Mat 24:36-44 | EkySCThai | STEP | “หม่าแน๊เรอ เตเออเต๊เห่ เก่ ทวาแถ่ ม๊อเนอม๊อเซ เร๊อ ตาโตตาเบ่ เบ๊อะเกเต ปาเนอ อู ซิเง เตเพร่ว โต่. เตเน่ว โอ่ เด๊อ ม๊อขุ เนอเต๊เห่ เจ๋อ เบ่เบ่ อา ซิเง โต่. จอแปแหร่ อาพู๊คู เน๊ออาเหน่ เร๊อดื่อ อาเหน่เบ่เบ่ อา ซิเง โต่โต่. อา ซิเง แพ๊ตื๊อ แวเพ เตเพร่ว แพ๊.

ม๊อเนอม๊อเซ เออเนอ อู ซิเง เตเพร่ว โต่

(มาระโก ๑๓:๓๒-๓๗, ลูกา ๑๗:๒๖-๓๐, ๑๗:๓๔-๓๖)

36 “หม่าแน๊เรอ เตเออเต๊เห่ เก่ ทวาแถ่ ม๊อเนอม๊อเซ เร๊อ ตาโตตาเบ่ เบ๊อะเกเต ปาเนอ อู ซิเง เตเพร่ว โต่. เตเน่ว โอ่ เด๊อ ม๊อขุ เนอเต๊เห่ เจ๋อ เบ่เบ่ อา ซิเง โต่. จอแปแหร่ อาพู๊คู เน๊ออาเหน่ เร๊อดื่อ อาเหน่เบ่เบ่ อา ซิเง โต่โต่. อา ซิเง แพ๊ตื๊อ แวเพ เตเพร่ว แพ๊.

37 เบ๊อะแกแยพู๊คู เก่ แฮปาเนอ, อา ทวาแถ่ แซ่ฮู๊ เพโนอาห์ ทือเคเนอ เนอปา.

38 เมเตเฮ๊เรอ เบ๊อะเทอ ดุบี๊ แต่ล๋ายโต่ เบ๊อะเนอ, อูเอ่อูโอ, กาฉู่แด่ฉู่เม ลูโต่ เจ๊อ เบ๊อะเพโนอาห์ โน เด๊อ ส่อเกลอดุกู เนอเตอเนอ เจ๊อ. ^a

39 เต เกเร ทวาแถ่ ฮู๊เตปาเนอ, โต่ เจ๊อ เบ๊อะเทอแฮ ดุ เซอแก ลอ เจ๊อเฮ๊อ เหย่ ซี เบ๊อะเนอ, อา ซิเง แลแค เตอเจ๋อ โต่. ช๋า แกแยพู๊คู แฮเฮ๊อ ปา เบ๊อะเนอ, อา เก่ ทวาแถ่ แซ่เกอดื่อ ฮู๊เออเนอ ปา. ^b

40 เบ๊อะเนอเคปา, เพรคู ซิเนอ เด๊อ อา แร โหร่ลู เต เด๊อ กู๊เกลขุ เนอ, เตเพร เร๊อ อู เก่ เอ๊กาแก ลู ปา, เตเพร เร๊อ อา เก่ แด่โอ่แกลู ปา.

41 เพรเหมาะ อิช๊าตือฉื่อ ลู บ๊วยเอ่ ซิเนอเนอ, จอแปแหร่ เก่ เอ๊กาแก อา เตเพร ปา. เตเพร เร๊อ อา เก่ แด่โอ่แกลู ปา.

42 “เมฮู๊เนอเรอ โอ่ส่าเซ แลแค, เมเตเฮ๊เรอ ซีแบ่เจ่ เก่ แฮ เบ๊อะเตอเนอ ปา เนอ ซี ซิเง โต่.

43 หม่าแน๊เรอ ซิเงแลแค เน๊อ, หี่แบ่เจ่ เก่ ซิเง เร๊อ เพรเอ่โห่ เตเร แฮ เบ๊อะเตเซเต ปาเนอ, อา เก่ โอ่ป่อฉื่อ ปา เร๊อ เพรเอ่โห่ แฮโน เอ่โห่แจ่ อาตาเต เด๊ออาหี่ กูโต่. ^c

44 ฮู๊เนอ อาขว่าอาคยา, เออเต๊เห่เนอ เบ่เบ่, โอ่ตี๊หรี่แตแร โอ่หนื่ออื่อ เกอ แลแค ซีเหน่ นี๋, เมเตเฮ๊เรอ หน่าหลิ เบ๊อะซี เตเนโต่ โต่ ปาเนอ, แกแยพู๊คู หม่าเฮ๊อแวเออ เก่ แฮ ปา.

Matthew 24:36-44

ม๊อเนอม๊อเซ เออเนอ อู ซิเง เตเพร่ว โต่

(มาระโก ๑๓:๓๒-๓๗, ลูกา ๑๗:๒๖-๓๐, ๑๗:๓๔-๓๖)