Heb 3 | HUI | STEP | Keriso hameigini i̱naga hamene mbaliniru-o tí Ngode Datagaliwabehanda olo helayaruore kamigoni. Iname Ngode Datagaliwabehondo mini mbiraore wu kamagoninaga Yasuloma binigo mo miaga haguane timbuni helo Ngode Datagaliwabehanda ibu ibilenego Yasu ibuniore bayuwa mitangi bialu hami̱ya.

a 3.1Eb 4.1, Pb 3.14, Hi 4.14, 5.5, 6.20, 7.26, 8.1, 9.11, 2 Pi 1.10

b 3.2Dag 12.7

c 3.3Seg 6.12, Md 16.18

d 3.4Eb 2.10, 3.9, Hi 1.2

e 3.5Dag 12.7

f 3.6Lm 5.2, Eb 2.21-22, Kl 1.23, 1 Ti 3.15, Hi 3.14, 6.11, 1 Pi 2.5

g 3.7-11Iba 95.7-11

h 3.8Har 17.7, Dag 20.2-5

i 3.11Dag 14.21-23

j 3.14Hi 3.6

k 3.15Iba 95.7-8, Hi 3.7-8

l 3.16Man 1.1-38

m 3.16-18Dag 14.1-35

n 3.17Iba 106.26, 1 Ko 10.10, Yu 5

o 3.18Man 1.34-35, Hi 3.11

p 3.19Hi 4.6

‏ Hebrews 3

Mosese henegobi ndo Yasu ibu daligaore kago ogo

1 Keriso hameigini i̱naga hamene mbaliniru-o tí Ngode Datagaliwabehanda olo helayaruore kamigoni. Iname Ngode Datagaliwabehondo mini mbiraore wu kamagoninaga Yasuloma binigo mo miaga haguane timbuni helo Ngode Datagaliwabehanda ibu ibilenego Yasu ibuniore bayuwa mitangi bialu hami̱ya. ^a 2 Mosese ibugua Isaraele wali agali haru holene biabe bialu howa Ngode Datagaliwabehondo mini bilinaheore henedagua dege Ngode Datagaliwabehanda Yasu ibu biabe bilo dabo helenegonaga ibugua Ngode Datagaliwabehondo mini bilinahe howa biabe ogoni bialu hene. ^b 3 Anda mbira bidago hondowa agali anda ogoni biyago mini lene ka lalu anda ibuni mini lene nalabeheore nga. Ogonidagua Mosese nira helowa Yasu ibu timbuni daligaore kago ibu mini leneore helolene nga. ^c 4 Anda bu helama pedaruni agali mbirame binigo bu hama pedagoni. Ogonidagua mbirale bibahendeore Ngode Datagaliwabe ibunime wabu helai henego hai ka. ^d 5 Mosese ibu Ngode Datagaliwabenaga biabe biahaga mini bilinaheore howa ibugua wali agali haru hene. Ani haru howa ibugua Ngode Datagaliwabehanda maha lolebiraru agua lolebira lalu lamigi bialu hene. ^e 6 Anigo Keriso ibu Ngode Datagaliwabe Iginiore kago ibugua mini bilinaheore howa Ngode Datagaliwabenaga wali agali karu handa gimbu buwa haru kagoni. Iname mani bulebiragonaga mini dunubia howa mini bilinahebi hongohebi wiaabo harimayagua nde ina Ngode Datagaliwabenaga wali agaliore holeberama. ^f

