Matthew 8
เหย่ซู่ แหย่โอ่เหม่ แกแย จุมู๊แหม่ เตเพร
(มาระโก ๑:๔๐-๔๕, ลูกา ๕:๑๒-๑๖)
1เบ๊อะเหย่ซู่ โอ่ เด๊อ โฉ่ขุ เร๊อ อา กี๊ตาแล เบ๊อะเนอ, แกแย เต๊เห่ ครวาปลูครวาเผ่ เกอ ลอ ลูคยา. 2แกแย เตเชมู๊แหม่ เด๊อ พ๊าลู ▼▼จุมู๊แหม่, เต๊เห่เห่ เร๊อ อู เอ๊ เร๊อ “เตเช มู๊แหม่ เด๊อพ๊าลู, หม่าโต่เรอ จุปือกือ”
เตเพร แฮ แด๊งือแล เด๊อ ลูเป๊เส่เง เร๊อ อา เฮ๊ ลู เน๊อ, “แบ่เจ่, เน เก่ ซิปล่อโอ่ เฮ๊เรอ แหย่โอ่เหม่ ▼▼ลีเทส่อพ๊า เฮ๊ เน๊อ แหย่โอ่เหม่ หม่า เมโพ๊เมปลี. อาโหง่แลช๊า หม่า แกแย เด๊อ อา เตเช โอ่ฮู๊เนอ เต๊เห่เนอ, อู เบ่ นอจว๊า โอ่ตาพา ลู. เบ๊อะเหย่ซี เตเช โพ๊แปละอาโพ๊อาแปละ (แหย่โอ่เหม่) กาเฮ๊อ เบ๊อะเนอ, อา จว๊าเต่อกาเต่อ เกอเร๊อ อู หม่า อาหนิ เฮ๊อ, อา จ๊อบู่จ๊อเบแถ่ จอแปแหร่ หม่า อาหนิ เฮ๊อ.
เป่ แว เตเชเออ เฮ๊เนอหม่า, เน แหย่แจ่ แพ๊.” 3แบ่เจ่ บ๊อแฮ อากู๊ขุ เร๊อ อา โต่เบ่โท ลู เร๊อ อา เฮ๊ ลู เน๊อ, “แว ซิปล่อโอ่ แพ๊,” อา เฮ๊ โทเรอ “เตเช๋ โอ่เหม่แก มอ,” เร๊อ โตโพ๊โต เตเช อาโอ่เหม่แก เจ๊อ. 4เร๊อ แบ่เจ่ เหย่ซู่ เฮ๊ โป่ลู เน๊อ, “แด๊โฉ่โล เป่ แต่ อู เตเพร่ว แต่เหม่ นี๋, หม่าแน๊เรอ จว๊า เด๊อะโลแม๊ เนเหน่ เออเนอ เด๊อ เพร หลู่แตเต เนอเตเพร อา โอ่ เนอ นี๋. โทเร๊อ แซ่ฮู๊ อา เก่ ทวาแถ่ เตข่าเด๊อะโล เด๊อ อู ปว๊า เตเพร เป๊เส่เง เร๊อ เนเตเช โอ่เหม่แกเฮ๊อ. เร๊อ อา โพ๊แปละ เฮ๊อ อาเง เนอ, จว๊า หลู่แถ่ เตหลู่เตแต ฮู๊ คูโมเสส เฮ๊แก เนอ นี๋.” c แบ่เจ่ เหย่ซู่ แหย่โอ่เหม่ โรมัน อา เกลอฮู๊กู่กล๊อ อาหลู่เล๊ เตเพร
(ลูกา ๗:๑-๑๐, ยอห์น ๔:๔๓-๕๔)
5เบ๊อะแบ่เจ่ เหย่ซู่ แฮโน เด๊อ วีคาเปอรนาอูม อากู เบ๊อะเนอ, โรมัน เกลอฮู๊เตเย กู่กล๊อ เตเพร แฮกุย ลู เตเมจว่า. 6เร๊อ อา เฮ๊ ลู เน๊อ, “แบ่เจ่ แวหลู่เล๊ เตเพร อาชุ๊ย เซอ ชิกยา เร๊อ อา โอ่เมอแต่ แพ๊ เด๊อ เหล่โอ่หี่กู ฮู๊เนอ. เร๊อ อาจา แหน่เจ๊อ ลู เฮ๊อ.” 7แบ่เจ่ เหย่ซู่ เฮ๊ฉื่อ ลู เน๊อ, “แว จว๊า แหย่โอ่เหม่ดื่อ ปา.” 8เกลอฮู๊ เตเย อากู่กล๊อ เนอเตเพร