Matthew 21
แบ่เจ่ เหย่ซู่ หม่าดื่อ เมสิยาห์ หม่าเฮ๊อ เพรเมแลเปล๊กา เออ แฮโน เด๊อ วีเยรูซาเล็ม
(มาระโก ๑๑:๑-๑๑, ลูกา ๑๙:๒๘-๓๘, ยอห์น ๑๒:๑๒-๑๙)
1เบ๊อะแบ่เจ่ เหย่ซู่ เร๊อ อา โคเจ่ เต๊เห่ แฮผื่อเฮ๊อ เด๊อ วีเยรูซาเล็ม เบ๊อะเนอ, อา แฮโต่เบ่ แลแค เด๊อ ดอเบธฟายี เด๊อ อา โอ่ เบ๊อะโต๊โฉ่ ขุ เนอ. เหย่ซู่ นอแฮ เหร่อ อา โคเจ่ ซิเนอ เร๊อ อา เฮ๊ เหย่ซี เนอ, 2“แฮโน เหร่อ แลแค ดอ เด๊อ เงเนอ ตอดอ, ซี แฮ โนโน เนอ ซี เก่ แม๊เถอะ อู จอกลอโอ่ แมอ๊อแลโหมะ โตโด เนอ อาพู๊ปีตี๊ โอ่โตโคร เต่อเกอเร๊อ ลู เบ๊อะเนอ โตโด ปา, ฉิย๊า อา เร๊อ จุ่ยกาลอ เด๊อ แวโอ่เออ. 3แกแย เตเพรเพร เก่ เฮ๊ ซี เต๊อเจ่อเจ่อ เฮ๊เรอ, แด๊โฉ่โล เป่ ลู เร๊อ แบ่เจ่ โหล่ เหย่ซี เฮ๊ฮู๊เนอ, ซี เก่ เฮ๊ ฮู๊เนอ หม่า, อา ปลวากา ซี โตโพ๊ กา เจ๊อ.” 4เตเออเนอ อา เก่ เมเล๊อบาแถ่ เพรโพร อา เตเฮ๊หนื่ออื่อ เนอ, 5“แด๊โฉ่โล เป่ ศิโยนพู๊ เต๊เห่ เน๊อ, ‘แม๊มอ แลแค, ซี คุ๊ยจ๊อแผ่ แฮ เด๊อ ซี โอ่ เฮ๊อ. อา หม่า อา ซิโดซิงา เร๊อ อา แถ่แด๊ แฮหนิ แมอ๊อแล เร๊อ อา แถ่แด๊ แฮ เด๊อ อาพู๊ปีตี๊ โตโด.’” a 6อา โคเจ่ เออ ซิเนอ จว๊าเม ฮู๊ อา เฮ๊เร๊อ เหย่ซี เนอ. 7เหย่ซี จุ่ยกาหนิ แมอ๊อแลโหมะ เร๊อ อาพู๊ เร๊อ เหย่ซี เด๊แถ่ แลแค อาจากลอ เด๊อ แมอ๊อแล เออเต๊เห่ อาแหง่ขุ เร๊อ แบ่เจ่ แถ่โอ่แน เบ๊อะเนอ. 8แกแย เบ๊หมู่โอ่โร๊ลู เออเต๊เห่ เด๊ตา แลแค อาจากลอ เต๊เห่ เด๊อ แกล๊เดกู. เต๊เห่เห่เรอ อา ย๊อ เก่ตา แลแค ส่อแพฮู๊ เต๊เห่ เร๊อ เด๊ตา เด๊อ แกล๊เดกู. 