Romans 8
เตโอ่เซอเพร เด๊อ แหย่โยบูโพ๊ แบ่เจ่ อากู
1ฮู๊เนอเรอ กู๊แหน่เออ, แกแย เด๊อ อา ทวาแถ่เฮ๊อ เตอเจ๋อ โต เร๊อ เหย่ซู่ครี๊ เต๊เห่เนอ, จอแปแหร่ เมจากาคยา ปา ลู แตแค๋ โต่ เฮ๊อ. ▼▼ลีเทส่อพ๊า อาเลอกู เฮ๊ โป่ เน๊อ, “แกแย เด๊อ อา โอ่เซอเพร โต ฮู๊ แหย่โยบูโพ๊ แบ่เจ่ อา เตซิหยื่อ เร๊อ อา โอ่เซอเพร ฮู๊ พ๊าหย่า อา เตซิหยื่อซิลอ มู๊แหม่ เนอ หม่าโต่ เต๊เห่.”
2เมเตเฮ๊เรอ เด๊อ เป ทวาแถ่ เฮ๊อ ลู เตอเจ๋อ โต เน๊อ เหย่ซู่ครี๊ เฮ๊อ อาขว่าอาคยา, จอแปแหร่ อา แหย่โยบูโพ๊ เม เป่เฮ๊อ เปแกล๊ เด๊อ อาเซ โตโบ เฮ๊อ. โทเรอ อา เมแลเปล๊กา เฮ๊อ แว เร๊อ เตซื๊อ อาเหล่โกล เมโป๊เนอ เด๊อ อา ซูจว๊าเฮ๊อ แว เด๊อ เตเซอ เด๊อ แหย่โย ตากยา เออ อากู เนอเฮ๊อ. 3เด๊อ หม่าอิเต อาขว่าอาคยา เฮ๊เรอ, แซ่ฮู๊ เป เก่ โอ่โก๊แก เด๊อ เป เม เตซื๊อ เออ อาเงเนอ, เป หนิดา ครวาเมเกอ เจ๊อ เตซว๊าเตแส่ เออ อาคยา เจ๊อ เนอ, อา เตอเรอฉว่าชอ เด๊อ อา เก่ เมจว่า เป่ เปเนอ อาโอ่โต่, เมเตเฮ๊เรอ อาอ๊าอาเหร่ เด๊อ อา เก่ เมเป่แก พ๊าหย่า อา เตซิหยื่อซิลอ เออเนอ อาโอ่โต่. ฮู๊เนอเรอ จอแปแหร่ เม เร๊อ อาเหน่, อา นอแฮแล อา พู๊เพรคู เร๊อ อา แฮแล กลว่าอาเหน่ ฮู๊ เห่ขุพู๊ แซ่เน๊อ เป เด๊อ อา เม เตซื๊อ เออเต๊เห่. หม่าแน๊เรอ เตซื๊อ อาเหล่โกล เมโป๊เนอ เออ เป๊อแจ่ ลู โต่. อา แฮ ข่าเป่ เป เตซื๊อเตปล๊า, เร๊อ อา เมปย๊าแก เฮ๊อ เตซื๊อ อา เตเป๊อตี๊หรี่ เป เออเต๊เห่ เฮ๊อ. ▼▼ลี เด๊อ อู รา เหร่อเล๊อ อาแก่ช๊า มู๋ หนู่เค เต๊เห่เนอ, อู ฉู่โนเล๊อ โป่ เน๊อ, “แกแย เด๊อ อา โอ่เซอเพรโต ฮู๊ แหย่โยบูโพ๊ แบ่เจ่ เร๊อ อา โอ่เซอเพร ฮู๊ พ๊าหย่า อา เตซิหยื่อ หม่าโต่ เต๊เห่เนอ, จอแปแหร่ เมจากาคยา ปา ลู โต่.”
