Mar 1:40-45 | EkySCThai | STEP | โทเรอ แกแย เด๊อ จุ มู๊แหม่ โอ่ เตเพร. เร๊อ อา แฮ แด๊งือแล เด๊อ เหย่ซู่ แข่ช๊า เร๊อ อา กุยซิยอแถ่ ลู เน๊อ, “เน เก่ ซิปล่อโอ่ แหย่โอ่เหม่ เป่ แว เตเชเออ เฮ๊เนอหม่า เน แหย่ แจ่ แพ๊,” อา เฮ๊ ลู ฮู๊เนอ.

เหย่ซู่ แหย่โอ่เหม่ แกแยเพ เด๊อ อา จุ มู๊แหม่ เตเพร

40 โทเรอ แกแย เด๊อ จุ มู๊แหม่ ^{▼▼จุมู๊แหม่ หม่า เต๊เห่เห่ เร๊อ อาเฮ๊ เร๊อ จุปือกือ} โอ่ เตเพร. เร๊อ อา แฮ แด๊งือแล เด๊อ เหย่ซู่ แข่ช๊า เร๊อ อา กุยซิยอแถ่ ลู เน๊อ, “เน เก่ ซิปล่อโอ่ แหย่โอ่เหม่ เป่ แว เตเชเออ เฮ๊เนอหม่า เน แหย่ แจ่ แพ๊,” อา เฮ๊ ลู ฮู๊เนอ.

41 เหย่ซู่ ซิยอหนิเร๊อ ลู, โทเรอ อา บ๊อแฮ อากู๊ขุ เร๊อ อา โต่เบ่โท ลู เนอ เร๊อ อา เฮ๊ ลู เน๊อ, “แว ซิปล่อโอ่ แพ๊,” อา เฮ๊ โทเรอ “เตเช๋, โอ่เหม่แกเมอ,” อา เฮ๊ โป่ ฮู๊เนอ.

42 เออโตโพ๊เรอ แกแยเพ เออเตเพร อาจุมู๊แหม่โอ่เหม่คย๊าแก โต โพ๊ โอ่เหม่ เจ๊อ, เร๊อ อาพ๊าอาหย่า อาตว่า อาแร๊ คยาแซ๊.

43 เร๊อ เหย่ซู่ ปลวา จว๊า แก ลู เร๊อ อา เฮ๊ ตาเต แก อาโหง่ เนอ,

44 “แด๊โฉ่ เป่ แต่ อู เตเพร่ว แต่เหม่ นี๋. จว๊า ดุแม๊ เนเหน่ เออเนอ เด๊อ เพรหลู่แตเต เนอเตเพร อา โอ่ เนอ. โทเรอ แซ่ฮู๊ แกแย ลอปลี เก่ แม๊เถอะ เนอ, หลู่แตแถ่เต ฮู๊ คูโมเสส อา เตซว๊าเตแส่ โอ่เนอ นี๋,” อา เฮ๊ จว๊า หนิ ลู ฮู๊เนอ. ^b

45 หม่าแน๊เรอ อา เถ่จว๊า แด๊โฉ่โล เป่ ลอปลี อู อาคยา, เหย่ซู่ อาจว๊าโน โล๊ลี หนิปา อาเหน่ เด๊อ วีกู โต่. อา เบ่ จว๊าโอ่ แพ๊ เด๊อ วีกลอ เด๊อ เหล่โอ่โส่เคร เต๊เห่เนอ แพ๊. หม่าแน๊เรอ แกแย โอ่ เด๊อ เหล่โอ่ ปว๊า โต๊โผ่ แฮโต ลอ เด๊อ ลูโอ่.

Mark 1:40-45

เหย่ซู่ แหย่โอ่เหม่ แกแยเพ เด๊อ อา จุ มู๊แหม่ เตเพร

(มัทธิว ๘:๑-๔, ลูกา ๕:๑๒-๑๖)