Matthew 20
เพรแรเต เต๊เห่ เต๊เห่ เด๊อ แท๊ทือ เผ่ขุ
1“เมเตเฮ๊เรอ, ม๊อขุ เทอเลเก่กู หม่า อาแซ่เน๊อ เพร๊ แบ่เจ่ เตเพร เด๊อ อา เถ่จว๊า โรมื่อ เร๊อ อา จว๊า แด่เก่ แฮ อู เด๊อ อา แท๊ทือเผ่ขุ. เออเนอเฮ๊อ. 2เพร๊ แบ่เจ่ เออเตเพร เนอ อาแด่เก่เอ่ อู เน๊อ เตอ เนอ เร๊อ รือหย่า เต๊เบ่, เร๊อ นอจว๊า แร เหย่ซี เด๊อ แท๊ทือเผ่ขุ. 3“เบ๊อะเหมาะแปล แถ่ลาเฮ๊อ ลุยซว๊าตือมือ เบ่เฮ๊อ เบ๊อะเนอ, อา จว๊า เด๊อ เกล๊กู เร๊อ อา จว๊า แม๊เถอะ แกแย โอ่โกโอ่เด แพ๊ เร๊อ อาเตแร โอ่โต่ เต๊เห่ ก๊อถ่อ โอ่โทโอ่แล แลแค เบ๊อะเนอ. 4เร๊อ อา เฮ๊ เหย่ซี เน๊อ, ‘แฮ แรเกอ แลแค เด๊อ แว แท๊ทือเผ่ขุ เนอ เร๊อ แว เก่ แม๊ เด๊อะโตเด๊อะเบ่ เป่ดื่อ ซี อาคว๊าอาเก่ ปา.’ 5เร๊อ เหย่ซี แฮ แลแค เด๊อ ลูเพร๊ขุ เร๊อ เพร๊ แบ่เจ่ เออ เบ๊อะเหมาะโถ่ เช๊อเนอมือ เบ่ เบ๊อะเนอ โทเร๊อ อา เถ่จว๊า คยาแซ๊ เบ๊อะเหมาะเฮ๊แลโซมือเบ่ เบ๊อะเนอ, เร๊อ อา จว๊า แด่ เก่ แฮ คยา อู เด๊อ แท๊ทือเผ่ขุ. เร๊อ อา เฮ๊ อู ฮู๊ อา เฮ๊ เหร่อ โท เฮ๊อ อู เนอ เต๊เห่. 6เร๊อ อา เถ่จว๊า คยาแซ๊ เด๊อ เกล๊กู เบ๊อะเหมาะเฮ๊แล แงมือ เนอ, เร๊อ อา จว๊า แม๊เถอะปา แกแย เด๊อ อา โอ่โก บย่า เบ๊อะเนอ, อา แด๊เฮอ เหย่ซี เน๊อ, ‘เตอเจ๋อ เร๊อ ซี แรเตโต่ เร๊อ ซี จว๊า ก๊อถ่อโอ่ แกเด ลอ เบ๊อะเออ เตอเน๊อ เหมาะเฮ๊ เมเต?’ 7“เร๊อ เหย่ซี เฮ๊ฉื่อ ลู เน๊อ, ‘เพรแด่เก่ แฮเกอ เป อา โอ่ เตเพร๋ โต่.’ “เร๊อ อา เฮ๊ เหย่ซี เน๊อ, ‘แฮเม เกอ แลแค เด๊อ แว แท๊ทือเผ่ขุ เนอ’ 8“เบ๊อะเหมาะตาเฮ๊อ เบ๊อะเนอ, เพร๊ แบ่เจ่ เออ อา เฮ๊ เพร เป๊อ แม๊ตู่หนิ เพร๊ขุ เออเตเพร เน๊อ, ‘เอ๊แฮ เพรแรเต เนอเต๊เห่ เร๊อ เด๊อะเป่ เหย่ซี อาคว๊าอาเก่ เนอ, เด๊อะเหร่อเล๊อ อา แฮ ตาเนอเล๊อ อาโค เนอเตเพร นี๋ เร๊อ อา แฮ เหร่อเล๊อ เนอเต๊เห่ เร๊อ เด๊อเนอเล๊อ อู ปา.’ a 9“เพรแรเต เด๊อ อา แฮ แรเต เด๊อ เหมาะเฮ๊แล แงมือ เนอ เต๊เห่ แฮพย๊า เหร่อเล๊อ คว๊าเก่ เร๊อ เพร เด๊อ อา เป๊อ แม๊ตู่หนิ เพร๊ขุ เออเตเพร เด๊อ เหย่ซี เตเพร เร๊อ รือ หย่า เดนาริอัน เต๊เบ่. 