4แซ่ฮู๊ เป เก่ เมเล๊อเมบา เป่ลอ เตซว๊าเตแส่ อาเตกุย เต๊เห่เนอ, จอแปแหร่ เม เป่โทเฮ๊อ เด๊อ เปเง เฮ๊อ. เป เด๊อ อา หนิดา ครวาเม เกอ ปา เหน่กล่อพ๊าหย่า อา เตซิหยื่อซิลอ โต่ เออเต๊เห่, เร๊อ เป เม ฮู๊ แหย่โยบูโพ๊ แบ่เจ่ ยูแกล๊ยูโกล เป เออเต๊เห่ อาเงเนอ, จอแปแหร่ เม เป่โท ลอเฮ๊อ เป เฮ๊อ. 5แกแย เด๊อ อา โอ่เซอเพร ฮู๊ เหน่กล่อพ๊าหย่า อา เตซิหยื่อ มู๊แหม่ เต๊เห่เนอ, อา เตเน โชชื่อ แพ๊ เตซิหยื่อซิลอ เด๊อ อา มู๊แหม่ เต๊เห่ แพ๊. หม่าแน๊เรอ แกแย เด๊อ อา โอ่เซอเพร ฮู๊ แหย่โยบูโพ๊ แบ่เจ่ ยูแกล๊ยูโกล ลู เต๊เห่เนอ, อา เตเน โชชื่อแพ๊ ฮู๊ แหย่โยบูโพ๊ แบ่เจ่ อา เตซิหยื่อ เนอเต๊เห่ แพ๊. 6แกแย เด๊อ อา เตเน โชชื่อแพ๊ เหน่กล่อพ๊าหย่า อา เตซิหยื่อซิลอ มู๊แหม่ เต๊เห่เนอ, อา โอ่เซอเพร เต่อเกอ ปา เน๊อ จอแปแหร่ ตูจูเพร โต่ เฮ๊อ. หม่าแน๊เรอ แกแย เด๊อ แหย่โยบูโพ๊ แบ่เจ่ เป๊อหนิ ลู เหล่เตเน เต๊เห่เนอ, อา เก่ พย๊าหนิ เตโมเตเป เออตือทือ ปา. โท๊โต่ อา เก่ โอ่เต่อเกอ เร๊อ จอแปแหร่ ตูจูเพร ปา. 7เมเตเฮ๊เรอ, แกแย เด๊อ อา เตเน โชชื่อแพ๊ เหน่กล่อพ๊าหย่า อา เตซิหยื่อ มู๊แหม่รีแจ่ เต๊เห่เนอ, อา ทวาแถ่ เพร เด๊อ อา ซิเถ่ จอแปแหร่. เมเตเฮ๊เรอ อา จูเอ่ น๊อเกอ จอแปแหร่ อา เตซว๊าเตแส่ แตแค๋โต่. อา จู๋ หม่า อา จูเอ่ เบ๊เกอ แหน่ โต่โต่. 8แกแย เด๊อ อา นอเป๊อ อาเหน่ เร๊อ พ๊าหย่า อา เตซิหยื่อซิลอ มู๊แหม่ เต๊เห่เนอ, อา เมซิครือ เบ๊เกอ จอแปแหร่ แตแค๋ โต่. 9หม่าแน๊เรอ, ซีเนอ, พ๊าหย่า อา เตซิหยื่อซิลอ มู๊แหม่ เป๊อหนิเกอ ซี โต่. จอแปแหร่ อา แหย่โยบูโพ๊ เก่ โอ่เซอเพร เด๊อ ซีเหน่ลู เฮ๊เรอ, อา แหย่โยบูโพ๊ แบ่เจ่ เออเนอ เก่ เป๊อหนิ ซี ปา. อูเปเป๋ เบ่เบ่, เด๊อ อา พย๊าหนิ เกออู ครี๊ อา แหย่โยบูโพ๊ โต่ เต๊เห่เนอ อา ทวา ครี๊ อาเต หม่าโต่. 