Matthew 12
แบ่เจ่ เหย่ซู่หม่า ม๊อเนอโด่ อา แบ่เจ่
(มาระโก ๒:๒๓-๒๘, ลูกา ๖:๑-๕)
1เด๊อคยา งยาแต่ล๋ายโต่เนอ, แบ่เจ่ เหย่ซู่ จว๊าโนจว๊าเบ๊ อู โบ๊กู่ลา เพร๊ขุ เต๊เห่, เร๊อ อาโต ตื้อ เน๊อ แกแยยิวพู๊ อาม๊อเนอโด่ เตอเนอ. ▼▼แกแยยิวพู๊ อา ม๊อเนอโด่ หม่า ม๊อก่อต่อ แบ่เจ่ เซอก๊อถ่อคยา อาม๊อเนอ หม่า ม๊อก่อต่อ โท เนอเตอเนอ.
เร๊อ อา โคเจ่ เต๊เห่ ซิเอ่ซิโอ เร๊อ อา พร๊าเอ่ อู โบ๊กู่ลาเส่. b 2เบ๊อะ ฟาริสี เต๊เห่ แม๊เถอะ เหย่ซี เบ๊อะเนอ, อา เฮ๊ แบ่เจ่ เหย่ซู่ เน๊อ, “แม๊มอ, เน โคเจ่ เนอเต๊เห่, เต เด๊อ อู โต เมหนิ ม๊อเนอโด่ โต่ เนอเต๊เห่ เรอ อา จว๊าเม ดื่อเง เล๋.” 3แบ่เจ่ เหย่ซู่ เฮ๊ฉื่อ เหย่ซี เน๊อ, “เบ๊อะคุ๊ยดาวิด เร๊อ อา โคแบ๊ซว๊า เต๊เห่ แลแด๊เอ่แลแด๊โอ เบ๊อะเนอ, อา เมแคร๋ อิเตเต เนอหม่า ซี แด๊น๊อ เกอแหน่ อู โต่ แอ? c 4ค๊อมู เด๊อ อู หลู่แถ่ เด๊อ จอแปแหร่ อา โอ่ เต๊เห่เนอ, เอ่หนิ แพ๊ตื๊อ เพรหลู่แตเต เต๊เห่ แพ๊ ตื๊อดื่อเรอ คุ๊ยดาวิด เร๊อ อา โคเจ่ เต๊เห่ จว๊าโนพย๊าเอ่ เกอ หม่าโต่แอ? d 5โท๊โต่ เพรลูแตเต เด๊อ จอแปแหร่ อาหี่กู เต๊เห่เนอ, เบ๊อะม๊อเนอโด่ เบ๊อะเนอ, เหย่ซี จว๊าตาลว๊า เคตาแก ม๊อเนอโด่ อา เตซว๊าเตแส่, หม่าแน๊เรอ อาเตซื๊อโอ่โต่เฮ๊เนอ หม่า ซี แด๊น๊อ แตแค๋ โต่ แอ? e 6แว เฮ๊ ซี, แกแย เด๊อ อาดุเล๊อ ปา เจ๊อ เนอ เตหลู่แเตโฮ เนอ, เร๊อ อา โอ่ เบ๊อะเออ เตเพร. 7‘แว ซิหยื่อ เตหลู่เตแต โต่, แว ซิหยื่อ แพ๊ เตซิยอ กล่าเบ่ หนิ ลู เตเพร๊ เน๊อ เตเพร แพ๊,’ f จอแปแหร่ เฮ๊ โหง่ เออตือมือเนอ, ซี เก่ ซิเง บย่า อาโหง่แลช๊า เฮ๊เนอหม่า, แกแย เด๊อ อาเตซื๊อ โอ่โต่ เต๊เห่เนอ, ซี แด่ เน๊อ เหย่ซี เตซื๊อ แตแค๋ โต่. g 8แว เฮ๊ ฮู๊เออ เมเตเฮ๊เรอ, แกแยเห่ขุ อาพู๊คู หม่าดื่อหม่าเฮ๊อ แว เออเนอ หม่า ม๊อ เนอโด่ อา แบ่เจ่ เตเพร เฮ๊อ.” แกแย กู๊ขุเซอ โตโค๊ เตเพร
