1Jo 1 | HUI | STEP | Mbirale bibahende nawingi haabo holene Bi ibu hene. Iname Bi ogoni hale howabi deme hondowabi gime ela howabi tíhondo beba gilibu wia haramagoni.

a 1.1Yo 1.1-4, 1.14, 20.27, 2 Pi 1.16, 1 Yo 2.13-14

b 1.2Yo 1.14, 21.24, Ab 2.32, Lm 16.26

c 1.3Yo 17.21, Ab 4.20, 1 Ko 1.9, 1 Yo 2.24

d 1.4Yo 15.11, 16.24, 2 Yo 12

e 1.5Yo 1.9, 9.5, 12.35-36, 1 Ti 6.16, Ya 1.17, 1 Yo 3.11

f 1.62 Ko 6.14, 1 Yo 2.4

g 1.7Ais 2.5, Yo 3.21, Eb 1.7, Hi 9.14, 1 Pi 1.19, Mo 1.5, 7.14

h 1.8Yob 9.2, Iba 32.5, Min 28.13, Ya 3.2, 1 Yo 2.4

i 1.9Iba 51.2, Min 28.13, 1 Yo 1.7

‏ 1 John 1

Haabo holene Bi ibu hapani henego ogo

1 Mbirale bibahende nawingi haabo holene Bi ibu hene. Iname Bi ogoni hale howabi deme hondowabi gime ela howabi tíhondo beba gilibu wia haramagoni. ^a 2 Holene ogoni hapani hayagola iname de hondowa tí langialu kama. Haabo holene ogoni ibu Abala henegobi ina de hondoloma̱ya hapani hayagobi ogoninaga lalu langerama. ^b 3 Ina Aba Iginila libuha ho gimbu bu kamadagua tíbi inaha ho gimbu bu halimulo ibugua bi layago iname hale howabi de hondowabi tí langerama. ^c 4 Turu holene tíhabi inahabi to̱lai helo iname tíhondo beba ogo gilibu wia haramagoni. ^d

Ngode Datagaliwabe ibu wá holene kago ogo

5 Yasu ibuha howa bi layago iname hale howa tí langeramago ogo. Ngode Datagaliwabe ibu wá holene kago aruma holene mbira ibuha nawiore. ^e 6 Anigo iname, Ngode Datagaliwabeha hogimbu bu kama, lalu howa aruma holenehayagi kamayagua iname bi laramagobi mana beremagobi ke̱ halu henene lolene nayi howa ko bialu kama. ^f 7 Ngode Datagaliwabe ibu wá holene kadagua inabi wá holenehayagi ibaga bu kamayagua ina Ngode Datagaliwabenaga wali agali maru heba mini mo mbiraore ho holeberama. Ani buwa ibu Igini Yasu darama pela hayagome ko bibahende birimaru domo waharagome ina ibuha ho mbiraore ho kama. ^g

8 Inaneme lalu, Ko mbira inaha nawiore kama, larimayagua Ngode Datagaliwabenaga henene lolene inaha nawi howa inane mo hondo halu kamagoni. ^h 9 Iname ko birimaru lapani harimayagua Ngode Datagaliwabehanda ibu mini tigabi howa domo waholebero layadagua domo waholebira. Mana ko bibahende birimarubi domo wahai haga ka. ⁱ Inaneme, Ko nabiore kama, larimayagua Ngode Datagaliwabenaga bi inanaga bu habaneha nawi howa bi laramagome, Ngode Datagaliwabe ibu ke̱ haga ka, larama. ^j

10

‏ 1 John 1

Haabo holene Bi ibu hapani henego ogo

Ngode Datagaliwabe ibu wá holene kago ogo

Keriso ibu inanaga biamogo biaga kago ogo