Heb 6 | HUI | STEP | Ani bidago iname Kerisonaga mana pigane hale holene winidagua hale harimagoni ngelowa ai mini bogabi halu mana hongohe langiraru hale halu puabo hama. Iname mana ko habane nabulene ngarunaga biabe bialu harimaru erembira mialu Ngode Datagaliwabehondo mini mbiraore wu harimagonaga tene ogoni dege lone wu holene nawi.

a 6.1-2Ab 8.14-17, 17.31-32, 19.4-5, Lm 2.16, Pb 3.12-14, Hi 5.12, 9.14

b 6.4-6Mat 12.31, Ga 3.2, Eb 2.8, Hi 10.26-27, 10.29, 10.32, 1 Pi 2.3, 2 Pi 2.20-21, 1 Yo 5.16

c 6.8Pig 3.17-18

d 6.10Lm 15.25, 2 Ko 8.4, 1 Te 1.3, 2 Te 1.6-7, 2 Ti 1.18, Hi 10.32-34

e 6.11Kl 2.2, He 3.6, 3.14

f 6.12Hi 10.36

g 6.13Pig 22.16-17

h 6.14Pig 22.16-17

i 6.16Har 22.10-11

j 6.17Lm 11.29, Hi 11.9

k 6.18Dag 23.19, 1 Sml 15.29, Hi 12.1

l 6.19LBM 16.2-3, 16.12, 16.15, Hi 9.7

m 6.20LBM 16.2-3, 16.12-15, Iba 110.4, Hi 3.1, 5.6, 5.10, 7.17, 8.1, 9.24

‏ Hebrews 6

1 Ani bidago iname Kerisonaga mana pigane hale holene winidagua hale harimagoni ngelowa ai mini bogabi halu mana hongohe langiraru hale halu puabo hama. Iname mana ko habane nabulene ngarunaga biabe bialu harimaru erembira mialu Ngode Datagaliwabehondo mini mbiraore wu harimagonaga tene ogoni dege lone wu holene nawi. ^a 2 Wali agali baboraya bu holenenagabi wali agali dabo bagi ho helararu haguaneni gi wulenenagabi wali agali homeneru heyu holebiragonagabi haabobo bu hole daba ki holenenagabi mana uruninaga lone lawai ho dai bulene nawi. 3 Ani bidago iname hatagi halu puabo hama. Ani buluma̱ya Ngode Datagaliwabe ibugua henge ngiyagua ogodagua bimi̱ya.

4 Ogonigo wali agali Yasuhondo mini mbiraore wu howa wahalu dai biyaru ti mini beregedalu lone haru dai agua bilabehebe. Uruni ti ala Ngode Datagaliwabenaga wá holenehayagi hayagobi tigua dahuliya andaga howa mbirale bame miyago dende handayagobi Ngode Datagaliwabe Dinini tiha íbu hayagoni. ^b 5 Tigua Ngode Datagaliwabe bi mana manda bu hondowa bayaledalo hendene. Ani buwa tigua mani holebiragonaga hongo ogobiore bi hongohe layago hendene. 6 Ani biaiore hayago howa tigua Yasuhondo mini mbiraore wu hayago wahalu dai biya handarimini. Wali agali uruni tigua Ngode Datagaliwabe Igini biago ira bangani lone ba para halu ibunaga mini wali agali dewa bu kagoria mo taga haragoninaga ti mini beregedelo lone haru dai bibe naheore wulebira.