(มาระโก ๓:๑-๖, ลูกา ๖:๖-๑๑)
9แบ่เจ่ เหย่ซู่ เถ่จว๊าแก เบ๊อะเพร๊ขุ เร๊อ อาจว๊าโน เด๊อเหย่ซี ยูดาห์เตจ๊อเบโฮกู. 10เร๊อ เบ๊อะเตจ๊อเบ โฮกู เนอ, แกแย กู๊ขุเซอ โตโค๊ โอ่ เตเพร. ฟาริสี เด๊อ อา ซิหยื่อ แม๊ปู เหย่ซู่ เตซื๊อ เต๊เห่เนอ อา โอ่ เต๊เห่ เร๊อ อา แด๊เฮอ ลู เน๊อ, “เก่ แหย่โอ่เหม่ แกแย เตเพรเพร เบ๊อะม๊อเนอโด่ เนอ, เฮ๊เนอหม่า, อาซื๊อ แกแยยิวพู๊ อา เตซว๊าเตแส่ เฮ๊อ ฮู๊เนอ แอ?” 11เหย่ซู่ เฮ๊ เหย่ซี เน๊อ, “แกแย เตเพรเพร อาซิหมิ เก่ ตา โอ่แต่ เด๊อ ครอกู เบ๊อะม๊อเนอโด่ เบ๊อะเนอ เฮ๊เรอ, ซี จว๊า จุ่ยแถ่ อา ปา แอ? หม่า โต่ แอ? h 12แกแย เตเพรเนอ อา งูดุงูชอ เล๊อปา เจ๊อ เน๊อ ซิหมิ โตโด บ๋า เต. ฮู๊เนอเรอ, เบ๊อะแกแยยิวพู๊ อา ม๊อเนอโด่ เบ๊อะเนอ, เมเตแร๊ หม่า อาหนิ แพ๊.” 13เร๊อ อา เฮ๊ แกแย กู๊ขุเซอ โตโค๊ เออเตเพร เน๊อ, “บ๊อเถ่ เน กู๊ขุเซอ เนอโตโค๊ เนอ,” อา บ๊อเถ่ เร๊อ แร๊กาคยา แซ่เน๊อ กู๊ขุ เด๊อ อาแร๊ เนอโตโค๊. 14หม่าแน๊เรอ ฟาริสี เต๊เห่ เถ่จว๊า ตาพาแก เร๊อ เหย่ซี จว๊าโอ่กู๊ เฮ๊เบ่ เกอเร๊อลู เน๊อ โตเบ่ เมเซอ เหย่ซู่ ฮู๊เตเนอ อาหรี่อาแก.เหย่ซู่ หม่า เพรแรเต เด๊อ จอแปแหร่ นว๊าแถ่ อา เตเพร
15แบ่เจ่ เหย่ซู่ ซิเง เหย่ซี อาเตเตเน มู๊แหม่ เร๊อ อา เถ่จว๊าแก เร๊อ เหล่โอ่ เบ๊อะเนอ แกแย ครวาปลูครวาเผ่ เกอลู ลูคยา เร๊อ อา แหย่โอ่เหม่ เป่ ลอปลี เจ๊อ อู เตชุ๊ยเตเช ปว๋า เตเพร เจ๊อ. 16อา เฮ๊ เหย่ซี เน๊อ แว หม่า อูเปเนอ แด๊โฉ่โล เป่ แต่ อู เตเพร่ว แต่เหม่ นี๋. 