Matthew 1:18-25
แบ่เจ่ เหย่ซู่ครี๊ โอ่เป๊เจ่แล อาหรี่อาแก
(ลูกา ๒:๑-๗)
18เหย่ซู่ครี๊ เนอ อา ตาแล โอ่เป๊เจ่แล ฮู๊เต เฮ๊เนอหม่า, คูโยเซฟ เนอ อา แฮ แด๊เฮอ เด๊อะม๊า โทเฮ๊อ เหย่ซู่ครี๊ อาโหมะ มารีย์ เด๊อ อา เก่ พย๊า ลู. หม่าแน๊เรอ เบ๊อะอา พย๊า แต่ล๋าย ลู โต่ เบ๊อะเนอ, จอแปแหร่ เด๊อะโหมะดอแถ่ ลู เร๊อ แหย่โยบู๊โพ๊ แบ่เจ่. a 19คูโยเซฟ หม่า แกแย เด๊อ อาจ๊ออาเต เตเพร. โท๊โต่ ปาหม่า อู ซิเง เร๊อ เหมาะมารีย์ ซิเตเรเห่ อา เตเน อาขว่าอาคยา, อา เก่ โอ่แกโห่ โอ่แกเซ๊ ลู. 20อา เตเน ฮู๊เนอ ตื๊อดื่อเรอ, เบ๊อะอา โอ่เมอ เบ๊อะเนอ, อา โอ่เมอแหม่ แม๊เถอะ แบ่เจ่ จอแปแหร่ อา เตเน่วม๊อขุ เตเพร กาปย๊า เด๊อะโอ่โล เป่ ลู เร๊อ อา เฮ๊ ลู เน๊อ, “เพดาวิด อาพู๊คู คูโยเซฟ, เบ่ยอเบ่สี่ แต่ เด๊อ เน เก่ พย๊า เหมาะมารีย์ เออเนอ แต่เหม่ นี๋, หม่าเมเตเฮ๊เรอ, อา โหมะดอ เนอหม่า จอแปแหร่ อา แหย่โยบู๊โพ๊ แบ่เจ่ เด๊อะโหมะดอแถ่ ลู แพ๊. 21อา เก่ พู๊เพรคู ปา เร๊อ เน เบ่ เอ๊ อามุย เร๊อ เหย่ซู่ นี๋ ▼▼เหย่ซู่ อาโหง่แลช๊า หม่า “แบ่เจ่ เด๊อ อา เมแลเปล๊กา อู”
, เมเตเฮ๊เรอ อา เก่ เมแลเปล๊กา อาแกแย เต๊เห่ เด๊อ อา เตซื๊อเตโอ่หร่า อากู ปา.” c 22ล๋อ เตเออ เต๊เห่ เก่ เมเล๊อเมบาแถ่ จอแปแหร่ เฮ๊หนื่ออื่อ เพรโพร เตเพร เฮ๊ เน๊อ, 23“เพรเหมาะพู๊เส่ เตเพร เก่ โหมะดอแถ่ เร๊อ อา เก่ พู๊โอ่หนิ อา พู๊เพรคู ปา, เร๊อ อู เก่ เอ๊ อามุย เน๊อ อิมมานูเอล ปา,” d อิมมานูเอล อาโหง่แลช๊า หม่า, “จอแปแหร่ โอ่เกอ เร๊อ เป.” 24เบ๊อะคูโยเซฟ ซิเหน่แถ่ อาเค, อา เมฮู๊แบ่เจ่ อา เตเน่วม๊อขุ เฮ๊แก ลู เนอ. อา กาแด๊เฮอ เร๊อ โหมะมารีย์ เร๊อ อา เอ๊กา ลู เด๊อ อาหี่. 25หม่าแน๊เรอ เบ๊อะเหมาะมารีย์ พู๊โอ่หนิ แต่ล๋าย อาพู๊เพรคู เออเตเพร ล๋ายโต่เนอ, อา โอ่เมอ เต่อแต่ล๋าย ลู โต่. คูโยเซฟ เอ๊ ลูมูย เร๊อ เหย่ซู่. e
Copyright information for
EkySCThai