Revelation of John 20
อาหน่าตีรี๊
1เออโตโพ๊เรอ แว แม๊เถอะ เตเน่วพู๊ เตเพร โอ่ เด๊อ ม๊อขุ แฮแล เร๊อ อา ปื่อโอ่ เกอเร๊อ ครอกูดุ ครอกูแย เออตูกู อาชอถิ เร๊อ สู่เปลอต่อเท๊ดุ โตโบ เด๊อ อา กู๊ยากู. 2อา แฮ ปื่อหม่าแก แปล หม่าเฮ๊อ โลเน๊มู๊แหม่รีแจ่ กู่กล๊อ มู๊หนู่มู๊ส่าเค เนอโตโบ. อา หม่า อู เอ๊ ลู เร๊อ ซาตาน. เร๊อ อา จอกลอหม่างยา ลู อาหน่าตีรี๊. a 3เตเน่วพู๊ เนอเตเพร วีตาแก ลู เด๊อ ครอกูแย เนอตูกู อากู เร๊อ อา ก่าหม่าบี๊แก ลู เร๊อ อา เมม๊าเมแด แก ลู. แซ่ฮู๊ อา เก่ จว๊า อิลออี๊โหล่ แลโฮ ปา แต่ เมวเจอะ เต๊เห่ แต่เหม่ เนอ อา ด๊อ โอ่บา ลู อาหน่าตีรี๊. เร๊อ อาหน่าตีรี๊ บาเฮ๊อ ปา เนอ, อู เก่ ปลวาเถ่ คยา ลู เตอเปลอฮู๊ ปา. 4โทเรอ แว แม๊เถอะ จ๊อแผ่ กู่แกล๊เท แถ่โล เต๊เห่. แกแย โอ่แนโอ่ เด๊อ กู่แกล๊แถ่โล ลูเนอ เต๊เห่เนอ, อู เด๊อ เหย่ซี เตอเรอฉว่าชอ เด๊อ อา เก่ เมจากาคยา อู ปา. แว แม๊เถอะ เกอโป่ แกแย เด๊อ อา ข่าเด๊อะโล เร๊อ เหย่ซู่ อาหรี่อาแก เร๊อ อา แด๊โฉ่โด่แน เป่ อู จอแปแหร่ อาลาอาโหง่ เต๊เห่ อาขว่าอาคยา, อู ปาตือแก เหย่ซี แกโบ เต๊เห่ อา ซิปล่อเซอเพร. เตมีเตแหม่ เบ่เบ่, เตมีเตแหม่ อาเตแหย่โย เออเนอ เบ่เบ่, เหย่ซี จ๊อเบแถ่น๊อ เกออู โต่ ตื๊อเนอโทโต่. เตมีเตแหม่ เนอโตโด อา เตเมม๊าเมแด เด๊อ อู เบ่ เมม๊า เด๊อ มาเท๊ลู เนอเบ่เบ่, หม่าโต่เรอ อู เบ่ เมม๊า เด๊อ กู๊ขุลู เนอเบ่เบ่, อา พย๊าฉื่อน๊อ เกออู เตเมม๊าเมแด เตอเจ๋อ โต่. เหย่ซี เซอเพร กาคยา เร๊อ อา เป๊อ เต่อเกอ เต เร๊อ ครี๊ อาหน่าตีรี๊. b 5เออ หม่า เตเซอ เพร ก๊อถ่อ กาคยา อาเหร่อเล๊อ โตโพ๊ เฮ๊อ. อาหน่าตีรี๊ บา แต่ล๋ายโต่ เนอ, แกแย เด๊อ อา เซอ โทเฮ๊อ เร๊อ อา โอ่ ปา เด๊อ เห่เล เต๊เห่เนอ, อา ก๊อถ่อกา ล๋ายโต่. 6แกแย โอ่เต่อเกอ เด๊อ เตเซอ ก๊อถ่อกาคยา เหร่อเล๊อ เออ โตโพ๊ อากู เต๊เห่ เนอหม่า อา พย๊าหนิ เตเด๊อะบุ๊ยเด๊อะเตอเรอ เร๊อ เหย่ซี หม่า แกแย บูโพ๊พู๊ เต๊เห่ อา แลเปล๊แก เร๊อ เตเซอ เนอโพ๊โตโพ๊ เฮ๊อ. เหย่ซี เก่ ทวา จอแปแหร่ เร๊อ ครี๊ อา เพรหลู่แตเต เต๊เห่ ปา. เหย่ซี เก่ เป๊อ เต่อเกอ เร๊อ ครี๊ อาหน่าตีรี๊ ปา.เตเมเป่ โลเน๊มู๊แหม่รีแจ่ กู่กล๊อ
