Joh 16 | HUI | STEP | I̱na bi langialu harugo tígua Ngode Datagaliwabehondo mini mbiraore wu harimigo wahalu napilimulonaga langialu harugoni.

a 16.1Md 11.6, 24.10, 26.31

b 16.2Md 24.9, Lg 6.22, Yo 9.22, 9.34, Ab 8.1, 26.9-11

c 16.3Yo 15.21, Lm 10.2, 1Ko 2.8, 1Ti 1.13

d 16.4Yo 13.19, 14.29

e 16.5Yo 7.33, 13.3, 13.36, 14.28, 16.10, 16.16

f 16.6Yo 14.1, 16.22

g 16.7Yo 14.16, 14.26, 15.26, Ab 2.33, Eb 4.8

h 16.9Yo 3.18, 15.22, Ab 2.22-37

i 16.10Yo 3.14, 5.32, Ab 2.32, 5.31,Lm 4.25

k 16.11Yo 12.31, Ab 26.18, Eb 2.2, Kl 2.15, Hi 2.14

l 16.12Mg 4.33, 1Ko 3.1-2, Hi 5.12

m 16.13Yo 14.17, 14.26, 15.26, 1Yo 2.20, 2.27

n 16.15Md 11.27, Yo 3.35, 17.10

o 16.16Yo 7.33, 14.19, 16.10

p 16.21Ais 26.17

q 16.22Ais 66.14, Lg 24.41, 24.52, Yo 14.1, Ab 2.46, 1Pi 1.8

r 16.23Md 7.7, Yo 14.13, 15.16

s 16.24Yo 15.11

t 16.25Yo 10.6

u 16.27Yo 14.21-23

v 16.30Yo 2.25, 16.27, 17.8, 21.17

w 16.32Md 26.31, 26.56, Mg 14.27, Yo 8.29, 20.10

x 16.33Yo 14.27, Lm 5.1, 8.37, Eb 2.14, 2Ti 3.12, 1 Yo 4.4, 5.4

‏ John 16

1 I̱na bi langialu harugo tígua Ngode Datagaliwabehondo mini mbiraore wu harimigo wahalu napilimulonaga langialu harugoni. ^a 2 Tigua tíhondo,Ngoai hagane andaha nahe tagira puabo halimu, lalu lolebira. Horo tara mbira tagira ibulebira. Ibiragola mbirame tí bo wahalu howa ibugua i̱ Ngode Datagaliwabenaga biabe bia harogo manda bialu tí bolebira. ^b 3 Tigua i̱ Ababi i̱bi manda nabi howa ani bulebira. ^c 4 Ani bulebira larogo biragola layadagua biragonida manda bilimulo langero, lene. ^d

Ngode Datagaliwabe Dinininaga biabe ogo

I̱na ani bulebira lalu pigane biangi i̱ni tí heba harimagoyane nalangi haru. 5 Áyu ogoni i̱ pu layago karia dai buleberogo tí mbiralime i̱hondo í̠ agoha poleberebe nale kami. ^e 6 Ani polebero langirugo hale howa tínaga miniha dara timbuni ho kami. ^f 7 I̱na tíhondo heneneore laro. Tínaga koyaneorenaga i̱ pobeheore kogoni. Tí wahalu i̱ napiruyagua Biamogo Biagane larugo tí heba hole ibu naibulebira. I̱ piruyagua ibu tí heba hole ibilo pu lolebero. ^g 8 Ibu ibirangi ibugua dindini karuhondo lalu, Tígua ko bulene ogoni lalu tigabi holene ogoni lalu Ngode Datagaliwabehanda dabaki bulene ogoni lalu laga beremiligo tí kagua manda birimi, lalu lamiai holebira. 9 Tigua i̱hondo mini mbiraore nawi kagome ko bulene tene ogonida ti manda nabi ka. ^h 10 I̱ Aba karia porogola tígua i̱ lone de nahondoleberamigo tigua tigabi holene tene ogonida manda nabi ka. ⁱ 11 Wali agali dindi bibahendeni karunaga haguane kago ibugua biyagonaga Ngode Datagaliwabehanda daba ki bini ka. Tigua daba ki bulene tene ogonida manda nabi ka. ^{▼▼(16.11)Hobane ogoni bi haguane kago gilibu ngago ibu dama Heyolabe manda bilimu. Wali agali dindi bibahendeni karume Yasu homayago hale howa ibunaga godi dari haya manda biaga ka. Ani ndo. Ngode Datagaliwabe ibugua Yasu homayagonaga godi dama Heyolabela lalu dabaki binigo wayali howa dama Heyolabenaga hongo bo tongolope hene.
,} ^k