เฮ๊ฉื่อ เน๊อ, “แบ่เจ่, เน แฮโนแพ๊ เด๊อ แวหี่กู แพ๊เนอ อาต่า เร๊อ แว โต่. เฮ๊ตาแพ๊ เนโหง่ ตือมือแพ๊ เนอหม่า แวหลู่เล๊ โอ่โมคยา แหน่ ดื่อเฮ๊อ. 9หม่าเมเตเร๊อ แว เฮ๊ ฮู๊เออ เฮ๊เนอเรอ แว แหน่แบ่เจ่ แว เบ่ หนิดา แกแย เด๊อ อาดุเล๊อ เน๊อ แว เต๊เห่ อาโหง่. ฮู๊เนอ เกลอฮู๊ เด๊อ อาโอ่ เด๊อ แวเล เต๊เห่เนอ อา เบ่ หนิดา เกอดื่อ แวโหง่ ฮู๊เนอเนอ. เก่ แว เฮ๊ เกลอฮู๊ เตเพร เพร เน๊อ, ‘จว๊ามอ,’ เฮ๊เนอหม่า อา เบ่จว๊า แพ๊, เก่ แว เฮ๊ ลาติ เด๊อ อาโรเตเพร เน๊อ, ‘แฮมอ,’ เฮ๊เนอหม่า อา เบ่ แฮ แพ๊. โท๊โต่ แว เก่ เฮ๊ แวหลู่ เน๊อ, ‘เมมอเออ,’ เฮ๊เนอหม่า อา เบ่ เม แพ๊.” 10เบ๊อะแบ่เจ่เหย่ซู่ หนิโฮ เตเฮ๊เบ่ เออ เนอ, อา คย๊าอายื๊อ แหน่เจ๊อ เร๊อ อา เฮ๊ แกแย เด๊อ อา ครอครวา ลูคยา เต๊เห่ เน๊อ, “แว เฮ๊จ๊อจ๊อ ซี, เตหยื่อเตแหน่ แซ่ฮู๊เออ เด๊อ อิสราเอล อาเกลเนอ แว แม๊เถอะน๊อ ล๋ายโต่. 11แว เฮ๊ ซี, แกแย โอ่ เด๊อ เก่ซิเถ่ เก่แบ๊โน เต๊เห่ อา แฮ โร๊ลู ปา. เหย่ซี อา แฮ โอ่แน เอ่เต่อเกอ เร๊อ เปโพ อับราฮัม, โพอิสอัค, โพยาโคบ เด๊อ ม๊อขุ อา เทอเลเก่กู ปา. d 12แกแยยิวพู๊ เต๊เห่เนอ, อา โตเบ่ ทวา จอแปแหร่ อาแกแย เด๊อ จอแปแหร่ อาเทออาเก่กู เนอ หม่าแน๊เรอ จอแปแหร่ อา วีโนแก แกแย เหย่ซี เด๊อ เตคี๊ ลอ เหล่โอ่ ปา. เหย่ซี เก่ จว๊า โหง่เอ๊โทเอ๊โม เร๊อ เหย่ซี อะตาจ๊า เกอเร๊อ ลอปลี เจ๊อ อากู่เคอ เบ๊อะเนอ โต๊โผ่ ปา.” e 13โทเรอ อา เฮ๊ เกลอฮู๊กู่กล๊อ เน๊อ, “กามอ, อา เก่ ทวาแถ่ดื่อ ฮู๊ เน หยื่อเอ่ เนอ ปา.” เร๊อ อาหลู่เล๊ เนอเตเพร โอ่โมกา โตตื๊อ เบ๊อะแบ่เจ่ เฮ๊ ลู อา หน่าหลิ กูเนอ เฮ๊อ.แบ่เจ่ เหย่ซู่ แหย่โอ่เหม่ โร๊ลู แกแย
(มาระโก ๑:๒๙-๓๔, ลูกา ๔:๓๘-๔๑)
14เบ๊อะแบ่เจ่ เหย่ซู่ จว๊าโน เด๊อ เปโตร อาหี่ เบ๊อะเนอ, อา แม๊เถอะ คูเปโตร อา เผระเพร เหมาะ อาชุ๊ยเหน่กู เร๊อ อา โอ่เมอแต่ แพ๊ เด๊อ อาเหล่เมอ แพ๊. 15อา ปื่อ ลูกู๊ขุ เร๊อ อา เตชุ๊ย โอ่เหม่แก. โทเรอ อา ก๊อถ่อ เมเอ่เมโอฉื่อ เป่ เหย่ซู่. 