17เต เด๊อ จอแปแหร่ เมฮู๊เนอ อาโต จว๊าโตโคร ฮู๊ เพรโพร อิสยาห์ เฮ๊หนื่ออื่อ เน๊อ, 18“เหย่ซู่ หม่า เพรแรเต เด๊อ จอแปแหร่ นว๊าแถ่ ลู, อา หม่า แกแย เตเพร เด๊อ แว โมหนิเกอเร๊อ ลู เร๊อ แว ซิปล่อ โอ่หนิเกอ ลู. แว เก่ นอแฮโอ่ แหย่โยบูโพ๊ แบ่เจ่ เด๊อ อาลู ปา เร๊อ อา เก่ แด๊โฉ่โล เป่ แกแยยิวพู๊ หม่าโต่ เต๊เห่ เน๊อ อาเบ่ พย๊าฉื่อ เตจ๊อเตเต เด๊อแวโอ่ ฮู๊ เตเนอ ปา. i 19อากย๊าอางา เกออู โต่. อา เอ๊โทเอ๊โม เกออู โต่. อา จว๊าเอ๊โทเอ๊โม เด๊อ แกล๊ดุ เนอเต๊เห่ อากูเนอ, อู หนิโฮน๊อ โต่. 20แกแย เด๊อ อา อ๊าเจ่ เหร่เจ่ แซ่เน๊อ ปูเหมาะ แลงอ เตเพร เนอ, อา เก่ย๊อเก่ แกลูโต่. แกแย เด๊อ อาเตหยื่อ ปีตี๊ แซ่เน๊อ หมิเคว๊กอ เด๊อ อาเตเร ปีเฮ๊อ เตเพร เนอ, อาโอ๊ปี ลา ลูโต่. อา เก่ เมแร๊ เป่แฮ เร๊อ อา เก่ ซิยอ เป่ แฮ ลาโป่ โต่ เด๊อ อา เก่ เด๊อ โอ่ทวาแถ่ เตจ๊อเตเต เก่ เมเป่แก เต มู๊แหม่ เออเนอ ปา. 21เก่ปว๊า เต๊เก่, เมวเจอะ ปว๊าเต๊อเจ่อ เก่ ซิเล แถ่หนิ อา ปา.” jแบ่เจ่ เหย่ซู่ เร๊อ เบเอลเซบูล
(มาระโก ๓:๒๐-๓๐, ลูกา ๑๑:๑๔-๒๓, ๑๒:๑๐)
22โทเรอ เหย่ซี เอ๊แฮหนิ แกแยเพ เด๊อ โลเน๊ เมเบ่ ลู เร๊อ อา เป๊เส่คี๊ เร๊อ อา เป๊ เกอ เร๊อ เออเตเพร เด๊อ แบ่เจ่ เหย่ซู่ อาโอ่. แซ่ฮู๊ อา เก่ เฮ๊เบ่แจ่, แม๊เถอะ แจ่ กาคยา คยาแซ๊ เนอ, อา แหย่โอ่เหม่ เป่ ลู. 23แกแย เบ๊หมู่ เต๊เห่ คย๊าอายื๊อ แหน่เจ๊อ, เร๊อ อา เฮ๊ แลแค เน๊อ, “แกแย เออเตเพร หม่า คุ๊ยดาวิด อาพู๊ เจ๊อกอ?” 24หม่าแน๊เรอ เบ๊อะ ฟาริสี เต๊เห่ หนิโฮ อู เฮ๊ ฮู๊เนอ อาเค, เหย่ซี เฮ๊ เน๊อ, “อา เหว่เถ่เบ๊ โลเน๊โลหน่า เนอเต๊เห่ หม่า หม่า แพ๊ โลเน๊โลหน่า อา กู่กล๊อดุ เบเอลเซบูล เมจว่า ลู แพ๊” k 25แบ่เจ่ เหย่ซู่ ซิเง เหย่ซี เหล่เตเน เต๊เห่ เร๊อ อา เฮ๊ เหย่ซี เน๊อ, “เก่เต๊เก่ อากูเนอ อา ลูโพร๊ลูแพรแก แกลอ อากย๊า