Mar 14:3-9 | EkySCThai | STEP | เบ๊อะแบ่เจ่ เหย่ซู่ โอ่ เด๊อ ดอเบธานี คูซีโมน เด๊อ จุมู๊แหม่ เนอเตเพร อาหี่ เร๊อ อา โอ่แน เอ่ดี เด๊อ ดีเหร่ อาช๊า เบ๊อะเนอ, เพรเหมาะ เตเพร พย๊าแฮหนิ แป เด๊อ อู เม อา เร๊อ หล่อบู เด๊อ อา โอ่บา เร๊อ นาดู๊ เทอโนมื๊อ งูดุงูชอ โชชื่อแร๊ เออเนอ แตแป. อา แฮด่อเพ๊ แป กู๊อู่ เออเร๊อ อา แล๊ตา เด๊อ แบ่เจ่ เหย่ซู่ กู่กล๊อลู.

Mark 14:3-9

โปล่ เหย่ซู่ กู่กล๊อ เด๊อ ดอเบธานี

(มัทธิว ๒๖:๖-๑๓, ยอห์น ๑๒:๑-๘)

3 เบ๊อะแบ่เจ่ เหย่ซู่ โอ่ เด๊อ ดอเบธานี คูซีโมน เด๊อ จุมู๊แหม่ เนอเตเพร อาหี่ เร๊อ อา โอ่แน เอ่ดี เด๊อ ดีเหร่ อาช๊า เบ๊อะเนอ, เพรเหมาะ เตเพร พย๊าแฮหนิ แป เด๊อ อู เม อา เร๊อ หล่อบู เด๊อ อา โอ่บา เร๊อ นาดู๊ เทอโนมื๊อ งูดุงูชอ โชชื่อแร๊ เออเนอ แตแป. อา แฮด่อเพ๊ แป กู๊อู่ เออเร๊อ อา แล๊ตา เด๊อ แบ่เจ่ เหย่ซู่ กู่กล๊อลู. ^a

4 เร๊อ เด๊อ เหย่ซีเกล เต๊เห่เห่เนอ อา ซิปล่อดุ เร๊อ อา เฮ๊ เกอเร๊อลู เน๊อ, “อา จว๊า เมแกเด ลอ เทอโนมื๊อ ฮู๊เนอหม่า เมเต? 5 เทอโนมื๊อ เออแตแปเนอ อางู โอ่ เจ๊อ รือหย่า เดนาริอัน โซโจ่ย ^{▼▼รือหย่า เดนาริอัน เต๊เบ่ หม่า อา ครือแน เร๊อ เตอเนอ อาเตแร คว๊าเก่} เล๊อ เจ๊อ เนอ, อิเชแก อา เร๊อ จว๊าเด๊อ เร๊อ แกแย โซพ๊าโซแรฮู๊ เนอหมา อาแร๊เล๊อ,” เหย่ซี เฮ๊โท ฮู๊เนอ เร๊อ เหย่ซี แด่ แลแค เพรเหมาะ เนอเตเพร อา เตซื๊อ.

6 เร๊อ เหย่ซู่ เฮ๊ เหย่ซี เน๊อ, “เมดู๊แด แต่ อา เหม่. ซี จว๊า เมดู๊แด ตาตือ อา เมเต๊? อา เมดื่อ กอกอ. อา เมตว่าเมแร๊ แหน่ เจ๊อ เฮ๊อ เตเด๊อ แวเง เฮ๊อ. 7 แกแย โซพ๊าโซแรพู๊ เต๊เห่ โอ่เต่อเกอ เร๊อ ซี ปว๋า โตโพ๊ เจ๊อ. ซี เก่ ซิหยื่อ เมจว่า เหย่ ซี บ๊อเกเต๋ เนอหมา อาหนิ แพ๊, หม่าแน๊เรอ แวเออเนอ แว โอ่เต่อตี๊ตี๊ เกอ เร๊อ ซี โต่. ^c 8 เพรเหมาะ เออเนอเตเพรเนอ บ๋า อา เมเบ๊ เนอ เร๊อ อา เม โทเฮ๊อ แว เฮ๊อ. อา แฮ โปล่ แวเหน่ เร๊อ เทอโนมื๊อ เออเนอหม่า เบ๊อะอู โล๊ แต่ล๋าย แว โต่ เออเนอ อา ตี๊หรี่แตแร หนื่ออื่อ เหร่อ เฮ๊อ เต เด๊อ แวเง เฮ๊อ. 9 แว เฮ๊จ๋อ เจ๊อ ซี, ช๋า, อู เหล่ แด๊โฉ่โด่แน เฮ๊อ เตซิครือมีลา เออ เด๊อ เห่ขุ เออต๊าบ่า เบ๊อะเต๋ โต๊โผ่ เนอปา เบ่เบ่, อูเก่ เตเนแถ่ โต่เบ่หนิ อา ปา เร๊อ อู เก่ แด๊โฉ่โลหนิ เตเด๊อ อา เมโทเฮ๊อ เออเนอ ปา.”