Matthew 3
เจเทอ คูยอห์น อา เตแด๊โฉ่โด่แน
(มาระโก ๑:๑-๘, ลูกา ๓:๑-๑๘, ยอห์น ๑:๑๙-๒๘)
1หน่า งยา เล งยา แฮเฮ๊อ เบ๊อะเนอ, แกแย โอ่เตเพร, อา เล แด๊โฉ่โด่แน เต เด๊อ ยูดาห์เก่ เก่เชเทอแก หล่อตาม๊าขุ, เร๊อ อู เอ๊ ลู เร๊อ เจเทอ คูยอห์น. 2เร๊อ อา เฮ๊ เน๊อ, “ถู่แหล่แต๊แกละ แลแค ซีซิปล่อ, ▼▼อาโหง่แลช๊า แซ่เน๊อ แยเกอเร๊อ เกอเร๊อ เฮ๊อ
เมเตเฮ๊เรอ ม๊อขุ อาเทออาเก่ ผื่อแถ่เฮ๊อ.” b 3อา หม่า หม่า แกแย เนอเตเพร เด๊อ เพรโพร อิสยาห์ เฮ๊หนื่ออื่อ ลูหรี่ลูแก เน๊อ, “แกแย เตเพร เอ๊โทแถ่ เด๊อ เก่เชเทอแก หล่อตาม๊าขุ เร๊อ อา เฮ๊ เน๊อ, ‘ตี๊หรี่แตแร หนื่ออื่อ แลแค แกล๊ เด๊อ แบ่เจ่ อาเง. เมจ๊อเมเป แลแค แบ่เจ่ แกล๊เหล่จว๊า อาเง โตโบ นี๋.’” 4คูยอห์น อากือแซ๊หนิ เห่อจา เด๊อ อู บ๊อ เร๊อ ตีซิโบดุ อาฉื่อ, เร๊อ อา แรแถ่หนิ ฮ๊อท๊อพ๊า. เร๊อ อา เอ่แพ๊ ตีกี เร๊อ แว๊เทอ. c 5แกแย โอ่เด๊อ วีเยรูซาเล็ม อากู เร๊อ ยูดาห์เต๊เก่เล เร๊อ ล๋อ แกแย โอ่ ตีวี๊ ตาวา จว๊ารว๊า จอร์แดน เทอแลโหมะ เนอเต๊เห่ อา แฮ แลแค เด๊อ คูยอห์น อา โอ่. 6เหย่ซี แฮ แด๊โฉ่ ลีลอ อา เตเมซื๊อ เต๊เห่ เร๊อ คูยอห์น เจ เป่ เหย่ซี เทอ เด๊อ จอร์แดน เทอแลโหมะ กูเนอ. 7หม่าแน๊เรอ เบ๊อะคูยอห์น แม๊เถอะ ฟาริสี เร๊อ สะดูสี เต๊เห่ แฮปลูแฮเผ่ เด๊อ อา เก่ แฮเจ เกอ อาเหน่ เร๊อ เทอ เบ๊อะเนอ, อา เฮ๊ เหย่ซี เน๊อ, “หรู่ซิ ซี๋! หม่าอูเป เตเพร เด๊อะรอเด๊อะเร ซี เนอ ซี อา เหล่แลเปล๊ เร๊อ จอแปแหร่ อา เตเมจากาคยา เด๊อ อา เก่ แฮปา เออเนอ เป? d 8ซี เก่ ถู่แหล่แต๊แกละ หม่าแหน่ เฮ๊อ ซี ซิปล่อเฮ๊อ เก่เฮ๊เรอ เด๊อะโล แลแค ซี เตโอ่เซอเพร เต๊เห่ เนอ ซี เตแด่ ซี ซิปล่อสู่เทอ เต๊เห่. 