Matthew 6
เด๊อะเป่ เกอ แกแย โซพ๊าโซแรพู๊
1รอหนิ แลแค ซีเหน่ เด๊อ ซี เก่ เมแร๊ แพ๊ เด๊อ แกแย เห่ขุพู๊ เป๊เส่เง เนอ เหม่นี๋. ซีเก่ เมฮู๊เนอ เฮ๊ หม่า เพจอแปแหร่ เด๊อ ม๊อขุ เตเพร เด๊อะ เป่ซี เตหนิ คว๊า เก่ โต่. a 2“เมฮู๊เนอเรอ, เบ๊อะซี เมหลู่เมแต แกแย โซพ๊าโซแรพู๊ เต๊เห่ เนอ, เอ๊โทเอ๊โม เร๊อ แอ๊เป๊อ แซ่ ฮู๊ แกแย เกล จ่าจ๊อจ่าเต เนอเต๊เห่ เมเนอ แต่เหม่ นี๋. เมเตเฮ๊เรอ แซ่ฮู๊ อู เก่ แด่ดุหยื่อแหน่ เหย่ซี อาเงเนอ, เหย่ซี เมหลู่เมแต แกแย โซพ๊าโซแรพู๊ เต๊เห่ เด๊อ แกแยยิวพู๊ เตจ๊อเบ โฮกู เร๊อ เด๊อ แกล๊เดกู. แว เฮ๊จ๊อจ๊อ ซี, เหย่ซี พย๊าหนิ เล๊อบา โท เฮ๊อ อา เตเมหนิคว๊าเก่ เต๊เห่เฮ๊อ. 3หม่าแน๊เรอ, แซ่ฮู๊ ซี หลู่โห่หลู่เซ๊ แจ่ เกออู แกแย โซพ๊าโซแรพู๊ เต๊เห่ อาเงเนอ, ซี กู๊ขุ จ๊อทว๊า เด๊อะ เตเนอ นอซิเง แต่ กู๊ขุ จ๊อจิ แต่เหม่. 4ซี เก่ เมฮู๊เนอ เฮ๊เนอ, ซีเพ เด๊อ อา แม๊เถอะ แจ่ ซี เต เด๊อะโห่เด๊อะเซ๊ เตเพรเนอ, อา เก่ เด๊อะ ซี เตเมหนิคว๊าเก่ เต๊เห่ ปา.”เตกุยจ๊อเบแถ่ จอแปแหร่ อาหรี่อาแก
(ลูกา ๑๑:๒-๔)
5“เร๊อ เบ๊อะซี กุยจ๊อเบ เบ๊อะเนอ, เม แต่ ฮู๊ แกแย เกล จ่าจ๊อจ่าเต อาเหน่ เต๊เห่ แต่เหม่, เมเตเฮ๊เรอ, แซ่ฮู๊ อู เก่ แม๊เถอะ เหย่ซี เนอ, เหย่ซี ซิหยื่อ โอ่ ก๊อถ่อ กุยจ๊อเบ แลแค เด๊อ ยูดาห์ เตจ๊อเบโฮกู เน๊อ แกล๊ ทือแกล๊เด ฮู๊เนอ. แว เฮ๊จ๊อจ๊อ ซี, เหย่ซี พย๊าหนิ เล๊อบา โท ลอเฮ๊อ เตเมหนิคว๊าเก่ เต๊เห่เฮ๊อ. b 6หม่าแน๊เรอ ซีเออ, เบ๊อะซี กุยจ๊อเบ เบ๊อะเนอ, กาโน เด๊อ หี่ด๊อกู เร๊อ ซ๊อบิ กู่ดาเนอ. โทเรอ กุยจ๊อเบแถ่ เปเพ เด๊อ อา โอ่ ตาดวา เตเพร อา โอ่ เนอ. ซีเพ เด๊อ อา แม๊เถอะแจ่ เต โอ่ ตา ดวา เตเพร เนอ, อา เก่ เด๊อะ ซี เตเมหนิ คว๊าเก่ปา. 7ซี กุยจ๊อเบ เบ๊อะเนอ กุย จ๊อเบ แต่ฮู๊ แกแย เด๊อ อา ซิเง เกออู จอแปแหร่โต่ เนอเต๊เห่ กุย จ๊อเบ แต่เหม่. เหย่ซี หม่า อา กุย จ๊อ เบ ทู เร๊อ อาโหง่ แลช๊า โอ่โต่. เก่ กุย จ๊อ เบ ทู ตื๊อ หม่า จอแปแหร่ เด๊อะ เหย่ซี แพ๊ อาเตเน แลแค ฮู๊เนอ. 8เม เกอ แต่ แลแค ฮู๊ เหย่ซี เมเนอ แต่เหม่ นี๋, เมเตเฮ๊เรอ เบ๊อะซี กุย แต่ล๋ายโต่ เนอ, ซีเพ ซิเง เหร่อลอ ดื่อเฮ๊อ ซี กุย แต่ล๋ายโต่ เนอ. 9“ซี โตเบ่ กุยจ๊อเบ ฮู๊เต เฮ๊เนอหม่า, กุย แลแค ฮู๊เออ, ‘เก๋อ เปเพ จอแปแหร่ โอ่เด๊อ ม๊อขู อู เก่ แด่ดุแด่ทู เบ่ แด่หยื่อแด่แหน่ เร๊อ ดื่อ เนมุย บูโพ๊ เออนี๋. 10เน เก่ แฮ ช๊อโอ่ เร๊อดื่อ เนเทอเนเก่ เบ๊อะเห่ขุ เออ นี๋. ฮู๊ เน เตซิหยื่อซิลอ เล๊อบา โทดื่อ เฮ๊อ เด๊อ ม๊อขุเนอ, นอ เล๊อบา เกอดื่อ อา เบ๊อะเห่ขุ เออนี๋. 11เด๊อะเป่ เป เหล่เอ่เหล่โอ เด๊อ เป โหล่ อา เออเตอเนอ อาเง เนอเต๊เห่ นี๋. 12ปลวาแก เป่เกอ เร๊อ เป เตซื๊อเตโอ่หร่า ฮู๊ เป ปลวาแก โทเฮ๊อ แกแย เด๊อ อา เมซื๊อ เป เต๊เห่ อาเตซื๊อ เนอ นี๋. 13นอจว๊าโน แต่ เป เด๊อ เตอิลออี๊โหล่ อาเกล เนอ แต่เหม่ นี๋. หม่าแน๊เรอ เมแลเปล๊กา เร๊อเป เด๊อ โลเน๊มู๊แหม่ กู่กล๊อ อา กู๊ยากู เออเนอ นี๋. (เมเตเฮ๊เรอ เทอเก่ เบ่เบ่, เตโพรเตเตอ เรอ เบ่เบ่, เตเตอเรอดุ เตอเรอทู เบ่เบ่ หม่าดื่อเฮ๊อ เนเต ตูจูเพร ตาแลเคร๊ เฮ๊อ. อาเมน.)’ ▼▼ลีพ๊า มู๋ หนู่เค เต๊เห่เห่เนอ, อา ฉู่โนโป่ ลีปล่อโอ่ เบ๊อะโกล๊โมโกล๊บี๊ อากูเนอ เต๊เห่.
14“เมเตเฮ๊เรอ ซี เก่ ปลวาแก แกแย เด๊อ อา เมซื๊อ ซีเนอ เต๊เห่ อาเตซื๊อ เก่เฮ๊เรอ, ซีเพ โอ่ เด๊อ ม๊อขุ เออเตเพร เก่ ปลวาแกเกอ ซี เตซื๊อ ปา. d 15หม่าแน๊เรอ ซี เก่ ปลวาแก แกแย เด๊อ อา เมซื๊อ ซี เนอเต๊เห่ อาเตซื๊อ โต่ เก่เฮ๊เรอ, ซีเพ โอ่ เด๊อ ม๊อขุ เออเตเพร ปลวาแกเกอ ซี เตซื๊อ โต่โต่.” อิซว๊าอี๊แส่ เตโด่เอ่ เหล่เอ่เหล่โอ อาหรี่อาแก
16“เบ๊อะซี โด่เอ่เฉ่ เบ๊อะเนอ, แอ๊โน๊ แอ๊กา แต่ ซีเป๊เส่ ฮู๊ แกแย จ่าจ๊อจ่าเต อาเหน่ เนอเต๊เห่ แต่เหม่ นี๋. แซ่ฮู๊ อู เก่ ซิเง เร๊อ เหย่ซี โด่เอ่เฉ่ เนอเรอ อา แอ๊โน๊ แอ๊กา อาเป๊เส่. แว เฮ๊จ๊อจ๊อ ซี, เด๊อ อู ถู่เซ๊ เหย่ซี อาขว่าอาคยา, เหย่ซี พย๊าหนิ เล๊อบา ลอเฮ๊อ อาคว๊าอาเก่เออ เฮ๊อ. คว๊าเก่ เด๊อ อาโร เนอ อา พย๊าหนิ ปาโต่เฮ๊อ. 17หม่าแน๊เรอ ซีเออ, เบ๊อะซี โด่เอ่เฉ่ เบ๊อะเนอ, คุ๊ย ผรว่า แลแค ซี กู๊โล เร๊อ เปล่ปลี แลแค ซี เป๊เส่. 