Acts 2:24-32
24หม่าแน๊เร๊อ จอแปแหร่ เมเซอเพร กาคยา คยาแซ๊ อา เด๊อ เตเซอ, เร๊อ อา เมแลเปล๊กา ลู เด๊อ เตเซอ อา เตจาเตจื่อ อาเล, เมเตเฮ๊เร๊อ เตเซอ อาโหมะเพ ปื่อกลอหม่าแจ่ ปา ลู โต่ เฮ๊อ. a 25โพดาวิด เฮ๊โฉ่หนื่ออื่อ โทเฮ๊อ ครี๊ อาหรี่อาแก เร๊อ อา เฮ๊ เน๊อ, ‘แว แม๊เถอะ แบ่เจ่ อาโอ่ เด๊อ แว เป๊เส่เง ปว๋า โตโพ๊ เจ๊อ. จอแปแหร่ อาโอ่ เด๊อ แว กู๊ขุ จ๊อทว๊า ตากยา อาขว่าอาคยา, อู เมแป่เมเช แจ่ แว เตอเจ๋อ โต่. b 26ฮู๊เนอเรอ แว ซิปล่อโม ปว๋า โตโพ๊ เจ๊อ, เร๊อ เบ๊อะแว เฮ๊เบ่ เบ๊อะเนอ แว เฮ๊เบ่ โชชื่อ เจ๊อ เน๊อ เตซิครือซิลอ เจ๊อ. โท๊โต่ แว เหน่กล่อ เออเนอเบ่เบ่, แว โอ่เซอเพร เด๊อ เตแม๊ฉือ อากู ปา. 27แว ซิครือซิลอ แหน่เจ๊อ, เมเตเฮ๊เร๊อ เน วีตาแก แว ซิปล่อเซอเพร เด๊อ โลเก่เน๊ดอโต่. เน นอซอนอหล่อแก เน แกแย บูโพ๊ เออเตเพร เด๊อ โลกู โต่. 28เน เด๊อะโล โทเฮ๊อ แว แกล๊ เด๊อ อา ซูจว๊า แว เด๊อ เตเซอเพร เนอโตโบ เฮ๊อ. เน โอ่เกอ เร๊อ แว อาขว่าอาคยา, แว ซิครือซิลอ แหน่เจ๊อ,’ c โพดาวิด เฮ๊ ฮู๊เนอ.” 29เร๊อ คูเปโตร เฮ๊ คยาแซ๊ เน๊อ, “แว โป่แหว่ ซี๋, แว เก่ แด๊โฉ่โล เป่ ซี เน๊อ เปโพดาวิด เด๋องย๊าเค เตเพร อาหรี่อาแก. อา เซอ เร๊อ อู โล๊ โทเฮ๊อ ลู, เร๊อ อาโลขุเนอ อา โอ่ ตื๊อดื่อ ปา เบ๊อะเออ โต่กู๊แหน่ เจ๊อ. 30โพดาวิด หม่า เพรโพร เตเพร. จอแปแหร่ อ๊อแล โทเฮ๊อ ลู เน๊อ เด๊อ อากลุยอาแล อาเกล เตเพรเนอ, จอแปแหร่ เก่ นอทวาแถ่ ลู เน๊อ คุ๊ย เด๊อ อากู๊เหล่ เออเนอ ปาเนอ, อา ซิเง แพ๊. d 31โพดาวิด แม๊เถอะหนื่ออื่อ เร๊อ จอแปแหร่ เก่ เมเต ปา อาขว่าอาคยา, อา เฮ๊เบ่ หนื่ออื่อ เร๊อ ครี๊ เด๊อ จอแปแหร่ นว๊าแถ่ อา เน๊อ เพรเมแลเปล๊กา อู เออเตเพร อา เตเซอก๊อถ่อ เซอเพร กาคยา อาหรี่อาแก เร๊อ อา เฮ๊ เน๊อ, จอแปแหร่ วีแก แก อา เด๊อ โลเก่เน๊ดอ โต่. โท๊โต่ อา นอซอนอหล่อแก ลู โต่. e 32จอแปแหร่ เมเซอเพร กาคยา โท เหย่ซู่ เออ เด๊อ เตเซอ เร๊อ ล๋อ เป เออเต๊เห่ เนอหม่า เป ทวา เป่ ลู เพรข่าเฮ๊โล เด๊อ เป เก่ ข่าเฮ๊โล เป่ อู เร๊อ อาเตเซอ ก๊อถ่อกาคยา เออ อาหรี่อาแก.
Copyright information for
EkySCThai