Matthew 17
แบ่เจ่ เหย่ซู่ เฮ๊เบ่ เร๊อ คูโมเสส เร๊อ เพรโพร เอลียาห์
(มาระโก ๙:๒-๑๓, ลูกา ๙:๒๘-๓๖)
1ม๊อเนอ โซซว๊า บาโทเนอ แบ่เจ่ เหย่ซู่ เอ๊หนิ คูเปโตร, คูยากอบ เร๊อ คูยอห์น หม่าเฮ๊อ คูยากอบ อาโป่เออ เร๊อ เหย่ซี จว๊าแถ่ เด๊อ โฉ่แถ่โล เตเม อาลู. เร๊อ อา ซิ หยื่อ จว๊าโอ่ตื้อดื่อ เกอเร๊อ เหย่ซี แพ๊. 2เบ๊อะเหย่ซี โอ่ เบ๊อะเนออาเค แบ่เจ่ เหย่ซู่ อาเหน่กล่อ ถู่แหล่ แต๊แกละ โค๊ลอ เด๊อ เหย่ซี อาแบ๊เง. อาเป๊เส่ เต๊เบ่ เนอ อา เตเค แซ่เจ๊อเน๊อ ต๊อเหมาะเนอ, อาเห่อจา เนอ อา บูโซ แปล๊เตเค เจ๊อ. 3เตอเปลอฮู๊ อากูเนอ, เหย่ซี แม๊เถอะ คูโมเสส เร๊อ เพรโพร เอลียาห์ แฮโอ่โลแถ่ เร๊อ เหย่ซี เฮ๊เบ่ แลแค เร๊อ แบ่เจ่ เหย่ซู่. 4คูเปโตร เฮ๊ เหย่ซู่ เน๊อ, “แบ่เจ๋, เหล่โอ่ เบ๊อะเออ โต๊โผ่ เร๊อ อาตว่า โมแร๊ ลา. เน เก่ ซิปล่อโอ่ เฮ๊เรอ แว เก่ ช๊อแถ่เป่ ซี เหล่สื่อ โซเม, เตเมเรอ เนเง, เตเมเรอ คูโมเสส อาเง, เตเมเรอ เพรโพร เอลียาห์ อาเง.” 5เบ๊อะอา เฮ๊เบ่ ปาแพ๊ เบ๊อะเนอ, อ๊อโหล่ อู ตาบา อู ตาบี๊แก เหย่ซี เร๊อ โหง่พราเถ่ ตือมือ เด๊อ อ๊อโหล่ อากู เน๊อ, “เออ หม่า แวพู๊ เด๊อ แว โมหนิเกอเร๊อ อา เร๊อ แว ซิปล่อโอ่ เกอเร๊อ อา เตเพร, หนิดา แลแค อาโหง่ นี๋.” a 6เบ๊อะอา โคเจ่ หนิโฮ ฮู๊เออ เบ๊อะเนอ, เหย่ซี ซิอิเช โกโน๋ โต่, เร๊อ อา วี แลคื๊อ โตโกล ตาลอ อาเหน่ เด๊อ เห่ขุ. 7หม่าแน๊เรอ, แบ่เจ่ เหย่ซู่ แฮ เด๊อ เหย่ซีโอ่ เร๊อ อา แฮโต่เหย่ซี เน๊อ อา เฮ๊ เหย่ซี เน๊อ, “ก๊อถ่อ แลแค, ซิอิเช แต่เหม่.” 8เบ๊อะเหย่ซี แม๊แถ่ เนอ, อา แม๊เถอะ ตื๊อ แบ่เจ่ เหย่ซู่ เตเพรเพร่ว แพ๊. 9เบ๊อะเหย่ซี โอ่ เด๊อ โฉ่ลู กี๊ตา เบ๊อะเนอ, แบ่เจ่ เหย่ซู่ เฮ๊แก หนิ เหย่ซี โหง่ เน๊อ, “แกแย พู๊คู หม่าแว เออ, เก่ เซอ ก๊อถ่อเซอเพร กาคยา ล๋ายโต่เนอ, ล๋อ ซี แม๊เถอะ เตเออเต๊เห่เนอ, จว๊า แด๊โฉ่โล เป่ แต่ อู เตเพร่ว แต่เหม่ นี๋.” 10อา โคเจ่ เต๊เห่ แด๊เฮอ ลู เน๊อ, “เพรอิซว๊า เตซว๊าเตแส่ อาซ๊าร๊า เต๊เห่ เฮ๊ เร๊อ เพรโพร เอลียาห์ เบ่แฮ เหร่อเล๊อ เร๊อ เมสิยาห์ หม่าเฮ๊อ เพรเมแลเปล๊กา อู เออเนอ เตเพร ปา, เหย่ซี จว๊าเฮ๊โต่ ฮู๊เนอ เมเต?” b 11เร๊อ แบ่เจ่ เหย่ซู่ เฮ๊ฉื่อ เหย่ซี เน๊อ, “เพรโพร เอลียาห์ เบ่ แฮ เหร่อ หม่าแหน่ ปา เร๊อ อา เบ่ แฮ ตี๊หรี่แตแร