อางา ช๊าหนิ เร๊อ ดื่อลู เตเพร เร๊อ เตเพร เก่ เฮ๊ เรอ อาลูโพร๊ลูแพร ลอปา. วีตีวี เบ่เบ่ เน๊อ หี่ตี๊หี่ เร๊อตี๊หี่ อากย๊า อางา เร๊อดื่อ ลู อา ลูโพร๊ลูแพร ลอ ลู ปา. 26โลเน๊โลหน่า อา เหว่เถ่แก เกอเร๊อ คยาแซ๊ดื่อ อาแกแย เต๊เห่ เก่เฮ๊เรอ อาแซ่เน๊อ อา ช๊า กาคยา เกอเร๊อ คยาแซ๊ ดื่อ อาเหน่ แพ๊. ฮู๊เนอเรอ อาเทออาเก่ จว๊าโอ่ กลอหม่า แจ่ ฮู๊เต? 27เก่ แว เหว่เถ่ โลเน๊โลหน่า เนอ เบเอลเซบูล อา เตอเรอฉว่าชอ เก่เฮ๊เรอ, ซี โคเจ่ เต๊เห่ เกอลาติ เรอ อา นอจ่อ หม่าอูเป อา เตอเรอฉว่าชอ เร๊อ อา เหว่เถ่ เป? หม่า อา นอจ่อ โลเน๊มู๊แหม่รีแจ่ กู่กล๊อ อา เตอเรอฉว่าชอ แอ? อา นอจ่อ หม่า น๊อโต่. ฮู๊เนอ อาขว่าอาคยา, ซี โคเจ่ อา เด๊อะโล เกอเร๊อดื่อ ซี เมเต ซื๊อ เนอปา. 28หม่าแน๊เรอ แว เก่ เหว่เถ่แก โลเน๊โลหน่า เออเต๊เห่ เร๊อ จอแปแหร่ อา แหย่โยบูโพ๊ เก่เฮ๊เรอ, เออเนอ หม่า อายูโล เน๊อ จอแปแหร่ เป๊อะเทอ เป๊อะเก่ เออเนอ อา แฮโต่เฮ๊อ เด๊อ ซีโอ่ เฮ๊อ. 29“หม่าโต่เรอ, เบ๊อะแกแย เตเพร จว๊าโน เด๊อ แกแยฉว่าแกแยชอ เตเพร อาหี่ เบ๊อะเนอ, แซ่เน๊อ โลเน๊ มู๊แหม่ กู่กล๊อ, เก่ โน จอกลอหม่า เหร่อ ลู โต่ เก่เฮ๊เรอ อา จว๊า พย๊าเผ่ แจ่ ลูตาเต ฮู๊เต? อา จอกลอ หม่า โท ลู ตื๊อหม่า อา พย๊าเผ่ หนิ แจ่ ลู ตาเต แพ๊. 30“แกแย เด๊อ อา โอ่เกอ เด๊อ แว ตากยา โต่ เนอ, หม่า แกแย เด๊อ อา ซิเถ่ แว เฮ๊อ, แกแย เด๊อ อา เมเต่อเกอ เต เร๊อ แว โต่ เนอ, หม่า แกแย เด๊อ อา เมโพร๊ เมแพร เต เฮ๊อ. l 31เมฮู๊เนอเรอ แว เฮ๊ ซี, จอแปแหร่ เก่ ปลวาแก แกแย เด๊อ อา เมซื๊อ ลู, เฮ๊ซื๊อลู เนอ เต๊เห่ เตซื๊อปา. หม่าแน๊เรอ แกแย เด๊อ อา เฮ๊ซื๊อเมซื๊อ แหย่โยบูโพ๊แบ่เจ่ เนอ จอแปแหร่ ปลวาแก แจ่ ปา เหย่ซี เตซื๊อ โต่. 