Mar 15:42-47 | EkySCThai | STEP | อา ทวาแถ่ เนอเตอเนอ หม่า ม๊อแงเนอ. เร๊อม๊อเนอแงเนอเออเนอ หม่า แกแยยิวพู๊ เต๊เห่ เตหรี่แตแร เหล่เอ่เหล่โอ เบ๊อะเหย่ซี อาม๊อเนอโด่ เบ่ แต่ล๋ายโต่ เนอเตอเนอ.

Mark 15:42-47

อู โล๊ เหย่ซู่

(มัทธิว ๒๗:๕๗-๖๑, ลูกา ๒๓:๕๐-๕๖, ยอห์น ๑๙:๓๘-๔๒)

42 อา ทวาแถ่ เนอเตอเนอ หม่า ม๊อแงเนอ. เร๊อม๊อเนอแงเนอเออเนอ หม่า แกแยยิวพู๊ เต๊เห่ เตหรี่แตแร เหล่เอ่เหล่โอ เบ๊อะเหย่ซี อาม๊อเนอโด่ เบ่ แต่ล๋ายโต่ เนอเตอเนอ. 43 เบ๊อะเหมาะเฮ๊แลเฮ๊อ เบ๊อะเนอ, คูโยเซฟ เด๊อวี อาริมาเธีย เออเตเพร อา แด่คือ อาซิ ปล่อ เร๊อ อา จว๊ากูย เหย่ซู่ โล เออ เด๊อ คุ๊ยปีลาต อา โอ่. อา หม่า อา โอ่เตอเกอ เด๊อ แกแย ทวาดุ ตู๊หมู่ตอกล๊อ เด๊อ อู เบ่หยื่อเบ่แหน่ หนิเกอ เออเนอตู๊หมู่ อาเกล เตเพร. อา หม่า แกแย เด๊อ อา โอ่ป่อแม๊ชือ เกอ จอแปแหร่ อาเทออาเก่ เตเพร เฮ๊อ. 44 เหย่ซู่ เซอเฮ๊อ, คุ๊ยปีลาต หนิโฮ ฮู๊เนอ เร๊อ อา อาคย๊าอายื๊อ เร๊อ อา เอ๊แฮ เกลอฮู๊เตเย อากู่กล๊อ เตเพร เด๊อ อา โอ่ เน๊อ “หม่า เหย่ซู่ อาเซอ อางยาลาเฮ๊อ แอ?” อา แด๊เฮอ ลู ฮู๊เนอ. 45 เกลอฮู๊เตเย อากู่กล๊อ เออเตเพร แด๊โฉ่โล คุ๊ยปีลาต เร๊อ เหย่ซู่ เซอโทเฮ๊อ เร๊อ คุ๊ยปีลาต อาเด๊อะ คูโยเซฟ เด๊อ อา เก่ จว๊าพย๊าตา เหย่ซู่โล เด๊อ อี๊ถื่อดีเต่ลู. 46 คูโยเซฟ จว๊า พรีหนิ อิเก แบ๊ปลีงูดุ ตือปือ เร๊อ อา จว๊าพย๊าตา เหย่ซู่ เด๊อ อี๊ถื่อดีเต่ลู. อา โบ่บี๊ ลู เร๊อ อิเกแบ๊ปลี งูดุ เออตือปือ เร๊อ อา จว๊า ฉู่โน ลู เด๊อ อู ขื่อโน หนื่ออื่อ โทเฮ๊อ โลกู ตูกู อากู. โลกู เออเนอหม่า หล่อกู เด๊อ อา โอ่ เด๊อ หล่าโล เร๊อ อา ถู่ลอ บี๊แก โลกู เออเนอ เร๊อ หล่อดุ เตเม. 47 มักดาลา ดอกูโหมะ เหมาะมารีย์ เร๊อ โยเสส อาโหมะ โหมะมารีย์ แม๊โตม๊า หนิแก อู เหล่ฉู่โน เหย่ซู่ อาเหล่โอ่ เออโต๊โผ่.