Matthew 24:15-21
เต ต๊อหร่อเซ๊ ซิอิเช
(มาระโก ๑๓:๑๔-๒๓, ลูกา ๒๑:๒๐-๒๔)
15ฮู๊เนอเรอ, “ซีเก่ แม๊เถอะ เน๊อ ซิหย่อซิบี โต ก๊อถ่อ โอ่ เด๊อ เตหลู่ แตโฮกู เหล่โอ่เนอโต่ ตื๊อดื่อ เร๊อ อา ก๊อถ่อ โอ่ เบ๊อะเนอ ปา. เร๊อ เด๊อ เออ อาขว่าอาคยา, เร๊อ อู เก่ แด่ โอ่ แหร่ แก เตเตหลู่เตโฮกู เหล่โอ่ปา. เพรโพร คูดาเนียล เฮ๊โล โทเฮ๊อ เน๊อ. เตซีหย่อซิบี อาหรี่อาแก เออ เฮ๊อ. เบ๊อะซี แม๊เถอะ อาทวา แถ่เฮ๊อ ฮู๊เออ อาเค ปาเนอ, แกแย เด๊อ อาแด๊ ลี เออ ต๊าบ่า โต ซิเงโปล แลแค, a เด๊อ เพรโพร คูดาเนียล เหล่แด๊โฉ่ เฮ๊แก เด๊อซี แด๊ ลี เออเต๊เห่ โตเบ่ ซิเงโปล แลแค. 16โทเรอ เบ๊อะซี แม๊เถอะ เฮ๊อ เต ทวาแถ่ เบ๊อะเนอ, แกแย เด๊อ อา โอ่ เด๊อ ยูดาห์ เก่กู เต๊เห่ เบ่ แกล่เถ่ แลแค เด๊อ โฉ่ขุเนอ. 17แกแยโอ่ เด๊อ หี่ขุ รือดือ เตเพรเพร เนอ นอแกล่ตา พย๊าหนิ แต่ อา ตาหมื่อตาเต เด๊อ อาหี่ด๊อกู เนอเต๊เห่ แต่เหม่. b 18แกแย โอ่ เด๊อ กู๊เกล ขุ เต๊เห่เนอ นอกา พย๊าหนิ แต่ อาจากลอ แต่เหม่. 19เบ๊อะเนอเคปา เนอ อา เก่ โซพ๊าโซแร เป่ แหน่เจ๊อ เพรเหมาะ เด๊อ อา โอ่ เร๊อ อาฮ๊ออาเซ๊ เร๊อ อาพู๊ อินู๊ ปาลู เนอเต๊เห่ อาเง ปา. 20ซี เบ่ เถ่แกล่ เบ๊อะเนอเคเนอ, แซ่ฮู๊ ตาโตเบ่ แต่ เร๊อ เก๊โหร่เค แต่เหม่ หม่าโต่เรอ แกแยยิวพู๊ อาม๊อเนอโด่ แต่เหม่เนอ, กุยจ๊อเบ แลแคนี๋. 21เบ๊อะเนอเคปา, เตแป่เตเช เร๊อ เตจาเตจือ เต๊เห่ เก่ โอ่แถ่ ดุแหน่เจ๊อปา. เด๊อ เหขุทวาแถ่ลู่ปา โต่เจ๊อ กู๊แหน่เค เออเนอ เบ่เบ่, เด๊อโหน่ เด๊อคยาปาเบ่เบ่, เตแป่เตเช เตจาเตจือ เด๊อ แม๊เถอะน๊อ แตแค๊โต่เนอ อาเก่ ทวาแถ่ปา. c
Copyright information for
EkySCThai