Revelation of John 16
จอแปแหร่ อา เตซิปล่อดุ เบหล่อดุ เต๊เห่
1โทเรอ แว หนิโฮ โหง่พรา ตอปลอตือซือ ฉว่า เด๊อ เตหลู่เเตโฮ อากู เร๊อ อา เฮ๊ เตเน่วพู๊ โซซว๊าเตเพร เนอเต๊เห่ เน๊อ, “จว๊า กลอตา จอแปแหร่ อา เตซิปล่อดุ เบหล่อดุ โซซว๊าเตเม เออ เด๊อ เห่ขุเนอ.” 2เตเน่วพู๊ อาเหร่อเล๊อ เตเพร จว๊า กลอตา อา เบหล่อดุ เด๊อ เห่ขุ. เออโตโพ๊เร๊อ แกแย เด๊อ อา พย๊าฉื่อ เตมีเตแหม่ อา เตม๊าเตแด เร๊อ จ๊อเบแถ่ ลูแหย่โย เออเต๊เห่เนอ, อา เถ่ซิเถ่วา โซพ๊าโซแร แหน่เจ๊อ. a 3โทเรอ เตเน่วพู๊ เนอเพร เตเพร กลอตา ลาติ อา เบหล่อดุ เด๊อ เทอดุซาวา อากู เร๊อ เทอ เต๊เห่ ทวาแถ่ แซ๊เร๊อ แกแยเซอ อาสุ่ย เนอ. ล๋อ เตมีเตดอ โอ่ เด๊อ เทอดุซาวา อากู เต๊เห่เนอ อา เซอแก ลอปลีเจ๊อ. 4โทเรอ เตเน่วพู๊ โซเพรเตเพร กลอตา อา เบหล่อดุ เด๊อ เทอแล เต๊เห่ เร๊อ เทอเถ่ขุ เต๊เห่ อากู เร๊อ เทอ ทวาแถ่ลอ สุ่ย. b 5เร๊อ แว หนิโฮ เตเน่วพู๊ เด๊อ อา โอ่ป่อ เทอ เตเพรเนอ อา เฮ๊ เน๊อ, “เก๋อ จอแปแหร่, เนหม่า อาบูอาโพ๊, เนหม่า เพร โอ่ มู๋ หนู่เค โต่กู๊แหน่ เออเตเพร, เน เตเมจากาคยา เออเต๊เห่เนอ, อาจ๊ออาเต แพ๊. 6เด๊อ เหย่ซี เมสุ่ยแล เมเซอ เน แกแย เร๊อ เน เพรโพร เต๊เห่ อาขว่าอาคยา, เน เด๊อะโอ เลอ กาคยา เป่ คยาแซ๊ เฮ๊อ เหย่ซี เร๊อ สุ่ย เออเนอ เฮ๊อ. เหย่ซี แด่โอคยา ฮู๊เออ เนอหม่า อาโตอาเบ่ แพ๊.” 7โทเรอ แว หนิโฮ โหง่พราแถ่ เด๊อ เตหลู่เหร่ลู เนอเร๊อ อา เฮ๊ เนอ, “แจ่เตล๋อ ปลี อา แบ่เจ่ จอแปแหร่, เน เตเมจากาคยา เออเต๊เห่เนอ อาจ๊ออาเต, อาโตอาเบ่ หม่าแหน่ เจ๊อ.” 8เออโตโพ๊ ลาติ เร๊อ เตเน่วพู๊ ลุยเพร เตเพร จว๊า กลอตา ลาติ อา เบหล่อดุ เด๊อ ต๊อเหมาะลู เร๊อ จอแปแหร่ นอกู่ช๊าแฮ ต๊อเหมาะ เร๊อ อากู่ลว๊า ลอปลี แกแยเห่ขุพู๊ เออเต๊เห่. 9เหย่ซี ข่าเบ่ลอ ต๊อเหมาะ กู่ลว๊าลอ เหย่ซี เร๊อ อา อิซออี๊บ่า แลแค จอแปแหร่ เด๊อ อา เตอเรอฉว่าชอ เร๊อ อา เด๊อะทวาแถ่ เตเซอหร่าเซอดวา เต๊เห่ เออเนอ เตเพร. เหย่ซี ข่าเบ่ เจ๊อ ฮู๊เออ หม่าแน๊เรอ อา ถู่แหล่แด๊แกล่ กาคยา แลแค อาซิปล่อ โต่. โท๊โต่ อา เมลีเมเตเค เกอ แลแค อู จอแปแหร่ โต่โต่. 10เตเน่วพู๊ แงเพร เตเพร กลอตา อา เบหล่อดุ เด๊อ เตมีเตแหม่ อา กู่แกล๊แถ่โล เออเนอ อาขุ เร๊อ เตคี๊ โอ่แถ่ เด๊อ เตมีเตแหม่ อาเทออาเก่ กู. เด๊อ อา ข่าเบ่ เตจาเตจือ เออ อาขว่าอาคยา, เหย่ซี อ่า เกอเร๊อ ลอ แลแค อาปลี. c 11เด๊อ เหย่ซี เถ่ซิเถ่วา เร๊อ อาเช แร ลู เต๊เห่ อาขว่าอาคยา, อา อิชออี๊บ่า ลอ แลแค ม๊อขุ อา จอแปแหร่ เออเตเพร. อา ข่าเบ่ เจ๊อ ฮู๊เนอ หม่าแน๊เรอ อา ถู่แหล่แต๊แกละกา แลแค อาซิปล่อ โต่. 