Matthew 22:15-22
แกแยยิวพู๊ เต๊เห่หม่า อา โตเบ่เด๊อ คุ๊ยซีซาร์ อาหมู่อาร๊า แอ?
(มาระโก ๑๒:๑๓-๑๗, ลูกา ๒๐:๒๐-๒๖)
15โทเรอ แซ่ฮู๊ ฟาริสีพู๊ เต๊เห่ เก่ ปื่อหนิ แบ่เจ่ เหย่ซู่ เฮ๊เบ่ซื๊อ โหง่ เต๊เห่ อาเงเนอ, เหย่ซี เถ่จว๊า โอ่กู๊โอ่แก๊ เกอ เร๊อ ลู. 16เหย่ซี นอจว๊า เต่อเกอ อา โคเจ่ เต๊เห่ เนอ คุ๊ยเฮโรด ตู๊หมู่ตอกล๊อ เต๊เห่ เด๊อ แบ่เจ่ อา โอ่ เร๊อ เหย่ซี จว๊าเฮ๊ แบ่เจ่ เน๊อ, “ซ๊าร๊าดุ, เป ซิเง เร๊อ เน หม่า แกแย จ๊อจื้อเจ๊อ เตเพร. เน อิซว๊า เจ๊อ อู ฮู๊ จอแปแหร่ ซิหยื่อ นอ โอ่ เซอเพร อู เนอเต๊เห่เจ๊อ. เน ด๋า อิซว๊าอี๊แส่ อู เฮ๊ เร๊อหม่า เน อิซว๊า เป่แพ๊ อู เตจ๊ออาเต แพ๊. แกแย เห่ขุพู๊ เต๊เห่ เตเน เจ๊อ เน ฮู๊ เต๋ เบ่เบ่, เน ซิอิเช เกอ อู เตอเจ๋อ โต่. เน แม๊ดุ แม๊ปีตี๊ เกออู โต่โต่. 17ฮู๊เนอเรอ เน เฮ๊เป่แม๊ เป เออเต๊อเจ่อ, หม่า เน เตเน ฮู๊เต? หม่า เป โตเบ่ เด๊อะ โรมัน อาคุ๊ยดุ ซีซาร์ อาหมู่อาร๊า แอ? หม่า เป โตเด๊อะ โต่ แอ?” 18หม่าแน๊เรอ แบ่เจ่ เหย่ซู่ ซิเงหนื่ออื่อ โทเฮ๊อ เด๊อ เหย่ซี เหล่เตเน เตเร ปื่อ ลูโหง่ เร๊อ อา เฮ๊ฉื่อ เหย่ซี เน๊อ, “แกแย เกลแอ๊จ๊อแอ๊เต เหน่ ซี๋, หม่าเมเตเร๊อ ซี แฮเจ แม๊ปื่อแว เตซื๊อ เมเต? 19เด๊อะโล เป่แม๊ แว รือหย่า เด๊อ ซี เด๊อ เร๊อ อาหมู่อาร๊า เออเนอ,” เร๊อ เหย่ซี แฮเด๊อ ลู รือหย่า เดนาริอัน เต๊เบ่. 20เร๊อ อา แด๊เฮอ เหย่ซี เน๊อ, “เออ หม่า อูเป กู่กล๊อแหย่โย เป? อา ราโอ่ เรอ อูเป อามุย เป?” 21เร๊อ เหย่ซี เฮ๊ฉื่อ เน๊อ, “คุ๊ย ซีซาร์ อา กู่กล๊อแหย่โย เร๊อ คุ๊ยซีซาร์ อามุย.” โทเรอ แบ่เจ่ เหย่ซู่ เฮ๊ฉื่อ เหย่ซี เน๊อ, “คุ๊ยดุ ซีซาร์ อาเต เก่เฮ๊เรอ เด๊อ เร๊อ คุ๊ยดุเนอ, จอแปแหร่ อาเต เก่เฮ๊เรอ เด๊อ เร๊อ จอแปแหร่ เนอ.” 22เบ๊อะเหย่ซี หนิโฮ เหย่ซู่ เฮ๊ ฮู๊เออ เบ๊อะเนอ, อาคย๊าอายื๊อ แหน่ เจ๊อ เร๊อ เหย่ซี เถ่กา ตาพาแก ลอ ลูเหล่.
Copyright information for
EkySCThai