9เฮ๊โทเฮ๊แล แต่ ซีเหน่ เน๊อ, ‘เป หม่า เพอับราฮัม อากลุยอาแล’ ฮู๊เนอแต่เหม่. แว เฮ๊ ซี, จอแปแหร่ เมทวาแถ่ หล่อเออเต๊เห่ เนอ เพอับราฮัม อาพู๊ หม่า อา เมแจ่ แพ๊. e 10กวา เต๊เบ่ โอ่เฮ๊อ เด๊อ ส่อแก่ช๊าเฮ๊อ เร๊อ อู เก่ กวาเก่ แลคื๊อเฮ๊อ ส่อเหมาะ เต๊เห่ ปา, เร๊อ อู เก่ โด่ตือโต่ เจ๊อ เด๊อ อาหรุ่ยอาถว่า ปา ส่อเหมาะ ต๊อเหมาะเหมาะ เด๊อ อาเส่อาโพ ตว่าแร๊ โต่ เนอ, อู เก่ กวาเก่ แลคื๊อแก อา ปา เร๊อ อู เก่ วีโนแก อา เด๊อ หมิกู ปา. f 11“เด๊อ ซี ถู่แหล่แต๊แกละ ซีซิปล่อ อาขว่าอาคยา, แว เจ ซี เร๊อ เทอ. หม่าแน๊เรอ แกแย โอ่เตเพร เด๊อ อา เตอเรอฉว่าชอ เล๊อ เจ๊อ เน๊อ แว เตเพรเนอ อา เก่ แฮ เด๊อ แวคยา ปา. อา เก่ เจ ซี เร๊อ แหย่โยบูโพ๊ แบ่เจ่ เร๊อ หมิ ปา. แว กู๊กลอแพ๊ อาแข่แด๊พ๊า เน๋อ อา ต่าเร๊อ แว โต่. 12อา ปื่อโอ่เฮ๊อ ด่อกอ เด๊อ อา กู๊ยากู, เร๊อ อา ตี๊หรี่แตแร หนื่ออื่อเฮ๊อ เด๊อ อา เก่ อิเคร๊เช๊ โบ๊ ปา. อา อิเคร๊เช๊ โทเฮ๊อ ปา เร๊อ อา เก่ แด่โอ่ปล๊อ โบ๊เช๊ เด๊อ แจกู ปา. เร๊อ อาสู่อาพี เต๊เห่เนอ อา เก่ ชื๊อแก เร๊อ หมิ เด๊อ อา ปีเป่ โตโพ๋ โต่ เนอเต๊เผ่ อากู ปา.”
เหย่ซู่ เจอาเหน่ เร๊อ เทอ
(มาระโก ๑:๗-๑๑, ลูกา ๓:๒๑-๒๒)
13โทเรอ แซ่ฮู๊ เหย่ซู่ เก่ เจ เกอ อาเหน่ เร๊อ เทอ เด๊อ คูยอห์น อา กู๊ยากู อาเหน่ เนอ อา โอ่เด๊อ กาลิลีเก่ เร๊อ อา แฮ เด๊อ จอร์แดน เทอแลโหมะ อา โอ่. 14หม่าแน๊เรอ คูยอห์น ซิหยื่อ เจ เป่ ลู โต่. เร๊อ อา เฮ๊ ลู เน๊อ, “แว โต เจ เตเปล๋ กู แวเหน่ เด๊อ เน โอ่ กอกอ เร๊อ เน จว๊าแฮ เจ เป่ เนเหน่ เด๊อ แวโอ่ ฮู๊เต?” 15เหย่ซู่ เฮ๊ฉื่อ ลู เน๊อ, “กู๊แหน่ เรอ ตูรู๊ เจ เป่ มอ แว, เมเตเฮ๊เรอ เป โตเบ่ เมเล๊อบา ลอ ล๋อ จอแปแหร่ อา เตซิหยื่อ นอเม เป เนอเต๊เห่,” อา เฮ๊ เร๊อ คูยอห์น ซิปล่อโอ่ เจ เป่ ลู. 16เบ๊อะเหย่ซู่ เจโท อาเหน่ เร๊อ เทอ เร๊อ อา งอก๊อถ่อ เด๊อ เทอขุขุ เน๊อ ม๊อขุ ลูโมแอ. เร๊อ อา แม๊เถอะ จอแปแหร่ อา แหย่โยบูโพ๊ แฮตา โอ่เด๊อ ลูเหน่ลู แซ่เน๊อ ถู่หลุ่ย เนอ. 17โทเรอ โหง่พราเถ่ ตือมือ เด๊อ ม๊อขุเนอ เร๊อ อา เฮ๊ เน๊อ, “เออเตเพร หม่า แวพู๊คู เด๊อ แว โมหนิเกอเร๊อ อา โท๊โต่ แวพู๊ เด๊อ แว แม๊ดุ เกอเร๊อ อา เตเพร.” g
Copyright information for
EkySCThai