‏ Acts 10

Malaika Wa Ɓe Koniliyus Aba

1Italiya yi ʼza ɓo dna n Kaisari- ya ai yi wo ge, Koniliyus, wo ɓei zhin soja tukwo da nu. 2Wo ɓei zhin oza nu nwo wo Shekwoyi edna duk n wo puwayi, woi ga sadaka dai-dai, woi zhin aduwa cici. 3N Iwyihoi n wyeshe yi wa gye ruya, malaika wa ɓe wo aba.

4Malaika gna wo ge, owo sadaka n aduwa yi ɓa ku si Shekwoyi aba.

5– 6Tnu oza wa lo Joppa wo yi Bitrus ɓe cei, wo dna lo n Siman pa bmiyi puwa, wa e ho puwa.

7Shi malaika ɓo la wonya lo, Koniliyus wayi wo afyenu ngun aba ɓedo n soja yi gmanyi. 8Wa da ɓa nya ko ku zhin wa tnu ɓa, ɓa lo Jop-pa.

9– 10Nyipyei bayi ɓai ku wu vivi n Joppa yi, dei-dei n sayi yi Bitrus wa zhin aduwa mikun ɓei gun wo, n sayi sai wagye ngye wo nuna.

11Wagye eshe la guya, wa gye kwanu dnagmayi kwoi ɓe kni. 12Wa gye abu gbo-gbo nfi, alu n awa i, n na nya yi n na ta ye ge a Yahudiyi ɓa gyi m.

13Wa wo ai da wo ge, lo ho kni hawu, ha gyi.

14Wa gna awo Dagayi ho kpe lo ge shi a mami, mi to shin ɓa gyi m ntu ge eyi awyidna ta ye ge yi gyi ɓam.

15Wa wo ai je wo da ge, to pmi Shekwoyi ɓeda bma m, n dei nya wa dage kwo gyi-gyi-yi lo kwo zhin gyi-gyi-yi nu.

16Wagye deye har abwa ata. Kafin a la kwo lo cei n she njesun. 17Bitrus wa damu, To wa kpe ɓo ye n ko nyi m. Dei-dei n sayi yi a tnu-tnu yi ai si puwa n wo ei dna nyi.

18Ba nya ɓo kwo gye Bitrus dna lo.

19Bitrus woi dna woi zhin nubo tu n nya nwa gye nyi. Zafun Gyi-gyi-yi wa da wo ge aza zhi lo ɓai ye ho. 20Lo da ɓa ha gni lo n ɓai, mi na tnu ho.

21Bitrus wa shin lo wa gna ominu zhin oza fye ye nyi, kniyi nu a?

22Ɓa gna wo soja tukwoda ɓo nu, Shekwoyi dnawoyi ngye shi malaika ɓe wo aba wa wu wo Bitrus aba wa ɓe ntu ge wa wu wo enya n Shekwoyi ye wa zhin.

Bilrus Wa Lo Koniliyus Puwa

23Ba ku wangye n Joppa, n labm yi wa gni lo n ɓai ɓedo na Yesu viyi hoi n Joppa.

24Nyipyei bayi ɓa si Kaisariya, Koniliyus woi shi wo pmi ɓa, shi ɓa ɓo ɓe wa yi wo azaje n anugundo yi ntu ge ɓa wo Bitrus ɓeda. 25– 26Shi Bitrus ɓei lo Koniliyus puwa, Koniliyus wa yashi wa ga Bitrus mwa-mwa. Bitrus wa gna wo ge wo la laka ntu ge mi to zhin Shekwoyi, nu m.

27Wa laka gni ɓa da ɓo na jei fyewyi, ɓa lo aba n aza ɓo yezhi nyi.

28Bitrus wa gna ge fye kpe lo ge a Yahudiya yi awyidna ta ye ge yi lo abye do puwa m. Amma Shekwoyi ku wumi dna n ruya ge mi to ci zaho-zahoi wyegba m. 29Ce na zhin mi ɓe wolo-wolo. Fye ye kni nya?

30Koniliyus kwa wa gna, “Anyipyei ngun-anyi n sayi mi yi dna mi-i zhin aduwa ma gye oza gni n ma bye, aje bui-bui yi kpe. 31Wagna mi ge omi aduwa n sadaka yi ɓa ku si Shekwoyi aba. 32Wa gna mi ge, Mi tnu Siman Bitrus ɓo n Joppa, wo dna lo n dna gbe n Siman pabmiyi puwa. 33Ce nu a zhin ma tnu ho ɓo hoi e. Yi zhi yi pmi ho nu ya wo enya n Shekwoyi ye ha gna yi.”

34Bitrus wa gna mi ku gye a Yahudiyi nu to zhin aza n Shekwoyi ye gmanyi m. 35Dna abye doho-doho yi Shekwoyi na za yi lo ɓai ga wo mwa-mwa, ɓai zhin ɓe manayi wohin kwa woi gwo ɓa.

36– 37Ho ku nabari manayi wo a Israilayi salama n Shekwoyi yi dna n Yesu eye kwo? Almasihu nu zhin Dagayi anyi zhinyi. Nabari ye la gnami vinya n Yahudiya kwoi ya n Yohanna batisma yi dna Galili. 38Ho kpe lo ge Zafun Gyi-gyi-yi ɓo gnisun n Yesu yi, wa ga wo iko woi ka aza gna du azayi n ɓa aljanu yi, ntu ge Shekwoyi ɓo kunsun n woi.

39Eyihin abara yi zhin aseida da nu, tu aɓe deye n wo ɓei zhin dna Israila ɓedo n Urushelima yi, aba a ɓo wu wo tu n zundu nyi.

40– 41Anyipyei ngun ata avun, Shekwoyi wa je wo wye-wyeyi ga wa wu wohin tukwo aza aba. To ge aza vinya m, sai dai eyi n yi ɓo gyi ya sin, n gnisun n woi, woi la lakala ev-ingwo nyi. 42Wa tnu yi ntu ge ya zhin waʼazi ge Shekwoyi la Yesu ze wadayi. Anyi nya vinya awye-wyei da na fifiyi. 43Anabi vinya ɓo ku ka tu nwo tukwo ɓa gna ozaho-zaho nwa ga gaiciya, aba zhinwo alaifi gafara dna Yesu ye.

44Shi Bitrus ɓo da lo nu, Zafun Gyi-gyi-yi wa ɓe kpe nɓa vinya, n ɓa ɓo wo wo nyi. 45Ce a wo a Yahudiyi n ɓa ɓo kun ɓe n Bitrus yi nyi, ɓa to ɓo kpe ge aɓa ga abye do Zafun Gyi-gyi-yi m.

46– 47N tna jeje ɓawo ai da ɓo anyitalayi gbo-gbo ɓai ci Shekwoyi. Bitrus wa nya ge, “Zaho lo nwo ɓa wo ɓi ge mi to zhin ɓa batizma m, ɓai la Zafun Gyi-gyi-yi gwo ngye yihin?” 48Sai wa zhin ɓa batizma dna n Yesu Masihu ye. Koniliyus wa gna Bitrus ge wo la dna kpa n ɓai anyipyei fyewyi.