12โทเรอ เตเน่วพู๊ อาเพร โซซว๊า เออเตเพร จว๊า กลอตา เกอลาติ อาเบหล่อดุ เด๊อ เทอแลดุ เด๊อ อู เอ๊ เร๊อ ยูเฟรติส เออแตแล อากู. แซ่ฮู๊ อา เก่ เมจว่า เป่ คุ๊ย เด๊อ ซิเถ่ เต๊เห่ เก่ แฮ แกล๊ อาเงเนอเรอ, เทอแลดุ เออแตแล ซิคราแก เป่ เหย่ซี. d 13โทเรอ แว แม๊เถอะโลเน๊ มู๊แหม่ โซโด เด๊อ อาแซ่เน๊อ ดิ เต๊เห่. เร๊อ เหย่ซี โอ่ เด๊อ แปล แกกู เร๊อ เตมีเตแหม่ เด๊อ อาเหร่อ เนอโตโด อาแกกู เร๊อ เพรโพร แลโฮ หม่าเฮ๊อ เตมีเตแหม่ เนอโด โตโด เนอเตเพร อาแกกู เร๊อ อา เถ่. 14เหย่ซี หม่า โลเน๊มู๊แหม่รีแจ่ เด๊อ อา เมแจ่ เตโค๊ตีกลี๊ เต๊เห่. ซิปล่อเซอเพร เออโซโด เนอ อา เก่ เถ่จว๊า ลอ เด๊อ เห่ขุ คุ๊ย เต๊เห่ อา โอ่, เร๊อ อา เก่ จว๊า ท๊อปล๊อจุ่ยจือ ลอ เหย่ซี, เมเตเฮ๊เรอ ช๋า จอแปแหร่ เด๊อ อา แจ่เตลอ อา แบ่เจ่ เออเตเพร เก่ เมจากาคยา อู อา ม๊อเนอดุ ปา เตอเนอเนอ, เหย่ซี เก่ ช๊า แลแค แบ่เจ่ ปา. 15เหย่ซู่ครี๊ เฮ๊ เน๊อ, “หนิดา แลแค, แว เก่ แฮ แซ๊เร๊อ เพรเอ่โห่ แฮ เนอ ปา. แกแย เตเพรเพร เด๊อ อา โอ่ ส่าเซ เร๊อ อา โอ่ ตี๊หรี่แตแร หนื่ออื่อ อา เตกือเตแซ๊ เต๊เห่เนอ, อา เก่ พย๊าหนิ เตเด๊อะบุ๊ยเด๊อะเตอเรอ ปา. เหย่ซี เก่ โอ่ตี๊หรี่แตแร หนื่ออื่อ อา เตกือเตแซ๊ ปา เฮ๊เร๊อ, เหย่ซี เก่ จว๊า กะโกล โต่, โท๊โต่ เหย่ซี เก่ ซิเตเร เด๊อ อูเกล โต่.” e 16เบ๊อะเนออาเค ซิปล่อเซอเพร มู๊แหม่ เออโซโด เนอ, อา นอจว๊า โอ่ปล๊อ คุ๊ย เออเต๊เห่ เด๊อ เหล่โอ่ โต๊โผ่ เด๊อ ฮีบรูโหง่ เฮ๊ เน๊อ อาเมเกดโดน. f 17โทเรอ เด๊อคยาเนอ เตเน่วพู๊ อาเพร โซซว๊าเตเพร เนอเตเพร จว๊า กลอตา อาเบหล่อดุ เด๊อ เก่แลเซ๊เกล เร๊อ โหง่พราแถ่ฉว่า เด๊อ จ๊อแผ่ กู่แกล๊เท แถ่โล เบ๊อะเตหลู่เเตโฮ อากูเนอ เร๊อ อา เฮ๊ เน๊อ, “อา โทเฮ๊อ,” ฮู๊เนอ. 18เร๊อ ฉ่าลีบ๊อ, ม๊อครอม๊อโหง่, ฉ่าแลแปลโหมะ, เตเน่วท๊อดี ฉว่าชอ ซีเต๊เห่ โอ่แถ่ ลอปลี เจ๊อ. เป๊อแถ่ เด๊อ อู แบ๊แลลู่ แกแยเห่ขุพู๊ โต่ เบ๊อะเนอเค ปาเนอ, เตเน่วท๊อดี ฉว่าชอ แซ่ฮู๊เนอ อา ทวาแถ่ นอ โตโพ๋ โต่. เออ หม่า เตเน่วท๊อดี เด๊อ อาฉว่าอาชอ เล๊อ อู เฮ๊อ. g 19วีดุ เนอ ตีวี ลูกยาแก โซกยา เร๊อ เทอเก่ ปว๊าเต๊เก่ อาวี เต๊เห่เนอ, อา ลูโพร๊ลูแพรแก ลอปลี เจ๊อ. จอแปแหร่ เตเนแถ่ โต่ วีดุ บาบิโลน เร๊อ อา เด๊อะ โอ วีบาบิโลน เออเนอ เร๊อ อา เตซิปล่อดุ ฉว่าชอ อาเทอแย อา เบหล่อเออ. h 20ล๋อ กลื๊อเต๊เห่ โอ่เหม่แก ลอปลี, โทเรอ ล๋อ โฉ่ เออเต๊เห่เนอ, แม๊เถอะน๊อ ปาโต่เฮ๊อ. i 21ตื๊อครื่อจ่า ปล่อดุ เตเม เตเม เนอ อา พื๋อ แล โถ่ เจ๊อ อาเจ่ว โซเฉอ เต๊เห่เนอ อา โอ่ เด๊อ ม๊อขุ จ่าตา เร๊อ อา แลตา เบ่จาเบ่จือ แหน่เจ๊อ แกแย เออเต๊เห่ อาขว่าอาคยา, อา อิซออี๊บ่า ลอปลี จอแปแหร่. j
Copyright information for
EkySCThai