32แกแย เตเพรเพร เก่ เฮ๊ซื๊อ แกแยเห่ขุ อาพู๊คู หม่าเฮ๊อ แว เออเนอ, จอแปแหร่ เก่ ปลวาแก ลูเตซื๊อ แพ๊, หม่าแน๊เรอ แกแย เด๊อ อา เฮ๊ซื๊อ แหย่โยบูโพ๊ แบ่เจ่ เนอ, เออเตอทือ เบ่เบ่, โหน่ปา ตือทือ เบ่เบ่, จอแปแหร่ ปลวาแก แจ่ ปา ลูเตซื๊อ โต่. mส่อเหมาะ เร๊อ ส่อเส่ อาหรี่อาแก
(ลูกา ๖:๔๓-๔๕)
33“ส่อเหมาะ เด๊อ อาแร๊ เนอ, อา เก่ เส่เถ่ ส่อเส่ เด๊อ อาแร๊ปา, หม่าแน๊เรอ ส่อเหมาะ เด๊อ อา อาแร๊โต่, อาเส่เถ่ แร๊ โต่. เมเตเฮ๊เรอ เนแม๊ ส่อเหมาะ เนอ เนซิเง แจ่ดื่อ ส่อเหมาะ อาหรี่อาแก เฮ๊อ. n 34หรู่ซิ อากลุยอาแล ซี๋, oซี หม่า แกแย มู๊แหม่รีแจ่ เร๊อ ซี จว๊า เฮ๊เบ่ แร๊ เบ่หนิ แจ่ เกอ ฮู๊เต? เต ล๋อปลี เด๊อ เน เฮ๊เบ่ เนอ เต๊เห่ เนอ อาโอ่ เด๊อ เน ซิปล่อกูเถ่แพ๊. p 35แกแย แร๊ เตเพรเนอ, อา ย๋อ แด่โน โอ่ปล๊อ เตแร๊ เต๊เห่ เด๊อ อา ซิปล่อกู อาขว่าอาคยา, อา เบ่ เฮ๊เบ่ เถ่โหง่ เด๊อ อาแร๊ เต๊เห่ แพ๊. หม่าแน๊เรอ แกแยมู๊แหม่ รีแจ่ เตเพรเนอ, อา ย๋อ แด่โน โอ่ปล๊อ เตมู๊แหม่ รีแจ่ เด๊อ อา ซิปล่อกู อาขว่าอาคยา, อา เตเฮ๊เบ่ เถ่โหง่ เนอ, อา มู๊แหม่รีแจ่ แพ๊. 36หม่าแน๊เรอ แว เฮ๊ ซี, ช๋า จอแปแหร่ เมจากาคยา แกแย อาเค ปาเนอ, อา เก่ เมจากาคยา ล๋อ แกแย เด๊อ อา เฮ๊ เบ่ เตเน เกอ อูโต่ เร๊อ อา เฮ๊ เบ่ โหง่ เด๊อ อา บุ๊ยเตอ เรอ โต่ ปว๊า ตือมือ เนอ อา ข่า เกอ เร๊อ ดื่อ ปา. 37เมเตเฮ๊เรอ, เด๊อ เน เต เฮ๊เบ่ อาขว่าอาคยา, เนแลเปล๊ แก ปาเร๊อ เด๊อ เน เต เฮ๊ เบ่ อาขว่าอาคยา, เน ข่าเบ่ เตเมจากาคยา ปา.”อู กุยแม๊ เตเมโค๊ตีกลี๊ เต๊อเจ่อ
(มาระโก ๘:๑๑-๑๒, ลูกา ๑๑:๒๙-๓๒)
