Mat 26:20-25 | EkySCThai | STEP | เบ๊อะเหมาะคี๊โป๊โหล่เฮ๊อ เบ๊อะเนอ, แบ่เจ่ เร๊อ อา โคเจ่ เช๊อซิเนอ โอ่แนโอ่ ตาวา โหร่ลอ ลู เด๊อ เหล่เอ่ดีดี่เหร่ อาแก่ช๊า.

Matthew 26:20-25

20 เบ๊อะเหมาะคี๊โป๊โหล่เฮ๊อ เบ๊อะเนอ, แบ่เจ่ เร๊อ อา โคเจ่ เช๊อซิเนอ โอ่แนโอ่ ตาวา โหร่ลอ ลู เด๊อ เหล่เอ่ดีดี่เหร่ อาแก่ช๊า. 21 เร๊อ เบ๊อะเหย่ซี เอ่ดี เบ๊อะเนอ, อา เฮ๊ เหย่ซี เน๊อ, “แว เฮ๊จ๊อจ๊อ ซี, เด๊อ ซีเกล เออ, แกแย เด๊อ อา เก่ อิเชตาแก แว ปาเนอ อา โอ่ เตเพร.”

22 เออโตโพ๊เรอ เหย่ซี ซิปล่อ โมปา เจ๊อ ตีกี๋ โต่. เร๊อ อา แด๊เฮอ แลแค แบ่เจ่ เตเพร โท เตเพร เน๊อ, “แบ่เจ่, เน เฮ๊เร๊อ เตเพรหม่า แว หม่าโต่ แวเฮ๊?”

23 แบ่เจ่ เฮ๊ฉื่อ เหย่ซี เน๊อ, “แกแย เด๊อ อา บ๊อโนเอ่ เต่อเกอ เร๊อ แว เด๊อ เบหล่อกู เนอเตเพร หม่า หม่าเฮ๊อ แกแย เด๊อ อาอิเช ตาแก แว เนอเตเพรเฮ๊อ. ^a 24 ฮู๊ ลีเทส่อพ๊า ราม๊าหนื่ออื่อ เร๊อ แกแย อาพู๊ หม่าเฮ๊อ แวเออ อา เบ่ เซอ แหน่ปา ตื๊อดื่อเรอ เตปย๊า เตหลู่ โอ่ เกอ ดื่อ แกแย เด๊อ อา เก่ อิเชตาแก แกแยพู๊คู เออเตเพรเนอ, จอแปแหร่ เก่เมจากาคยาลู ปา. อา เก่ โอ่เป๊เจ่แล โต่ เฮ๊เนอหม่า อาแร๊เล๊อ ปา เจ๊อ เด๊อ ลูเง เจ๊อ.”

25 เออโตโพ๊เรอ คูยูดาส เด๊อ อา เก่ อิเชตาแก ลู เออเตเพร แด๊เฮอ ลู เน๊อ, “ซ๊าร๊า, เน เฮ๊ เนอเตเพรหม่า แว หม่าโต่, แวเฮ๊?” แบ่เจ่ เฮ๊ฉื่อ ลู เน๊อ, “หม่าเฮ๊อ, หม่าเน เนอ เฮ๊อ.”