10เออโตโพ๊เรอ เบ๊อะโตเบ่ เฮ๊อ เด๊อ อา แฮแร เหร่อเล๊อ ลอ อู เต๊เห่ เร๊อ เหย่ซี เตเน เร๊อ อา เก่ พย๊าหนิ เอ๊เล๊อ รือ เร๊อ อู ปาตื๊อดื่อเรอ, เหย่ซี พย๊าหนิ รือหย่า เดนาริอัน เตเพร เต๊เบ่ แซ่ลอลูแพ๊. 11เบ๊อะเหย่ซี พย๊าหนิ คว๊าเก่เออ เนอ อา ตามวาเตเล เพร๊ แบ่เจ่ แหย่โย. 12เหย่ซี เฮ๊ เพร๊ แบ่เจ่ เน๊อ, ‘แกแย เออเต๊เห่ เร๊อ อา แฮ เมหนิ งยาแพ๊ ตือมือ หน่าหลิ แพ๊ เร๊อ อา กาเล๊ เฮ๊อ หม่าแน๊เรอ เน เด๊อ เหย่ซี คว๊าเก่ แซ่เน๊อ เปเป, เป เม โซพ๊าโซแร เด๊อ เก่กู่ขุ เตอเน๋อ เหมาะเฮ๊ เจ๊อ เรอ เน เด๊อ เลอะ เปโต่โต่.’ 13“หม่าแน๊เรอ เพร๊ แบ่เจ่ เฮ๊ฉื่อ เร๊อ อา เฮ๊ ฮู๊เออ อาเกล เตเพร เน๊อ, ‘แว แลโฮเอ่ น๊อ เนเตอเจ๋อ โต่, แว เม โต แพ๊, แว เร๊อ เน ซิปล่อโต โทเฮ๊อ ลู เน๊อ แว เก่ เด๊อะ เน เตอ เนอ หม่า รือหย่า เดนาริอัน เต๊เบ่ แว เฮ๊ เน แต๋? 14พย๊าหนิ เน คว๊าเก่เออ เร๊อ กามอ. แว ซิหยื่อ เด๊อ แกแย เด๊อ อา แฮ แร เนอเล๊อ อาโค อาคว๊าอาเก่ แซ่เน๊อ แว เด๊อะ เน เนอ. 15แวรือ เร๊อดื่อ, แว ซิหยื่อ เมฮู๊เต๋ เรอ อา หนิ แหน่ โต่ แอ? แว ชิโล เกอ เร๊อ เกอ โต่ ฮู๊ เออ เรอ เน ซิเคว๊ แว แอ?’ 16“ฮู๊เนอเรอ แกแย โอ่ เด๊อ คยาเล๊อ อู อา เก่ โอ่ เด๊อ เง เร๊อ แกแย โอ่ เด๊อ เงเล๊อ อู ปา. อา เก่ โอ่ เด๊อ คยาเล๊อ อู ปา.” ▼▼แกแย โอ่ เด๊อ คยาเล๊อ อาโหง่แลช๊า หม่า แกแย เด๊อ อู เตเนปีตี๊ ลู. อู โหล่ดุ ลู โต่ เต๊เห่เนอ จอแปแหร่ แด่ดุ โหล่ดุ เล๊อ ลู. หม่าแน๊เรอ แกแย เด๊อ อา โอ่ เด๊อ เงเล๊อ อู เนอหม่า หม่า เฮ๊อ แกแย แด่ดุเล๊อ ลู เตเนดุเล๊อ ลู หม่าแน๊เรอ จอแปแหร่ เก่ แด่ปีตี๊ เล๊อ ลู ปา.