38โทเรอ ฟาริสี เร๊อ เพรอิซว๊า เตซว๊าเตแส่ อาซ๊าร๊า เต๊เห่ เฮ๊เบ่ เหย่ซู่ เน๊อ, “ซ๊าร๊า, เน เด๊อะโล เป่ แม๊ เป เตโค๊ตีกลี๊ เต๊อเจ่อ แต๋, เป ซิหยื่อ แม๊เถอะ ลา ว๊า.” q 39เร๊อ อา เฮ๊ฉื่อ เหย่ซี เน๊อ, “แกแยมู๊แหม่, แกแย เด๊อ อาจ๊อ เกออู เร๊อ จอแปแหร่ โต่ เออเตอทือ เต๊เห่ จว๊ากูยแม๊ โต่ แว เตโค๊ตีกลี๊ เต๊อเจ่อ, หม่าแน๊เรอ แว เก่ เด๊อะโล เป่ตื๊อแพ๊ เหย่ซี เตโค๊ตีกลี๊ เต๊อเจ่อ เด๊อ อา แซ่ เน๊อ เพรโพรคูโยนาห์ เนอ ปาแพ๊. r 40เมเตเฮ๊เรอ, ฮู๊ คูโยนาห์ โอ่ เด๊อ เต๊วดุ ฮ๊อกู โซเนอโซเซ เนอ, แกแยเห่ขุ อาพู๊คู หม่า เฮ๊อ แว เออ อา เก่ โอ่เกอดื่อ เด๊อ โลกู โซเนอโซเซ ปา. s 41เด๊อ คูโยนาห์ แด๊โฉ่โด่แน โล เป่ แกแย วีนีนะเวห์ เต๊เห่ เร๊อ อา ถู่แหล่แต๊แกละ ลอปลี อาซิปล่อ อาขว่าอาคยา, ช๋า ม๊อเนอ จอแปแหร่ เมจากาคยา อู ปา แฮโต่เนอ, วีนีนะเวห์พู๊ เต๊เห่ อา ก๊อถ่อ เต่อเกอ เร๊อ แกแย เด๊อ อา เซอเพร กู๊แหน่ เออเตอทือ เต๊เห่ ปา, เร๊อ อาเก่ แด่ เหย่ซี เตซื๊อ ปา. กู๊แหน่เออ, แกแย เด๊อ อาดุเล๊อ เน๊อ คูโยนาห์ เนอ, อา โอ่ เบ๊อะเออ เตเพร. t 42เบ๊อะเมจากาคยา อาม๊อเนอ ปา เตอเนอเนอ, เก่ เด๊อ ชิแล ตากยา อาคุ๊ยโหมะ เหมาะเชบา เก่ ก๊อถ่อ เต่อเกอ เร๊อ แกแย เด๊อ อา เซอเพร กู๊แหน่เออ ตือทือ เต๊เห่ ปา, เร๊อ เก่ แด่เตซื๊อ เด๊อ เหย่ซี เออเต๊เห่ อาเหน่ลู ปา, เมเตเฮ๊เร๊อ แซ่ฮู๊ คุ๊ยโหมะ เหมาะเชบา โอ่เด๊อ อายา อาแฮ ซิหยื่อหนิดา คุ๊ยซาโลมอน อา เตอิซว๊าอี๊แส่ เตลีแม เออเต๊เห่ อาเงเนอ, อา โอ่ เจ๊อ เด๊อ เก่ ยา เด๊อ อาโร เต๊เก่ ตื๊อดื่อเรอ อา แฮ เจ๊อ. เร๊อ แวเฮ๊ ซี, แกแย เด๊อ อาดุเล๊อ เจ๊อ เน๊อ คุ๊ยซาโลมอน เนอ อา อาโอ่ เบ๊อะเออ เตเพร, หม่าแน๊เรอ ซี หยื่อเอ่โต่. uโลเน๊โลหน่า มู๊แหม่ เต๊เห่ กาโน คยาแซ๊
(ลูกา ๑๑:๒๔-๒๖)
