Rev 8 | EkySCThai | STEP | เบ๊อะซิหมิพู๊ ปาอ๊าโม เตเมหม่า อา เตม๊าเตแด อาโก่ โซซว๊าโต๊โก่ เออโต๊โก่ เบ๊อะเนอ, เด๊อ ม๊อขุ เนอ, เตอาโส่อาเคร โอ่แถ่ งยา หร่าเหร่ ตีวี๊ตาวา เจ๊อ นาที โซเชอ เบ๊อะเนอ เจ๊อ.

Revelation of John 8

เตเมหม่า เตม๊าเตแด อาโก่ โซซว๊าโต๊โก่ เออโต๊โก่

1 เบ๊อะซิหมิพู๊ ปาอ๊าโม เตเมหม่า อา เตม๊าเตแด อาโก่ โซซว๊าโต๊โก่ เออโต๊โก่ เบ๊อะเนอ, เด๊อ ม๊อขุ เนอ, เตอาโส่อาเคร โอ่แถ่ งยา หร่าเหร่ ตีวี๊ตาวา เจ๊อ นาที โซเชอ เบ๊อะเนอ เจ๊อ.

2 เบ๊อะเนออาเค แว แม๊เถอะ เตเน่วพู๊ โซซว๊าเตเพร เด๊อ อา เม จอแปแหร่ อาเตเม เร๊อ อา ก๊อถ่อ โอ่ เด๊อ ลูเป๊เส่เง ปว๋า โตโพ๊, เร๊อ อู เด๊อ เหย่ซี กวา โซซว๊าเตเม.

3 เร๊อ เตเน่วพู๊ อาโรเตเพร เด๊อ อา ปื่อหม่า เกอเร๊อ ดีเบเทเต๊เอ่ เด๊อ อู เหล่ชื๊ออือแถ่ เร๊อ เตโนมื๊อ เออเตเพรเนอ, อา แฮก๊อถ่อโอ่ เบ๊อะเตหลู่เหร่ อาช๊า เนอ. อู เด๊อ เอ๊แหน่เจ๊อ ลู เตโนมื๊อ เต๊เห่ เด๊อ อา เก่ ฉู่โนบา เต่อ เป่ เร๊อ จอแปแหร่ อาแกแย บูโพ๊ ล๋อ ปลี เต๊เห่ อา เตกุยจ๊อเบ. ^a โทเรอ อา เก่ หลู่แถ่ เออเต๊เห่ เด๊อ เตหลู่เหร่เท อาลู. เตหลู่เหร่เท เออเนอหม่า อา โอ่ เด๊อ จ๊อแผ่ อา กู่แกล๊เท แถ่โล อาเป๊เส่เง เนอ. ^b 4 เตโนมื๊อ อาโข่ เออเนอ เร๊อ แกแยบูโพ๊ เต๊เห่ อา เตกุยจ๊อเบ เต๊เห่เนอ, อา โอ่ เด๊อ ม๊อขุเตเน่วพู๊ เออเตเพร อา กู๊ยากู เร๊อ อา โข่แถ่ โหร่ลู เด๊อ จอแปแหร่ อาโอ่. 5 ฮู๊เนอโทเรอ เตเน่วพู๊ เออเตเพรเนอ, อา พย๊า หมิกล๊วา เด๊อ เตหลู่เหร่เออ อาลู เร๊อ อา ฉู่โนบา เด๊อ เหล่ชื๊ออือ เตโนมื๊อ อา ดีเบเทเต๊เอ่ เออ อากู เนอ. ^c เออโตโพ๊เรอ อา ฮ๊าตา เด๊อ เห่ขุ เร๊อ ฉ่าแล, ม๊อครอ, ฉ่าลีบ๊อ โทเรอ เตเน่วท๊อดี โอ่ทวาแถ่ เด๊อ เห่ขุเออ. ^d

กวาเต๊เห่

6 เบ๊อะเนออาเค เตเน่วพู๊ โซซว๊าเตเพร. เด๊อ อา ปื่อหม่าหนิเร๊อ เร๊อ อากวา โซซว๊าเตเม เออเต๊เห่เนอ โอ่ ตี๊หรี่แตแร หนื่ออื่อ แลแค อาเหน่ เด๊อ อา เก่ โอ๊แถ่ อากวา เต๊เห่.