10หม่าแน๊เรอ ครี๊ เก่ โอ่เซอเพร เด๊อ ซีเหน่ลู เฮ๊เรอ, ซี แหย่โย เด๊อ อา โอ่ เด๊อ ซีเหน่ลู เต๊เห่เนอ อา เก่ เซอเพร ตูจูเพร ปา, เมเตเฮ๊เรอ จอแปแหร่ แด่จ๊อแด่เต โทเฮ๊อ ซีเฮ๊อ. เด๊อ ซี เตซื๊อ อาขว่าอาคยาเร๊อ, ซี เหน่กล่อ เออเนอ, อา เก่ เซอแก ปา หม่าแน๊เรอ ซี เก่ เซอเพร ตูจูเพร ปา. 11จอแปแหร่ เด๊อ อา เมเซอเพร กาคยา เหย่ซู่ครี๊ เด๊อ เตเซอ เออเตเพร อา แหย่โยบูโพ๊ แบ่เจ่ เก่ โอ่เซอเพร เด๊อ ซีเหน่ลู เฮ๊เนอ, ซี เหน่กล่อเออ อา เก่ เซอ เจ๊อ ปา เบ่เบ่, เด๊อ แหย่โยบูโพ๊ แบ่เจ่ โอ่เซอเพร เด๊อ ซีเหน่ลู อาขว่าอาคยา, จอแปแหร่ เก่ เด๊อะเกอ ซี ซิปล่อเซอเพร ปา. c 12เมฮู๊เนอเรอ โคแบ๊ซว๊า ซี๋, เตเม แลเบ่ เป เด๊อ เป เก่ โอ่เซอเพร ฮู๊ จอแปแหร่ อา แหย่โยบูโพ๊ เฮ๊ เป เนอ. เปโตเบ่ โอ่เซอเพร หนิ ปา ฮู๊ สุ่ยเทอพ๊าหย่า อา เตซิหยื่อ มู๊แหม่ เนอโต่เฮ๊อ. 13เมเตเฮ๊เนอ, เก่ ซี โอ่เซอเพร ฮู๊ ซี พ๊าหย่า อา เตซิหยื่อซิลอ มู๊แหม่ เฮ๊เนอ, ซี เก่ เซอแก ปา. หม่าแน๊เรอ เด๊อ จอแปแหร่ อา แหย่โยบูโพ๊ เมจว่า เฮ๊อ ซี เร๊อ ซี เก่ เมเซอแก เหน่กล่อพ๊าหย่า อา เตซิหยื่อซิลอ มู๊แหม่รีแจ่ เออเต๊เห่ เฮ๊เนอหม่า, ซี เก่ เซอเพร ปา. 14เมเตเฮ๊เรอ, แกแย เด๊อ อา โอ่เซอเพร ฮู๊ จอแปแหร่ อา แหย่โยบูโพ๊ ยูแกล๊ยูโกล ลู เต๊เห่ เนอหม่า, หม่าเฮ๊อ จอแปแหร่ อา พู๊เหมาะพู๊คู เต๊เห่ เฮ๊อ. 15เมเตเฮ๊เรอ แหย่โยบูโพ๊ แบ่เจ่ เด๊อ จอแปแหร่ เด๊อ ซี เออเนอ, อา นอโต๊โหร่ ซี, อา นอซิอิเช คยาแซ๊ ซี ฮู๊ หลู่เล๊ เนอ หม่าโต่. d หม่าแน๊เรอ, แหย่โยบูโพ๊ แบ่เจ่ เมทวาแถ่ เป่โทเฮ๊อ ซี เน๊อ ซี ทวาเฮ๊อ จอแปแหร่ อา พู๊เหมาะพู๊คู อาขว่าอาคยา, อา แด่ เฮ๊อ ซี ฮู๊ อา พู๊เหมาะพู๊คู เต๊เห่เนอ เฮ๊อ. เด๊อ แหย่โยบูโพ๊ แบ่เจ่ อาขว่าอาคยาเร๊อ, เป เอ๊ จอแปแหร่ เน๊อ, “อับบา, เพ” ฮู๊ ซีเพ เน๊อซีเหน่ เตเพร เนอหม่า อาหนิ เฮ๊อ. e 16แหย่โยบูโพ๊ แบ่เจ่ เร๊อดื่อ อา เด๊อะโล, แด๊โฉ่โล โหร่เต่อ เป่เกอโป่ เร๊อ เป ซิปล่อ เออ เร๊อ เป หม่า จอแปแหร่ อา พู๊เหมาะพู๊คู เต๊เห่, ฮู๊เนอเฮ๊อ. 17กู๊แหน่เออ เป เก่ ทวา หม่าเฮ๊อ อาพู๊อาเลอ เร๊อ อา เก่ เด๊อะ เป อา เตบุ๊ยเตเตอเรอ อู่เจเต๊เหย่ เด๊อ อา แด่ โอ่ดว๊า เป่ เป เนอเต๊เห่ ปา. อา เก่ เด๊อะเตเด๊อะบุ๊ยเด๊อะเตอเรอ เด๊อ อาพู๊อาเลอ เต๊เห่ โต พย๊าหนิ เนอเต๊เห่ ปา. โท๊โต่ อู่เจเต๊เหย่ เด๊อ อาหม่าอากลอ ตูจูเพร เออ เป เก่ พย๊าหนิ ผร่วาเกอ เร๊อ ครี๊ ปา. เก่ เป ข่าจาข่าจือ โหร่เต่อเกอ เร๊อ ครี๊ เฮ๊เรอ, เป เก่ พย๊าหนิ โหร่โต่เกอ เตเตอเรอดุทู เร๊อ อา ปา. จอแปแหร่ เก่ เด๊อะ เป เตเตอเรอดุทู
18แว ซิเง แม๊เถอะ เร๊อ เตจาเตจือ เด๊อ เป ข่าเบ่ กู๊แหน่เค เออเนอ, แว เก่ โต๊โหล่แม๊ เร๊อ จอแปแหร่ เก่ เมลีเมเตเค เป ช๋า เนอปา ตือทือ เฮ๊เรอ, แว แด่ เร๊อ เต เตอเจ๋อโต่. 19ล๋อ จอแปแหร่ แบ๊แล ส่อเหมาะเหว่โบ, เตมีเตดอ เร๊อ แกแย ปว๋า เตเพร เออเนอ, อา ซิปล่อ ฉว่า โอ่ป่อ แม๊ชือ แหน่ เจ๊อ เร๊อ จอแปแหร่ เก่ เด๊อะโลแถ่ อา พู๊เหมาะพู๊คู เต๊เห่ ปา. 20ล๋อ จอแปแหร่ แบ๊แล เต เออเต๊เห่เนอ อา เบ่ ปย๊าแก ลอ ปา. เหย่ซี ซิหยื่อ โต่เด๊อ เตปย๊าเตหลู่ ฮู๊เนอ โต่ หม่าแน๊เรอ จอแปแหร่ เมทวาลอ เหย่ซี ฮู๊ อาเต ตี๊หรี่แตแร หนื่ออื่อ เนอเฮ๊อ. f 21หม่าแน๊เรอ ล๋อ เตแบ๊ตา เออเต๊เห่เนอ, อา แม๊ชือ ปาเนอ, แซ่ฮู๊ อา เก่เซอเก่ซอ โต่ เนอ, จอแปแหร่ เก่ เมแลเปล๊กา เหย่ซี ปา เร๊อ อา เก่ เด๊อ เหย่ซี เตปาลา เร๊อ เตเตอเรอดุทู เด๊อ อาแซ่เน๊อ อาพู๊ เออเต๊เห่ ปา. 22เป ซิเง เร๊อ ล๋อ เตแบ๊ตา เออเต๊เห่เนอ, อา โปโอเปเช เกอเร๊อ ลอ อาเตเช เด๊อ อาแซ่เน๊อ เพรเหมาะ พู๊โอ่ ฮ๊อเช เร๊อ อา เอ๊โท เนอ ปา. อา โปโอเปเช โต่ แลแค ปา เจ๊อ กู๊แหน่. 