c แบ่เจ่ เหย่ซู่ แด๊โฉ่โล คยาแซ๊ เร๊อ อา เก่ เซอ ปา อาหรี่อาแก
(มาระโก ๑๐:๓๒-๓๔, ลูกา ๑๘:๓๑-๓๔)
17เบ๊อะแบ่เจ่ เหย่ซู่ แถ่ เด๊อ วี เยรูซาเล็ม เร๊อ เบ๊อะอา โคย จว๊าปา เด๊อ แกล๊ลู เบ๊อะเนอ, อา เอ๊ จว๊า ปล๊อโค๊ อาโคฮู๊เจ่ เช๊อซิเนอเออ โต๊โผ่ เร๊อ อา เฮ๊ เหย่ซี เนอ, 18“เป แถ่ เด๊อวีเยรูซาเล็ม, เร๊อ อู เก่ อิแช๊ปื่อ ตาแก แกแยเห่ขุ อาพู๊คู เด๊อ เพรหลู่แต ทวาดุทวาเตกู่กล๊อ เร๊อ เพรอิซว๊า เตซว๊าเตแส่ อาซ๊าร๊า เต๊เห่ เร๊ออา กู๊ ยา กู ปา. เร๊อ เหย่ซี เก่ เมจากาคยา เซอ แกแว ปา. 19เหย่ซี เก่ เด๊อะตาโดโต่ อา เด๊อ แกแยยิวพู๊ หม่าโต่ เต๊เห่ อา กู๊ยากู ปา, เหย่ซี เฮ๊เบ่ โตโมจู๊แก่ กี๊นีโก๊โหนะ ลอ แวปา, โทเรอ เหย่ซี เก่ มือ แว เร๊อ สู่เปลอ อิปลี๊แช๊ ปา เร๊อ เหย่ซี เก่ มือเซอแถ่ อา เด๊อ อี๊ถื่อดีเต่ลู ▼▼ครี๊พู๊ เต๊เห่เห่ เร๊อ อา เฮ๊ เร๊อ อี๊ถื่อดีเต่
หม่าแน๊เรอ โซเนอ เตอเนอ ปาเนอ, จอแปแหร่ เก่ เมเซอเพร ก๊อถ่อ กาคยา คยาแซ๊ อาปา.” โหมะเตเพร อา เตกุยซิยอ
(มาระโก ๑๐:๓๕-๔๕)
20โทเรอ เพเศเบดี อา พู๊ คูยอกอบ เร๊อ คูยอห์น อาโหมะ เออเนอ, อา แฮ โน เต่อ เกอ เร๊อ อาพู๊ซิเนอ เด๊อ แบ่เจ่ เหย่ซู่ อา โอ่. อาโหมะเออ แฮ แด๊งือตา เด๊อ แบ่เจ่ อาเป๊เส่เง เร๊อ กุยซิยอ แบ่เจ่ เก่ เม เป่ ลู เตเต๊อเจ่อจ่อ. 21เร๊อ แบ่เจ่ เฮ๊ ลู เน๊อ, “เน ซิหยื่อ เด๊อ แว เก่ เมจว่า เป่ เน อิเต?” เร๊อ อา เฮ๊ฉื่อ แบ่เจ่ เน๊อ, “ช๋า เน ทวา เฮ๊อ คุ๊ย เด๊อ จอแปแหร่ เทอเลเก่กู เฮ๊อ ปาเนอ, เด๊อะโอ่แน เป่เกอ แวพู๊ เออซิเนอ เด๊อ เน กู๊ขุ จ๊อทว๊า ตากยา เตเพร, เด๊อ เน กู๊ขุ จ๊อจิ ตากยา เตเพร ปา นี๋.” 22แบ่เจ่ เฮ๊ฉื่อ เหย่ซี เน๊อ, “ซี แฮกุย เตเออเนอ ซี ซิเง เกอเร๊อ อาหรี่อาแก โต่. เตจาเตจือ เด๊อ แว ข่าเบ่ เออ ปาเนอหม่า, ซี เก่ ข่าเบ๊ เกอแหน่ ปาแอ?” เร๊อ เหย่ซี เฮ๊ฉื่อ เน๊อ, “เป ข่าเบ่ เกอ แพ๊.” 