Matthew 22:41-46
เมสิยาห์ หม่าเฮ๊อ เพรเมแลเปล๊กา เตเพร หม่า อูเป อากลุยอาแล เป?
(มาระโก ๑๒:๓๕-๓๗, ลูกา ๒๐:๔๑-๔๔)
41เบ๊อะ ฟาริสีพู๊ จว๊า โอ่ปล๊อโอ่ปลู่ ลอ ลู เบ๊อะเนอ, แบ่เจ่ เหย่ซู่ แด๊เฮอ เหย่ซี เนอ, 42“ครี๊ เด๊อ อาเมแลเปล๊ กาอู เออเตเพร อาหรี่อาแก เนอ, ซี เตเน ลู ฮู๊เต? อากลุยอาแล ตากาแล เด๊อ อูเป โอ่เป?” เร๊อ เหย่ซี เฮ๊ฉื่อ เน๊อ, “คุ๊ยดาวิด อากลุยอาแล.” 43เร๊อ อา เฮ๊ เหย่ซี เน๊อ, “เก่ เมฮู๊เนอเรอ หม่าเมเตเร๊อ แหย่โยบูโพ๊ แบ่เจ่ นอ ดาวิด เร๊อ อา จว๊านอ เอ๊โต่ ครี๊ เออเนอ เน๋อ, ‘แบ่เจ่’ ฮู๊เนอ เมเต? เมเตเฮ๊เรอ อา จว๊าเฮ๊ โต่ เนอ, 44‘จอแปแหร่ เฮ๊ แว แบ่เจ่ เน๊อ, “เบ๊อะแว เมเป่ ลอหล่าตี๊กลิ แต่ล๋าย เพรซิเถ่ ซิฮา ▼▼กย๊าตางา
เน เนอเต๊เห่ เร๊อ แว แด่โอ่ลอ เหย่ซี เด๊อ เน กู๊ยาเล ล๋ายโต่ เนอ, โอ่แนโอ่ เด๊อ แว กู๊ขุ จ๊อทว๊า เออเตอกยา.”’ b 45เร๊อ เก่ คุ๊ยดาวิด เก่ เอ๊ ลู เน๊อ, ‘แบ่เจ่’ เก่เฮ๊เรอ อา จว๊า ทวา แจ่ คุ๊ยดาวิด อาพู๊คู ฮู๊เต?” 46อู เฮ๊ฉื่อ กาคยา แจ่ ปา ลู เตเพร่ว โต่. เป๊อแถ่ เบ๊อะเนอ เตอเนอ ตาเป่แฮ เนอ อู แด๊เฮอบื่อ ปา ลู เตเพร่ว โต่.
Copyright information for
EkySCThai