9แกแย จว๊า เหร่อ เด๊อ แบ่เจ่ อาเป๊เส่เง ตูปลูเต๊เผ่, อา ครวาเกอ เด๊อคยา ตูปลูเต๊เผ่ เร๊อ อา เอ๊โท แลแค เนอ, “โฮซันนา, ถู่เซ๊แถ่ แลแค คุ๊ยดาวิด อาพู๊คู.” “แบ่เจ่ เด๊อ อา แฮ เด๊อ จอแปแหร่ อามุยเออ เตเพรเนอ, เตเด๊อะบุ๊ยเด๊อะเตอเรอ เก่ แลเบ่ดื่อ อา นี๋.” b “โฮซันนา, ถู่เซ๊แถ่ แลแค จอแปแหร่ เด๊อ อา โอ่ เด๊อ ม๊อขุ เหล่ โอ่ แถ่โลเล๊อ เออเตเพร.” 10เบ๊อะแบ่เจ่ เหย่ซู่ โน เด๊อ วีเยรูซาเล็ม เบ๊อะเนอ, วีเยรูซาเล็มพู๊ เตอวี ลอ ซิปล่อ ตือพรือก๊อหย่อ ลอปลี เร๊อ เหย่ซี แด๊เฮอ เน๊อ, “อา หม่า อูเป?” 11แกแย เบ๊หมู่เออ เฮ๊ฉื่อ เน๊อ, “อา หม่า เหย่ซู่. อา หม่า เพรโพรโอ่ เด๊อ วีนาซาเร็ธ, กาลิลีเก่ เตเพร.”แบ่เจ่ เหย่ซู่ แฮโน เด๊อ เตหลู่แตโฮกู
(มาระโก ๑๑:๑๕-๑๙, ลูกา ๑๙:๔๕-๔๘, ยอห์น ๒:๑๓-๒๒)
12แบ่เจ่ เหย่ซู่ จว๊าโน เด๊อ เตหลู่แต โฮกู เร๊อ อา จว๊าโน เหว่เถ่แก ลอ ล๋อ แกแย พรีเอ่อิเชตาเต เบ๊อะเนอ เต๊เห่ เร๊อ อา โน ถู่ แลกลอตาแก ลอ อู เหล่ถู่แหล่ รือ ▼▼แกแย โอ่ เด๊อ เทอเก่ อาโร แฮ เด๊อ เตหลู่แเตโฮ เร๊อ อา แฮถู่แหล่ แลแค อารือ เร๊อ เตหลู่แตโฮ รือ แซ่ฮู๊ เหย่ซี เก่ พรี แลแค เร๊อ เตมีเตดอ เด๊อ เก่ หลู่แตแถ่ อาเง. เพรถู่แหล่ รือ เต๊เห่เนอ, แซ่ฮู๊ เก่ พย๊าหนิ เอ๊รือ เร๊อ อา แม๊ปูเมเอ่ อูขุ.
เหย่ซี ดีเหร่แถ่โล เนอ เต๊เห่ เน๊อ กู่แกล๊แถ่โล เด๊อ อู เหล่โอ่แน อิเช เร๊อ ถู่หลุ่ย. ▼▼แกแย เต๊เห่เนอ พรี แลแค ถู่หลุ่ย เร๊อ ซิหมิ เด๊อ อา เก่ หลู่แตแถ่ อาเง แพ๊.
