Matthew 24:19-31
19เบ๊อะเนอเคปา เนอ อา เก่ โซพ๊าโซแร เป่ แหน่เจ๊อ เพรเหมาะ เด๊อ อา โอ่ เร๊อ อาฮ๊ออาเซ๊ เร๊อ อาพู๊ อินู๊ ปาลู เนอเต๊เห่ อาเง ปา. 20ซี เบ่ เถ่แกล่ เบ๊อะเนอเคเนอ, แซ่ฮู๊ ตาโตเบ่ แต่ เร๊อ เก๊โหร่เค แต่เหม่ หม่าโต่เรอ แกแยยิวพู๊ อาม๊อเนอโด่ แต่เหม่เนอ, กุยจ๊อเบ แลแคนี๋. 21เบ๊อะเนอเคปา, เตแป่เตเช เร๊อ เตจาเตจือ เต๊เห่ เก่ โอ่แถ่ ดุแหน่เจ๊อปา. เด๊อ เหขุทวาแถ่ลู่ปา โต่เจ๊อ กู๊แหน่เค เออเนอ เบ่เบ่, เด๊อโหน่ เด๊อคยาปาเบ่เบ่, เตแป่เตเช เตจาเตจือ เด๊อ แม๊เถอะน๊อ แตแค๊โต่เนอ อาเก่ ทวาแถ่ปา. a 22จอแปแหร่ เก่ เมโผ่ เป่ เตจาเตจือ เออ เบ๊อะโต่ เฮ๊เนอ, แกแย โอ่เซอเพรเบ๊ เตเพร่ว โต่. หม่าแน๊เรอ จอแปแหร่ ลอ แม๊ แกแย เด๊อ อา นว๊าแถ่ เออเต๊เห่ อาเป๊เส่ อาขว่าอาคยา, อา เก่ เมโผ่แฮ ม๊อเนอ ม๊อเซ เต๊เห่ ปา. 23เบ๊อะเนออาเคปา เนอ, แกแย เตเพรเพร เก่ เฮ๊ เน๊อ, ‘เน แฮ แม๊มอ, ครี๊ โอ่เบ๊อะเออ,’ โต่หม่าเเน๊ ‘อา โอ่ เด๊อเนอ,’ อาเก่ เฮ๊ ฮู๊เนอ ปาตื๊อดื่อเรอ หยื่อเอ่ แต่ แลแค แต่เหม่ นี๋. 24เมเตเฮ๊เรอ เพรกลว่า แลโฮ ฮู๊ ครี๊เนอ เนอ เพรกลว่า แลโฮ ฮู๊ เพรโพร ซี เต๊เห่เนอ อา เก่ โอ่แถ่ เอ๊ลา ปา. เหย่ซี เก่ เมตาปา คย๊ายื๊อ ลออู เร๊อ อาเต เมโค๊ตีกลี๊ เป่อู เต๊เห่ ปา. อา เก่ เมแจ่ เฮ๊เนอหม่า อา ซิหยื่อ อิลออี๊โหล่ แลโฮ หนิ เจ๊อ แกแย เด๊อ จอแปแหร่ นว๊าพย๊า โทเฮ๊อ ลู เนอ เต๊เห่เจ๊อ. 25หนิดา แลแคนี๋, เตเออ เต๊เห่ ทวาแถ่ แต่ล๋ายโต่ เบ๊อะเนอ, แว เด๊อะรอเด๊อะเรโทเฮ๊อ เป่ ซี เฮ๊อ. 26“ฮู๊เนอเรอ แกแย เตเพรเพร เก่ เฮ๊ ซี เน๊อ, ‘จว๊าแม๊ แลแค เมอเล๊, เมสิยาห์ โอ่เด๊อ เก่เชเทอแก หล่อตาม๊าขุเนอ,’ อา เก่ เฮ๊ซี ตื๊อดื่อเรอ จว๊า แม๊ แลแค แต่เหม่ นี๋. โต่หม่าเเน๊ อา เก่ เฮ๊ ซี เน๊อ, ‘อาโอ่ เบ๊อะหี่ด๊อกู เออแพ๊,’ อาเก่เฮ๊ ตื๊อดื่อเรอ หยื่อเอ่ แต่เหม่เหม่. b 27เมเตเฮ๊เร๊อ ฮู๊ ฉ่าลีบ๊อ เตเคแถ่ เด๊อ เก่ซิเถ่ เร๊อ แกแย โอ่ เด๊อ เก่แบ๊โน เต๊เห่ แม๊เถอะเนอ, แกแยพู๊คู หม่าเฮ๊อ แวเออ เก่ แฮ ปา หม่า อา แซ่ ฮู๊เนอ ปา. 28เตซอเตหล่อ โอ่เบ๊อะเต๋ หม่า ลาแต่ โอ่ปล๊อ เบ๊อะเนอ.” cแกแย อาพู๊คู อา เก่แฮ อาหรี่อาแก
(มาระโก ๑๓:๒๔-๒๗, ลูกา ๒๑:๒๕-๒๘)
29“เบ๊อะเตจาเตจือ, เตแป่เตเช ม๊อเนอ ม๊อเซ โอ่ทวาแถ่ ตาลว๊า โทเฮ๊อ ปาเนอ, โตโพ๊โต ‘จอแปแหร่ เก่ เมคี๊แก ต๊อเหมาะ ปา เล เก่ ลี ปาโต่เฮ๊อ เฉ่ เด๊อ ม๊อเล เต๊เห่ อา แลตาพรอ แก ลอปา. เร๊อ จอแปแหร่ เก่ เม โกโยลอ ม๊อเล อาเตโพรเตเตอเรอ ล๋อปลี เต๊เห่ปา.’ d 30“เบ๊อะเนออาเค ปาเนอ, แกแยพู๊คู หม่าเฮ๊อ แวเออ อา เตแฮแล เมม๊าเมแด เก่โอ่โล แถ่ เด๊อ ม๊อเล ปา. โทเรอ ล๋อแกแย โอ่เด๊อ เก่ปว๋าเต๊เก่ เก่โหง่เก่เห่ ลอ ปา. เหย่ซี เก่ แม๊เถอะ แลแค แกแยพู๊คู หม่าเฮ๊อ แวเออ อา เก่ แถ่ แด๊ แฮหนิ อ๊อโหล่ เด๊อ ม๊อเล ปา. เร๊อ อา เก่ โอ่เล๊อบา เจ๊อ เร๊อ อา เตโพรเตเตอเรอ เร๊อ อา เตอเรอฉว่าชอ เต๊เห่ปา. e 31จอแปแหร่ เก่ นอแฮแล เตเน่ว เต๊เห่ ปา เร๊อ อาเก่ โอ๊ พราฉว่า แถ่กวา ปา. เร๊อ อา เก่ เอ๊โอ่ปล๊อ เต่อลอ แกแย เด๊อ แบ่เจ่ นว๊าแถ่ โทเฮ๊อ เหย่ซี เร๊อ อา โอ่ แลแค เด๊อ เห่ขุ ลุยกยาลุยหน่อ เต๊เห่ปา.
Copyright information for
EkySCThai