Matthew 11:20-24
วี เด๊อ อา ซิปล่อ ถู่แหล่ แต๊แกละ เกออูโต่ เต๊เห่
(ลูกา ๑๐:๑๓-๑๕)
20วี เด๊อ แบ่เจ่ เหย่ซู่ เด๊อะโล เอ๊ เล๊อ อู เต โค๊ ตีกลี๊ ตื๊อดื่อ เรอ, เหย่ซี ซิปล่อ ถู่แหล่แต๊แกละ แลแค โต่ อาขว่าอาคยา. อาซิปล่อโมโต่ เร๊อ อา ซิพรวา เหย่ซี เน๊อ, 21“เก๋อ วีโคราซิน เร๊อ วีเบธไซดา, เตหร่าเตดวา เก่ ตา เบ่ดื่อ ซีปา นี๋. แว เก่ เด๊อะโล อาเมวโค๊ตีกลี๊ เออเนอ เด๊อ วีไทระ เร๊อ วีไซดอน ▼▼แกแย เม เตมู๊แหม่รีแจ่ เต๊เห่ อาโอ่ เอ๊แหน่เจ๊อ เบ๊อะวี เนอเนอวี อากู. วีเออ เนอวี หม่า อา โอ่ เด๊อ เทอดุซาวา ทือ.
เฮ๊หม่า, เหย่ซี ถู่แหล่แต๊แกละ แลแค อาซิปล่อ งย๋ากู๊ ลาเฮ๊อ เร๊อ เหย่ซี เก่ กือแซ๊แถ่ เห่อจา เร๊อโฮเคอคือ เร๊อ อา เก่ โอ่แนตา ตอรอ แลแค เด๊อ กู๊เผ่ขุ เฮ๊อ. b 22หม่าแน๊เรอ แว เฮ๊ เป่ซี, ช๋า ม๊อเนอ เตเมจากาคยา ปา เตอเนอเน๋อ, วีไทระพู๊ เต๊เห่ เร๊อ วีไซดอนพู๊ เต๊เห่เออ, เหย่ซี ข่าเบ่ เตเมจากาคยา พุยเล๊อ เจ๊อ ซีปา. 23เก๋อ วีคาเปอรนาอูมพู๊ ซี๋, ซี เตเน แลแค เร๊อ จอแปแหร่ อา แด่แถ่โล โต่ เจ๊อ เน เด๊อ ม๊อขุ ปา เน เตเน ฮู๊เนอ แอ? อา เก่ วีตาแก เน เด๊อ หง่าหร่าปอรากยากู ปา. c เตโค๊ ตีกลี๊ เด๊อ แว เด๊อะโล เด๊อ เนกู เออเต๊เห่เนอ, แว เก่ เด๊อะโล บย่า เด๊อ วีโสโดม กู เฮ๊เนอหม่า วีเนอตีวีอา โอ่ โต่ปา โต่กู๊แหน่ เจ๊อ. d 24หม่าแน๊เรอ แว เฮ๊ เป่ซี, ม๊อเนอ เต เมจากาคยา เตอเนอ ปาเนอ, วีโสโดม เออเนอ, จอแปแหร่ เก่ซิยอ ดุ เล๊อ เร๊อ ซีปา.” e
Copyright information for
EkySCThai