เนอเต๊เห่. 13โทเรอ อา เฮ๊ เหย่ซี เน๊อ, “ลีเทส่อพ๊ากู ราม๊าแก อาเฮ๊, ‘แวหี่ หม่า อู เก่ เฮ๊ เร๊อ เตจ๊อเบ อาหี่,’ หม่าแน๊เรอ ซี จว๊า นอทวา ลอเฮ๊อ เตหลู่เตโฮกู เน๊อ, ‘เพรเอ่โห่เอ่ฮี๊ เหล่โอ่ว๊าโอ่ อาเหล่โอ่ เฮ๊อ.’” e 14แกแย เป๊เส่คี๊ กู๊โด่ด๊า เต๊เห่ แฮโนโต แบ่เจ่ เหย่ซู่ เด๊อ เตหลู่แต โฮกู, เร๊อ อา แหย่โอ่เหม่ เป่ลอ เหย่ซี. 15หม่าแน๊เรอ เบ๊อะเพรหลู่แต ทวาดุทวาเต กู่กล๊อ เร๊อ เพรอิซว๊า เตซว๊าเตแส่ อาซ๊าร๊า เต๊เห่ แม๊เถอะเฮ๊อ แบ่เจ่ เหย่ซู่ เมเตโค๊ตีกลี๊ เต๊เห่, โทเรอ อา แม๊เถอะ เป๊เจ่พู๊ เต๊เห่ เอ๊โทแถ่ แลแค เน๊อ, “โฮซันนา, ถู่เซ๊แถ่ คุ๊ยดาวิด อาพู๊คู,” เด๊อ เตหลู่แตโฮกู เบ๊อะเนอ, เหย่ซี ซิปล่อดุ โกโน๋ โต่. 16เหย่ซี แด๊เฮอ แบ่เจ่ เน๊อ, “เป๊เจ่พู๊ ซีเต๊เห่ เอ๊โท เนอหม่า เน หนิโฮ เด๊อ อาเฮ๊ โต่แอ?” เร๊อ แบ่เจ่ เฮ๊ฉื่อ เหย่ซี เน๊อ, “อ่อ, แว หนิโฮ ว๋า, ลีเทส่อพ๊า ราม๊าแก เนอ, ‘เป๊เจ่พู๊ ซีเต๊เห่ เร๊อ เป๊เจ่พู๊ เด๊อ อา อินู๊ปา เต๊เห่เนอ, เน เก่ นอถู่เซ๊แถ่ เหย่ซี ปา,’ f อา เฮ๊ ฮู๊เนอ หม่า, ซี แด๊น๊อ เกอแหน่ อู โต่ แอ?” 17โทเร๊อ แบ่เจ่ เหย่ซู่ เถ่จว๊าแกเหย่ซี เด๊อ ดอเบธานี, เหย่ซู่ จว๊า โอ่ เมอ โอ่ เบ๊อะเนอ. แบ่เจ่ เหย่ซู่ อิชอ เซอแก ก่อดุ๊ยเหมาะ เออต๊อเหมาะ
(มาระโก ๑๑:๑๒-๑๔, ๑๑:๒๐-๒๔)
18อาโหน่โตโร เบ๊อะเหมาะลี โรมื่อ เบ๊อะเนอ, แบ่เจ่ เร๊อ อา โคเจ่ เต๊เห่ กาคยา คยาแซ๊ เด๊อ วีเยรูซาเล็ม, เร๊อ เบ๊อะเหย่ซี กา เด๊อ แกล๊ลู เนอ, เหย่ซู่ ซิเอ่ ดี. 19เร๊อ เหย่ซู่ แม๊เถอะ ก่อดุ๊ยเหมาะ ต๊อเสาะ โอ่ เด๊อ แกล๊ทือ เร๊อ อา จว๊า โต ลู ตื๊อดื่อเรอ อา แม๊เถอะ อาเส่ โอ่ ตอปล๋อ โต่. อา โอ่ โชชื่อ อาเหล่ แพ๊ เออโตโพ๊เรอ อา เฮ๊ ก่อดุ๊ยเหมาะ เออต๊อเสาะ เน๊อ, “เส่เกอ ปา แต่ อู โตโพ๋ แต่เหม่ นี๋.” อา เฮ๊ เร๊อ ก่อดุ๊ยเหมาะ คราเซอ เจ๊อ โตโพ๊เซอ เจ๊อ. 20เบ๊อะอา โคเจ่ เต๊เห่ แม๊เถอะ เตทวาแถ่ ฮู๊เออ อาเค, อา คย๊า อายื๊อ ลอปลี เจ๊อ เร๊อ เหย่ซี แด๊เฮอ แบ่เจ่ เน๊อ, “ก่อดุ๊ยเหมาะ เออต๊อเสาะ อา จว๊าเซอ โตโพ๊เซอ แจ่โต่ ฮู๊เตเต แห?” 21แบ่เจ่ เฮ๊ฉื่อ เหย่ซี เน๊อ, “แว เฮ๊จ๊อจ๊อ ซี๋, เน หยื่อเอ่ เร๊อ เน เก่ ซิปล่อหร่าเหร่ โต่ เฮ๊เนอหม่า ฮู๊ แว เฮ๊ ก่อดุ๊ยเหมาะ เร๊อ อา เซอคราแก เออเนอ, ซี หม๋า ซี เม แจ่เกอดื่อ ฮู๊เนอ แพ๊. ซี เก่ เมแจ่เล๊อ ปา เจ๊อ เร๊อ เนอ ปา. ซี เก่ เฮ๊ โฉ่ เออเตเม เน๊อ, ‘ซ๊อซื๊อ จว๊า ตาพาแก เด๊อ เทอดุซาวา อากูเนอ,’ เฮ๊เนอหม่า อา เก่ ทวาแถ่ เป่ ซี ฮู๊ ซี เฮ๊ เนอ ปา. g 22ซี เก่ หยื่อเอ่ เนอ, ซี กุยเต เด๊อ เพ จอแปแหร่ อา โอ่ อิเตเต๋ เบ่เบ่ ซี พย๊าหนิ ปา.”แกแย ทวา ทวาดุทวาเต เต๊เห่ แด๊เฮอ แบ่เจ่ แบ่เจ่เหย่ซู่ อา เตอเรอฉว่าชอ
(มาระโก ๑๑:๒๗-๓๓, ลูกา ๒๐:๑-๘)
23แบ่เจ่ เหย่ซู่ โน เด๊อ เตหลู่แเตโฮ เตเร๊ กู เร๊อ เบ๊อะอา อิซว๊าอี๊แส่ตา อู เบ๊อะเนอ, เพรหลู่แต ทวาดุทวาเต เต๊เห่ เร๊อ แกแยยิวพู๊ เตจ๊อบู่จ๊อเบ โหมะพรู โหมะเผระ เต๊เห่ แฮ เด๊อ แบ่เจ่ อา โอ่ เร๊อ อา แด๊เฮอ ลู เน๊อ, “เน จว๊าเมโต่ เตฮู๊เออ เต๊เห่ เร๊อหม่า เน จว๊าเม เร๊อ อูเป อา เตอเรอฉว่าชอ เป? อูเป นอเม เน เป?” 24แบ่เจ่ เฮ๊ฉื่อ เหย่ซี เน๊อ, “แว แด๊เฮอ เกอ ซี โหง่ ตือมือ, ซี เก่ เฮ๊ฉื่อ เป่ เกอ แว เฮ๊เร๊อ แว เม เตเออเต๊เห่ เด๊อ อูเป อา เตอเรอฉว่าชอ เปเนอ, แว เก่ แด๊โฉ่โล เป่เกอ ซี ปา. 25เพรเจเทอ คูยอห์น เจเป่ อู เหน่ เร๊อ เทอเออ เนอ หม่า, หม่า จอแปแหร่ เด๊อะ ลู เตอเรอฉว่าชอ แอ? หม่าอูเป เด๊อะ ยอห์น อาเตอเรอฉว่าชอ? หม่าโต่เรอ แกแย เห่ขุพู๊ เด๊อะ ลู แอ?” เร๊อ เหย่ซี เฮ๊ เกอเร๊อลู เน๊อ, “เป เบ่ เฮ๊ เน๊อ, ‘จอแปแหร่ เด๊อะ ลู’ เก่เฮ๊เรอ, อา เกล๊ แด๊เฮอ แหน่ เฮ๊อ เป เน๊อ, ‘เก่เฮ๊ฮู๊เนอเรอ ซี หยื่อเอ่ ลู โต่ เมเต?’ 26หม่าแน๊เรอ เป เก่ เฮ๊ เน๊อ, ‘แกแย เด๊อะ ลู’ เก่เฮ๊เรอ, เป ซิอิเช แกแย เบ๊หมู่ เออเต๊เห่ อาเหล่เหล่, เมเตเฮ๊เรอ แกแย เออเต๊เห่ ย๋อ หยื่อเอ่ แลแค เร๊อ คูยอห์น หม่า จอแปแหร่ อาเพรโพร หม่าแหน่ เตเพร, ฮู๊เนอเนอ.” 27ฮู๊เนอ อาขว่าอาคยา, เหย่ซี เฮ๊ฉื่อ เหย่ซู่ เน๊อ, “เป ซิเงโต่.” เร๊อ เหย่ซู่ เฮ๊ฉื่อ เหย่ซี เน๊อ, “เก่เฮ๊ฮู๊เนอเรอ แว เมเต เออเต๊เห่ เน๊อ อูเป อา เตอเรอฉว่าชอ เป เนอ, แว แด๊โฉ่โล เป่ ซี โต่โต่.”เตโด่แน ค๊าโข่ พู๊เพรคู ซิเนอ อาหรี่อาแก
28“เฮ๊ เป่แม๊ แว ซี เตเน ฮู๊เต? แกแย เตเพร เร๊อ อา พู๊เพรคู อาโอ่ ซิเนอ. เร๊อ อา จว๊า เฮ๊ อา แหม่ดุเล๊อ เตเพร เน๊อ, ‘เออเตอเนอ แฮ เด๊อ เพร๊ขุ เร๊อ แฮแม๊ตู่เร๊อ แท๊ทือเหมาะ นี๋.’ 29“เร๊อ อา เฮ๊ฉื่อ อาเพ เน๊อ, ‘แว แฮ โต่,’ อา เฮ๊ ตื๊อดื่อเรอ เด๊อคยา เนอ อา ซิปล่อ แต๊ แกล่ คยา เร๊อ อา แฮ คยาแซ๊. 30“โทเรอ เพเออ เตเพรเนอ อา จว๊าติ เด๊อ อาพู๊ปีตี๊ เตเพร อา โอ่ เร๊อ อา เฮ๊ แซ่ลู ฮู๊ อา เฮ๊ อา พู๊แหว่เพร่ว เนอเตเพร เร๊อ อา เฮ๊ฉื่อ อาเพ เน๊อ, ‘อ่อ เพ, แว แฮดื่อ ปา,’ ตื๊อดื่อเรอ อา แฮ เป๊ โต่. 31“พู๊เพรคู เออซิเนอเนอ, อา หนิดา อา เพ เต เบ๊อะเต เตเพรเต?” เร๊อ เหย่ซี เฮ๊ฉื่อ ลู เน๊อ, “อาดุ เตเพร.” เร๊อ แบ่เจ่ เฮ๊ เหย่ซี เน๊อ, “แว เฮ๊จ๊อจ๊อ ซี, เพรกุยอาหมู่อาร๊า เร๊อ แม๊เผ่โหมะ จว๊าโน เผ่แก เฮ๊อ ซี เด๊อ ม๊อขุ เฮ๊อ. 32เมเตเฮ๊เรอ คูยอห์น แฮ เด๊อะโล ซี เร๊อ เต จ๊อ เตเต อาแกล๊ ตื๊อดื่อเรอ ซี หยื่อเอ่ ลู โต่. หม่าแน๊เรอ เพรกุยอาหมู่อาร๊า เร๊อ แม๊เผ่โหมะ เต๊เห่ หยื่อเอ่ ลู. ซี แม๊เถอะ เจ๊อ แกแย เออเต๊เห่ อาซิปล่อ แต๊แกละ กา เจ๊อ ตื๊อดื่อเรอ ซี ซิปล่อแต๊แกละ กา เกออู โต่, โท๊โต่ ซี หยื่อเอ่ เกอ เจ๊อ อู ตีกี๋ โต่. hเตโด่แน ค๊าโข่ เพรเมเอ่ แท๊ทือเผ่ เด๊อ อาจาจือ เต๊เห่
