Matthew 15:21-28
คานาอัน เมวเจอะโหมะ เตเพร อาเตหยื่อ
(มาระโก ๗:๒๔-๓๐)
21แบ่เจ่ เหย่ซู่ เถ่จว๊าแก เร๊อ เหล่โอ่ เบ๊อะอา โอ่ผื่อ เตวิตาวา เร๊อ วีไทระ เร๊อ วีไซดอน เนอโต๊โผะ. 22เร๊อ คานาอัน เมวเจอะโหมะ เด๊อ อา โอ่ เด๊อ เก่เบ๊อะเนอ เตเพร แฮ เด๊อ แบ่เจ่ เหย่ซู่ อา โอ่ เร๊อ อา แฮ เอ๊โท กุย ซิยอ แถ่ ลู เน๊อ, “เก๋อ แบ่เจ่, คุ๊ยดาวิด อาพู๊คู๋, ซิยอ เร๊อ แว นี๋, โลเน๊ เมเบ่ แวพู๊เหมาะ เร๊อ อา เมหน่า แหน่เจ๊อ.” 23หม่าแน๊เรอ แบ่เจ่ เหย่ซู่ เฮ๊ฉื่อ ลู ตือมื๋อ โต่. เร๊อ อา โคเจ่ เต๊เห่ แฮ เร๊อ กุยซิยอ ลู เน๊อ, “นอ กาแก เพรเหมาะ เนอ เตเพร, อา ครอครวา เอ๊โทเอ๊โม ตื๊อดื่อ เกอ เป เนอ.” 24เร๊อ แบ่เจ่ เหย่ซู่ เฮ๊ฉื่อ เพรเหมาะ เออเตเพร เน๊อ, “จอแปแหร่ นอแฮ ตื้อแพ๊ แว เด๊อ อิสราเอลพู๊ เด๊อ อาแซ่เน๊อ ซิหมิ โอ่เหม่ เต๊เห่ อาเง แพ๊.” 25เร๊อ เพรเหมาะ เออเตเพร แฮ แด๊งือแล เด๊อ แบ่เจ่ เหย่ซู่ เบ๊เง เร๊อ อา เฮ๊ ลู เน๊อ, “เก๋อ แบ่เจ่, แด่ทูซิปล่อ เร๊อ เมจว่า เหร่อ แว นี๋” 26เร๊อ แบ่เจ่ เฮ๊ฉื่อ ลู เน๊อ, “เป พย๊า เปพู๊ อาเหล่เอ่ เร๊อ โบ่เอ่แก เร๊อ ถุ่ยเต๊เห่ เนอหม่า อา ต่าโต่.” 27เร๊อ อา เฮ๊ฉื่อ เน๊อ, “อาหม่าเฮ๊อ, แบ่เจ๋ หม่าแน๊เรอ ถุ่ยเต๊เห่ เนอหม่า อา เอ่น๊อ แหน่แพ๊ อาแหน่แบ่เจ่ อาเต ตาโก่ตาเว เด๊อ ดีเหร่เล เนอเต๊เห่ แพ๊.” 28เออโตโพ๊เรอ, แบ่เจ่ เหย่ซู่ เฮ๊ฉื่อ ลู เน๊อ, “เพรเหมาะ, เน เตหยื่อเตแหน่ ชอแหน่เจ๊อ! ฮู๊ เน กุย เร๊อ อา เก่ ทวา เป่ดื่อ เน นี๋.” อา พู๊เพรเหมาะ โอ่โมโอ่แร๊ กา ผรว่า เจ๊อ เบ๊อะแบ่เจ่ เฮ๊ ลู อาเค เนอ เจ๊อ.
Copyright information for
EkySCThai