ฉื่อ เร๊อ เหย่ซู่. 31เออโตโพ๊เรอ เหย่ซู่ จว๊า เด๊อ ลูโอ่ เร๊อ อา จว๊าปื่อ ลูกู๊ขุ เร๊อ อา จุ่ยก๊อถ่อ ลู. เร๊อ อา เตชุ๊ย อาโอ่เหม่แก เร๊อ อา ก๊อถ่อ เมเอ่เมโอฉื่อ เป่ เหย่ซี. 32เบ๊อะเหมาะเฮ๊เหมาะตา เบ๊อะเนอ, แกแย เบ๊อะเนอ เต๊เห่ เอ๊แฮหนิ แกแย เด๊อ อาชุ๊ยอาเช เต๊เห่ เร๊อ โลเน๊ เมเบ่ ลู เต๊เห่ เด๊อ เหย่ซู่ อา โอ่. 33แกแยวีกู ปว๋า เพร แฮ โอ่ปล๊อโอ่ปลู ลอปลี แลแค เด๊อ กู่ดา แกช๊า. 34โทเรอ เตชุ๊ยเตเช อิเตเต๋ เบ่เบ่ เหย่ซู่ แหย่โอ่เหม่ ลอปลี เจ๊อ. เร๊อ อา แหย่โอ่เหม่ เป่ เอ๊แหน่เจ๊อ แกแย เต๊เห่ อา เตชุ๊ยเตเช เร๊อ อา เหว่เถ่แก อาเอ๊แหน่แหน่เจ๊อ โลเน๊ เต๊เห่. หม่าแน๊เรอ เหย่ซู่ หม่า อูเปเนอ โลเน๊ เต๊เห่ ย๋อ ซิเง เหย่ซู่ อาคยา, เหย่ซู่ นอเฮ๊เบ่ เหย่ซี ตือมื๋อ โต่.
Copyright information for
EkySCThai