7 Ngode Datagaliwabehanda dindi mo baya haragola dalu ibilalu dindi ogoniha anda poragola agali dindi ogoni alu payabu ngarume mbirale baya hangarago galone bibehe anda haragola lini do naga. 8 Anigo dindi ogoriani mamunali aniherubi datanirubi hangu anda hayagua urunime galone nabibehedagola ogoni ibu Ngode Datagaliwabenaga ha holenehayagi kagola irame dalu do ereba haiore helolebira. ^c

9 Ani anigo nenege turubiru-o iname bi ogonidagua larimayagua tí bayale bulenehayagi kami mitangi bialu kamagoni. Iname manda bialu howa tí pele minigohayagi howa turu holene bayaore yu kamilo manda buwa laramagoni. 10 Ngode Datagaliwabe ibu maruhondo gubalini halu maru handabe manga haga ndo ka. Tígua Keriso hameigini karuhondo biamogo birimigo bia ho ngamigome Ngode Datagaliwabenaga gubalini holene ogobi nga lalu walia harimi. Biabe uruni bialu kamigonaga ibugua embeda naholebira. ^d 11 Tígua Ngode Datagaliwabehanda mani mbira bulebirago lowa mini dunubia ho kamigo heneneore bia pani holebiragonaga iname hame timbuniore lo kamago tí hangu hangu kamigome Ngode Datagaliwabe gubalini timbuni howa biabe bumaro bule bilimulo hame ledama. ^e 12 Tígua áyu bialu kamigoni howa bibe manga halimulo iname hame nale kamagoni. Tígua wahalu pu ndo wali agali marume mini mbiraore wuwa ema nabi howa hibu lalu kadagua tíguabi ani dege beramigola Ngode Datagaliwabehanda mbira ngulebero lowiyago yuleberami. ^f

Ngode Datagaliwabehanda mbira biaore bulebero lowinigo ogo

13 Ngode Datagaliwabehanda Abarahamahondo mbira bulebero lowiningi ibugua mbira hongo howa lowialu bulebero lowiyago biaore bulebero lalu lamini. Bi ogoni lowule howa agali mbira Ngode Datagaliwabe ibuni timbuni mini daligawi kagobi mbira nahe ibuni hangu timbuni daliga henego ibuni mini lalu bulegobiore bi hongohe lowini. ^g 14 Ani lowa Ngode Datagaliwabehanda Abarahamahondo lalu, I̱na í̠ biamogo bialu í̠hondo aguanene dewaore ngulebero, lalu lowini. ^h 15 Abarahamahanda ema nabi howa hibu lalu ngilo lowa hondo haabo hene. Ani hondo hearia Ngode Datagaliwabehanda mbira ngulebero lalu lowiyago Abarahama ibugua mo yini. 16 Mbiralime mbira bule bi hongohe lowule howa agali ibuni kagobi ndo mende mini daligawi kagonaga mini lalu mbira bulegobi lowiaga. Ani lowiagago wali agalime bi o lowiyago mo wahole lowa bi anda nahelo mbirali biagome bi lowiyadaguore bule lowa ani biaga. ⁱ 17 Ani biagago Ngode Datagaliwabehanda bule lowiyago mani yu holebiraruhondo beregeda nabi lowiyadaguore bulebira manda bilo ibugua bi hongoheore lalu lo wiatago hene. ^j 18 Ani binigo bi kira ogoni Ngode Datagaliwabehanda bulebero lalu lowiyagobi hongo howa biaore bulebero lalu lo wiatago hayagobi bi mende lo aribia halu ibugua lahondo habe naheore ka. Anigo ina ibuha holene bayale winiyane handa walia howa kamaru ibugua inahondo ngule lowiyagoni ngiaore bulebiragonaga elahe howa ibuhondo mini dunubia holene yani ho hami̱ya. ^k 19 Ngode Datagaliwabehanda inahondo ngule lowiyagoria hole lowa iname mini dunubia ho kamagoni mbirale gendabi timbuni ema nabibeheme hende haradagua bidagola kama. Ani bidago ha do holenebi mini hana ho holenebinaga mini dunubia ho holene ogoni dahuliya andaganagaHobane Loma Bia Heneore agame hobaki bu ngagoria anda pialu pu bo ledagoni. ^l 20 Ogoriani ina mani pu holoma̱ya Yasu inanaga biamogo bia haga howa ibugua ala puwaloma binigo mo miaga haguane timbuni Melegesedege ibugua bialu henegodagua dege ibubi bialu ha ho wiaabo henego ka. ^m