เมแร๊ กาคยา เต ล๋อ ปลี เนอหม่า อาหม่าแหน่ เจ๊อ ว๋า. 12หม่าแน๊เรอ แว เฮ๊ ซี, เพรโพร เอลียาห์ แฮ โทเฮ๊อ หม่าแน๊เรอ เหย่ซี ซิเง ลู โต่, เร๊อ แกแย เต๊เห่ เม ลู จู๋ เหย่ซี ซิปล่อ ซิหยื่อ เม ลู เนอแพ๊. แซ่ฮู๊เนอเฮ๊อ, เหย่ซี เก่ เม จาเมจือ แกแยพู๊คู เออ เตเพรปา.” c 13เบ๊อะเนออาเค อา โคเจ่ เต๊เห่ ซิเงโปลแฮ เน๊อ อา เฮ๊ เฮ๊อ เพรเจเทอ คูยอห์น อาหรี่อาแก เออเนอ เฮ๊อ.แบ่เจ่ แหย่โอ่เหม่ เป๊เจ่ เพรคูฮู๊ เตเพร
(มาระโก ๙:๑๔-๒๙, ลูกา ๙:๓๗-๔๓)
14เบ๊อะเหย่ซี กี๊ตาแล แม๊เถอะ แกแย เบ๊หมู่ เด๊อ โฉ่เล เบ๊อะเนอ, แกแยเพ เตเพร แฮ แด๊งือแล เด๊อ อาเป๊เส่เง เร๊อ อา เฮ๊ ลู เน๊อ, 15“แบ่เจ่, ซิยอเกอเร๊อ เหร่อ แว พู๊เพรคู, อา ตีมุยแท๊ ฉว่าแหน่เจ๊อ เร๊อ อา แลคื๊อ โน โตโมโม เด๊อ หมิกู, หม่าโต่เรอ อา แลตาโน โตโมโม เด๊อ เทอกู. 16แว เอ๊แฮ ลู เด๊อ เน โคเจ่ เต๊เห่ อา โอ่ หม่าแน๊เรอ แหย่โอ่เหม่แจ่ เป่ แวโต่.” 17แบ่เจ่ เหย่ซู่ เฮ๊ เหย่ซี เน๊อ, “แกแย โชโด เตหยื่อ ซี๋, เร๊อ แกแยจว๊าซื๊อแกล๊ ซี๋, แว เบ่ โอ่ งยา เต่อเกอปา ซี บ๋า เต? แว โตเบ่ แด่ทูซิปล่อ เร๊อ งยาเป่เกอปา ซี บ๋า เต?” อา เฮ๊โทฮู๊เนอเนอ, อา เฮ๊ลาติ แกแยเพ เนอเตเพร เน๊อ, “เอ๊แฮ เนพู๊คู เบ๊อะเออ.” 18แบ่เจ่ เหย่ซู่ ซิพรวา โลเน๊ เร๊อ โลเน๊ เถ่จว๊าแก เด๊อ เป๊เจ่ฮู๊ เนอ เตเพร อากู เร๊อ อาเตเช โอ่เหม่แก โตโพ๊ โอ่เหม่ เจ๊อ. 19โทเรอ อา โคเจ่ เต๊เห่ จว๊าโอ ตื้อดื่อ เกอเร๊อ แบ่เจ่ เหย่ซู่ เร๊อ อา แด๊เฮอ ลู เน๊อ, “เป เหว่เถ่แก เบ๊เกอ โลเน๊ โต่ เมเต?” 20เร๊อ แบ่เจ่ เหย่ซู่ เฮ๊ฉื่อ เหย่ซี เน๊อ, “หม่าเมเตเร๊อ ซี เหว่เถ่แกเบ๊ เกออู โลเน๊ โต่ เอ๊เนอ, ซี เตหยื่อ ปีตี๊ ดื่อ ซีเงเนอ. แว เฮ๊จ๊อจ๊อ ซี๋, เก่ ซี เตหยื่อ อา โอ่ ตี๋ เต๊เปล่ปล่อ ตอปล๊อ เนอแพ๊ ตื๊อดื่อเนอ, ซี เก่ เฮ๊ โฉ่ เออเตเม เน๊อ, ‘ซ๊าซื๊อ จว๊า ตาพาแก เน๊อ เร๊อเหล่โอ่ เบ๊อะเออ,’ เก่เฮ๊หม๋า, อา เก่ ซ๊าซื๊อจว๊า แหน่ แพ๊. ซี เตหยื่อ เก่ โอ เฮ๊เนอ เต เด๊อ ซี เมแจ่ โต่ เนอ, อาโอ่ เตอ เจ๋อ โต่. d 21(หม่าแน๊เรอ, ซี เก่ โด่เอ่เฉ่ กุยจ๊อเบ โต่ เฮ๊เนอ, โลเน๊ เออเตอเมว เถ่จว๊าแก แจ่ โต่.)” ▼▼ลี เออตามา เนอ, อา โอ่ โนเต่อเกอ เด๊อ ลี เด๊อ อู รา เร๊อ กู๊ขุ เด๊อ กูลู่เล๊อ เบ๊อะเนอ ต๊าบ่า อากู โต่.