(มาระโก ๑๒:๑-๑๒, ลูกา ๒๐:๙-๑๙)
33“หนิดา โป่ แลแค เตโด่แน เด๊อ อาโร เออโต๊โต่. เบ๊อะเนอโตโพ๊เนอ เกเร๊รา แบ่เจ่ เด๊อ อาโหล่อาช๊อ เกอเร๊อ อา แท๊ทือเหมาะ เต๊เห่ โอ่เตเพร. อา ราตาวาบี๊ เกอเร๊อ ลอ อา เกเร๊เออ, เร๊อ อาขื่อโอ่ เกอเร๊อ อาเห่กู ตูกู เด๊อ อา เก่ วีเถ่ เร๊อ แท๊ทือเส่เทอ อาเง, โทเรอ อา ช๊อแถ่ เกอเร๊อ เหล่โอ่ป่อแม๊ เร๊อ เพร๊ อาเง เตเม โทเรอ อา ปลวา เมเอ่โก๊ เอ่แก อาเพร๊เออ เนอ เพรเมเพร๊ เต๊เห่ เร๊อ อา เถ่จว๊าแก เด๊อ เก่โร เต๊เก่. i 34แซ่ฮู๊ เพรเมเอ่โก๊ ลู เพร๊ เต๊เห่ เก่ เบเอ่เป่ เกอ ลู ส่อเส่ เต๊เห่เนอเรอ, เบ๊อะผื่อแฮ เฮ๊อ เด๊อ โต บ่าปล๊อ เฮ๊อ แท๊ทือเส่ อาเค เนอ, อา นอแฮ อาหลู่เล๊ เต๊เห่ เด๊อ เพร เม เอ่ โก๊เอ่ เพร๊ เต๊เห่ อา โอ่. 35“เพรเมเอ่โก๊ เพร๊ เต๊เห่เนอ อา ปื่อ เพร๊ แบ่เจ่ อาหลู่เล๊ เออเต๊เห่ เร๊อ อา มือ ลูเต เตเพร, อา เมเซอแก ลูเต เตเพร, เตเพร เร๊อ อา ต่า ลู เร๊อ หล่อ. 36เออโตโพ๊เรอ อา นอแฮ โหร่เล๊อ เกอลาติ หลู่เล๊ เด๊อ เหย่ซี โอ่ เร๊อ อา แฮเอ๊ เล๊อ เร๊อ อา แฮ เหร่อ เนอเต๊เห่ เจ๊อ ตื๊อดื่อเรอ เพร เมเอ่โก๊เพร๊ เนอเต๊เห่ เมจาเมจือ เหย่ซี แซ่เน๊อ อา แฮ เหร่อ เนอเต๊เห่ แพ๊. 37เด๊อ คยาตื๊อดื่อเนอ, อา นอแฮ อา พู๊เพรคู เด๊อ เหย่ซี อา โอ่ อาเตเน เรอ, ‘แวพู๊ เร๊อดื่อ เรอ หม่า เหย่ซี เกล๊ ซิแหน่ซิเตเร เล๊อแหน่ แพ๊,’ อา เฮ๊ ฮู๊ เนอ. 38“หม่าแน๊เรอ เบ๊อะเพรเมเอ่ โก๊ เอ่เพร๊ เออเต๊เห่ แม๊เถอะ ลู เบ๊อะเนอ, เหย่ซี เฮ๊ เกอเร๊อลู เน๊อ, ‘อา หม่า เพร เด๊อ อา พย๊าหนิ อู่เจเต๊เหย่ เนอเตเพร เฮ๊อ, จว่า! จว๊าเมเซอแก ลู โป๋, เร๊อ เป เก่ พย๊า แกเผ่ อา อูเจเต๊เหย่ ปา,’ อา เฮ๊ แลแค ฮู๊เนอ. 39เร๊อ อา ปื่อ ลู เร๊อ อา จุ่ยเถ่แก ลู เด๊อ เกเร๊กลอ เร๊อ อา เมเซอแก ลู. 