Luk 5:12-16 | EkySCThai | STEP | โตโพ๊เค เบ๊อะเหย่ซู่ โอ่ เด๊อ วีตีวี เบ๊อะเนอ, เพร จุมู๊แหม่โอ่ เตเพร. เบ๊อะอา แม๊เถอะ เหย่ซู่ เบ๊อะเนอ, อา แด๊งือแล เด๊อ เหย่ซู่ อา กู๊โด่ช๊า, เร๊อ อา กุยซิยอ ลู เน๊อ, “แบ่เจ๋, เน เก่ ซิปล่อโอ่ แหย่โอ่เหม่ เป่ แว เตชุ๊ยเออ เฮ๊เนอหม่า เน แหย่ แจ่ แพ๊.”

Luke 5:12-16

เหย่ซู่ แหย่โอ่เหม่ แกแย เตเพร

(มัทธิว ๘:๑-๔, มาระโก ๑:๔๐-๔๕)

12 โตโพ๊เค เบ๊อะเหย่ซู่ โอ่ เด๊อ วีตีวี เบ๊อะเนอ, เพร จุมู๊แหม่โอ่ เตเพร. เบ๊อะอา แม๊เถอะ เหย่ซู่ เบ๊อะเนอ, อา แด๊งือแล เด๊อ เหย่ซู่ อา กู๊โด่ช๊า, เร๊อ อา กุยซิยอ ลู เน๊อ, “แบ่เจ๋, เน เก่ ซิปล่อโอ่ แหย่โอ่เหม่ เป่ แว เตชุ๊ยเออ เฮ๊เนอหม่า เน แหย่ แจ่ แพ๊.”

13 เหย่ซู่ บ๊อแฮ อากู๊ขุ เร๊อ อา โต่เบ่โท ลู เร๊อ อา เฮ๊ ลู เน๊อ, “แว ซิปล่อโอ่ แพ๊,” อา เฮ๊ โทเร๊อ “เตเช๋ โอ่เหม่แกม๊อ,” อา เฮ๊ โป่ ฮู๊เนอ, เร๊อ อี๊. เตชุ๊ยโอ่เหม่แก เจ๊อ.

14 เหย่ซู่ เฮ๊แก ลู โหง่ เน๊อ, “แด๊โฉ่โล เป่ แต่ อู เตเพร่ว แต่เหม่ นี๋. จว๊า เด๊อะโลแม๊ เนเหน่ เด๊อ เพรหลู่แตเต เนอเตเพร อา โอ่ เนอ นี๋. โทเร๊อ เน เตชุ๊ย โอ่เหม่เฮ๊อ เออเนอ, แซ่ฮู๊ อา เก่ เด๊อะโล เป่เกอ เด๊อ แกแย โอ่โร๊ อาเป๊เส่เง เนอเรอ หลู่แตแถ่ เกอ ฮู๊ คูโมเสส อาโหง่เฮ๊แก โอ่ เนอ นี๋.” ^a

15 อา นอเฮ๊โล อู เตเพร่ว โต่ ตื๊อดื่อเรอ แบ่เจ่ เหย่ซู่ อาหรี่อาแก เออเนอ, แกแย ลื๊อลื๊ออา แด๊โฉ่ โลปีซีจว๊า ยาเล๊อ เร๊อ อา อาเหล่โกล เนอ เจ๊อ, เร๊อ แกแย เต๊เห่ ซิหยื่อ หนิโฮ แลแค อา เตเฮ๊เบ่, โทเร๊อ อา ซิหยื่อ นอแฮ แหย่โอ่เหม่ แลแค อา เตชุ๊ยเตเช เร๊ออา แฮโหร่แฮเอ๊ แหน่เจ๊อ เด๊อ ลูโอ่เจ๊อ. 16 หม่าแน๊เรอ เหย่ซู่ เถ่จว๊าแก โตโมโม เด๊อ เก่เชเทอ แก หล่อตาม๊าขุ เร๊อ จว๊า กุยจ๊อเบ เบ๊อะเนอ.