Revelation of John 13
เตมีเตแหม่ เนอโด
1เบ๊อะเนออาเค, แว แม๊เถอะ เตมีเตแหม่ โตโด โอ่ เด๊อ เทอดุซาวา อากู เร๊อ อา แฮแถ่. a อานอ โอ่ แพเช๊อ, อา กู่กล๊อโอ่ โซซว๊าเตเม, อานอ ปว๋า โตโบ เนอ, อา กู๊โก่เท โอ่ลอปลี. โทเรอ เด๊อ อากู่กล๊อ ปว๊าเตเม อาลูเนอ อู รา โอ่ลอปลี ลูมูย เร๊อ เตเป๊อเจ่ออิแช๊ จอแปแหร่ ฮู๊เนอ. b 2เตมีเตแหม่ เออโตโด เนอ, อาแซ่เน๊อ แอ๊ซี, อากู๊โด่ เนอ อาแซ่เน๊อ เท กู๊โด่ เร๊อ อาแกกู เนอ อาแซ่เน๊อ แอ๊ซี แกกู. แปล เนอโตโบ เด๊อะ เตมีเตแหม่ เนอโตโด เร๊อ อา เตโพรฉว่าชอ เร๊อ อา เหล่โอ่แน หม่าดื่อ จ๊อแผ่ กู่แกล๊เท แถ่โล เออเนอ เร๊อ เตอเรอฉว่าชอ เด๊อ อา เก่ เป๊อเต อาเง เต๊เห่. c 3เตมีเตแหม่ อากู่กล๊อ โซซว๊าเตเม อาเกล เตเมเนอ อา แซ่ เน๊อ อา เบ่ เต๊เหม่น๊อ เร๊อ อา ผื่อเซอ ตีลี๊ โท เจ๊อเฮ๊อ เนอ, หม่าแน๊เรอ อา เตจู่เตแท เต๊เห่เนอ, อารี กาคยา ลอ โทเฮ๊อ. เร๊อ เห่ขุต๊าบ่าลอ คย๊ายื๊อ เร๊อ ครวาเกอ เตมีเตแหม่ เนอโตโด อาคยา. 4แปล เนอโตโบ ย๋อ เด๊อะ โทเฮ๊อ อา เตอเรอฉว่าชอ เน๊อ เตมีเตแหม่ เนอโตโด อาขว่าอาคยา, แกแย ปว๋า เตเพร จ๊อบู่จ๊อเบแถ่ ล๊อปลี ลู. เหย่ซี จ๊อบู่จ๊อเบแถ่ หนิเกอ เตมีเตแหม่ เร๊อ อา เฮ๊ แลแค เน๊อ, “แกแย เด๊อ อาแซ่เน๊อ เตมีเตแหม่ เออเนอหม่า อาโอ่ แฮ? หม่าอูเป เตเพร ช๊าฉื่อ บื่อ อา เป?” 5เตมีเตแหม่ เออโตโด เนอ, อา พย๊าหนิ ม๊อเนอแร๊ เด๊อ อา เก่ เฮ๊เบ่ แถ่โลหนิเร๊อ อาเหน่ เร๊อ อา เก่ เป๊อเจ่ออิแช๊ จอแปแหร่, โท๊โต่ อู เด๊อะ ลู เด๊อ อา เก่ นอเอ่ อา เตอเรอฉว่าชอ ลุยเชอ เร๊อ เนอเล ปา. d 6อา เป๊อะแถ่ อิชออี๊บ่า จอแปแหร่ เร๊อ จอแปแหร่ อามุย, โท๊โต่ อา อิชออี๊บ่า โต่ จอแปแหร่ เหล่โอ่เหล่แบ่ เร๊อ ล๋อ แกแย เด๊อ อา โอ่ เด๊อ ม๊อขุเนอ เต๊เห่. 