23แบ่เจ่ เฮ๊ฉื่อ เหย่ซี เน๊อ, “ซี เก่ ข่าเบ่ หม่า เกอ หม่าแหน่ ดื่อปา ฮู๊ แว ข่าเบ่ เออเนอ ปา. หม่าแน๊เรอ เน โต โอ่แน เด๊อ แว กู๊ขุ จ๊อจิ ตากยา แอ? จ๊อทว๊า ตากยา เนอ อา โอ่ เด๊อ แว กู่ยากู หม่าโต่. แวเพ เด๊อ ม๊อขุ เออ เตเพร เซเรเป่ เฮ๊อ เหล่โอ่แน เออ เน๊อ จู๊ดื่อ อา ซิ หยื่อ เด๊อ อู เนอ เต๊เห่ อาเง เฮ๊อ.” 24เบ๊อะอา โคเจ่ เด๊อ อา โอ่แก เพรเช๊อ เออเต๊เห่ หนิโฮ อา แด๊เฮอ ฮู๊เออ เบ๊อะเนอ, เหย่ซี ซิปล่อดุ ลอ โป่เร๊อแหม่ เนอ ซิเนอ. 25แบ่เจ่ เหย่ซู่ เอ๊ปล๊อลอ เหย่ซี เร๊อ อา เฮ๊ เหย่ซี เน๊อ, “ซี ซิเงดื่อ เฮ๊อ เร๊อ คุ๊ย เด๊อ เห่ขุ เออ เต๊เห่ เนอ หม่า, อา อุ้ย หนิ อู อา หน่อย เอ่ เกอ เร๊อ ดื่อ อาเตอเรอ ฉว่าชอ เด๊อ เทอพู๊ เก่พู๊ เต๊เห่ อาขุ. เทอพู๊เก่พู๊ อา ทวาดุ ทวาเต ซี เต๊เห่ เรอ อา นอ เอ่ เกอ เร๊อ ดื่อ เฮ๊อ อา เตอเรอฉว่าชอ เทอพู๊เก่พู๊ เต๊เห่ อา ขุขุ. e 26ซี ลาติ เร๊อ ซี โต เมฮู๊เนอ โต่. เด๊อ ซีเกลเนอ, แกแย เตเพรเพร เก่ ซิหยื่อ ทวาดุ เฮ๊เรอ อา โตเบ่ ทวา ซี หลู่เล๊. f 27โทเรอ เด๊อ ซีเกลเนอ, แกแย เตเพรเพร เก่ ซิหยื่อ ทวาซี แบ่เจ่ เฮ๊ เรอ ซี โตเบ่ ทวา ซี หลู่. 28แกแย พู๊คู, แฮ เด๊อ เห่ขุเออ อาพย๊า ฉื่อ เป เมเป่ อา เนอ หม่าโต่. หม่าแน๊เรอ อาเก่ เมเป่ อู เงแพ๊. แซ่ฮู๊ แกแย เก่ แลเปล๊ กา อาเง เนอ, อา เด๊อ แล แก อา ซิปล่อ เซอเพร เด๊อ เหยซี อาเง เฮ๊อ.”แบ่เจ่ เหย่ซู่ แหย่โอ่เหม่ แกแย เป๊เส่คี๊ ซิเนอ
(มาระโก ๑๐:๔๖-๕๒, ลูกา ๑๘:๓๕-๔๓)
29เบ๊อะแบ่เจ่ เหย่ซู่ เร๊อ อา โคเจ่ เต๊เห่ เถ่จว๊าแก เบ๊อะวีเยรีโค เบ๊อะเนอ, แกแย เบ๊หมู่ดุ ครวาเกอ ลอ ลูคยา ตูปลูเต๊เผ่. 30แกแย เป๊เส่คี๊ ซิเนอ โอ่แนโอ่ เด๊อ แกล๊ทือ เร๊อ เบ๊อะอา หนิโฮ อู เฮ๊ เร๊อ แบ่เจ่ เหย่ซู่ แฮเฮ๊อ เด๊อ เหย่ซี อาช๊า เบ๊อะเนอ, อา เอ๊โท เร๊อ อา เฮ๊ เน๊อ, “เก๋อ เพคุ๊ยดาวิด อาพู๊คู๋, แบ่เจ๋ ซิยอ เกอ เร๊อ เป นี๋.” 31“โส่โส๋ โอ่แม๊,” แกแย เบ๊หมู่ เต๊เห่ เฮ๊ เหย่ซี ฉว่าฉว่า, เหย่ซี เล๊อ เอ๊โทแถ่ ฉว่าฉว่า โป่ เน๊อ, “เก๋อ เพคุ๊ยดาวิด อาพู๊คู๋, แบ่เจ๋ ซิยอ เกอ เร๊อ เป นี๋,” ฮู๊เนอ. 32แบ่เจ่ เหย่ซู่ โอ่โก๊ เอ๊ เหย่ซี เร๊อ แด๊เฮอ เหย่ซี เน๊อ, “ซี ซิหยื่อ นอเม แว หม่าอิเต?” 33เร๊อ เหย่ซี เฮ๊ ลู เน๊อ, “แบ่เจ่, เป ซิหยื่อ เป๊เส่ลี เกออู.” 34แบ่เจ่ เหย่ซู่ ซิยอเกอเร๊อ เหย่ซี เร๊อ อา เต่อแฮ เหย่ซี เป๊เส่ปล่อ เร๊อ เหย่ซี เป๊เส่ ลีแถ่ คย๊า เจ๊อ. ตื๊อหื่อโต เร๊อ เหย่ซี เป๊อแถ่ ครวา ลอ เกอ ลูคยา.
Copyright information for
EkySCThai