Matthew 16:5-12
ฟาริสีพู๊ เต๊เห่ เร๊อ สะดูสีพู๊ เต๊เห่ อาโฮหมื่อ
(มาระโก ๘:๑๔-๒๑)
5เบ๊อะเหย่ซี เถ่จว๊าเบ๊ โทเฮ๊อ เทออ่อดุ เบ๊อะเนอ, อา โคเจ่ เต๊เห่ โชตาปา ฉู่จว๊าหนิ ค๊อมู. 6แบ่เจ่ เหย่ซู่ เฮ๊ เหย่ซี เน๊อ, “รอหนิ แลแค ฟาริสีพู๊ เต๊เห่ เร๊อ สะดูสีพู๊ เต๊เห่ อาโฮหมื่อ เนอ นี๋.” a 7เร๊อ เหย่ซี โด่แน เกอเร๊อ ลู เหย่ซู่ เฮ๊ โหง่ เออเนอ เตเพร เน๊อ เตเพร เร๊อ อา เฮ๊ แลแค ฮู๊เออ, “แบ่เจ่ เฮ๊ เป ฮู๊เออเนอหม่า, หม่าเด๊อ เป โชตาปา พย๊าจว๊าหนิ เป่ ลู ค๊อมูเนอ เฮ๊อ.” 8แบ่เจ่ เหย่ซู่ ซิเง เร๊อ เหย่ซี เฮ๊เบ่ ลู เร๊อ ค๊อมู อาหรี่อาแก อาขว่าอาคยา, อา แด๊เฮอ เหย่ซี เน๊อ, “แกแย เตหยื่อ ปีตี๊ ซี๋, หม่าเมเตเน๊อ ซี จว๊าโด่แน เกอเร๊อ เป่ลู เนอ ซี โชตาปา พย๊าจว๊าหนิ ค๊อมู อาหรี่อาแก ฮู๊เต? 9โต่กู๊แหน่เรอ ซี ซิเงโปล เป่ เกอแหน่ แลอู โต่ แอ? เบ๊อะแว เด๊อะเอ่ ค๊อมู แงกล่อ เร๊อ แกแย แงรี๊ เบ๊อะเนอ, ซี พย๊าดว้าปล๊อ คยาแซ๊ อา โอะแกเล๊อ เนอเต๊เห่เรอ อา โอะ บ๊าขริเต เนอหม่า ซี โชตาปาเฮ๊อ แอ? b 10หม่าโต่เรอ เบ๊อะแว เด๊อะเอ่ แกแย ลุยรี๊ เร๊อ ค๊อมู โซซว๊าต๊อกล่อ เบ๊อะเนอ, ซี พย๊าดว้าปล๊อ คยาแซ๊ อา โอะแกเล๊อ เนอเต๊เห่เรอ อา โอะ บ๋าครี่ เต, ซี โชตาปา เฮ๊อ แอ? c 11แว เฮ๊ ค๊อมู อาหรี่อาแก หม่าโต่, เนอหม่า ซี โต ซิเง เกอเฮ๊อ อู เฮ๊อ. แว เฮ๊ ซี, รอหนิ แลแค ฟาริสีพู๊ เต๊เห่ เร๊อ สะดูสีพู๊ เต๊เห่ อาโฮหมื่อ เนอ นี๋.” 12เบ๊อะเนอเค เหย่ซู่ โคเจ่ เต๊เห่ ซิเงโปลแฮ เร๊อ แบ่เจ่ เหย่ซู่ นอ รอหนิ เหย่ซี เร๊อ โฮหมื่อ เด๊อ อู เม โต๊โผ่ ดุแถ่ อา เร๊อ ค๊อมู เนอ หม่าโต่. อา นอรอหนิ เหย่ซี เร๊อ ฟาริสีพู๊ เต๊เห่ เร๊อ สะดูสีพู๊ เต๊เห่ อา เตอิซว๊าอี๊แส่ เต๊เห่ เนอแพ๊.
Copyright information for
EkySCThai