7อา พย๊าหนิ เต แร๊ เด๊อ อา เก่ ช๊า จอแปแหร่ อา แกแย เบ๊หมู่ เร๊อ อา เก่ เมเป่แก เหย่ซี ปา, เร๊อ อู เก่ เด๊อะ อา เตอเรอฉว่าชอ เด๊อ อา เก่ เป๊อหนิ ลออู ปวาโต๊โหมะ, แกแย ปวาตู๊หมู่, เร๊อ ล๋อ แกแย เด๊อ อา เฮ๊เบ่ โหง่ อิเตเต๊ เบ่เบ่ เร๊อ เมวเจอะ อิเตเต๊ เบ่เบ่ เนอเต๊เห่ ปา. e 8ล๋อ แกแย เด๊อ อา โอ่ เด๊อ เห่ขุเออ ปว๋า เตเพร เนอ, อา เก่ จ๊อบู่จ๊อเบแถ่ ลอ ลู ปา. เป๊อะแถ่ เด๊อ อู แบ๊แลลู่ เห่ขุ อาเคปา, แกแย เด๊อ อา โอ่เซอเพร เด๊อ เห่ขุ เออเต๊เห่ เร๊อ อู ราโอ่เต่อเกอ ลา เหย่ซีมุย เด๊อ ซิหมิพู๊ เนอโตโด อา ลีเซอเพร อากู ล๋ายโต่ เต๊เห่เนอ, อา เก่ จ๊อบู่จ๊อเบแถ่ ลอ แลแค เตมีเตแหม่ เออโตโด. ซิหมิพู๊ เนอโตโด หม่า หม่าเฮ๊อ อู เมเซอ อาเนอ เตเพร เฮ๊อ. f 9ฮู๊เนอเรอ ซีกู๊หลิโกะ เก่โอ่ เร๊อ หนิดา แลแค นี๋. 10แกแย เตเพรเพร เด๊อ อู เตเนหนื่ออื่อ โทเฮ๊อ ลู เด๊อ อู เก่ ปื่อ ด๊อตา อา เด๊อ ทอกู เฮ๊เนอ, อู เบ่ ปื่อ ด๊อตา แหน่ อา ปา. แกแย เตเพรเพร เด๊อ อู เตเนหนื่ออื่อ โทเฮ๊อ ลู เด๊อ อู เบ่เมเซอ อา เร๊อ เน๊ ปา เฮ๊อเนอ, อู เบ่ เมเซอ แหน่ อา เร๊อ เน๊ ปา แพ๊. จอแปแหร่ เอ๊ อาแกแย เด๊อ อา เก่ เบ่แด่ทูซิปล่อ เตจาเตจือ เร๊อ เบ่ จู่เอ่หยื่อเอ่ เต อาเงแพ๊. gเตมีเตแหม่ โอ่ เด๊อ เห่เล แฮเถ่
11ฮู๊เนอโทเรอ แว แม๊เถอะ เตมีเตแหม่ เด๊อ อาโร โตโด โอ่ เด๊อ เห่เล แฮเถ่. เร๊อ อานอ โอ่ เนอแพ เร๊อ อาแซ่เน๊อ ซิหมิ อานอ เนอ, โทเรอ อา เฮ๊เบ่ แซ๊เจ๊อเร๊อ แปล เนอโตโบ เจ๊อ. 12เตมีเตแหม่ เด๊อ อา โอ่ เด๊อ เห่เล แฮเถ่ เออโตโดเนอ, อา นอเอ่ ลอปลี เจ๊อ เตมีเตแหม่ เด๊อ อาเหร่อ เนอโตโด. อา เตอเรอฉว่าชอ เนอเต๊เห่ เด๊อ ลูเป๊เส่เง แซ่ฮู๊ อู เก่ จ๊อเบแถ่ เตมีเตแหม่ เด๊อ อา เบ่ เต๊เหม่ โทเฮ๊อ เร๊อ อารี กาคยาเฮ๊อ เนอ โตโด, เร๊อ อา นอฉว่า เห่ขุเออ เร๊อ ล๊อ แกแย โอ่ เด๊อ เห่ขุ เออเต๊เห่ เก่ จ๊อเบแถ่ ลู. 13เตมีเตแหม่ เนอโด โตโด เออเนอ, อา เมเด๊อะโล เป่ อู เต โค๊ตีกลี๊ เต๊เห่. อา นอ หมิ เด๊อ ม๊อขุ เก่ แฮแล เด๊อ เห่ขุเออ เด๊อ อู ปว๋า เตเพร อา เป๊เส่เง เจ๊อ. 14โทเรอ เด๊อ อา เด๊อะโล อา เตโค๊ตีกลี๊ เด๊อ เตมีเตแหม่ เด๊อ อาเหร่อเคเนอ โตโด นอเม ลู เด๊อ อาเป๊เส่เง เนอเต๊เห่ อาขว่าอาคยา, อา อิลออี๊โหล่ แลโฮ หนิลอ แกแย โอ่เซอเพร เด๊อ เห่ขุ เออ เต๊เห่. เตมีเตแหม่ เนอโด โตโดเออ, อา นอแบ๊แถ่ เหย่ซี เตแหย่โย โตโด แซ่ฮู๊ อา เก่ เมลีเมเตเค กาคยา เตมีเตแหม่ เด๊อ อา เบ่ เต๊เหม่น๊อ เร๊อ เน๊ เร๊อ อา โอ่เซอเพร ปา เนอโตโด. 15แซ่ฮู๊ เตแหย่โยเออ เก่ เฮ๊เบ่แจ่ เร๊อ อา เก่ เมเซอลอ แกแย เด๊อ อา จ๊อเบแถ่ เกอ ลู โต่ เนอเต๊เห่ อาเงเนอ, อู เด๊อะ เตมีเตแหม่ เนอโด เนอโตโด เตโพรฉว่าชอ เด๊อ อา เก่ โอ๊โน เซอเพรแจ่ เตมีเตแหม่ เด๊อ อาโร เนอ โตโด อาเตแหย่โย เนอ. 16แกแย เด๊อ อามีลาดุ เต๊เห่ เบ่เบ่, แกแย เด๊อ อู เตเน ปีตี๊ ลู เต๊เห่เนอ เบ่เบ่, แกแย ดุแหย่ เบ่เบ่, แกแย โซแร เบ่เบ่, หลู่เต๊เห่ เบ่เบ่, แกแย พย๊าหนิ เตปาลา เต๊เห่ เบ่เบ่, แซ่ฮู๊ เหย่ซี เก่ พย๊าหนิ เตม๊าเตแด เต๊อเจ่อ เด๊อ อากู๊ขุ จ๊อทว๊า อาโอ่, หม่าโต่เรอ เด๊อ อา มาเท๊ลู อาเงเนอ เตมีเตแหม่ เนอโดโตโด เนอโตโด นอฉว่า ลอ อู ปว๋า เตเพร. 17แกแย เด๊อ เตม๊าเตแด โอ่เกออู โต่ เต๊เห่เนอ, อา พรีเอ่อิเช นิ เกออู โต่. เตม๊าเตแด เออเนอหม่า หม่าเฮ๊อ เตมีเตแหม่ อามุย, หม่าโต่เรอ เตแด๊ม๊า เต๊อเจ่อ เด๊อ อา เด๊อะ โลแถ่ ลูมูย. 18แซ่ฮู๊ ซี เก่ ซิเงโปล อาเงเนอ, ซี เบ่ ลีแม. แกแย เตเพรเพร เด๊อ อาโอ่ เร๊อ เตลีแมลีเพ๊ เด๊อ อา แด๊เบ่แจ่ เตมีเตแหม่ อา เตแด๊ม๊า เออเต๊อเจ่อ เนอ, นอแด๊เบ่ เร๊อดื่อ อาเนอ, เมเตเฮ๊เรอ เตแด๊ม๊า เออเนอหม่า แกแยเห่ขุ อาลีปล่อ แด๊ม๊า อาลีปล่อ แด๊ม๊า เออเนอหม่า เยโซซว๊า เร๊อ เชอโซซว๊า เร๊อ โซซว๊า.
Copyright information for
EkySCThai