2Pe 3 | HUI | STEP | I̱naga nenege turubiru-o i̱na tíhondo beba halu mende ogoni gilibu wia harogoni. Tínaga bu miniha manda tigabi bu dai bilimulonaga mo mitangi bia halu beba kirabalini gilibu wia harugoni.

a 3.12 Pi 1.13

b 3.2Yu 17

c 3.31 Ti 4.1, 2 Ti 3.1, 2 Pi 2.10, Yu 18

d 3.4Ais 5.19, Yar 17.15, Ese 12.22, 12.27, Md 24.48, Lg 12.45

e 3.5Pig 1.6-9, Iba 33.6, Kl 1.17, Hi 11.3

f 3.6Pig 7.11, 7.21, 2 Pi 2.5

g 3.7Md 25.41, 2 Te 1.8, 2 Pi 3.10

h 3.8Iba 90.4

i 3.9Ais 30.18, Hab 2.3, Lm 2.4, 1 Ti 2.4, Hi 10.37, 1 Pi 3.20

j 3.10Md 24.29, 24.35, 24.43, Mg 13.31, Lg 12.39, 1 Te 5.2, Hi 1.11, Mo 16.15, 20.11

k 3.12Ais 34.4, Mai 1.4, 1 Ko 1.7, Ta 2.13, 2 Pi 3.10

l 3.13Ais 65.17, 66.22, Mo 21.1, 21.27

m 3.141 Ko 15.58, Pb 1.10, 1 Te 3.13

n 3.15Lm 2.4, 1 Pi 3.20, 2 Pi 3.9

o 3.16Lm 10.3, 1 Ko 15.51, 1 Te 4.15

p 3.17Mg 13.5, 13.23, 13.33, 1 Ko 10.12, Eb 4.14, 2 Pi 1.10-12

q 3.18Eb 4.15, 2 Ti 4.18, 1 Pi 2.2, Yu 25, Mo 1.6

‏ 2 Peter 3

Anduane Homogo ibu dai bulebirago ogo

1 I̱naga nenege turubiru-o i̱na tíhondo beba halu mende ogoni gilibu wia harogoni. Tínaga bu miniha manda tigabi bu dai bilimulonaga mo mitangi bia halu beba kirabalini gilibu wia harugoni. ^a 2 Ngode Datagaliwabe manalatagi haga loma bia ho henedarume bamba mbiwia halu bi lenedarubi Anduane Homogobi Pele Ngiagabi kagome bi lo wiyago tínagaabosolo agalidarume langiyagobi mitangi bu dai bilimulo hamelo ko. ^b 3 Tígua dunini ogoore ala mandabu halimu. Horo hamaro beremahayagi agali maru tinaga mini kome hame ledadagua biaganeru ha pani howa uruni tigua tí mege bulebira. Uruni tigua tí mege bialu ^c 4 au lolebira. Yasu ibu dai bulebero layabe. Ibu agoha kabe. Inanaga mamali homayangi howabi mbirale bibahende Ngode Datagaliwabehanda wabiyangi howabi wiyagobi dege wiaabo kagoni, lolebira. ^d 5 Tigua manda bibehego bua nahagago mbira ogo. Ngode Datagaliwabehanda bi layagome haribi dindibi wabini. Ani buwa dindi uruni ibaha howa wia pani helalu iba dombeneha ngelene. ^e 6 Iba ogonime dindi ogoriani henerubi winirubi bibahende namu layagola homai hene. ^f 7 Haribi dindibi áyu ngaru maha bo heda hai hole Ngode Datagaliwabe ibunaga bime dege yaniho wiaabo heleda. Wali agali Ngode Datagaliwabe mitangi nabi mo yo handaga karume biyagonaga dabalu bo wahai holene horo ibilo Ngode Datagaliwabehanda tigua biyago mo wu haabo ka. ^g

8 Ani bidago i̱naga nenege turubiru-o galone mbira ogo dege embeda nahalimu. Anduane Homogo ibugua horo mbira ogoni mali daosini mbira (1,000) ale manda bialu mali daosini mbira (1,000) ogoni horo mbira ale ogobi labolabo manda biaga ka. ^h 9 Marume manda bialu Anduane Homogo ibugua mbira bulebero lenego hendore bigi biaga kabe toba ka. Ani ndo bibahendeore bo wahai holene hame nale howabi mini beregedai helo hame lowabi ibugua tí mitangi bialu hondo haabo haga ka. ⁱ 10 Anduane Homogonaga Horo ibulebirago pageali ibiradagua ibulebira. Horo ogoningi hari daliga tula laho wiaabo halu ereba hai holebira. Ani biragola hari daligaha nibi egebi yakundibi karuni bibahende dalu do ereba haiore holebira. Ani biragola dindibi dindini mbirale ngaru bibahendebi ereba haiore holebira. ^j 11 Mbirale uruni ogonidagua bialu mo ereba haiore helolebadago manda buwa tí wali agali abi ale holene wiaruadabe. Ngode Datagaliwabenaga Horo abale ibilo hondo howa tíni tigabi howa Ngode Datagaliwabehondo loma bia hene holene nga. Horo ogoningi hari daliga dalu do ereba halu hari daligaha nibi egebi yakundibi bibahende karuni pobo gibiore biragome do elai holebira. ^k 13 Ani bulebirago Ngode Datagaliwabehanda hari gahengebi dindi gahengebi wabu ngelolebero lo wiyadagua bilo ina hondo kamagoni. Dindi gahenge ogoriani mana tigabi hangu bialu holene wulebira. ^l

Anduane Homogo dai bilo dengala howa hondo holene ngago ogo

14 Anigo i̱naga nenege turubiru-o Horo odagoni ibilo kami tambu Ngode Datagaliwabenaga deni howa mini gahenge howabi ko mbira ya do naheorebi halimu. Ani buwa Ngode Datagaliwabela mo palia ho halimu. ^m 15 Inanaga Anduane Homogo ibugua tí mitangi bialu hondo haabo kagoni irane tí pele mulene yu halimulonaga henge ngiyada manda bu halimu. Inanaga hamene turubi Polo ibugua mini gigabi wulene Ngode Datagaliwabehanda miyago wuwa ibugua ogonidagua dege tíhondo beba mbira gilibu wia hayiyagoni. ⁿ 16 Ibugua beba bibahende gili bidagoniha galone uruninaga lalu ogonidagua dege gili biaga ka. Ibugua beba gili binidaruniha bi galone maru taibi ngago wali agali mini timbuni nawibi mini bilina nahebi karume galone lolene ngadagua ndo lawai haga ka. Tigua Anduane Homogonagambugani bi lo ngarubi maru tindule dege lawai haga ka. Ani biragome tini bo waholene tinime yu anda ibaga ka. ^o

17 Ai i̱naga nenegeru-o tígua uruni abale manda biai ho kami. Tí mini bilinaho baya kamigoria howa pilalimulo mana yu tiga nabiaga karume tinaga ko biragome ndole bialu haru napelo mamage ho halimu. ^p 18 Haru polani hondowa tí Yasu Keriso inanaga Anduane Homogobi Pele Ngiagabi kagonaga biamogo bia holenebi mini timbuniwi holenehabi tí anda ho howa yangalo halimu. Ibu wá taraore holene áyubi awebi wiaaboboore wilo hamelo ko. Aniore bilo laro. ^q