Gen 17:10-14 | EkySCThai | STEP | เตอ๊อแล เด๊อ เน เน๊อ เนกลุยเนแล ตากาแล เด๊อคยา เต๊เห่ โตเบ่ ปื่อกล๊อหม่า หนิเนอ หม่า อิเต เฮ๊เร๊อ, ซีกลุยซีแล อาเกล เพรคู เต๊เห่เนอ, อา โตเบ่ ดื๊อตีลี๊พ๊า ปว๋า เตเพร ปา.

Genesis 17:10-14

10 เตอ๊อแล เด๊อ เน เน๊อ เนกลุยเนแล ตากาแล เด๊อคยา เต๊เห่ โตเบ่ ปื่อกล๊อหม่า หนิเนอ หม่า อิเต เฮ๊เร๊อ, ซีกลุยซีแล อาเกล เพรคู เต๊เห่เนอ, อา โตเบ่ ดื๊อตีลี๊พ๊า ปว๋า เตเพร ปา. ^a 11 ซี เบ่ ดื๊อตีลี๊พ๊า, เร๊อ เตดื๊อตีลี๊พ๊า เออเนอหม่า อา เด๊อะโลเฮ๊อ เน๊อ ซี เน๊อ แว เตอ๊อแล อาม๊าอาแด เต๊อเจ่อ เฮ๊อ. ^b 12 เมฮู๊เนอเร๊อ ล๋อ เพรคู เด๊อ ซีกลุยซีแล อาเกล อา ตากาแล ตือทือ โท ตือทือ เต๊เห่เนอ, อา ดา บาเฮ๊อ เนอลุยซว๊า เฮ๊เร๊อ, อา เบ่ ดื๊อตีลี๊พ๊า. เร๊อ แกแย เด๊อ อา โอ่เป๊เจ่แล เบ๊อะ ซีหี่ด๊อกู เนอเต๊เห่ เบ่เบ่, ซีกลุยแล หม่าโต่ เนอเต๊เห่ เบ่เบ่, เทอโหร่เก่กลอพู๊ แพ๊ ตื๊อดื่อเร๊อ ซีพรี กาหนิ เหย่ซี เน๊อ รือ ฮู๊ หลู่ เนอเต๊เห่ เบ่เบ่, เหย่ซี เบ่ ดื๊อตีลี๊ ลอ พ๊า ปว๋า เตเพร. ^c 13 หลู่เพรคู เด๊อ อา โอ่เป๊เจ่แล เด๊อ ซีหี่ด๊อกู เต๊เห่เนอ เบ่เบ่, ซี พรีกา เหย่ซี เน๊อ รือ เนอเต๊เห่ เบ่เบ่, อู เบ่ ดื๊อตีลี๊ ลอ เป่ เหย่ซีพ๊า. ซี เก่ เม ฮู๊เนอเร๊อ แวเตอ๊อแล เออ อา เมม๊าเมแด เฮ๊อ, เด๊อ ซีพ๊าซีหย่าลู เฮ๊อ, เร๊อ อา เด๊อะโลแถ่ เฮ๊อ เน๊อ เตอ๊อแลเออ อา โอ่หม่าโอ่กลอ ตูจูเพร เฮ๊อ. 14 เมฮู๊เนอเร๊อ เพรคู เตเพรเพร เด๊อ อา ดื๊อตีลี๊ เกอ อู อาพ๊า โต่ เนอเต๊เห่ หม่า อา เมปย๊าแก เฮ๊อ แวเตอ๊อแล อาขว่าอาคยา, เบ่ พย๊าเถ่แก ลูมุย เด๊อ อาโคแกแย อาเกล.”