12 I̱na tíhondo bi langulene dewa yidogo tígua áyu ogoni mo yai nahabehedago. ^l 13 Ngode Datagaliwabe ogobi ka lalu heneneore lagane Dinini ibuwa ibugua tí heba howa henene lolene ogoni lalu mo walia holebira. Ibugua ibuni hangu manda bialu nalangulebira. Larane hale harago hangu langulebira. Mani bulebiragonaga agua bulebira lalu langulebira. ^m 14 Ibugua i̱naga bi mo yalu ibalu tí langulebira. Ani biragome ibugua i̱naga mini mo yaraga holebira. 15 I̱ Abanaga bibahende ngaru i̱nagabi nga. Ani ngago manda buwa i̱na lalu i̱naga ngago Ngode Datagaliwabe Dinini ibugua mo yalu ibalu tí langiai holebira laru. ⁿ

Dara holene wiaria mani turu holene wia aribia holebira, lenego ogo

16 Yasuhanda lalu, Emene howa tígua i̱ nahondoleberami. Maha halu mende emene howa i̱ hondoleberami. ^o

17 Ani layago hale howa ibunaga talima piaga marume tini degedegehondo hale haga bialu lalu, Ibugua emene howa tígua i̱ nahondoleberami layagobi maha halu mende emene howa i̱ hondoleberami layagobi ibu Aba karia polebero layagobi agi manda bialu layabe. 18 Ibugua emene howa layago agi manda buwa layabe irane ina manda nabi kama, lalu tinihondo hale haga bialu hene.

19 Tigua ibuhondo ladai bua ho heago manda buwa ibugua tihondo lalu, Tíni degedegehondo hale haga birimigo i̱na lalu emene howa tígua i̱ nahondoleberami larugobi maha halu mende emene howa i̱ hondoleberami larugobi ogoninaga ladai bua ho kamibe. 20 I̱na tíhondo heneneore laro. Ogoningi tí dugu bialu dara timbuni holeberami. Dindi mana hangu biaga karu ti turu holebira. Ndo maha tí dara ho holene embeda halu tíha turu holene wia aribia holebira. 21 Wali ibu gali taba honole biruwa tandaga bulene tu harago ibu mini burugu lalu biraga. Ibu gali taba honowa tandaga biyago embeda howa ibu gali taba hanaru lalu turu timbuni haga. ^p 22 Tíbi ogonidagua holeberami. Áyu ogoni tí dara ho holeberami. Maha tígua i̱ lone de hondowa tínaga bu miniha turu timbuni holeberami. Turu holene ogoni mbiralime mo ereba habe nahe holebira. ^q

23 Horo ogoningi howa tígua i̱hondo mbirale mbira bia naloleberami. I̱na tíhondo heneneore laro. Tígua i̱naga minini howa i̱ Abahondo mbirale mbira bia lameramidagua ibugua hale halu bulebiraore. ^r 24 Abale tígua i̱ minini howa mbirale mbira bia lalu nalamiaga harimi. Turu holene tíha to̱laiore helo áyu pigane tenuwa i̱ minini howa lamilimu, lene. ^s

Dindi mana bope halu i̱ wayali ko, lenego ogo

25 I̱na tíhondo langialu harugo bi yobage lalu langialu haru. Horo mbira tagira ibulene kaware ngago horo ogoningi howa lone bi yobage lalu ndo i̱ Aba ogobiore ka lalu latagi holebero. ^t 26 Horo ogoningi howa tígua i̱naga minini i̱ Abahondo lamuleberami. I̱na i̱ Abahondo tínaga la holebero ndo laro. 27 Ani lamuleberamigo irane i̱ Aba ibunime tí gubalini ho kagoni. Tígua i̱hondo gubalini ho kamigobi i̱ ibu kagoria henego íbu kogo manda buwa i̱hondo mini mbiraore wialu kamigobi hondowa i̱ Aba ibugua tíhondo gubalini ho ka. ^u 28 I̱ Aba kagoria howa ibalu dindi ogoria ibiru. Ai dindi ogo wahalu i̱ Aba karia dai bulebero, lene.

29 Ani layago hale howa ibunaga talima piaga biarume ibuhondo lalu, Ae. Ai yobage lalu ndo heneneore latagi haregoni. 30 Í̠na bibahende manda biai kego. Mbiralime bi larigo irane agi manda bialu laribe lalu ladai bulene nawi manda bidama. Bi o biagoni hale howa í̠ Ngode Datagaliwabe kagoria howaore ibini ke manda buwa iname í̠hondo mini mbiraore wu kama, lene. ^v

31 Yasuhanda tihondo ladai bialu lalu, Tí mini mbiraore wu kama larimibe. 32 Horo mbira tagira ibulene kaware ngago ogoningi tí bibahende tíni ala haramiligoha pugupugu bilimulo bo talia togo lolebira. Talia togo laragola i̱ hangu helo wahalu tí ibida pugupugu buleberami. Ani beremigola i̱ hangu ndo holebero. I̱ Aba iya haru holeberaba. ^w 33 I̱na agua bulebira lalu langirugo i̱ha tí ho gimbu bu howa mo palia holene yu halimulonaga langiru. Dindi mana hangu biaganerume tí mo tandaga holebirago ani bilo tí elahe halimu. I̱na dindi mana bibahende bope halu i̱ wayali hene kogoni, lene. ^x