Mark 16:14-18
เหย่ซู่ เด๊อะโล แม๊เถอะ เป อา โคเจ่ เช๊อเตเพร
(มัทธิว ๒๘:๑๖-๒๐, ลูกา ๒๔:๓๖-๔๙, ยอห์น ๒๐:๑๙-๒๓, เพรโด่แนพู๊ เต๊เห่ ๑:๖-๘)
14เด๊อ คยาโป่ โตโพ๊ เรอ เบ๊อะอา โคเจ่ เช๊อเตเพร เอ่ดี เบ๊อะเนอ, อา เด๊อะโล เป คยาแซ๊ เหย่ซี เร๊อ อาเหน่. แกแย เด๊อ อา แม๊เถอะ เหย่ซู่ เซอก๊อถ่อ เซอ เพร กาคยา เออเต๊เห่ แด๊โฉ่ เป่ เหย่ซี หม่าแน๊เรอ เหย่ซี หยื่อเอ่ แลแค อูโหง่ โต่ อาขว่าอาคยา, เหย่ซู่ ซิพรวา เหย่ซี. 15เร๊อ อา เฮ๊ เหย่ซี เน๊อ, “จว๊าปีชีลอ เด๊อเห่ขุต๊าบ่าลอ เร๊อ จว๊าเล แด๊โฉ่โด่แน เป่ ลอ อู ปว๋า เตเพร เร๊อ เตซิครือซิลอมีลา เออเนอ นี๋. a 16แกแย เด๊อ อา หยื่อเอ่ เตซิครือซิลอมีลา เออ เร๊อ อา เจอาเหน่ เร๊อ เทอ เตเพรเพร เนอ, อา เก่ พย๊าหนิ เตเมแลเปล๊กา ปา. หม่าแน๊เรอ แกแย เด๊อ อา หยื่อเอ่ โต่ เต๊เห่เนอ อา เก่ ข่าเบ่ เตเมจากาคยา ป๋า. 17แกแย เด๊อ อา หยื่อเอ่ เต๊เห่เนอ แว เก่ เด๊อะ เหย่ซี เตอเรอฉว่าชอ เด๊อ อา เก่ เมแจ่ แลแค อาโค๊ตีกลี๊ เต๊เห่ ปา. เหย่ซี เก่ เหว่เถ่เบ๊ แลแค โลเน๊ เต๊เห่ เร๊อ แวมุย เนอปา, เหย่ซี เก่ เฮ๊เบ่ แจ่ โหง่อาโร เนอเต๊เห่ ปา. 18เหย่ซี เก่ ปื่อ เจ๊อ หรู่อาแร เต๊เห่ เบ่เบ่, อา เก่ จว๊าเอ่เบ่โอเบ่ เจ๊อ เตขุมือ เต๊เห่ เบ่เบ่, อา เมแป่เมเช เร๊อ เหย่ซี เตอเจ๋อ โต่. เหย่ซี เก่ แด่แถ่ อากู๊ขุ เด๊อ แกแยชุ๊ยแกแยเช เต๊เห่ อาเหน่ลู เฮ๊เนอ, เหย่ซี เตชุ๊ยเตเช เก่ อาโอ่เหม่แก ลอ ปา.”
Copyright information for
EkySCThai