Joh 18:33-38 | EkySCThai | STEP | ฮู๊เนอเรอ คุ๊ยปีลาต โน เด๊อ อาโฮกู เร๊อ อา นอเอ๊โน อู เร๊อ แบ่เจ่ เหย่ซู่ เร๊อ อา แด๊เฮอ ลู เน๊อ, “เน หม่า แกแยยิวพู๊ อาคุ๊ย เตเพร หม่าแหน่ แอ? ฮู๊เนอ.”

John 18:33-38

33 ฮู๊เนอเรอ คุ๊ยปีลาต โน เด๊อ อาโฮกู เร๊อ อา นอเอ๊โน อู เร๊อ แบ่เจ่ เหย่ซู่ เร๊อ อา แด๊เฮอ ลู เน๊อ, “เน หม่า แกแยยิวพู๊ อาคุ๊ย เตเพร หม่าแหน่ แอ? ฮู๊เนอ.”

34 แบ่เจ่ เหย่ซู่ เฮ๊ฉื่อ ลู เน๊อ, “เออ หม่า เน เหล่เตเน เฮ๊เถ่ เกอเร๊อดื่อ แอ? หม่าโต่เรอ แกแย เตเพรเพร แฮแด๊ เป่ เน เร๊อ แวหรี่แก แอ? อา แด๊เฮอ กาคยาฉื่อ ลู ฮู๊เนอ.”

35 เร๊อ คุ๊ยปีลาต เฮ๊ ลู เน๊อ, “เน เตเน แว เร๊อ แกแยยิวพู๊ แอ? เพร เด๊อ อา ซูแฮ เน เด๊อ แวโอ่ เต๊เห่ เนอหม่า เน แกแยเมวเจอะพู๊ เร๊อดื่อ เร๊อ เน เพรหลู่แต ทวาดุทวาเต เร๊อดื่อ เนอเต๊เห่ แพ๊. เน จว๊าเมซื๊อ แคร๋ อิเตเต?” คุ๊ยปีลาต แด๊เฮอ ลู ฮู๊เนอ.

36 แบ่เจ่ เหย่ซู่ เฮ๊ฉื่อ ลู เน๊อ, “แวเทอแวเก่ หม่า เบ๊อะเห่ขุเออ หม่าโต่. เก่ อา หม่า เบ๊อะเห่ขุเออ เฮ๊เนอ, แซ่ฮู๊ แว เก่ โต่เด๊อ แกแยยิวพู๊ อา ทวาดุทวาเต เออเต๊เห่ อา กู๊ยากู แต่เหม่ เนอ, แวโค เด๊อ อา ครวาเกอ แว เต๊เห่ เก่ วื๊อฉื่อ โทเฮ๊อ เหย่ซี กอ. ฮู๊เนอเรอ แวเทอแวเก่ หม่า เบ๊อะเห่ขุเออเนอ หม่าโต่” อา เฮ๊ ฮู๊เนอ.

37 คุ๊ยปีลาต เฮ๊ ลู เน๊อ, “เก่ เฮ๊ฮู๊เนอ เฮ๊เรอ เน ทวา คุ๊ย เตเพร เฮ๊อ เนอ?” อา แด๊เฮอ ลู ฮู๊เนอ.

แบ่เจ่ เหย่ซู่ เฮ๊ฉื่อ ลู เน๊อ, “แว หม่า คุ๊ย เตเพร หม่าแหน่ ฮู๊ เน เฮ๊ เนอเฮ๊อ. แซ่ฮู๊ แว เก่ เฮ๊โฉ่เป่ อู เร๊อ เตหมะเตจ๊อ เนอเรอ, แว แฮ อากาโอ่พู๊เจแล เด๊อ เห่ขุเออ เฮ๊อ. ล๊อ แกแย โอ่เกอ เด๊อ เตหมะเตจ๊อ ตากยา เต๊เห่เนอ อา เก่ หนิดา แวโหง่ ปา” อา เฮ๊ ฮู๊เนอ.

(มัทธิว ๒๗:๑๕-๓๑, มาระโก ๑๕:๖-๒๐, ลูกา ๒๓:๑๓-๒๕)

38 คุ๊ยปีลาต แด๊เฮอ ลู เน๊อ, “เตหมะเตจ๊อ หม่า อิเตเต?” ฮู๊เนอ. เร๊อ คุ๊ยปีลาต เถ่โต คยาแซ๊ เด๊อ แกแยยิวพู๊ เออเต๊เห่ อา โอ่ เร๊อ อา เฮ๊ เหย่ซี เน๊อ, “แว เตเร เมจากาคยา อา อาเงเนอ. แว แม๊เถอะ อาเตซื๊อ เตอเจ๋อ โต่. อา เฮ๊ เหย่ซี ฮู๊เนอ.