7 เบ๊อะเตเน่วพู๊ อาเหร่อเล๊อ เตเพร โอ๊แถ่ อากวา เบ๊อะเนอ, อู ปลวาตา ตื๊อครื่อจ่า. โทเรอ อู ฮ๊าตา สุ่ย เด๊อ อา ซีแล๊ เร๊อ หมิ เด๊อ เห่ขุเออ. เออโตโพ๊เรอ หมิ อือลอแก เห่ขุเออ โซปุ๊ยตูปุ๊ย, ส่อเหมาะ เต๊เห่ โซปุ๊ยตูปุ๊ย, โทเรอ อา อือ ลอปลี เจ๊อ มีออ เร๊อ ส่อตอเหมาะ ล๋อ ปลีเจ๊อ. ^e

8 ฮู๊เนอโทเรอ เบ๊อะเตเน่วพู๊ เนอเพร เตเพร โอ๊แถ่ อากวา เบ๊อะเนอ, เตเต๊อเจ่อ เด๊อ อาแซ่เน๊อ หมิอือแก แถ่ โฉ่ดุ เตเม เออเนอ อู วีตา อา เด๊อ เทอดุซาวากู. เทอดุซาวา โซปุ๊ยตูปุ๊ย เนอ อา ทวาแถ่ ลอปลี สุ่ย. 9 เตมีเตดอ โอ่ เด๊อ เทอดุซาวากู เต๊เห่เนอ, อา เซอแก โซปุ๊ยตูปุ๊ย, โทเรอ ส่อเกลอดุ ปย๊าแก โซปุ๊ยตูปุ๊ย.

10 โทเรอ เตเน่วพู๊ ซิโซ เตเพร โอ๊แถ่ อากวา เบ๊อะเนอ, เฉ่ดุ เตเม เด๊อ อา ลีเตเค แซ่เจ๊อเร๊อ หมิเคว๊กอ เออเตเม โอ่ เด๊อ ม๊อเล แลตา เร๊อ อา แลตาโน เด๊อ เทอแลโหมะ เต๊เห่ อากู โซปุ๊ยตูปุ๊ย, อา แลตาโน เด๊อ เทอเถ่ขุ เต๊เห่ อากู โซปุ๊ยตูปุ๊ย. ^f 11 เร๊อ เฉ่ เออเตเม เนอ, อามุย เร๊อ “เตเข่ ตาร๊า,” เร๊อ เทอ เข่แก ลอ โซปุ๊ยตูปุ๊ย. แกแย โอ แลแค เทอเข่เออ อาขว่าอาคยา อา เซอ เอ๊ลู. ^g

12 เบ๊อะเตเน่วพู๊ ลุยเพร เตเพร โอ๊แถ่ อากวา เบ๊อะเนอ, ต๊อเหมาะ, เล, เฉ่ ซี เต๊เห่เนอ, อา ปย๊าแก โซปุ๊ยตูปุ๊ย. อาเตลี เต๊อเข่อเตเค เต๊เห่เนอ, อา โอ่เหม่แก โซปุ๊ยตูปุ๊ย. เหมาะเชเกล คี๊แก โซปุ๊ยตูปุ๊ย, เร๊อ เหมาะคี๊ เบ๊อะเนอ, เล, เฉ่ เต๊เห่ อา คี๊แก โซปุ๊ยตูปุ๊ย. ^h

13 เบ๊อะเนออาเค แว แม๊เถอะ ลาบูดุ เต๊เบ่ โย เด๊อ ม๊อเล เร๊อ แว หนิโฮ อาพราแถ่ เน๊อ, “เตเน่วพู๊ เด๊อ อาโร เนอ ซิโซ เตเร โอ๊แถ่ เฮ๊อ อากวา อาขว่าอาคยา, ล๋อ แกแย โอ่ เด๊อ เห่ขุเน๊ขุ เออเต๊เห่ เก่ โอ่ เร๊อ เตจาเตจือ, เตจาเตจือ, เตจาเตจือ,” อา พราแถ่ ฮู๊เนอ.