Wali agali Ngode Datagaliwabenaga karu mini íbu ha̱lo birulene ngago ogo

7 Anigo Ngode Datagaliwabe Dinini ibugua bi ogodagua leda, ^{g
,} ^h

Tínaga mamali ala heneru tihondo Ngode Datagaliwabehanda bi lamialu heagola
tigua hale howa nahe tingi halu tinaga bu miniha anda polani hondowa Ngode Datagaliwabela waitigi halu hene.
Dindi ko yobi wali agali nahaga wiagoria Ngode Datagaliwabehanda ti haru heagola
tigua ibu ba handalu hene.
Ani binigo tígua nde Ngode Datagaliwabehanda tíhondo bi larago horo áyu hale harimiyagua nde tí mamalime binidagua nabilimu.
9 Ngode Datagaliwabehanda lalu,
Dindi ko o biagoria mali pira maria (40) ti haru halu i̱na bima ibiruru bibahende handai dege howa
tigua i̱ abi kabe hondole ba handalu hene.
10 Wali agali urunime ani bialu hayagola i̱na tihondo lemboore howa bi ogodagua laru,
Wali agali urume horo bibahendengi hariga koha pialu haabo halu
i̱naga bi lo wirugoni hale halu bibe manga haga karunida, laru.
11 I̱na ti hearuhondo lemboore howa bi hongohe mbira buleore lalu lowirugo, ⁱ
Wali agali uruniore i̱na dindi ti mini íbu ha̱lo birulene muleberogoria naanda polebiraore,
lalu Ngode Datagaliwabe Dinini ibugua ani lene.

12 I̱ hamene mbaliniru-o tí kamiru aria mbirali ibunaga miniha mana koore bulene ngelo howa mini mbiraore wu hayago wahalu Ngode Datagaliwabe holenehe kago erembira mialu polenego dege de hondowa mamage ho halimu. 13 Ani nabilonaga áyu ogoni howa mana ko buleneme tínaga miniha mo giambe halu mo hondo nahe ngaore Anduane Homogonagambugani bi inahondo, Áyu ogoniore, lo ngadagua tíni biamogo bia hagahaga bialuore halimu. 14 Iname pigane howa mini mbiraore wirimagoni yu wa nahe hongo howa yani ho wiaaboore halu homalu waharimayagua nde ina Keriso ibuni heba mandagi haabo holeberama. ^j

15 Anduane Homogonaga mbugani bi lo ngago ogo, ^k

Tínaga mamali ala heneru tihondo Ngode Datagaliwabehanda bi lamialu heagola
tigua hale howa nahe tingi halu tinaga bu miniha anda polani hondowa Ngode Datagaliwabela waitigi halu hene.
Ani binigo tígua nde Ngode Datagaliwabehanda tíhondo bi larago horo áyu hale harimiyagua nde tí mamalime binidagua nabilimu,
lalu gilibu nga.

16 Ngode Datagaliwabehanda wali agalihondo bi lamialu heagola tigua hale howa nahe tingi halu tinaga bu miniha anda polani hondowa Ngode Datagaliwabe waitigi halu henedaruni arumebe. Uruni ti Isaraele wali agali Iyibi dindi howa Mosesehanda haru tagira peneru bibahendeme ogonidagua bialu hene. ^{l
,} ^m 17 Ngode Datagaliwabehanda mali pira mariani (40) keba haabo halu henedagoni wali agali aru bababe. Wali agalime mana ko biaabo halu hearia Ngode Datagaliwabehanda dindi ko biagoria wali agali uruni homo paya payabi lenedaruni baba keba halu hene. ⁿ 18 Ngode Datagaliwabehanda lemboore halu bi hongo howa lo wialu lalu, Wali agali uruniore i̱na dindi ti mini íbu ha̱lo birulene muleberogoria naanda polebiraore, lalu lenego aihondo lenebe. Wali agali Ngode Datagaliwabe ibula waitigi halu hene uruni tihondoore lene. ^o 19 Irane Ngode Datagaliwabehanda tihondo bi lamiyago hale halu tigua Ngode Datagaliwabehondo mini mbiraore nawi haabo hayagola tinaga miniha mo pe nahenegome Ngode Datagaliwabehanda tinaga dindi mini íbu ha̱lo berelo ngeleagoria ubanda holene nawiniyago hendedamagoni. ^p