Mat 20:29-34 | EkySCThai | STEP | เบ๊อะแบ่เจ่ เหย่ซู่ เร๊อ อา โคเจ่ เต๊เห่ เถ่จว๊าแก เบ๊อะวีเยรีโค เบ๊อะเนอ, แกแย เบ๊หมู่ดุ ครวาเกอ ลอ ลูคยา ตูปลูเต๊เผ่.

แบ่เจ่ เหย่ซู่ แหย่โอ่เหม่ แกแย เป๊เส่คี๊ ซิเนอ

29 เบ๊อะแบ่เจ่ เหย่ซู่ เร๊อ อา โคเจ่ เต๊เห่ เถ่จว๊าแก เบ๊อะวีเยรีโค เบ๊อะเนอ, แกแย เบ๊หมู่ดุ ครวาเกอ ลอ ลูคยา ตูปลูเต๊เผ่.

30 แกแย เป๊เส่คี๊ ซิเนอ โอ่แนโอ่ เด๊อ แกล๊ทือ เร๊อ เบ๊อะอา หนิโฮ อู เฮ๊ เร๊อ แบ่เจ่ เหย่ซู่ แฮเฮ๊อ เด๊อ เหย่ซี อาช๊า เบ๊อะเนอ, อา เอ๊โท เร๊อ อา เฮ๊ เน๊อ, “เก๋อ เพคุ๊ยดาวิด อาพู๊คู๋, แบ่เจ๋ ซิยอ เกอ เร๊อ เป นี๋.”

31 “โส่โส๋ โอ่แม๊,” แกแย เบ๊หมู่ เต๊เห่ เฮ๊ เหย่ซี ฉว่าฉว่า, เหย่ซี เล๊อ เอ๊โทแถ่ ฉว่าฉว่า โป่ เน๊อ, “เก๋อ เพคุ๊ยดาวิด อาพู๊คู๋, แบ่เจ๋ ซิยอ เกอ เร๊อ เป นี๋,” ฮู๊เนอ.

32 แบ่เจ่ เหย่ซู่ โอ่โก๊ เอ๊ เหย่ซี เร๊อ แด๊เฮอ เหย่ซี เน๊อ, “ซี ซิหยื่อ นอเม แว หม่าอิเต?”

33 เร๊อ เหย่ซี เฮ๊ ลู เน๊อ, “แบ่เจ่, เป ซิหยื่อ เป๊เส่ลี เกออู.”

34 แบ่เจ่ เหย่ซู่ ซิยอเกอเร๊อ เหย่ซี เร๊อ อา เต่อแฮ เหย่ซี เป๊เส่ปล่อ เร๊อ เหย่ซี เป๊เส่ ลีแถ่ คย๊า เจ๊อ. ตื๊อหื่อโต เร๊อ เหย่ซี เป๊อแถ่ ครวา ลอ เกอ ลูคยา.

Matthew 20:29-34

แบ่เจ่ เหย่ซู่ แหย่โอ่เหม่ แกแย เป๊เส่คี๊ ซิเนอ

(มาระโก ๑๐:๔๖-๕๒, ลูกา ๑๘:๓๕-๔๓)