16เบ๊อะ เหมาะเฮ๊หม่อตา เบ๊อะเนอ, อู แฮซู โร๊ลู แกแย เด๊อ โลเน๊โลหน่า เมเบ่ ลู เต๊เห่ เด๊อ เหย่ซู่ อา โอ่. อา เฮ๊ตา แพ๊ อาโหง่ ตือมือมือ แพ๊ เร๊อ โลเน๊โลหน่า เถ่จว๊าแก ลอ. เร๊อ อา แหย่โอ่เหม่ เป่ ลอปลี ล๋อ อูชุ๊ยอูเช เนอเต๊เห่. 17เต เออเต๊เห่เนอ อา เมเล๊อะเมบาแถ่ เพรโพร อิสยาห์ อา เตเฮ๊หนื่ออื่อ เน๊อ,“อา พย๊าจว๊าแก เป เตชุ๊ยเตเช เต๊เห่.” f
แกแย เด๊อ อา ครวา แบ่เจ่ เหย่ซู่ คยา เต๊เห่ อาคว๊า อาเก่
(ลูกา ๙:๕๗-๖๒)
18เบ๊อะแบ่เจ่ เหย่ซู่ แม๊เถอะ เร๊อ แกแย เบ๊หมู่ แฮ โอ่ตาวา ลอ อา เบ๊อะเนอ, อา เฮ๊เบ่ อาโหง่ เด๊อ อา โคเจ่ เต๊เห่ อาลู เนอ เป เก่ จว๊าเบ๊ เด๊อ เทออ่อดุ อาแบ๊เร โป๋, อา เฮ๊ ฮู๊เนอ. 19เบ๊อะเนอโตโพ๊, เพรอิซว๊า เตซว๊าเตแส่ อาซ๊าร๊า เตเพร แฮ เด๊อ ลู โอ่ เร๊อ อา เฮ๊ ลู เน๊อ, “ซ๊าร๊า, เร๊อ จว๊า เบ๊อะเต๋ โต๊โผ่ เบ่เบ่, แว จว๊าเกอ เร๊อ เน.” 20แบ่เจ่ เหย่ซู่ เฮ๊ ลู เน๊อ, “ถุ่ยมี เต๊เห่ โอ่ เร๊อ อากู, ถูเต๊เห่ โอ่ เร๊อ อาปุย, ตื๊อดื่อเรอ แกแยเห่ขุพู๊ อาพู๊คู เออ, เบ๊อะอากู่กล๊อ เหล่แด่ตา แพ๊เน๋อ อา โอ่โต่.” 21อา โคเจ่ เด๊อ อาโรเตเพร เฮ๊ ลู เน๊อ, “แบ่เจ่, ปลวา กา เหร่อ แว เด๊อ แว กา โล๊ โก๊เหร่อ แวเพ นี๋.” 22หม่าแน๊เรอ แบ่เจ่ เหย่ซู่ เฮ๊ฉื่อ ลู เน๊อ, “ครอครวา เจ๊อ เกอแว กู๊แหน่เออ, แกแย เด๊อ อา ครวาเกอ จอแปแหร่โต่ เต๊เห่ เนอหม่า อาแซ่ เร๊อ แกแยเซอ เออเนอเฮ๊อ. นอโล๊ เกอ เร๊อดื่อ แกแยเซอ เออเนอ เร๊อ เหย่ซีเนอ.”อา นอโอ่โก๊ เก่แลเซ๊
(มาระโก ๔:๓๕-๔๑, ลูกา ๘:๒๒-๒๕)
23เบ๊อะเนอโตโพ๊ แบ่เจ่ เหย่ซู่ โน เด๊อ ส่อเกลอกู เร๊อ อา โคเจ่ เต๊เห่ ครวาโน เกอ ลู เร๊อ เหย่ซี เถ่จว๊าแก. 24เบ๊อะเหย่ซี จว๊า โต่ เด๊อ เทอ กล๊าเม กู เบ๊อะเนอ, เก่แลเซ๊ แลแล แฮ คย๊า. เทอ ฮ๊าโฮ๊ดุ เร๊อ อา ฮ๊าโฮ๊โน ลอ เด๊อ ส่อเกลอกู. เบ๊อะเนอเค แบ่เจ่ เหย่ซู่ โอ่เมอ ตาปา. 25เร๊อ อา โคเจ่ เต๊เห่ จว๊า ถู่แรก๊อถ่อ ลู เร๊อ อา เฮ๊ ลู เน๊อ, “แบ่เจ่, เมจว่ามอ เป, เป เตเร แลจื๊อเซอ ลอเฮ๊อ.” 26เร๊อ แบ่เจ่ เหย่ซู่ เฮ๊ เหย่ซี เน๊อ, “แกแย