Mar 4:1-9 | EkySCThai | STEP | เหย่ซู่ เป๊อแถ่ อิซว๊า โป่ เป่ อู เด๊อ เทออ่อดุทือ เร๊อ แกแย แฮโอ่ ตาวาปลูตาวาเผ่ ลอ อา อาขว่าอาคยา, อา โน โอ่แน โอ่ เด๊อ ส่อเกลอกู เร๊อ ล๋อ แกแย เนอเต๊เห่ อา โอ่ แลแค เด๊อ เทอทือ.

โหง่ค๊าโข่ เด๊อ เพร เว๊อตา เตกลุย คยา

1 เหย่ซู่ เป๊อแถ่ อิซว๊า โป่ เป่ อู เด๊อ เทออ่อดุทือ เร๊อ แกแย แฮโอ่ ตาวาปลูตาวาเผ่ ลอ อา อาขว่าอาคยา, อา โน โอ่แน โอ่ เด๊อ ส่อเกลอกู เร๊อ ล๋อ แกแย เนอเต๊เห่ อา โอ่ แลแค เด๊อ เทอทือ. ^a

2 เหย่ซู่ อิซว๊าอี๊แส่ เหย่ซี เร๊อ โหง่ค๊าโข่ เอ๊แหน่เจ๊อ. เบ๊อะอา อิซว๊า เหย่ซี เบ๊อะเนอ, อา เฮ๊ เน๊อ,

3 “หนิดา ตาเต แลแค! เบ๊อะเนอโตโพ๊, แกแย โอ่ เตเพร, อา แฮเว๊อตา เตกลุยเตลุ๊ย.

4 เบ๊อะอา เว๊อตา เบ๊อะเนอ, เตกลุย เต๊เห่เห่เนอ, อาแล ตาโต เด๊อ แกล๊เดกู เร๊อ ถู แฮ อิโพเอ่ แก ลอ แพ๊,

5 เตกลุย เต๊เห่เห่เนอ อา แล ตาโต เด๊อ หล่อเกล เห่พ๊าบือขุ, เร๊อ เห่ ย๋อ พ๊าบือ อาคยา, อา แด๊แถ่ แพรลิ่วแพ๊.

6 เร๊ออาหรุ่ย ย๋อ ตาแย โต่ อาคยา, เบ๊อะต๊อเหมาะแถ่ เร๊อ อา ช๊ากู่โน๊ อาเหมาะ เด๊อ อาแด๊ ต๊าหม่าแถ่ เบ๊อะเนอ, อา เซอคราแก แพ๊.

7 เตกลุย เต๊เห่เห่เนอ อาแล ตาโต เด๊อ ส่อแช๊ส่อกิเกล เร๊อ ส่อแช๊เหมาะ เออเต๊เห่ ดุแถ่ แค๊บี๊ ลอปลี ลู เร๊อ อาเส่เถ่เบ๊ ตอปล๋อโต่.

8 เตกลุย เต๊เห่เห่เนอ อา แล ตาโต เด๊อ เห่หย่ารีหย่าแร๊ขุ เร๊อ อา เพ๊แถ่ดุแถ่เบ๊ เร๊อ อาเส่เถ่ หนิเอ๊ แหน่ เจ๊อ ปุ๊ยโซเชอ เต๊เห่, ปุ๊ย เชอโซซว๊า เต๊เห่, ปุ๊ย เตเย เต๊เห่ เจ๊อ.”

9 โทเรอ อา เฮ๊ เน๊อ, “แกแย เด๊อ อากู๊หลิโก่ โอ่ เต๊เห่เนอ, นอ หนิดา แลแค เหย่ซี.”

Mark 4:1-9

โหง่ค๊าโข่ เด๊อ เพร เว๊อตา เตกลุย คยา

(มัทธิว ๑๓:๑-๙, ลูกา ๘:๔-๘)