7อาหน่าตีรี๊ บาแถ่ โทเฮ๊อ ปา เนอ, อู เก่ ปลวาเถ่ โลเน๊มู๊แหม่รีแจ่ กู่กล๊อ เด๊อ อาทอกู ปา. 8เร๊อ อา เก่ เถ่จว๊า ล๊อ เห่ขุ ลุยกยา เร๊อ อา เก่ อิลออี๊โหล่ แลโฮ ลอ เมวเจอะ เต๊เห่ ปา. อู เอ๊ เหย่ซี เร๊อ ก๊อพู๊ เร๊อ หม่าก๊อพู๊. c เหย่ซี เบ่ แถ่ช๊าเต อาขว่าอาคยา โลเน๊มู๊แหม่รีแจ่ กู่กล๊อ เก่ เอ๊ โอ่ปล๊อเต่อลอ เหย่ซี ปา. เหย่ซี โอ่เอ๊ แซ๊เจ๊อเร๊อ หล่อตาม๊า เด๊อ เทอดุซาวาทือ เต๊เห่ เนอ เจ๊อ ปา. d 9เหย่ซี เถ่จว๊า เด๊อ เห่ขุต๊าบ่าลอ เร๊อ จว๊าบ่อ ตาวาบี๊ ลอ. จอแปแหร่ อาแกแย เต๊เห่ เร๊อ วี เด๊อ จอแปแหร่ โม เกอเร๊อ ลู เออตีวี. หม่าแน๊เรอ หมิ โอ่ เด๊อ ม๊อขุ แฮแล อือแก ลอ เหย่ซี. 10โลเน๊มู๊แหม่รีแจ่ กู่กล๊อ เด๊อ อา อิลออี๊โหล่ แลโฮ เหย่ซี เออโตโดเนอ, อู วีตาแก ลู เด๊อ หมิเผ่ เด๊อ อู ชื๊ออือ เร๊อ หย่าซู๊แบ เออเนอ เต๊เผ่อากู. หมิเออ เต๊เผ่ เนอหม่า หม่าเฮ๊อ อู เหล่วีตา เตมีเตแหม่ เนอโตโด เร๊อ เพรโพร แลโฮ เนอเต๊เห่ อาเหล่โอ่ เนอ เฮ๊อ. เร๊อ เหย่ซี เก่ ข่าเบ่ เตจาเตจือ เหมาะคี๊คี๊ เหมาะเชเกลเกล ตูจูเพร แตแลเคร๊ เจ๊อ ปา.เตเมจากาคยา เด๊อคยา ตื๊อดื่อ
11โทเรอ แว แม๊เถอะ จ๊อแผ่ กุแกล๊บูดุ แถ่โล เตเม เร๊อ เพร โอ่แน เด๊อ อาขุ เนอเตเพร. เร๊อ ม๊อขุ เร๊อ เห่ขุ ลูโก จว๊าแก เด๊อ อา เป๊เส่เง เร๊อ อู แม๊เถอะน๊อ ปาโต่เฮ๊อ. e 12เร๊อ แว แม๊เถอะ แกแย เด๊อ อามุย โลเทอโลเก่ เร๊อ แกแย เด๊อ อู เตเน ปีตี๊ ลู เร๊อ อา เซอโทเฮ๊อ เต๊เห่ ก๊อถ่อโอ่ เด๊อ จ๊อแผ่ กุแกล๊บูดุ แถ่โล เออ อาเป๊เส่เง เนอ. อู โบ๊โมแถ่ ลีเต๊เห่ โทเรอ อู โบ๊โมแถ่ ลี เด๊อ อาโร ต๊าบ่า เด๊อ อู เอ๊ เร๊อ ลีเซอเพร เออ. แกแยเซอ เออเต๊เห่เนอ, อู เมจากาคยา เหย่ซี ฮู๊ อา เมน๊อ โทเฮ๊อ เนอ เร๊อ ฮู๊ อู ราม๊าโอ่ เด๊อ ลีเออ อากูเนอ เต๊เห่. 13โทเรอ เทอดุซาวา เออเนอ อา เด๊อะแถ่เกอ อาแกแย เซอ เด๊อ อา โอ่ เด๊อ อากู เนอ เต๊เห่. เตเซอ อาโหมะเพ เร๊อ โลเน๊มู๊แหม่รีแจ่ดอ เต๊เห่เนอ, อา เด๊อะแถ่เกอ แลแค แกแยเซอ โอ่ เด๊อ เหย่ซีกู เนอเต๊เห่เห่. เร๊อ อู เมจากาคยา ลอ แกแย ปว๋า เตเพร ฮู๊ เหย่ซี เมโทเฮ๊อ เตเนอ. 14โทเรอ เด๊อคยาเนอ, เตเซอ อาโหมะเพ เร๊อ โลเน๊มู๊แหม่รีแจ่ดอ เต๊เห่เนอ, อู วีตาแก เหย่ซี เด๊อ หมิเผ่ อากู. หมิเผ่ เออ หม่า หม่าเฮ๊อ เตเซอ เนอโพ๊โตโพ๊ เฮ๊อ. 15แกแย เตเพรเพร เด๊อ อู เก่ แม๊เถอะ อู ราโอ่ อามุย เด๊อ ลีเซอเพร เออต๊าบ่า อากู โต่ เฮ๊ เนอ, อู เบ่ วีตาแก อา เด๊อ หมิเผ่ เออเต๊เผ่ อากู.
Copyright information for
EkySCThai