Matthew 12:38-42
อู กุยแม๊ เตเมโค๊ตีกลี๊ เต๊อเจ่อ
(มาระโก ๘:๑๑-๑๒, ลูกา ๑๑:๒๙-๓๒)
38โทเรอ ฟาริสี เร๊อ เพรอิซว๊า เตซว๊าเตแส่ อาซ๊าร๊า เต๊เห่ เฮ๊เบ่ เหย่ซู่ เน๊อ, “ซ๊าร๊า, เน เด๊อะโล เป่ แม๊ เป เตโค๊ตีกลี๊ เต๊อเจ่อ แต๋, เป ซิหยื่อ แม๊เถอะ ลา ว๊า.” a 39เร๊อ อา เฮ๊ฉื่อ เหย่ซี เน๊อ, “แกแยมู๊แหม่, แกแย เด๊อ อาจ๊อ เกออู เร๊อ จอแปแหร่ โต่ เออเตอทือ เต๊เห่ จว๊ากูยแม๊ โต่ แว เตโค๊ตีกลี๊ เต๊อเจ่อ, หม่าแน๊เรอ แว เก่ เด๊อะโล เป่ตื๊อแพ๊ เหย่ซี เตโค๊ตีกลี๊ เต๊อเจ่อ เด๊อ อา แซ่ เน๊อ เพรโพรคูโยนาห์ เนอ ปาแพ๊. b 40เมเตเฮ๊เรอ, ฮู๊ คูโยนาห์ โอ่ เด๊อ เต๊วดุ ฮ๊อกู โซเนอโซเซ เนอ, แกแยเห่ขุ อาพู๊คู หม่า เฮ๊อ แว เออ อา เก่ โอ่เกอดื่อ เด๊อ โลกู โซเนอโซเซ ปา. c 41เด๊อ คูโยนาห์ แด๊โฉ่โด่แน โล เป่ แกแย วีนีนะเวห์ เต๊เห่ เร๊อ อา ถู่แหล่แต๊แกละ ลอปลี อาซิปล่อ อาขว่าอาคยา, ช๋า ม๊อเนอ จอแปแหร่ เมจากาคยา อู ปา แฮโต่เนอ, วีนีนะเวห์พู๊ เต๊เห่ อา ก๊อถ่อ เต่อเกอ เร๊อ แกแย เด๊อ อา เซอเพร กู๊แหน่ เออเตอทือ เต๊เห่ ปา, เร๊อ อาเก่ แด่ เหย่ซี เตซื๊อ ปา. กู๊แหน่เออ, แกแย เด๊อ อาดุเล๊อ เน๊อ คูโยนาห์ เนอ, อา โอ่ เบ๊อะเออ เตเพร. d 42เบ๊อะเมจากาคยา อาม๊อเนอ ปา เตอเนอเนอ, เก่ เด๊อ ชิแล ตากยา อาคุ๊ยโหมะ เหมาะเชบา เก่ ก๊อถ่อ เต่อเกอ เร๊อ แกแย เด๊อ อา เซอเพร กู๊แหน่เออ ตือทือ เต๊เห่ ปา, เร๊อ เก่ แด่เตซื๊อ เด๊อ เหย่ซี เออเต๊เห่ อาเหน่ลู ปา, เมเตเฮ๊เร๊อ แซ่ฮู๊ คุ๊ยโหมะ เหมาะเชบา โอ่เด๊อ อายา อาแฮ ซิหยื่อหนิดา คุ๊ยซาโลมอน อา เตอิซว๊าอี๊แส่ เตลีแม เออเต๊เห่ อาเงเนอ, อา โอ่ เจ๊อ เด๊อ เก่ ยา เด๊อ อาโร เต๊เก่ ตื๊อดื่อเรอ อา แฮ เจ๊อ. เร๊อ แวเฮ๊ ซี, แกแย เด๊อ อาดุเล๊อ เจ๊อ เน๊อ คุ๊ยซาโลมอน เนอ อา อาโอ่ เบ๊อะเออ เตเพร, หม่าแน๊เรอ ซี หยื่อเอ่โต่. e
Copyright information for
EkySCThai