23ล๋อ เตแบ๊ตา เออเต๊เห่ โปโอเปเช ตื๊อดื่อ หม่าโต่, เป ล๋อ ปลีเออ เบ่เบ่, เป โปโอเปเช เต่อเกอ ลอ ดื่อแพ๊. เป เด๊อ อา พย๊าหนิ แหย่โยบูโพ๊ แบ่เจ่ หม่าเฮ๊อ จอแปแหร่ เด๊อะครา เชหยู่ เด๊อ อาเหร่อเล๊อ เออเต๊เห่เนอ เบ่เบ่, เป โปโอเปเช เกอดื่อ เด๊อ ซิปล่อกูกู. เป โอ่ป่อแม๊ชือ โปโอเปเช เกอดื่อเฮ๊อ จอแปแหร่ เน๊อ ช๋า อา เก่ แฮ อี๊เฮ๊อ เป เร๊อ อาพู๊ ปา เตอเนอ, เร๊อ ช๋า อา เก่ แฮเด๊อะเฮ๊อ เป เหน่กล่อ อาเซ ปา เออเนอเฮ๊อ. g 24เป๊อแถ่ เบ๊อะจอแปแหร่ เมแลเปล๊กา เป เนอ, เป แม๊ชือ เด๊อ อา เก่ เม เป่ เป เออเต๊เห่ ปา. หม่าแน๊เรอ แกแย เตเพรเพร เก่ พย๊าหนิ โทเฮ๊อ เต เด๊อ อา แม๊ชือ เออเนอ, อา โหล่ โอ่ป่อแม๊ชือ ปา เร๊อ โต่ เฮ๊อ. อู โอ่ป่อแม๊ชือ เต เด๊อ อู พย๊าหนิ โทเฮ๊อเนอ อา โอ่ เตเพร่ว โต่. 25หม่าแน๊เรอ เป เก่ แม๊ชือ เต เด๊อ เป พย๊าหนิแต่ล๋าย อา โต่ เต๊เห่เนอ, เป ซิปล่อทู โอ่ป่อแม๊ชือ แพ๊. 26ฮู๊เนอเฮ๊อ, เบ๊อะเป อ๊าเจ่เหร่เจ่ เบ๊อะเนอ, จอแปแหร่ อา แหย่โยบูโพ๊ แฮ เมจว่า เป. เป โต กุยจ๊อเบ จอแปแหร่ อิเตเนอ เป ซิเงโต่ หม่าแน๊เรอ แหย่โยบูโพ๊ แบ่เจ่ อาเหน่ เร๊อดื่อ กุยเป่ เป เบ๊อะอา กุยเป่ เปเง. เบ๊อะอากุย เป่ เปเง เบ๊อะเนอ, โหง่ เด๊อ เป เฮ๊ เถ่โล แจ่โต่ เต๊เห่เนอ อา โปโอ แถ่โล เป่ เป เด๊อ จอแปแหร่ โอ่. 27โทเรอ จอแปแหร่ เด๊อ อา แม๊ปู ทื๊อเจแม๊ เป ซิปล่อ อา เหล่เตเน เออเตเพรเนอ, อา ซิเง ตาเต เต เด๊อ แหย่โยบูโพ๊ แบ่เจ่ ซิหยื่อ กุยเป่ เปเง เออเนอเต๊เห่, เมเตเฮ๊เรอ แหย่โยบูโพ๊ แบ่เจ่ กุยเป่ จอแปแหร่ อาแกแย บูโพ๊ เต๊เห่ อาเง ฮู๊ จอแปแหร่ อา เตซิหยื่อโอ่ เนอแพ๊. 