40“ฮู๊เนอเรอ ช๋า เพร๊แบ่เจ่ แฮโต่ ปาเนอ, อา เก่ เม เหย่ซี ฮู๊เต ปา?” 41เพรหลู่แต กู่กล๊อ เต๊เห่ เร๊อ แกแยยิวพู๊ เตจ๊อบู่จ๊อเบ โหมะพรู โหมะเผระ เฮ๊ฉื่อ เน๊อ, “อา เก่ เมจาเมจือ, เมเซอแก แกแยมู๊แหม่ รีแจ่ เนอเต๊เห่ ปา. เร๊อ อา เก่ ปลวาเมเอ่ โค๊ลาติ อาเพร เพรเมเอ่โก๊เพร๊ เด๊อ อา เก่ เบ กาคยาเอ่ เป่ ลู ปา เบ๊อะเตเส่เตโพ เถ่เค เนอเต๊เห่ ปา.” 42แบ่เจ่ เฮ๊ เหย่ซี เน๊อ, “ลีเทส่อพ๊ากู ราม๊า เนอ, ‘แกแย เมแถ่ หี่ เร๊อ หล่อ เด๊อ เหย่ซี วีแก ลู เนอเตเมเนอ อา ทวาแถ่ หล่อ เด๊อ อา ตาทว๊าหม่า ลอ เจ๊อ หี่เตเม เจ๊อ เออเนอหมา แบ่เจ่ จอแปแหร่ เมเต แพ๊, เร๊อ อา เมเต เออเนอหมา อา โคตีกลี๊ แหน่เจ๊อ’ j ลีเทส่อพ๊ากู ราม๊า เออเนอหม่า ซี แด๊น๊อ เกออู โตโพ๋ โต่ แอ? ซี เกล๊ แด๊ น๊อ แหน่ แพ๊.” 43“ฮู๊เนอเรอ แว เฮ๊ ซี ม๊อขุ เทอเลเก่กู เด๊อ ซี โต พย๊าหนิเนอ จอแปแหร่ พย๊าเผ่แก ซี ปา. เร๊อ อา เก่ เด๊อ เร๊อ แกแย เด๊อ อา จูเอ่ จอแปแหร่ อาโหง่ เนอเต๊เห่ ปา. 44แกแย เด๊อ อา ลูตา เด๊อ หล่อ เออเตเม อาลูเนอ, อาครุ๊ย อา แลเก่ แพ๊ ปา, หม่าแน๊เรอ หล่อ เออเตเม เก่ ลูตา เด๊อ ลู ลูปา, อาครุ๊ยอาคร๊วา อา หมื่อ ตีพรี ลอ เจ๊อ ปา.” ▼▼อู รา ลีพ๊า มู๋ หนู่เค เต๊เห่เห่เนอ, อู แม๊เถอะ ลีเทส่อพ๊า เออตามา โอ่ป่า เต่อเกอ โต่
45เบ๊อะเพรหลู่แต ทวาดุทวาเต เต๊เห่ เร๊อ ฟาริสี เต๊เห่ หนิโฮ แบ่เจ่ เหย่ซู่ แด๊ค๊าโข่ เบ๊อะเนอ, เหย่ซี ซิเง เร๊อ แบ่เจ่ เฮ๊โข่ เหย่ซี. 46เร๊อ เหย่ซี แม๊ปู แลแค แกล๊ เด๊อ อา เตเร ปื่อ เหย่ซู่ หม่าแน๊เรอ เหย่ซี ซิอิเช แกแย เบ๊หมู่ เนอเต๊เห่ อาเหล่, แกแย เบ๊หมู่ เต๊เห่ ย๋อ หยื่อเอ่ แลแค เน๊อ เหย่ซู่ หม่า เพรโพร เตเพร อาขว่าอาคยา, อาปื่อ บื่อ ลูโต่.
Copyright information for
EkySCThai