Matthew 13:1-9
เตโด่แน ค๊าโข่ แกแยเพ เตเพร เว๊อตา เตกลุย อาหรี่อาแก
(มาระโก ๔:๑-๙, ลูกา ๘:๔-๘)
1เบ๊อะเนอ เตอเนอเฮ๊อ, แบ่เจ่ เหย่ซู่ เถ่จว๊าแก เบ๊อะหี่เนอ เตเม อากู เร๊อ อา จว๊า โอ่แนโอ่ เด๊อ เทอดุซาวาทือ. 2แกแย แฮโอ่ ตาวาปลูตาวาเผ่ ลอ ลู เร๊อ อา จว๊าโน โอ่แนโอ่ เด๊อ ส่อเกลอกู. แกแย เบ๊หมู่ เต๊เห่ ลาติ เร๊อ อา ก๊อถ่อโอ่ ลอปลี เด๊อ เทอดุซาวาทือ. a 3เร๊อ อา แด๊โฉ่ เอ๊ เป่ ลา เหย่ซี เร๊อ เตโด่แน ค๊าโข่ เต๊เห่, เร๊อ อา เฮ๊ เหย่ซี เน๊อ, “หนิดา ตาเต แลแค! มู๋หนู่เค, เพรเมกู่เกล โอ่ เตเพร. เร๊อ เตอเนอเค อา แฮ เว๊อตา เตกลุย. 4เร๊อ เบ๊อะอา แฮเว๊อตา เตกลุย เนอ, เต๊เห่เห่เนอ อา ลูตาโต เด๊อ แกล๊เดกู, เร๊อ ถู่พู๊โหย่พู๊ เต๊เห่ แฮอิโพเอ่แก ลอ ลอ ลู. 5เต๊เห่เห่เนอ อา ลูตาโต เด๊อ หล่อเกล เห่ขุพ๊าบือ อาเหล่โอ่ เนอ. เร๊อ เห่ขุ ย๋อ พ๊าบือ อาขว่าอาคยา, อา แด๊แถ่ แพร ลิ่ว. 6หม่าแน๊เรอ อาหรุ่ย ย๋อ ช๊าตาแย โต่ อาขว่าอาคยา, เบ๊อะต๊อเหมาะ ช๊าเบ่ ลู เบ๊อะเนอ, อากู่ลว๊า ลอ อาเหมาะ เต๊เห่ เร๊อ อาโน๊ แฮลอปลี. 7เตกลุย เต๊เห่เห่เนอ, อา ลูตาโต เด๊อ ส่อแช๊ส่อกิเกล เร๊อ ส่อแช๊เหมาะ เออเต๊เห่ ดุแถ่ แค๊บี๊ ลอ อาเหมาะ ปีตี๊ เออเต๊เห่. 8หม่าแน๊เร๊อ เต๊เห่เห่เนอ อา ลูตาโต เด๊อ เห่หย่ารีแร๊ขุ เร๊อ อา แด๊แถ่ เร๊อ อาเส่อาโพเถ่ โอ่เอ๊แถ่ อาโพ๊ เตเย, อาโพ๊ เชอโซซว๊า, อาโพ๊ โซเชอ. 9แกแย เด๊อ อากู๊เหล่โก่ เก่ อาโอ่ เร๊อ หนิดา ดื่อ นี๋”
Copyright information for
EkySCThai