28แกแย เด๊อ อา โม จอแปแหร่, เร๊อ จอแปแหร่ เอ๊ ลู เน๊อ อา เหล่เตเน แม๊ชือ หนื่ออื่อ อาเง เต๊เห่เนอ, เตเมทวาแถ่ อาเหน่ เน๊อ เหย่ซี ฮู๊เตเต๋ เบ่เบ่เนอ, จอแปแหร่ เม เป่ เตแร๊ เด๊อ เหย่ซี เง เนอหม่า, เป ซิเง แพ๊. 29เมเตเฮ๊เรอ, แกแย เด๊อ อา เตเร หยื่อเอ่ จอแปแหร่ เต๊เห่เนอ, อา ซิเง หนื่ออื่อ เร๊อดื่อเฮ๊อ. โท๊โต่ อา แด่แลหนื่ออื่อ โทดื่อเฮ๊อ อาซิปล่อ มู๋ หนู่เค เร๊อ อา เก่ นอทวาแถ่ แซ่เกอ เหย่ซี เร๊อ อาพู๊คู เออเนอ ปา. ฮู๊เนอเรอ อาพู๊คูเออ ทวาแถ่เฮ๊อ พู๊แหว่เพร่ว เตเพร เด๊อ อาโป่แหว่ โอ่โหร่โอ่เอ๊ เออเต๊เห่ อาเกล เฮ๊อ. 30โท๊โต่, แกแย เด๊อ จอแปแหร่ แด่แล หนื่ออื่อ โทเฮ๊อ อาซิปล่อ เร๊อ เหย่ซี มู๋ หนู่เค เออเต๊เห่เนอ, อา เอ๊เฮ๊อ เหย่ซี เด๊อ อา เก่ ทวาแถ่เฮ๊อ อาแกแย เฮ๊อ. โทเรอ แกแย เด๊อ อา เอ๊ เกอเร๊อ เออเต๊เห่เนอ, อา แด่จ๊อแด่เต โทเฮ๊อ เหย่ซี เฮ๊อ. โท๊โต่ แกแย เด๊อ อา แด่จ๊อแด่เต โทเฮ๊อ เออเต๊เห่เนอ, อา เด๊อะเฮ๊อ เหย่ซี เร๊อ อา เตอเรอดุเตอเรอทู เต๊เห่ เฮ๊อ.จอแปแหร่ อาเตโม
31เก่เฮ๊ฮู๊เนอเรอ, ล๋อ เตเด๊อ แว เฮ๊ เป่เฮ๊อ ซี เออเต๊เห่เนอ, เป เก่ เตเน ฮู๊เต? จอแปแหร่ เก่ โอ่เกอ เด๊อ เป ตากยา เก่เฮ๊เรอ, หม่าอูเป เตเพร เก่ ซิค๊าแจ่ปา เป เป? 32จอแปแหร่ เออเตเพรเนอ, อาพู๊ เร๊อ อาเหน่ เร๊อดื่อ เจ๊อ เร๊อ อา ซิโล เกอเร๊อ โต่. เร๊อ อา เด๊อะแลแก เจ๊อ อาพู๊ เด๊อ เป ล๋อ ปลี เต๊เห่ อาเง เจ๊อ. เก่ อา เด๊อะ ตาครา เจ๊อ เป เร๊อ อาพู๊คู เหย่ซู่ครี๊ เจ๊อ เก่เฮ๊เรอ, ล๋อ เต เด๊อ อา โอ่แก เด๊อ อาโร เต๊เห่เนอ, อา เก่ เด๊อ ตาคราโป่ เป ปา หม่าโต่ แอ? 33หม่าอูเป เตเพร เตเร แฮ แด่แจ่ แกแย เด๊อ จอแปแหร่ นว๊าแถ่ เหย่ซี เออเต๊เห่ อาเตซื๊อ เป? เพร เด๊อ อา แด่จ๊อแด่เต เหย่ซี หม่า จอแปแหร่ เฮ๊อ. 34ฮู๊เนอเรอ, หม่าอูเป เตเร เมจากาคยา เหย่ซี เป? เตเพร่ว หม่า อู เมจากาคยา