Eph 6:13-17 | EkySCThai | STEP | ฮู๊เนอเรอ, ช๋า เตแป่เตเช อาม๊อเนอ แฮโต่เฮ๊อ ปา เบ๊อะเนอ, แซ่ฮู๊ ซี เก่ ก๊อถ่อ แตแน ฉื่อแร๊ เกออู, โท๊โต่ ช๋า ซี ช๊าปลื๊อช๊าโทเฮ๊อ ปาเนอ, ซี เก่ โปล๊แก แต่เหม่เนอ เร๊อ กือแซ๊แถ่ ลอ แลแค จอแปแหร่ อา โจ๊โกโจ๊เบ เออเนอ เต๊เห่.

Ephesians 6:13-17

13 ฮู๊เนอเรอ, ช๋า เตแป่เตเช อาม๊อเนอ แฮโต่เฮ๊อ ปา เบ๊อะเนอ, แซ่ฮู๊ ซี เก่ ก๊อถ่อ แตแน ฉื่อแร๊ เกออู, โท๊โต่ ช๋า ซี ช๊าปลื๊อช๊าโทเฮ๊อ ปาเนอ, ซี เก่ โปล๊แก แต่เหม่เนอ เร๊อ กือแซ๊แถ่ ลอ แลแค จอแปแหร่ อา โจ๊โกโจ๊เบ เออเนอ เต๊เห่. 14 ฮู๊เนอ อาขว่าอาคยา, ก๊อถ่อ แตแน ฉื่อแร๊ แลแค ซีเหน่. แหร่แถ่หม่า จอแปแหร่ อา เตหมะเตจ๊อ เออ เด๊อ อาแซ่เน๊อ ซี แหร่แถ่หม่าเฮ๊อท๊อ เด๊อ ซี แหง่ตา อากูเนอ นี๋. ^a กือแซ๊แถ่ อาจ๊ออาเต เออ ฮู๊ ซี กือแซ๊แถ่ จาต่อเท๊ เด๊อ อา เก่ เตเกบี๊เกอเร๊อ ซีเหน่ เออเนอ นี๋. ^b 15 แซ่เน๊อ เกลอฮู๊ ตี๊หรี่แตแร แด๊แถ่ หนื่ออื่อ แลแค อา แข่แด๊พ๊า โตโปล๊ เด๊อ อา เก่ เถ่จว๊า อาเงเนอ, ตี๊หรี่แตแร หนื่ออื่อ แลแค ซีเหน่ เร๊อ เตซิครือมีลา เด๊อ อา เด๊อะ ซี เตโส่เตเคร เตเพรเตดือ เออเนอ นี๋. ^c 16 โท๊โต่, อาแซ่เน๊อ ซี ปื่อหม่าปื่อกลอ เร๊อ เหล่โด่แด ตาตือฉื่อ เออเนอ, ตูรู๊ ปื่อหม่าปื่อกลอ หนิ แร๊ แลแค ซี เตหยื่อเตแหน่ เด๊อ อา เก่ เมปี ฉื่อแก โลเน๊ อาเปล่ หมิอือ เด๊อ อา เค๊ แฮโต ซี เนอเต๊เห่ นี๋. 17 ซิเง ตาเต แลแค เตเมแลเปล๊กา อาหรี่อาแก เด๊อ จอแปแหร่ เม เป่ โทเฮ๊อ ซี เด๊อ อาแซ่เน๊อ ซี โก่แถ่ กู๊โก่ต่อเท๊ เด๊อ อา เก่ เตเก ตาตือฉื่อ เป่ ซี เออเนอ. โท๊โต่ ปื่อหม่า แหย่โยบูโพ๊แบ่เจ่ อาเน๊ เด๊อ อา หม่าดื่อ จอแปแหร่ อาลาอาโหง่ เออเนอ นี๋. ^d