43“เบ๊อะโลเน๊โลหน่า โตโด เถ่จว๊าแก โทเฮ๊อ เด๊อ แกแย เตเพร อาเหน่กู เบ๊อะเนอ, อา เถ่จว๊า เด๊อ หมิเกล คราเคร๊ โต๊โผ่ เร๊อ อา จว๊า แม๊ปู กู๊เหล่ เหล่โอ่โก๊ เตเบ๊ซิพร๊า หม่าแน๊เรอ อา แม๊เถอะ โต่. 44เร๊อ อา เฮ๊ เน๊อ, ‘แว เก่ กาคยา คยาแซ๊ เด๊อ แว เหล่โกล โอ่ เลอ เนอ เฮ๊หนิ,’ เบ๊อะอา กาโต่ เบ๊อะเนอ, อา กาแม๊เถอะ เน๊อ อาเหล่โกล เลอ เออเนอ อา โอ่ กอคู, อาปลีอาโพ๊แร๊, อา โอ่ โส่โอ่เคร ตว่าแร๊ ลอปลี เจ๊อ ปว๋า เต๊อเจ่อ. 45เร๊อ อา เถ่จว๊า เอ๊ครวากาหนิ โป่ อาโค เด๊อ อามู๊แหม่ เล๊อ เจ๊อ เน๊อ ลูเนอ โซซว๊าโตโด เจ๊อ เร๊อ เหย่ซี กาโน โอ่ แลแค เบ๊อะเนอ. เร๊อ แกแย เนอเตเพร เก่ จา เล๊อ เจ๊อ เน๊อ อา เลออาเหล่โกล เนอ เจ๊อ ปา. แกแยเด๊อ อา มู๊แหม่ รีแจ่ เออ ตือทือ อาเม ฮู๊ เนอปา.”แบ่เจ่ เหย่ซู่ อาโหมะ เร๊อ อาโป่แหว่ เต๊เห่
(มาระโก ๓:๓๑-๓๕, ลูกา ๘:๑๙-๒๑)
46เบ๊อะแบ่เจ่ เหย่ซู่ เฮ๊เบ่เฮ๊ชอ เร๊อ แกแย เบ๊หมู่ เบ๊อะเนอ, อาโหมะ เร๊อ อา โป่เพรคู เต๊เห่ แฮ ก๊อถ่อ โอ่ป่อ โอ่ ลู เด๊อ อากลอ เร๊อ อา ซิหยื่อ แม๊เถอะ เฮ๊เบ่ ลู. 47แกแย เตเพร เฮ๊ ลู เน๊อ, “เนโหมะ เร๊อ เน โป่เพรคู เต๊เห่ แฮก๊อถ่อ โอ่ป่อ เน เด๊อ อากลอเนอ. เหย่ซี ซิหยื่อ แม๊เถอะ เฮ๊เบ่ เร๊อ เน เฮ๊เนอ.” ▼▼อู รา ลีพ๊า มู๋ หนู่เค เต๊เห่เห่เนอ, อู แม๊เถอะ ลีเทส่อพ๊า เออตามา โอ่ป่าเต่อเกอ โต่.
48เร๊อ แบ่เจ่ เหย่ซู่ เฮ๊ฉื่อ ลู เน๊อ, “แวโหมะ หม่า หม่าอูเป? แว โป่ หม่า หม่าอูเป?” 49เร๊อ อา ยูจว๊า เร๊อ อา โคเจ่ เต๊เห่ เร๊อ อา เฮ๊ เน๊อ, “เด๋อเนอเล๊, เหย่ซี หม่า แวโหมะ เร๊อ แวโป่แวแหม่ เต๊เห่ เฮ๊อ. 50เมเตเฮ๊เรอ แกแย เด๊อ อา เมโต ฮู๊ แวเพ เด๊อ ม๊อขุ เตเพร อา เตซิหยื่อ เนอเต๊เห่ หม่า, หม่าเฮ๊อ แวโป่แวแหม่ เต๊เห่ เร๊อ แวโหมะเฮ๊อ.”
Copyright information for
EkySCThai