Matthew 13:53-58
วีนาซาเร็ธพู๊ เอ๊ฉื่อ แบ่เจ่ เหย่ซู่ โต่
(มาระโก ๖:๑-๖, ลูกา ๔:๑๖-๓๐)
53เบ๊อะแบ่เจ่ เหย่ซู่ แด๊โฉ่ เป่ โทลอเฮ๊อ เหย่ซี เร๊อ โหง่ค๊าโข่ อา เถ่จว๊าแก เบ๊อะเนอ. 54เร๊อ อา กาคยา คยาแซ๊ เด๊อ อาดอ อาโฉ่ เร๊อดื่อเนอ, เร๊อ อา กา เป๊อแถ่ อิซว๊าอี๊แส่ หนิเป่ อาดอพู๊โฉ่พู๊ เต๊เห่ เด๊อ เหย่ซี เตจ๊อเบโฮกู เร๊อ เหย่ซี คย๊าอายื๊อ ลอปลี, เร๊อ อา เฮ๊ เน๊อ, “แกแย เออเตเพร จว๊าเมแจ่ โต่ เตโค๊ตีกลี๊ เออเต๊เห่ เนอหม่า อา จว๊าพย๊าหนิ โต เตลีแมลีเพ๊ เออเนอ เร๊อ เตโพรฉว่าชอ เออเนอ เบ๊อะเตเต แฮ๋? 55อา หม่า เพรเมแจ่หี่ เนอเตเพร อาพู๊ แวเฮ๊โต่? อาโหมะ หม่า อามุย เร๊อ มารีย์โหมะ แวเฮ๊โต่? อาโป่ หม่า คูยากอบ, คูโยเซฟ, คูซีโมน เร๊อ คูยูดาส เนอเต๊เห่ แพ๊ แวเฮ๊? 56ล๋อ อาโป่เพรเหมาะ เนอเต๊เห่ หม่า เป ดอกูโหมะ แพ๊ แวเฮ๊แต๋? เร๊อ อา จว๊า พย๊าหนิโต เตเออ เต๊เห่ เบ๊อะเต?” 57เร๊อ เหย่ซี เฮ๊ แลแค ฮู๊เนอ. โท๊โต่ เหย่ซี เอ๊โมฉื่อ เหย่ซู่โต่, เร๊อ เหย่ซู่ เฮ๊ เหย่ซี เน๊อ, “แกแย เด๊อ อา แด่หยื่อแด่แหน่ หนิเกอเร๊อ เพรโพร โต่ เต๊เห่ เนอหม่า ตื๊อแพ๊ อา ดอกูพู๊ เร๊อดื่อ เร๊อ อาหี่ด๊อ หี่แพ เร๊อดื่อ เต๊เห่ แพ๊.” a 58แกแย เบ๊อะเนอ เต๊เห่ ย๋อ หยื่อเอ่เกอ แบ่เจ่ เหย่ซู่ โต่ อาขว่าอาคยา, อา เด๊อะโลแพ๊ เตโค๊ตีกลี๊ เนอเต๊เห่ ตี๊กิ แพ๊.
Copyright information for
EkySCThai