แจ่หนิ เหย่ซี โต่. เมเตเฮ๊เนอ, เหย่ซู่ครี๊ หม่า เพร เด๊อ อา เซอ เด๊อ เป เตซื๊อ อาเง เตเพร, โท๊โต่ จอแปแหร่ เมเซอเพร กาคยา ลู เด๊อ เตเซอ เตเพร. เร๊อ จอแปแหร่ เด๊อ ลู เหล่โอ่ เด๊อ อากู๊ขุ จ๊อทว๊า ตากยา. แซ่ฮู๊ จอแปแหร่ เก่ เมจว่า เป เนอ, เหย่ซู่ โน กุยซิยอ เป่ เฮ๊อ เป เง เฮ๊อ. 35หม่าอูเป เตเพร ท๊อเปแกแจ่ เหย่ซู่ครี๊ อาเตโม เป เออเนอ เป? เบ๊อะเป ข่าเบ่ เจ๊อ เตแป่เตเช เบ๊อะเนอ เบ่เบ่, เตจาเตจือ เบ๊อะเนอ เนอเบ่เบ่, อู เมจาเมจือ เป เบ๊อะเนอ เบ่เบ่, เตโอ่วีโอ่กอ เบ่เบ่, โอ่แหร่กือ โอ่แหร่แซ๊ เบ่เบ่, เตต๊อหร่อเซ๊ ซิอิเช เบ๊อะเนอ เบ่เบ่, อู เมเซอ เมเหม่ เจ๊อ เป เบ๊อะเนอ เนอเบ่เบ่, อู ท๊อเปแกแจ่ เป เร๊อ เหย่ซู่ครี๊ อาเตโม เป เออเนอ เตเพร่ว โต่. 36ลีเทส่อพ๊ากู เฮ๊ เนอ,“เด๊อ ซีขว่าซีคยา เร๊อ, เป แม๊เถอะเบ่ เร๊อ เตเซอ เตอเน๋อ เหมาะเฮ๊ เจ๊อ. อู เตเน เป เร๊อ เปเออ อาแซ่เน๊อ ซิหมิ เด๊อ อู เตเร เมเซอ ลู เนอ,” h อา เฮ๊ ฮู๊เนอ. 37ล๋อ เตเออเต๊เห่ ทวาแถ่ หม่าแน๊เรอ ครี๊ เด๊อ อา โมเร๊อ เป เออเตเพร อาขว่าอาคยา, เป เก่ เมเป่ ลอหล่าตี๊กลิ แก ลอเฮ๊อ เตเออเต๊เห่ ปา. 38เตเซอ เบ่เบ่, เตเซอเพร เบ่เบ่, ม๊อขุเตเน่วพู๊ เบ่เบ่, โลเน๊มู๊แหม่รีแจ่ เบ่เบ่, เตเมทวาแถ่ อาเหน่ กู๊แหน่เออ เต๊เห่ เบ่เบ่, ช๋า เนอปา เต๊เห่ เบ่เบ่, เตโพรเตเตอเรอ เต๊เห่ เบ่เบ่, แว หยื่อเอ่ ตาเต เร๊อ อา ท๊อเปแกแจ่ เป เร๊อ จอแปแหร่ อาเตโม โต่. 39เต โอ่ เด๊อ ม๊อเล เต๊เห่ เบ่เบ่, อา โอ่ เด๊อ เห่ขุ ต๊าบ่าเออ อาเล เต๊เห่เนอ เบ่เบ่, เตแบ๊แล เด๊อ อาโร เต๊เห่ เบ่เบ่, เด๊อ เป แบ่เจ่ เหย่ซู่ครี๊ เมโท เป่เฮ๊อ เต เด๊อ เปเง อาขว่าอาคยา, ล๋อ เต เออเต๊เห่เนอ, อา ท๊อเปแกแจ่ เป เร๊อ จอแปแหร่ อาเตโม โต่.
Copyright information for
EkySCThai