เตหยื่อปีตี๊ ซี๋, ซี จว๊าซิอิเช เกเต๊ เนอหม่า เมเต?” เร๊อ อา ก๊อถ่อ ซิพรวา เก่แลเซ๊เออ เร๊อ เทอฮ๊าโฮ๊ เออเต๊เห่. เก่แลเซ๊ เร๊อเทอ ฮ๊าโฮ๊ โอ่โก๊ โตโพ๊ โอ่โก๊เจ๊อ. 27อา โคเจ่ เต๊เห่ คย๊าอายื๊อ ลอปลี เร๊อ อา เฮ๊ แลแค ลู เน๊อ, “แกแย เออเตเพร หม่า แกแย เจ๊อ ฮู๊เตเต? อาเตอเรอ จว๊าดุ เจ๊อ บ๊าเนอเนอ. เก่แลเซ๊ เน๊อ เทอฮ๊าโฮ๊ หนิดา เจ๊อ ลูโหง่โหง่.”แบ่เจ่ เหว่เถ่แก โลเน๊โลหน่า เด๊อ แกแยเพ ซิเนอ อาเหน่
(มาระโก ๕:๑-๒๐, ลูกา ๘:๒๖-๓๙)
28เบ๊อะเหย่ซู่ จว๊าโต่ เด๊อ เทออ่อดุ แบ๊เร, เห่ขุกาดารา เบ๊อะเนอ, แกแยเพ เด๊อ โลเน๊โลหน่า เมเบ่ ลู ซิเนอเออ อา โอ่ เด๊อ โลขุ เถ่ เร๊อ อา เถ่จว๊า แม๊เถอะฉื่อ เร๊อ ลู แกแยเพ เออซิเนอ เนอ, โลเน๊ เมเบ่ ลู อาขว่าอาคยา, อา ฮา มู๊แหม่, ต๊อหร่อเซ๊ ซิอิเช แหน่เจ๊อ เร๊อ แกล๊ จว๊า เบ๊อะโลทือ เนอโตโบ เนอ อู จว๊า ผื่อบื่อ เตเพร่ว โต่. 29เหย่ซี เอ๊โท เน๊อ, “จอแปแหร่ อาพู๊คู, เร๊อ ซิหยื่อ เม เป ฮู๊เต? จอแปแหร่ อาม๊อเนอ เมจากาคยา อู เออ โต่ แต่ล๋ายโต่ เบ๊อะเนอ, เน เตเร แฮเม แคร๋ เป อิเต?” 30เบ๊อะอายาลา เร๊อ เหย่ซี โต่ เนอ, แท๊ โอ่ ตู๊หมู่ดุ เร๊อ อา เอ่ แลแค อาเฉ่ เบ๊อะเนอ. 31โลเน๊ เมเบ่ แกแยเพ เออซิเนอ เนอ, อา กุยซิยอ แบ่เจ่ เหย่ซู่ เน๊อ, “เก่ เน เหว่เถ่จว๊าแก เป เฮ๊เรอ, นอจว๊าโนโอ่ เหร่อ เป เด๊อ แท๊ เนอเต๊เห่ อากู เนอ นี๋.” 32แบ่เจ่ เฮ๊ฉื่อ เหย่ซี เน๊อ, “จว๊าโนโอ่มอ แลแค!” เด๊อ เหย่ซี เถ่จว๊า โน โอ่ลอ แลแค เด๊อ แท๊ เนอตู๊หมู่ อากู, เร๊อ แท๊ เต๊เห่ แกล่ ตาลวา ตา หล่า แตแน๊ เบ๊หมู่ ลอ เร๊อ แลจื๊อ ตาเซอ โนลอ เด๊อ เทออ่อดุกู. 33เพรเกแท๊ เออเต๊เห่ แกล่กา เด๊อ วีกู เร๊อ แด๊โฉ่โล เป่ อู เร๊อ ล๋อ เตทวาแถ่ อาเหน่ เออเต๊เห่ เน๊อ แกแยเพ ซิเนอเออ ล๋อ ปลี. 34แกแย ตีวี ลอ แฮเถ่แม๊ ลอ เจ๊อ เหย่ซู่. โทเร๊อ เบ๊อะเหย่ซี แม๊เถอะ แบ่เจ่ เหย่ซู่ อาเค, เร๊อ อา กุยซิยอ ลู เน๊อ เหว่ เถ่จว๊า ตาพาแก เหย่ซู่ เด๊อ เก่กือ เบ๊อะเนอ.
Copyright information for
EkySCThai