Mat 10:5-15 | EkySCThai | STEP | เบ๊อะแบ่เจ่ เหย่ซู่ นอจว๊า อา โคเจ่ เช๊อซิเนอ เออ เบ๊อะเนอ, อา แด๊โฉ่จว๊าหนิ เหย่ซี อาโหง่ เน๊อ, “จว๊า แต่ เด๊อ แกแยยิวพู๊ หม่าโต่ เต๊เห่ อาเกลเนอ แต่เหม่ นี๋, โทเรอ จว๊าโน แต่ เด๊อ แกแยสะมาเรีย อาดออาโฉ่กู เนอ แต่เหม่เหม่ นี๋.

แบ่เจ่ เหย่ซู่ อานอจว๊า เพรโด่แนพู๊ เต๊เห่ เช๊อซิเนอ

5 เบ๊อะแบ่เจ่ เหย่ซู่ นอจว๊า อา โคเจ่ เช๊อซิเนอ เออ เบ๊อะเนอ, อา แด๊โฉ่จว๊าหนิ เหย่ซี อาโหง่ เน๊อ, “จว๊า แต่ เด๊อ แกแยยิวพู๊ หม่าโต่ เต๊เห่ อาเกลเนอ แต่เหม่ นี๋, โทเรอ จว๊าโน แต่ เด๊อ แกแยสะมาเรีย อาดออาโฉ่กู เนอ แต่เหม่เหม่ นี๋.

6 จว๊าตื๊อแพ๊ เด๊อ เปเมวเจอะ อิสราเอลพู๊ เด๊ออาเกล เด๊อ อาแซ่เน๊อ ซิหมิ โอ่เหม่ เนอเต๊เห่ อา โอ่ เนอแพ๊ นี๋.

7 เบ๊อะซี จว๊า เบ๊อะเนอ, แด๊โฉ่โด่แน เป่ อู เน๊อ, ‘ม๊อขุ อาเทอ อาเก่ ผื่อกาเฮ๊อ,’ ฮู๊เนอ นี๋.

8 แหย่โอ่เหม่ แกแย เด๊อ อาชุ๊ยอาเช เต๊เห่, เมเซอเพร กาคยา แกแย เด๊อ อา เซอ เต๊เห่, แหย่โอ่เหม่แก แกแย จุมู๊แหม่ เต๊เห่, เหว่เถ่แก แลแค โลเน๊โลหน่า, ซี พย๊าหนิ ครา ลอเฮ๊อ ล๋อ เตเออ เต๊เห่ อาขว่าอาคยา, กุย แต่ อู อาคว๊าอาเก่ แต่เหม่ นี๋, เมครา เป่ เกออู นี๋.

9 เท เบ่เบ่, รือ เบ่เบ่, ตีลีแบ เบ่เบ่, ฉู่จว๊า หนิ แต่ แลแค เด๊อ ซีฮ๊อท๊อกู แต่เหม่ นี๋.

10 ปยา เบ่เบ่, จา เบ่เบ่, แข่แด๊พ๊า เบ่เบ่, อิแท๊ เบ่เบ่, พย๊าจว๊าเล๊อพย๊าจว๊ากลอ หนิ แลแค แต่เหม่. เมเตเฮ๊เรอ แกแย เด๊อ อา แรเต เต๊เห่เนอ อา โต พย๊าหนิ เกอดื่อ ฮู๊ อา ซิ หยื่อ เนอ เต๊เห่. ^a

11 “เบ๊อะซี จว๊าโนเฮ๊อ เด๊อ วีกู หม่าโต่เร๊อ ดอ ตอ ดอ อากูเนอ, แม๊ปู หนิ แกแย เด๊อ ซี เหล่ซิเล เร๊อลู เตเพรเพร เร๊อ จว๊าโอ่โอ่เกอ เด๊อ อาหี่ เนอ. เร๊อ โอ่ตือดื๊อ เกอเร๊อ อา เบ๊อะเนอ โต่เด๊อ ซี เถ่กาปา เนอ นี๋.

12 เบ๊อะซี โน เด๊อ หี่เนอ เตเมกู เบ๊อะเนอ, กุย จอแปแหร่ เด๊อ อา เก่เด๊อะบุ๊ยเด๊อะเตอเรอ หี่ เนอเตเม นี๋.

13 หี่เนอ เตเม เก่ อา โตเบ่ พย๊าหนิ เตเด๊อะบุ๊ยเด๊อะเตอเรอ เก่เฮ๊เรอ แด่โอ่แก ซี เตโมเตแร๊ อา เตเด๊อะบุ๊ยเด๊อะเตอเรอ เด๊อ เหย่ซี อาหี่กู เนอ. เก่ เหย่ซี เอ๊โมฉื่อแร๊ ซี โต่ เก่เฮ๊เรอ พย๊ากาคยา คยาแซ๊ ซี เตโมเตแร๊ เนอ นี๋.

14 แกแย เตเพรเพร เก่ เอ๊ฉื่อ ซี โต่, เก่ หม่าโต่ เรอ อา เก่ หนิดา ซีโหง่ โต่ เก่เฮ๊เรอ, เบ๊อะซี เถ่จว๊าแก เฮ๊อ เร๊อ หี่ เนอเตเม เบ๊อะเนอ, หม่าโต่เรอ ดอเนอตอดอ เบ๊อะเนอ, โซตาแก เห่หมื่อ เด๊อ ซี กู๊โด่ลู เนอเต๊เห่. ^{▼▼โซตาแก เห่หมื่อ อาโหง่แลช๊า หม่า, เหย่ซู่ อา โคเจ่ เต๊เห่ เด๊อะโล เร๊อ อา แม๊ ปา เหย่ซี โต่ เฮ๊อ.} ^c

15 แว เฮ๊จ๊อจ๊อ ซี, ช๋า จอแปแหร่ เมจากาคยา แกแยเห่ขุพู๊ เบ๊อะเนอ, อาเก่ เมจา จาเล๊อ ลอเจ๊อ แกแย เออเนอ ตอดอปา. เน๊อ วีโสโดม เน๊อ วีโกโมราห์ปา. ^{▼▼เด๊อ เหร่อเคเนอ เบ๊อะเพอับราฮัม โอ่เซอเพร ปา เด๊อ เห่ขุเออ เนอ, แกแย โอ่ เด๊อ วีเนอ เนอวี อากู เต๊เห่เนอ, อา เม เตมู๊แหม่รีแจ่ แหน่เจ๊อ อาขว่าอาคยา, จอแปแหร่ เมปย๊าแก ลอวีเนอ เนอวี.} ^e

Matthew 10:5-15

แบ่เจ่ เหย่ซู่ อานอจว๊า เพรโด่แนพู๊ เต๊เห่ เช๊อซิเนอ

(มาระโก ๖:๗-๑๓, ลูกา ๙:๑-๖)