แบ่เจ่ แด๊โฉ่โล คยาแซ๊ เร๊อ อา เก่ เซอ ปา อาหรี่อาแก
(มาระโก ๙:๓๐-๓๒, ลูกา ๙:๔๓-๔๕)
22เบ๊อะเหย่ซี จว๊า แม๊เถอะ ตาฉื่อ โอ่ปล๊อลอ ลู เด๊อ กาลิลีเก่ เบ๊อะเนอ, แบ่เจ่ เหย่ซู่ แด๊โฉ่โล เป่ เหย่ซี เน๊อ, “แกแยเห่ขุ อาพู๊คู หม่าเฮ๊อ แวเออ, อู เก่ อิเช ตาแก อา เด๊อ แกแยเห่ขุพู๊ อา กู๊ยากู ปา. 23เหย่ซี เก่ เมเซอ ลู ปา เร๊อ โซเนอ บาแถ่ เตอเนอ ปาเนอ, อา เก่ เซอเพร กาคยา ปา.” เร๊อ อา โคเจ่ เต๊เห่ ซิเปลซิยอ ลอปลี เจ๊อ.แบ่เจ่ เหย่ซู่ อิซว๊า เป่ อู เน๊อ เตหลู่แเตโฮ อาหมู่อาร๊า อาหรี่อาแก
24เบ๊อะแบ่เจ่ เหย่ซู่ เร๊อ อา โคเจ่ เต๊เห่ จว๊าโต่ เด๊อ วีคาเปอรนาอูม เบ๊อะเนอ, เพรโถ่ปล๊อ เตหลู่เตโฮ อาหมู่อาร๊า เต๊เห่ แฮ เด๊อ คูเปโตร อาโอ่, เร๊อ อา แด๊เฮอ คูเปโตร เน๊อ, “ซีซ๊าร๊า เด๊อะเกอ เตหลู่เแตโฮ อาหมู่อาร๊า โต่ แอ?” f 25คูเปโตร เฮ๊ฉื่อ เหย่ซี เน๊อ, “โต่, อา เด๊อะ ว๋า.” เบ๊อะคูเปโตร โน เด๊อ หี่ด๊อกู เนอ, แบ่เจ่ เหย่ซู่ เฮ๊ เหร่อ ลู เน๊อ, “คูซีโมน, เน เตเน ฮู๊เต? เห่ขุ อาคุ๊ย เต๊เห่ แฮกุย อาหมู่อาร๊า เด๊อ หม่าอูเป โอ่เป? โต่หม่าเร๊อ อา กุย เร๊อดื่อ เด๊อ อา เทอพู๊เก่พู๊ เร๊อ ดื่อ เต๊เห่ อา โอ่ แอ? หม่าโต่เรอ อา กุย แลแค เด๊อ เทอโรเก่กลอพู๊ เต๊เห่ อา โอ่ แอ?” 26คูเปโตร เฮ๊ฉื่อ ลู เน๊อ, “อา กุย แลแค เด๊อ เทอโรเก่กลอพู๊ เต๊เห่ อา โอ่ แพ๊.” เร๊อ แบ่เจ่ เหย่ซู่ เฮ๊ฉื่อ ลู เน๊อ, “เก่ เมฮู๊เนอเรอ อา เทอพู๊เก่พู๊ เร๊อดื่อ เต๊เห่เนอ, อา โต เด๊อหนิ โต่. 27หม่าแน๊เรอ แซ่ฮู๊ เหย่ซี เก่ ซิปล่อดุ แต่ เป แต่เหม่เนอ, จว๊าบี๊มอ เต๊ว เด๊อ กาลิลี อาเทออ่อกู เน. เต๊วฮู๊ เด๊อ อา หนิ เหร่อเล๊อ เต๊เบ่เนอ, โบแอ แม๊ เด๊อ อาแกกู เนอ นี๋. เน เก่ แม๊เถอะ รือหย่า เต๊เบ่ ปา. พย๊า รือเออ เร๊อ จว๊าเด๊อะ เน๊อ เนเง เน๊อ แวเง เน๊อ เตหลู่แตโฮ อาหมู่อาร๊า อาเงเนอ.”
Copyright information for
EkySCThai