18แซ่ฮู๊ อู เก่ แม๊เถอะซิเง แต่ เร๊อ ซี โด่เอ่เฉ่ แต่เหม่ เนอ, เมฮู๊เนอ. หม่าแน๊เรอ ซีเพ โอ่เด๊อ เตตาดวา เออเตเพรเนอ อา เก่ แม๊เถอะ เตเม เด๊อ อา ตา ดวา เต๊เห่ เร๊อ อา เก่ เด๊อะ ซี เตเมหนิคว๊าเก่ ปา.”ม๊อขุ อา เตดุแหย่แถ่เซ
(ลูกา ๑๒:๓๓-๓๔)
19“เตดุแหย่แถ่เซ เด๊อ เห่ขุ เออเนอ, แม๊ปู แด่โอ่ปล๊อ แต่ เด๊อ ซีเง แต่เหม่, เมเตเฮ๊เรอ เต เออ เต๊เห่ เนอหม่า ก๊อหร่อ อาเขร่ เอ่ แจ่, อา เถ่อิเถ่เคร๊ ปย๊าแจ่, เพรเอ่โห่เอ่ฮี๊ แถ่โน เอ่โห่ แจ่ แพ๊. e 20หม่าแน๊เรอ แด่โอ่ปล๊อ แลแค ซี เตดุแหย่แถ่เซ เด๊อ ม๊อขุ เบ๊อะก๊อหร่อ อาเขร่ เอ่ แจ่ โต่, อา เถ่อิเถ่เคร๊ ปย๊าแจ่โต่, เพรเอ่โห่เอ่ฮี๊ แถ่โน แจ่โต่ อาเหล่โอ่ เนอ. 21เมเตเฮ๊เรอ, ซี เตดุแหย่แถ่เซ โอ่เบ๊อะโต๊โผ่เนอ, ซี ซิปล่อ โอ่เต่อเกอ เบ๊อะเนอ.”เหน่กล่อ อาลีเตเค
(ลูกา ๑๑:๓๔-๓๖)
22“เป๊เส่ปล่อ อาแซ่เน๊อ หมิเคว๊กอ เตเม เด๊อ อาเหน่กล่อ อาเงเฮ๊อ, ซี เป๊เส่ปล่อ เก่ ลี เช๊อแร๊ เฮ๊เรอ, ซี เหน่กล่อ ชีเพร ลอ เก่ โล ลีโพ๊ แร๊เล๊อ ปา. 23หม่าแน๊เรอ ซี เป๊เส่ปล่อ เก่ ลี อ๊อโหร่ เฮ๊เนอหม่า, ซีเหน่ เก่ คี๊ลอ เตเพร ปา. เตลี เด๊อ อาลูเด๊อ ซีกูเนอ, เก่ อาคี๊ เนอ, อา คี๊ตือรือ เจ๊อ บ๋า เตเนอ เตเน แม๊ ดื่อนี๋.”จอแปแหร่ เร๊อ รือเท
(ลูกา ๑๖:๑๓)
24“อู เมแจ่ เตแร เด๊อ แบ่เจ่ ซิเนอ โอ่ เตเพร่ว โต่. อา เก่ ซิโตโคแก เกอเร๊อ เตเพร ปา, เร๊อ อา เก่ โม เกอเร๊อ เตเพร ปา. อา เก่ ซิปล่อโนกู เกอเร๊อ เตเพร ปา, เร๊อ อา เก่ เมโตโมเต๊เก่ ฉื่อแก เกอเร๊อ เตเพร ปา. ซี แรเต เป่ จอแปแหร่ อาเงเง, รือ อาเงเง เนอเจ่อลอ เนอ, อาหนิ โต่.”เตกู่เตแก
(ลูกา ๑๒:๒๒-๓๑)
25“เมฮู๊เนอเรอ แว เฮ๊ ซี, เบ่กู่เบ่แก แต่ เด๊อะ ซี เตโอ่เซอเพร อาเงเนอ แต่เหม่. เด๊อ ซี เหล่เอ่เหล่โอ อาเง เบ่เบ่, ซี เหล่กือเหล่แซ๊ อาเง เบ่เบ่, เตเนกู่เตเนแก แต่ แลแค แต่เหม่. เป ซิปล่อเซอเพร เออเนอ อา โหล่ดุเล๊อะ เน๊อ เหล่เอ่เหล่โอ หม่าโต่ แอ? เป เหน่กล่อเออ อา โหล่ดุเล๊อะ เน๊อ เหล่กือเหล่แซ๊ หม่าโต่ แอ? 26แม๊บือเกอ แลแค ถู่พู๊โหย่พู๊ เด๊อ ม๊อเล เนอเต๊เห่. อาโหล่อาช๊อ เกออู โต่, อา เก๊ เกอ อู โบ๊ โต่, อา โบ๊แจ โอ่เกอ อู โต่ หม่าแน๊เรอ ซี เพ จอแปแหร่ เด๊อ ม๊อขุ เตเพร โบ่เอ่ เหย่ซี. ซี เนอ, ซี งูดุงูชอเล๊อ เร๊อ ถู่พู๊โหย่พู๊ เนอเต๊เห่ หม่าโต่ แอ? 27เด๊อ ซีเบ่กู่ซีเบ่แก อาขว่าอาคยาเร๊อ, ซี จุ่ยทูแฮ เอ๊แถ่ แจ่ เกอเร๊อ โป่ ซี ม๊อเนอม๊อเซ เหล่เซอเพร ตีกี๋ ฮู๊ แพ๊เนอ อา โอ่ เตเพร่ว โต่. 28“ซี จว๊าเบ่กู่เบ่แก เร๊อ ซี เตกือเตแซ๊ อาเง เมเต? เตโพเตกิ เด๊อ เห่ขุ เนอเต๊เห่ อา เพ๊แถ่โพแถ่ แลแค ฮู๊เตเนอ, เตเน แม๊มอ แลแค. เหย่ซี เอ่แร เกออู เตอเจ๋อ โต่, อา อิฮี๊ เกออู แตแพ๊ โต่. 29หม่าแน๊เรอ แว เฮ๊ ซี๋, คุ๊ยคูซาโลมอน เด๊อ อา โอ่ เจ๊อ เน๊อ อา เตดุแหย่แถ่เซ ล๋อ ปลี เจ๊อ เออเตเพรเนอ, อา เห่อจา เด๊อ อาตว่า ครือแน เล๊ เกอ เตโพ เนอโตโพ แพ๊เนอ อา โอ่โต่. f 30แกแย เด๊อ อา เตหยื่อ ปีตี๊ ซี๋, มีหม่อ ส่อตอหม่อ เด๊อ เออเตอเนอ เร๊อ อาเพ๊แถ่, ป่าโรปา เร๊อ อู เบ่ ชื๊ออือ โนแก แพ๊ ลู เน๊อ หมิ แพ๊ เออ เต๊เห่ เรอ, ซี เรอ จอแปแหร่ เก่ เด๊อะกือ เด๊อะแซ๊ ตาเต หม่าแหน่ เจ๊อ ซี ปา. 31เมฮู๊เนอเรอ, เตเนแหย่โซแร แลแค แต่เหม่ นี๋. ‘เป เตเร เอ่ ปา อิเต?’ ‘เป เตเร โอ ปา อิเต?’ โต่หม่าแน๊ ‘เป เตเร กือแซ๊ ปา อิเต?’ เฮ๊ แลแค ฮู๊เนอ แต่เหม่. 32เมเตเฮ๊เรอ แกแย เด๊อ อา ซิเง เกออู จอแปแหร่ โต่ เต๊เห่เนอ, อา ลือแม๊ปู เม แลแค ฮู๊เนอ แพ๊. หม่าแน๊เรอ ซีเพ เด๊อ ม๊อขุ เออเตเพรเนอ อา ซิเง ลอปลีเฮ๊อ ซี เตโหล่ เนอเต๊เห่ เฮ๊อ. 33แม๊ปู เหร่อ แลแค จอแปแหร่ อาเทออาเก่ เน๊อ เตจ๊อ เตเต เต๊เห่เนอ, เร๊อ ล๋อ เตเด๊อ ซี โหล่ เออเต๊เห่เนอ, จอแปแหร่ เก่ เด๊อะ เกอโป่ดื่อ ซี ปา. 34เมฮู๊เนอเรอ, ป่าโรปา อาเงเนอ เตเนกู่ เตเนแก แต่ แลแค แต่เหม่ นี๋, เมเตเฮ๊เรอ, ป่าโรปา อาเงเนอ, อา เตกู่เตแก โอ่ข่อ เกอเร๊อดื่อ ปา. เตอเนอ เน๊อ เตอเนอ อา เตกู่ เตแก เนอ อาโป่ อาชือ เร๊อดื่อ เฮ๊อ.”
Copyright information for
EkySCThai